Academi Hywel Teifi

05/10/2026

🤩 Diwrnod Agored i Israddedigion 👇
📅 Dydd Sadwrn, 17eg Hydref
⏰ 9am-4pm

Dewch draw i Brifysgol Abertawe i'n gweld ni ar 17eg Hydref.

Yn ystod y Diwrnod bydd cyfle i chi ymweld â staff Academi Hywel Teifi yn y Sesiwn Galw Heibio Cymraeg yn Adeilad Techniwm Digidol ar gampws Singleton i glywed mwy am y ddarpariaeth Gymraeg a'r cyfleoedd sydd ar gael i fyfyrwyr cyfrwng Cymraeg! Bydd hefyd stondin Academi Hywel Teifi yn yr Hwb Gwybodaeth ar Gampws y Bae.

Cofiwch gofrestru yma 👇
https://www.swansea.ac.uk/cy/diwrnodau-agored/

Dim ond pythefnos sydd tan ein Diwrnod Agored ym mis Hydref! 🎉

Dere i archwilio ein campysau, cwrdd â staff a myfyrwyr, a chael blas ar fywyd ym Mhrifysgol Abertawe.

🚆 Rydym ni hefyd yn cynnig cymorth teithio a gostyngiadau i helpu i wneud dy ymweliad yn fwy fforddiadwy.

🔗Cadwa dy le a dechrau cynllunio dy ddiwrnod: swan.ac/cynllunia-dy-ddiwrnod

24/09/2026

📢 SWYDD NEWYDD (MAMOLAETH tan 19 Rhagfyr 2026) 📢
Cynorthwy-ydd Gwybodaeth ac Ymholiadau - Cyfnod Mamolaeth

Cyflog: £25,107 i £26,093 y flwyddyn
Lleoliad: Campws Singleton, Abertawe
Dyddiad Cau: 3 Hydref 2026

Rydym yn chwilio am Gynorthwy-ydd Gwybodaeth ac Ymholiadau i ymdrin ag ymholiadau cyffredinol gan aelodau'r cyhoedd tan 19 Rhagfyr 2026 i ddechrau cyn gynted â phosib.

MANYLION YMA ⬇️

14/09/2026

Mae'r ddolen i gofrestru ar gwrs Creu ar Gynghanedd 26-27 yn fyw!

Dewch i roi cynnig ar farddoni dan arweiniad y Prifardd Robat Powell. Croeso cynnes i'r rhai sy'n deall rhywbeth am y gynghanedd yn barod, ond croeso hefyd i'r rhai sydd am ddechrau dysgu.

Cofrestrwch nawr: https://dysgucymraeg.cymru/dysgu/cwrs/fdf89d90-d190-f111-93b3-ed114d0ab29e/

10/09/2026

Wylioch chi ar S4C neithiwr? Wel mae dau o’r athrawon newydd gymhwyso wedi ennill eu cymhwyster dysgu ar gwrs TAR Prifysgol Abertawe 💫

Dysgwraig yw Jeanne Audren de Kedrel o Lydaw sydd nawr yn athrawes Ffrangeg a Sbaeneg yn Ysgol Gymraeg Bro Dur ac mae Lowri Whitrow yn ferch leol sydd hefyd yn dysgu yn Ysgol Bro Dur fel athrawes Gymraeg!

Gwyliwch ar BBC iPlayer neu /Clic i ddilyn eu blwyddyn gynta’ yn y swydd 🤩

03/09/2026

Swydd newydd yn cael ei hysbysebu gan Learn Welsh Swansea Bay Region / Dysgu Cymraeg Ardal Bae Abertawe

Os ydych chi'n chwilio am gyfle newydd i ddefnyddio a hyrwyddo’r Gymraeg, rhowch gynnig arni!

Mae Dysgu Cymraeg - Ardal Bae Abertawe yn dymuno penodi Tiwtor Gweithluoedd i ddarparu gwersi Cymraeg

01/09/2026

Rhyddhawyd rhifyn newydd o Arwain, newyddlen Prifysgol Abertawe yn Cylchgrawn Golwg, yn ystod Eisteddfod Genedlaethol y Garreg Las eleni. Mae'r atodiad arbennig hwn yn llawn straeon am ddatblygiadau diweddaraf y Brifysgol gan gynnwys llwyddiannau ein staff a'n myfyrwyr cyfrwng Cymraeg ynghyd â hanes yr Athro Siwan Davies yn ennill Medal Wyddoniaeth Eisteddfod Genedlaethol Cymru.

Mae'r rhifyn bellach ar gael ar ein wefan, dyma ddolen i'r atodiad 👇
https://www.swansea.ac.uk/media/arwain-abertawe-2026-PRESS.pdf

01/09/2026

Mor braf yw hi i edrych nôl ar Eisteddfod y Garreg Las - dyma gyfle i hel atgofion am ein hwythnos brysur yn Llantwd gyda’n halbwm lluniau!

Explore this photo album by Swansea University on Flickr!

01/09/2026

Rhowch gynnig arni!

Mae Dysgu Cymraeg - Ardal Bae Abertawe (DCABA) yn chwilio am unigolion brwdfrydig i ymuno â'n tîm o diwtorion iaith.

07/08/2026

Yn ein sesiwn olaf yn y Babell Lên, dan gadeiryddiaeth Beti George, trafododd Cleif Harpwood, Meinir Mathias ac Euros Lewis ymateb celfyddyd i’r newid ieithyddol a chymdeithasol yn y Gorllewin. Sgwrsiwyd am y frwydr i amddiffyn cymdogaeth a’r heriau sy’n dod yn sgil esblygiad cymunedau. Soniodd y panel am eu dyhead i fyw bywyd yn y Gymraeg, a’r ymdrechion i uno cymdeithas er mwyn cyfrannu at fywyd Cymraeg, pwysigrwydd rhannu diwylliant, celfyddyd, cerddoriaeth a hanes lleol gyda’r genhedlaeth nesaf er mwyn creu balchder, bwrlwm a hunaniaeth glir yn eu cynefin, eu hiaith a’u gwlad.

Sesiwn olaf arbennig. Diolch am y croeso Eisteddfod y Garreg Las 🏴󠁧󠁢󠁷󠁬󠁳󠁿👏🏻

07/08/2026

Yn cloi sesiynau Prifysgol Abertawe yn y Babell Lên eleni bydd sesiwn arbennig 'Tua'r Gorllewin' gyda Beti George yn trafod sut y mae celfyddyd yn ymateb i newid cymdeithas a cholli iaith yn y gorllewin, gyda Cleif Harpwood, Meinir Mathias ac Euros Lewis.

Hefyd ar y Maes:
Yr Athro Andrew Davies yn cymryd rhan mewn trafodaeth banel gydag awduron y gyfrol: Chwarter Canrif o Addysgu Ddatganoledig yng Nghymru
📍Stondin Llwyfan Llyfrau, Pentref Llên
🕥 10:30

Yr Athro Gwynedd Parry yn cymryd rhan mewn noson i gofio'r cerddor Meirion Williams fu farw 50 mlynedd yn ôl i eleni.
📍Encore
🕢19:30