25/08/2026
Dijitaayizeeshinii Moosaajii Sirna Odeeffannoo Bulchiinsa Barnootaa (EMIS)fi Haala Galmee Barattoota Bara 2019 Irratti Leenjiin Kennamuu Eegale.
BBO - Hagayya 19/2018 Ogeessotni Sirna Odeeffannoo Bulchiinsa Barnootaa (Education Managemet Information System - EMIS) Biiroo Barnootaa Oromiyaa Dijitaayizeeshinii Moossajichafi Haala Galmee Barattoota bara barnootaa 2019 irratti abbootii adeemsaa karooraa Waajjira Barnootaa Godinaalee, Bul/Magaalotaa, Ogeessota EMIS/ICT Godinaalee, Bul/ Magaalotaafi Aanaalee irraa walitti babahan 420 ol ta'aniif leenjii guyyaa sadiif turu har'a Giddu Gala Qorannoofi Leenjii Barnootaa Oromiyaa - Adaamaatti argamutti kennuu eegalaniiru.
Sirna baniinsaa leenjichaa irratti argamuu haasawa kan taasisan hogganaa I/A Biiroo Barnootaa Oromiyaa Dr. Kaasahun Galaanaa yoo ta'an, haasawa isaanii keessatti ragaan/daataan qabeenya olaanaa biyyaafi dhaabbilee ta'uu ibsuun, daataa akkuma barbaadanitti harcaasaa bulchuun kufaatiifi miidhaa biyyarraan/ dhaabbatarran gahuu danda'a jedhaniiru. Kanaafuu, jedhan Dr. Kaasahun ogeessi daataa bulchu of eeggannoon sirna digitaayizeeshinii fayyadamuun qaccessuun yeroo yeroon haaromsuu/update/ gochuun qulqullinaan bulchuu akka qaban leenjitootaaf ibsaniiru. Dabalataanis, daataa qulqullinaafi itti gaafatamummaan ogeessi hin bulchine seeranis gaafatamuu akka qaban himuun, daataan dogoggoraan manneen barnootaa irraa ka'u, aanaa, godina/Magaalaa, BBO. irra darbee hanga mootummaa naannoofi biyya dogoggorsuutti waan deemuf abbootiin adeemsaafi ogeessotni leenjii kanarratti argaman hubachuu akka qaban dhaamsa dabarsuun waltajjichi ifaan ifatti saaqamuu ibsaniiru.
Haaluma dhaamsa darbeen, sagantaa leenjichaafi leenjii gaggeeffamu irratti naamusa eegamuu qaban ilaalchisee BBOtti ogeessi EMIS kan ta'an obbo Xaahir Taanki leenjitootaa hubachiisaniiru.
Itti aansuun, kallattumaan leenjichatti kan seename yoo ta'u,.......
