Mana Murtii Aanaa Noonnoo

09/12/2025

Manni Murtii Olaanaa Godina Shawaa Lixaa Himatamtoota Yakkaa Gudeeddii Raawwataan irratti Hidhaa Cimaa Waggaa 11 fi (Baatii sadiin) Adabee jira.
====================
Sadaasa 30/2018

Murtii kanaaf ka`umsa kan ta`e, himannaa A/Alangaa Godina Shawaa Lixaa fi Garee qorannaa yakkaa murtee haqaa kennisiisaa Qajeelcha Poolisii Godina Shawaa Lixaa waliin ta`uun galmee qulqulleessee mana murtiif dhiyeesseen:.

Himatamaan 1ffaa Maammoo(Abbuu) Zannabaa Jiraataa Godina Shawaa Lixaa Aanaa Noonnoo Ganda Biloo Meettaa kan ta'e,seera yakkaa Rippaabilika Dimookiraatawaa Federaalaa Itoophiyaa Bara 1996 bahe keewwata 620 (2)D bira darbuun,yakka gudeddii kan rawwaate,

Himatamaa 2ffaa Marsimo'i (Biqilaa) Fiqaaduu jiraataa Godina Shawaa Lixaa Aanaa Noonnoo Ganda Hurruumuu Jibaat kan ta'e,seera yakkaa Rippaabilika Dimookiraatawaa Federaalaa Itoophiyaa Bara 1996 bahe keewwata 605 (A,B,C) bira darbuun gaafa guyyaa 27/06/2017 halkaan keessaa tilmaaman sa`ati 7:00 Godina shawaa Lixaa Aanaa Noonnoo Ganda Biloo Meettaa jedhamutti waliin ta'uun midhamtuu dhuunfaa Ganda Biloo mettaa maqaan ishee (AF)hojiin ishee Barsiiftuu mana barumsa Gandichaa kan taate irratti halkaan mana isheen galtu dhaqudhaan humnaan bani jedhanii dorsisuun himatamaan 1ffaa fi lammaffaa waliin ta'uun irratti wal furuun yakkaa dirqisiisanii gudeeduu raawwachuun waan argamaniif:.

Himtamtoonni kunis Mana Murtii dhiyaachuun jecha amantaa fi waakkii gaafatamaniin gocha yakkaa ittiin himatamaan kana balleessaa ta'uu isaanii amanuun, himatamttoonni keewwatuma ittiin himatamaan jallatti balleessaa ta'uun hubatamee waan argameef:.

Manni Murtii Olaanaa Godina shawaa Lixaa Dhaddacha gaafa guyyaa 30/3/2018 Ooleen himatamtoota kanaa fi fakkaattoota isaanii kan barsiisu seera yakkaa kewwaata armaan olitti ibsame Gulantaa 34ffaa jalatti Adabbii hidhaa Cimaa waggaa 11 fi (baatii sadiin)tiin Adabe jira.

03/12/2025

Paanaaliin Marii Guyyaa Farra Malaammaltummaa Gaggeeffame.....//......
Mana Murtii Aanaa Noonnootti guyyaa farra malaammaltumaa marii paanaalii geggeessuun kabajee jira. Malaammaltummaan gocha badaa akka Silmii dhiiga uummata keenyaa xuuxu sababa ta'eef hawaasni baldhaan gocha akkasii hundee irraa Maksuuf gocha kana balaaleffachuuf qaama gochaa Malaammaltummaa irratti hirmatu kamiyyuu Saaxiluu akka qabu ibsame.
Marii kana irrattis barreeffamni Dhaloota Safuun Ijaaruu jedhu Karaa Ofiisara Naamusa Mana Murtii Aanaa Noonnoo dhiyaatee mariin irratti gaggeefamee jira. Gama biraatiin hojjatoota mana murtichaa naamusa ol’aanaa qabaniif waraqaan beekamtii kennamee jira.

01/12/2025

01/12/2025

Karoora Manni Murtii qabate keessa tokko dhaqqabummaa mirkaneessuun hawaasa keenya irraa baasiif dhamaatii hambisuun Mana Murtii gara tajaajila waraqa Maleessaatti ceesisuudha. Kanumaan wal qabatee Dhagahaa Halaalaa Gandatti Gadi Buusuu ilaalchisee guyyaa har'aa gaafa guyyaa 22/3/2018 Aanaa Noonnootti Wiirtuu Dirree Godoo irratti tajaajila gandoolee 10f itti kennamu kan jalqabsiifne yoo ta'u kunis
Gandoota
1ffaa Dirree Godoo
2ffaan Naannoo Qondoolaa
3ffaa Naannoo Guddinaa
4ffaa Naannoo Haalloo
5ffaa Halloo Dinkii
6ffaa Biiftuu Jaalalaa
7ffaa Jiruu Gammachuu
8ffaan Mixaarii Heebanii
9ffaa Golollee
10ffaa Imbooroon itti tajaajilamanu tajaajilaaf akka oolu banamee jira.

25/11/2025

25/11/2025

Yaa'iin Jaarsolee Manneen Murtii Aadaa Aanaa Noonnoo gaggeeffame.
===//===
Godina Shawaa Lixaa, Aanaa Noonnootti, Yaa'iin Jaarsolee Manneen Murtii Aadaa bakka Pirezidaantiin Mana Murtii Olaanaa Godina Shawaa Lixaa Obbo Dabalaa Didhaa, Koreen Bulchiinsa MMO fi Hooggansi Sadarkaa Aanaatii jiraniifi Abbootiin Gadaa bakka argamanitti gaggeeffameera.

Yaa'icha irratti:
1) Leenjiin dandeettii Jaarsolii Manneen Murtii Aadaa cimsu karaa BB. Pirezidaantii Mana Murtii Aanaa Noonnoo Ob.Tokkummaa Kabbadaatiin dhiyaatee irratti mari'atamee jira.

Xumura irratti Jilli kabajamo Pirezidaantii Mana Murtii Ol'aanaa GSHL Ob. Dabalaa Didhaatiin durfamuu haala hojii waliigalaa fi sochiiwwan kenna tajaajila abbaa seerummaa bu'a qabeessa taasisuuf raawwatamaa jiran Mana Murtii Aanaa Noonnootti argamuun kan daawwatan yemmuu ta'u hawaasa Mana Murtii Aanaa waliinis marii gaggeessaniiru.

20/11/2025

"RTD"n Itti Fufeera
Tooftaa Adeemsa Murtii Battalaa (RTD)tiin Guyyaa 1tti Aanaa Noonnootti Galmeelee Yakkaa 82 Irratti Murtiifi Adabbii Kennisiisuun Danda'ameera!
::::::::::::::::::::::::::::::::::::::::::::::::::::::::::::::::::::::
Onkoloolessa 10/2018; Silkaambaa

Godina Shawaa Lixaa Aanaa Noonnootti himatamtoonni Labsii Inshuraansii Qaama Sadaffaa Balaa Konkolaataa Lakk. 799/2005 keewwata 13(1,2) fi 30 irra darbuun Konkolaachistoota Baajaajii osoo inshuraansii qaama 3ffaa hin qabaatiin daandiirra konkolaachisaa turan irratti galmee qulqulleessuun, himannaa irratti hundeessuun fi falmii dhaddachaa gaggeessuun akka Waajjira Abbaa Alangaa Aanaa Noonnoo Waajjira Poolisii, Waajjira Geejjibaa Aanichaa waliin qindoomuun hojii hojjetameen galmee 82 Mana Murtii Aanaa Noonnootti dhiyeessuun Tooftaa Adeemsa Murtii Battalaa (RTD) tiin murtii balleessummaa fi adabbii maallaqaa kennisiisuun danda'ameera. Himatamtootnis mata-mataan adabbii maallaqaa qarshii 2,000 adabamaniiru. Konkolaataa kamiyuuu konkolaachisuun (oofuun) dura ulaagaa seeraan tumame guutanii itti fayyadamuun murteessaa ta'uu hubatamuu qaba.

11/11/2025

Mana Murtii Aanaa Noonnootti guyyaa har'a Sadaasa 02/3/2018 mata dureewwan Sadii Tarsiimoo Dagaagina Naamusa fi Ittisa malaammaltummaa,Qorannoo Hariiroo Hin malle uumuu fi Dambii Xiinxala Sadarkeessa Naamusaa lakk.13/2017 irratti hawaasa Mana Murtii keenyaa hundaaf leenjiin haala bilchina qabuun karaa Ofiisara Naamusaa Mana Murtii keenyaan kennameera.