12/09/2026
"ታላቁ የኢትዮጵያ ህዳሴ ግድብ ከሀይድሮ ኤሌክትሪክ ፕሮጀክትነት በላይ ነው። የአፍሪካውያን የልማት ፍላጎት፣ የአፍሪካ ካፒታል እና ቀጣናዊ ትብብር ምን ሊያመጣ እንደሚችል የሚያሳይ ማረጋገጫ ሲሆን፣ አወዛጋቢ ሊሆን የሚችለን ሀብት ወደ የጋራ ብልጽግና ምንጭነት ለመቀየር የሚያስችል እድልም ነው።
ታላቁ የኢትዮጵያ ህዳሴ ግድብ በዘመናችን ካሉት ታላላቅ የአፍሪካ ታሪኮች አንዱ ተደርጎ ሊታይ ይችላል......" በማለት ዘገባውን የጀመረው ታይም (TIME Africa) መጽሔት “THE POWER TO UNITE AFRICA” በሚል ርዕስ ባወጣው የሽፋን ታሪክ ላይ ስለ ታላቁ የኢትዮጵያ ሕዳሴ ግድብ ሰፋ ያለ ዘገባን ይዞ ወጥቷል፡፡
ግድቡ በዓለማችን ካሉ እጅግ ውስብስብና ግዙፍ የመሠረተ ልማት ግንባታዎች አንዱ ሲሆን በአፍሪካ ትልቁ የሃይድሮ-ኤሌክትሪክ ማመንጫ በመሆን በዘመናችን ትልቅ የአፍሪካ ታሪክ ተደርጎ እንደሚወሰድ የገለጸው ዘገባው ፣ አብዛኛው የአፍሪካ ሜጋ ፕሮጀክቶች በውጭ መንግሥታት፣ በልማት ባንኮች ወይም በዓለም አቀፍ አበዳሪዎች የሚረዱ በሆኑበት በዚህ ዘመን፣ ሕዳሴ ግድብ ግን ከውጭ ተጽዕኖ ነፃ በሆነ መልኩ በሀገር ውስጥ ካፒታል እና በኢትዮጵያውያን ቁርጠኝነት የተገነባ መሆኑ ለሌሎች የአፍሪካ አገራት ትልቅ አርአያ መሆን መቻሉን ጠቁሟል፡፡
#የእንግሊዘኛውን ሙሉ ዘገባ ኮመንት ስር በተቀመጠው ሊንክ ያገኙታል፡፡
