01/09/2026
بەخێربێن بۆ ساڵی نوێی خوێندن
(٢٠٢٦–٢٠٢٧)
بە بۆنەی دەستپێکردنی ساڵی نوێی خوێندنەوە، گەرمترین پیرۆزبایی و دەستخۆشی ئاراستەی هەموو مامۆستایان، خوێندکاران و دایک و باوکان دەکەین، و هیوادارین ساڵێکی پڕ لە سەرکەوتن، زانست، بەرهەم و دڵخۆشی بێت بۆ هەمووان.
لە شانیشینی یەکگرتوو، خوێندنگاکان لە هەمان کات ناکرێنەوە، بەڵکو بە پێی بڕیاری هەر خوێندنگا و ناوچەیەک، شارەوانیەک بەرواری دەستپێکردنیان جیاوازە. لە سەرەتای ئەیلوولەوە 1/9 مامۆستایان بۆ ئامادەکاریی ساڵی نوێ دەگەڕێنەوە خوێندنگاکانیان ،خوێندکارانیش بە پێی پۆل و خوێندنگاکەیان لە بەرواری جیاواز دەست بە خوێندن دەکەن، بە جۆرێک کە لە هەفتەی داهاتووەوە زۆربەی خوێندنگاکان بە تەواوی دەست بە وانەوتنەوە دەکەن. بۆیە داوا لە دایک و باوکان دەکرێت بەرواری فەرمی دەستپێکردنی خوێندنگای منداڵەکانیان لەگەڵ خوێندنگا پشتڕاست بکەنەوە و ئاگاداری هەموو پەیام و ڕێنماییەکانیان بن.چاوتان لەسەر نامە و ئیمەلتان بێت
ڕێنمایی بۆ خوێندکاران
بۆ بەدەستهێنانی باشترین ئەنجام، باشترە خوێندکاران لە شەوی پێش خوێندن جانتا و پێداویستییەکانیان ئامادە بکەن، لە کاتی خۆی بخەون و بەیانی بە باشی ئامادە بن. پێویستە کاتی وانە و ئەرکەکانیان ڕێکبخەن، بە وردی گوێ لە مامۆستا بگرن و ئەگەر شتێک تێنەگەیشتی بە ئازادی پرسیار بکەن لە مامۆستاکانتان هەروەها هەوڵ بدەن هەموو ڕۆژێک شتێکی نوێ فێرببن.
کلیلی سەرکەوتن هاتیەوە ماڵەوە پشوویەک وەربگریت دەست بە وانەکانی ڕۆژانەت بکەیت و هەفتانەش بگەڕێتەوە سەر ئەو وانانەی کەلەپێشتر خوێندوتە
ڕێنمایی بۆ دایک و باوکان
پشتگیریی دایک و باوک بنەمای سەرکەوتنی منداڵە. پێویستە بەردەوام لەگەڵ منداڵەکەتان گفتوگۆ بکەن و لێان بپرسن چۆن ڕۆژەکەیان لە خوێندنگا بەسەر بردووە و چی فێربووە، هەروەها بەدواداچوون بۆ ئەرکی ماڵەوە و پێشکەوتنی خوێندنی بکەن بێ ئەوەی فشارێکی زۆر لەسەر منداڵەکە دروست بکەن. پەیام و ئاگادارکردنەوەکانی خوێندنگا بە وردی بخوێننەوە و لە هەر گۆڕانکارییەک ئاگادار بن، و ئەگەر منداڵەکەتان لە خوێندن یان پەیوەندییە کۆمەڵایەتییەکاندا کێشەیەکی هەبوو، بە ئارامی لەگەڵ مامۆستا و خوێندنگا گفتوگۆ بکەن. لەبیرتان نەچێت کە توانای منداڵەکانتان لەگەڵ منداڵانی تر بەراورد مەکەن، چونکە هەر منداڵێک توانایی و خێرایی فێربوونی تایبەتی خۆی هەیە و گرنگترین کارتان ئەوەیە پشتگیرییان بکەن، هانیان بدەن و باوەڕیان پێ ببەخشن.
بەهیوای سەرکەوتن بۆ هەموولایەک
ساڵی نوێی خوێندنتان پیرۆز بێت
براتان
سۆران وەهاب
07788263019
ڕۆژانە لە دووشەم تا هەینی سەعات
٢:٣٠ بۆ ٣:٣٠ تەلەفۆنم کراوەیەوە بۆ هەربابەتێکی پەروەردەیتان
