KJLC

အင်္ဂလိပ် Diphthong [~ ဒစ်ဖ်သော့-င်] အသံ

ဒီအသံအမျိုးအစားဟာ မြန်မာတွေအတွက် သတိထားစရာ ဖြစ်ပါတယ်။
အင်္ဂလိပ်အသံတွေထဲမှာ Diphthong [~ ဒစ်ဖ်သော့-င်] ဆိုတာက သရသံ (၂)သံပေါင်းပြီး ထွက်တဲ့ အသံပါ။ နှစ်သံပေါင်းပြီး တစ်သံတည်းထွက်တယ်ဆိုတာမျိုးက ဥပမာ- တ + ရိ = တြိ ၊ န + ယူး = နြူး ဆိုတာမျိုးတွေပါ။ သရသံ(၂)ကို ပေါင်းပြီး တစ်သံတည်း ထွက်ယူတဲ့ အသံကို Diphthong [~ ဒစ်ဖ်သော့-င်] လို့ သတ်မှတ်ပါတယ်။

လေ့လာတွေ့ရှိရသလောက် အင်္ဂလိပ် Diphthong [~ ဒစ်ဖ်သော့-င်] တွေရဲ့အသံဟာ မြန်မာတွေအတွက် အခက်အခဲရှိတဲ့ အသံတွေပါပဲ။ မြန်မာမှာ ရှိလေ့ရှိထ မဖြစ်တဲ့ အသံတွေပါ။ အချို့အသံတွေဟာ မရှိဘူး၊ အချို့အသံတွေကျတော့ ဆင်တူတဲ့အသံရှိပေမဲ့ ဆင်တူတာပဲ ဖြစ်ပြီး ထပ်တူမကျဘူး။ အကုန်ချုပ်လိုက်ရင်တော့ Diphthong [~ ဒစ်ဖ်သော့-င်] အသံတွေဟာ မြန်မာမှာ မရှိဘူးလို့ ဆိုနိုင်ပါတယ်။

(၁) လုံးဝမရှိတဲ့အသံအမျိုးအစား

/ ɪə / sound - ဒီအသံက ‘အစ်’နဲ့ ‘အ’နဲ့ သရ(၂)သံပေါင်းပြီး အစ်+အ > အီးအာအသံမျိုး ထွက်လာတယ်။ မြန်မာစာမှာ မရှိဘူး (မြန်မာမှာ သရသံ၂ခုပေါင်းသံ မရှိဘူး)

/ eə / sound - ဒီအသံက ‘အက်’နဲ့ ‘အ’ နဲ့ သရ(၂)သံပေါင်းပြီး အက်+အ > အဲအာအသံမျိုး ထွက်လာတယ်။ မြန်မာစာမှာ မရှိဘူး (မြန်မာမှာ သရသံ၂ခုပေါင်းသံ မရှိဘူး)

/ʊə/ sound - ဒီအသံက ‘အွပ်’နဲ့ ‘အ’ နဲ့ သရ(၂)သံပေါင်းပြီး အွပ်+အ > အွပ်အာအသံမျိုး ထွက်လာတယ်။ မြန်မာစာမှာ မရှိဘူး (မြန်မာမှာ သရသံ၂ခုပေါင်းသံ မရှိဘူး)

(၂) ဆင်တူတာပဲရှိပြီး ထပ်တူမကျတဲ့ အသံအမျိုးအစား

/ aʊ / sound - ဒီအသံက မြန်မာမှာမရှိတဲ့ ပါးစပ်ဖြဲသံ‘အက်’နဲ့ ‘အွပ်’နဲ့ သရ(၂)သံပေါင်းပြီး အက်+အွပ် > အောင်း အသံမျိုးထွက်လာတယ်။ မြန်မာ အောင်း နဲ့ ဆင်တူတယ်။ ထပ်တူမကျဘူး။ မြန်မာမှာ သရသံ၁ခုနဲ့ထွက်တာဖြစ်ပြီး အင်္ဂလိပ်မှာ သရသံ၂ခုပေါင်းသံဖြစ်တယ်။ (မြန်မာမှာ သရသံ၂ခုပေါင်းသံ မရှိဘူး)

/ əʊ / sound - ဒီအသံက ‘အ’နဲ့ ‘အွပ်’နဲ့ သရ(၂)သံပေါင်းပြီး အ+အွပ် > အိုး အသံမျိုးထွက်လာတယ်။ မြန်မာ အိုး နဲ့ ဆင်တူတယ်။ ထပ်တူမကျဘူး။ မြန်မာမှာ သရသံ၁ခုနဲ့ထွက်တာဖြစ်ပြီး အင်္ဂလိပ်မှာ သရသံ၂ခုပေါင်းသံဖြစ်တယ်။ (မြန်မာမှာ သရသံ၂ခုပေါင်းသံ မရှိဘူး)

/ eɪ / sound - ဒီအသံက ‘အက်’နဲ့ ‘အစ်’နဲ့ သရသံ(၂)ပေါင်းပြီး အက်+အစ် > အေး အသံမျိုးထွက်လာတယ်။ မြန်မာ အေး နဲ့ ဆင်တူတယ်။ ထပ်တူမကျဘူး။ မြန်မာမှာ သရသံ၁ခုနဲ့ထွက်တာဖြစ်ပြီး အင်္ဂလိပ်မှာ သရသံ၂ခုပေါင်းသံဖြစ်တယ်။ (မြန်မာမှာ သရသံ၂ခုပေါင်းသံ မရှိဘူး)

/ ɔɪ / sound - ဒီအသံက ‘အော’နဲ့ ‘အစ်’နဲ့ သရသံ(၂)ပေါင်းပြီး အော+အစ် > အွိုင်း အသံမျိုးထွက်လာတယ်။ မြန်မာ အွိုင်း နဲ့ ဆင်တူတယ်။ ထပ်တူမကျဘူး။ မြန်မာမှာ သရသံ၁ခုနဲ့ထွက်တာဖြစ်ပြီး အင်္ဂလိပ်မှာ သရသံ၂ခုပေါင်းသံဖြစ်တယ်။ (မြန်မာမှာ သရသံ၂ခုပေါင်းသံ မရှိဘူး)

/ aɪ / sound - ဒီအသံက ‘အား’နဲ့ ‘အစ်’နဲ့ သရသံ(၂)သံပေါင်းပြီး အား+အစ် > အိုင်း အသံမျိုးထွက်လာတယ်။ မြန်မာ အိုင်း နဲ့ ဆင်တူတယ်။ ထပ်တူမကျဘူး။ မြန်မာမှာ သရသံ၁ခုနဲ့ထွက်တာဖြစ်ပြီး အင်္ဂလိပ်မှာ သရသံ၂ခုပေါင်းသံဖြစ်တယ်။ (မြန်မာမှာ သရသံ၂ခုပေါင်းသံ မရှိဘူး)

အချုပ်ဖော်ပြချက်

/ ɪə / sound အစ်+အ အီးအာ အသံမျိုး မြန်မာစာတွင်မရှိ မြန်မာ - သရသံ၂ခုပေါင်းသံ မရှိ

/ eə / sound အက်+အ အဲအာ အသံမျိုး မြန်မာစာတွင်မရှိ မြန်မာ - သရသံ၂ခုပေါင်းသံ မရှိ

/ʊə/ sound အွပ်+အ အွပ်အာ အသံမျိုး မြန်မာစာတွင်မရှိ မြန်မာ - သရသံ၂ခုပေါင်းသံ မရှိ

/ aʊ / sound အက်*+အွပ် အောင်းအသံမျိုး မြန်မာ အောင်း နှင့် ဆင်တူ မြန်မာ - သရသံ၁ခု , အင်္ဂလိပ် - သရသံ၂ခုပေါင်းသံ

/ əʊ / sound အ+အွပ် အိုး အသံမျိုး မြန်မာ အိုး နှင့် ဆင်တူ မြန်မာ - သရသံ၁ခု , အင်္ဂလိပ် - သရသံ၂ခုပေါင်းသံ

/ eɪ / sound အက်+အစ် အေး အသံမျိုး မြန်မာ အေး နှင့် ဆင်တူ မြန်မာ - သရသံ၁ခု , အင်္ဂလိပ် - သရသံ၂ခုပေါင်းသံ

/ ɔɪ / sound အော+အစ် အွိုင်း အသံမျိုး မြန်မာ အွိုင်း နှင့် ဆင်တူ မြန်မာ - သရသံ၁ခု , အင်္ဂလိပ် - သရသံ၂ခုပေါင်းသံ

/ aɪ / sound အား+အစ် အိုင်း အသံမျိုး မြန်မာ အိုင်း နှင့် ဆင်တူ မြန်မာ - သရသံ၁ခု , အင်္ဂလိပ် - သရသံ၂ခုပေါင်းသံ

မှတ်ချက်

(၁) /ʊə/ sound - ဆိုတဲ့ Diphthong [~ ဒစ်ဖ်သော့-င်] အသံကို အခုခေတ်မှာ အများအားဖြင့် ပြောလေ့မရှိတော့အတွက် သင်ရိုးအချို့မှာ အဲဒီအသံကို နုတ်ပယ်ထားတယ်။
* Ref; British English Phonetic Transcription by Paul Carley and Inger M. Mees
First published 2021 by Routledge, Taylor & Francis Group, LODON AND NEW YORK
Part A, (Page 37) - 8 The near /ɪə/ and cure /ʊə/ Vowels, 8.2 The Cure /ʊə/ Vowel:
‘More and more words which traditionally had the cure /ʊə/ vowel are now pronounced with the thought /ɔː/ vowel, especially at the end of words, and for some speakers the cure /ʊə/ vowel might not exist at all.’

(၂) ဒီအသံတွေအပြင် မြန်မာမှာ မရှိတဲ့ အခြားသံတွေ (Diphthong [~ ဒစ်ဖ်သော့-င်] အသံ မဟုတ်တဲ့ အခြားအသံတွေ) ကျန်ပါသေးတယ်။

Diphthong [~ ဒစ်ဖ်သော့-င်] အသံတွေဟာ မြန်မာမှာ မရှိဘူးလို့ ဆိုနိုင်တဲ့အတွက် မြန်မာတွေ အသံထွက်တဲ့အခါ အခက်အခဲတွေ အလွဲတွေ ရှိလာပါတယ်။ အင်္ဂလိပ် Diphthong [~ ဒစ်ဖ်သော့-င်] အသံကို မြန်မာတွေက အဆင်ပြေသလိုထွက်ကြတဲ့အခါ ဒါမှမဟုတ် ဆင်တူတာတွေနဲ့ အဆင်ပြေသလို ထွက်ကြတဲ့အခါ အသံမှန်နဲ့ လွဲကုန်တာမျိုး ဖြစ်ကုန်တယ်။ အင်္ဂလိပ်အသံထွက်ကို စနစ်တကျလေ့လာလိုက်ရင် ဒီလို သတိထားစရာတွေ တွေ့နိုင်ပါတယ်။

🟥 K J ⬛️

what (ဘာလဲ) ဆိုတဲ့ အင်္ဂလိပ်စကားလုံးကို မြန်မာအများစုဟာ
wh အတွက် 'ဝှ / ဝ ' ဆိုတဲ့ အသံကိုယူပြီး at အတွက် 'အက်' ဆိုတဲ့ အသံကိုယူပြီး ထွက်လိုက်တဲ့အခါ 'ဝှ+အတ်' = 'ဝှက်' ဒါမှမဟုတ် 'ဝ+အတ်' = 'ဝက်' ဆိုတဲ့ အသံကို ထွက်လေ့ရှိကြတယ်။

မှားလားဆိုတော့ မမှားဘူး၊ မှန်လားဆိုတော့လဲ မှန်တယ် မဟုတ်ပြန်ဘူး။

ဗြိတိသျှအသံထွက်အနေနဲ့ဆို
what /wɒt/ လို့ အသံထွက်ကို ဖော်ပြတာဖြစ်တဲ့အတွက် 'ဝေါ့ထ်' ဆိုတဲ့ အသံထွက်ပါတယ်

အမေရိကန်အသံထွက်အနေနဲ့ဆို
what /wʌt/ လို့ အသံထွက်ကို ဖော်ပြတာဖြစ်တဲ့အတွက် 'ဝှက်ထ်' ဆိုတဲ့အသံကို လျှာခြွတဲ့ 'အက်' အသံနဲ့ ထွက်ပါတယ်။ လျှာခြွတဲ့ 'အက်' အသံဟာ မြန်မာအသံ ရိုးရိုးထွက်တဲ့ 'အက်'ဆိုတဲ့ အသံနဲ့ ခပ်ဆင်ဆင်ဖြစ်ပေမဲ့ ကွဲလွဲပါတယ်။

'/s/ အသံနဲ့ /z/အသံ သဘောတရား'

1: / s / sound (‘စ’ အသံ)

မြန်မာတွင်ရှိသော ‘စ’ အသံ ဖြစ်သည်။ အသံထွက်အက္ခရာအားဖြင့် / s / ဖော်ပြရေးသားသည်။ / s / အသံကို ထွက်သည့်အခါ လည်ချောင်းအတွင်း တုန်ခါမှု မရှိ။ တုန်ခါမှုမရှိသည့်အသံကို unvoiced ဟု ခေါ်သည်။

အရှေ့တွင် /s/သံ ပါဝင်သည့် ဥပမာ စကားလုံးများ
some /sʌm/ (မြန်မာလိုအနီးစပ်ဆုံးစာဖြင့် စက်မ်)
school /skuːl/(မြန်မာလို အနီးစပ်ဆုံးစာဖြင့် စခူးလ်)
still /’stɪl/(မြန်မာလို အနီးစပ်ဆုံးစာဖြင့် စထစ်လ်)
state /steɪt/ (မြန်မာလို အနီးစပ်ဆုံးစာဖြင့် စထေးထ်)

အလယ်တွင် /s/သံ ပါဝင်သည့် ဥပမာ စကားလုံးများ
just /dʒəst/ (မြန်မာလို အနီးစပ်ဆုံးစာဖြင့် ဂျ-စ်ထ်)
first /fɜːst
/ (မြန်မာလို အနီးစပ်ဆုံးစာဖြင့် ဖားစ်ထ် - /ဖ/ကို ထွက်ရာတွင် သွားနှင့် အောက်နှုတ်ခမ်းထောက်၍ ထွက်သည်၊ ထိုသို့ထွက်သည့် ‘ဖ’ကို ဖားဟု ထွက်ရာတွင် သရသံဖြစ်သည့်“အား”ကို လျှာခြွ၍ ထွက်သည်)
last /lɑːst/ (မြန်မာလို အနီးစပ်ဆုံးစာဖြင့် လားစ်ထ်)

last /lɑːst/ (မြန်မာလို အနီးစပ်ဆုံးစာဖြင့် လားစ်ထ်)

နောက်ဆုံးတွင် /s/သံ ပါဝင်သည့် ဥပမာ စကားလုံးများ
this /ðɪs/ (မြန်မာလို အနီးစပ်ဆုံးစာဖြင့် ဿစ်-စ်)
us /əs/ (မြန်မာလို အနီးစပ်ဆုံးစာဖြင့် အ-စ်)
place /pleɪs/ (မြန်မာလို အနီးစပ်ဆုံးစာဖြင့် ဖလေးစ်)
case /keɪs/ (မြန်မာလို အနီးစပ်ဆုံးစာဖြင့် ခေးစ်)

2: / z / sound (‘ဇ’ အသံ)

မြန်မာတွင်ရှိသော ‘ဇ’ အသံ ဖြစ်သည်။ အသံထွက်အက္ခရာအားဖြင့် / z / ဖော်ပြရေးသားသည်။ / z / အသံကို ထွက်သည့်အခါ လည်ချောင်းအတွင်း တုန်ခါမှု ရှိသည်။ တုန်ခါမှုရှိသည့်အသံကို voiced ဟု ခေါ်သည်။

အရှေ့တွင် /z/သံ ပါဝင်သည့် ဥပမာ စကားလုံးများ
zone /zəʊn/ ((မြန်မာလို အနီးစပ်ဆုံးစာဖြင့် ဇိုးန်)
zoo /zu:/ (မြန်မာလို အနီးစပ်ဆုံးစာဖြင့် ဇူး)

အလယ်တွင် /z/သံ ပါဝင်သည့် ဥပမာ စကားလုံးများ
business /ˈbɪznəs/ (မြန်မာလို အနီးစပ်ဆုံးစာဖြင့် ဘစ်ဇန-စ်)
president /ˈprezədənt/ (မြန်မာလို အနီးစပ်ဆုံးစာဖြင့် ဖရက်ဇဒ-န်ထ်)
result /rɪˈzʌlt/ (မြန်မာလို အနီးစပ်ဆုံးစာဖြင့် ရစ်ဇက်လ်ထ်)
reason /ˈriːzən/ (မြန်မာလို အနီးစပ်ဆုံးစာဖြင့် ရီးဇ-န်)

နောက်ဆုံးတွင် /s/သံ ပါဝင်သည့် ဥပမာ စကားလုံးများ
use /juːz/ (မြန်မာလို အနီးစပ်ဆုံးစာဖြင့် ယူးဇ်)
those /ðəʊz/ (မြန်မာလို အနီးစပ်ဆုံးစာဖြင့် ဿိုးဇ်)
size /saɪz/ (မြန်မာလို အနီးစပ်ဆုံးစာဖြင့် စိုင်းဇ်)
lose /luːz/ (မြန်မာလို အနီးစပ်ဆုံးစာဖြင့် လူးဇ်)

/ s / sound (‘စ’ အသံ) နှင့် / z / sound (‘ဇ’ အသံ) ထွက်လာစေရန် ပါးစပ်အတွင်း အလုပ်လုပ်ပုံမှာ တူညီသော်လည်း လည်ချောင်းအတွင်း တုန်ခါမှု ပါဝင်ခြင်း ရှိမရှိမှာ ကွဲပြားသည်။ / s / sound (‘စ’ အသံ) သည် တုန်ခါမှု မရှိ၍ / z / sound (‘ဇ’ အသံ) သည် တုန်ခါမှုရှိသည်။ နည်းပညာသဘောြဖင့် / s / sound (‘စ’ အသံ) သည် unvoiced ဖြစ်၍ / z / sound (‘ဇ’ အသံ) သည် voiced ဖြစ်သည်။

စကားလုံးတစ်ခုချင်းစီတွင် ကွဲပြားစွာ သိနိုင်သော်လည်း ဝါကျတစ်ခုလုံးအနေဖြင့် ပြောဆိုသည့်အခါ မြန်မာအချို့အတွက် / s / sound (‘စ’ အသံ)နှင့် / z / sound (‘ဇ’ အသံ)ကို ကွဲကွဲပြားပြား နားဖမ်းရခက်သည့် အခြေအနေမျိုး ဖြစ်တတ်သည်။

ဥပမာ -
What’s the price? / s / What’s the prize? / z /
Police! Come here. / s / Please! Come here. / z /

'/s/ အသံနဲ့ /z/အသံ သဘောတရား'မှာ ထိုသို့ဖြစ်သည်။

🟥KJLC⬛️
Learn for a Better Life.

EPC-B322 အတန်းခွဲနှစ်ခုသို့ တက်ရောက်နေသော လေ့လာသူများအနက် အချို့မှာ

- အရေးပေါ် အခြေအနေများကြောင့်လည်းကောင်း
- လျပ်စစ်မီးပြတ်တောက်မှုများကြောင့်လည်းကောင်း
- မလွဲရှောင်သာသော ကိစ္စရပ်တချို့ကြောင့်လည်းကောင်း

- အတန်းချိန် မပြီးဆုံးခင် ထွက်ခွာရခြင်း။
- အတန်းချိန် အချို့ကို ပျက်ကွက်ရခြင်း။
စသည်တို့ ဖြစ်ပေါ်လျက်ရှိရာ

ထိုလေ့လာသူများအတွက် လွတ်သွားသည့် သင်ခန်းစာများ ချိတ်ဆက်မိစေနိုင်ရန်အတွက် အကျဥ်းချုံး စုစည်းပို့ချပေးနိုင်ရန် အစီအစဥ်တစ်ရပ် ရေးဆွဲနေပါသည်။

ထိုအကျဥ်းချုံးသင်ကြားမှုသည် ပုံမှန်သင်ကြားမှုကဲ့သို့ အနုစိတ် မဖြစ်နိုင်သော်လည်း သင်ခန်းစာ လုံးဝလွတ်သွားရသူများအတွက် အတိုင်းအတာတစ်ခုအထိ အကျိုးဖြစ်ထွန်းမည်ဟု မျှော်လင့်ပါသည်။

🟥 KJLC ⬛️
Learn for a Better Life

#အင်္ဂလိပ်စာ #အသံထွက် #သင်တန်း
မတ်လ (၁)ရက်နေ့ စတင်ပါမည်။ ( 1.3.2022 )

တစ်ပတ်လျှင် ၄-ရက်၊ တစ်ရက်လျှင် ၁-နာရီ နှုန်းဖြင့်
#အခြေခံအဆင့် (၃) လ သင်တန်းကို Zoom ဖြင့် အွန်လိုင်းမှ သင်ကြားလေ့ကျင့်ပါမည်။

တစ်ရက်လျှင် တန်းခွဲ ၃-ခု ရှိသည့်အနက်
မိမိအားလပ်သည့် အချိန်နှင့် ကိုက်ညီသော တန်းခွဲတွင်
#နေ့စဥ် #ပြောင်းလဲ၍ တက်ရောက်နိုင်ပါသည်။

ℹ️ နေ့လည် ၄း၀၀ - ၅း၀၀ (တန်းခွဲ A)
ℹ️ ညနေ ၆း၀၀ - ၇း၀၀ (တန်းခွဲ B)
ℹ️ ည ၈း၀၀ - ၉း၀၀ (တန်းခွဲ C)

သင်တန်းကြေး - တစ်လ - နှစ်သောင်း ဖြစ်ပါတယ်။

✅အသက်အရွယ် ကန့်သတ်ချက် - အသက် ၁၂ နှစ်နဲ့ အထက်ဖြစ်ရပါမည်
✅ပညာအရည်အချင်း ကန့်သတ်ချက် - အခြေခံ အင်္ဂလိပ်စကားလုံးများ သိရှိသူ ဖြစ်ရပါမည်

သင်ကြားလေ့ကျင့်လိုသူများ/အပ်နှံလိုသူများ
ဤ Page ၏ Messenger မှ တဆင့် စာရင်းပေးသွင်းနိုင်ပါပြီ။

Learn for a better life.
KJLC