Dugsiga sare ee Degmada Aw-barre

Shaacinta cinwaanka ay ardayda fasalka 12aad ee sanad-dugsiyeedka 2018 E.C ku gali doonaan tababarka imtixaanka Qaran.

Dhammaan ardayda imtixaanka ku galaysa nidaamka waxay tababarka qaadan karaan iyagoo;
• USER Name ahaan u isticmaalaya lambarka Admission-ka ee ku qoran kaarka galintaanka imtixaanka
• Password-kana ku gelinaya: 1234

Tababarka waxaa lagu samayn karaa:
• Desktop computer
• Laptop
• Tablet
• Mobile phone
• Ama qalab kasta oo internet leh

Tababarku wuxuu bilaabanayaa 07 Ginbot, 2018 E.C, saacadda marka ay tahay 9:00am (3-da subaxnimo), wuxuuna socon doonaa illaa maalinta imtixaanka.

Ardaydu waxay ka heli karaan kaarka Admission-ka dugsiyadooda, waxaana si joogto ah loo soo gudbin doonaa imtixaano kala duwan oo lagu tababarto.

Macallimiinta, maamulka dugsiyada iyo waalidiinta waxaa laga codsanayaa inay ardayda siiyaan taageerada lagama maarmaanka u ah, si ay ugu diyaar garoobaan imtixaanka.

“Aynu si wadajir ah uga hortagno qishka iyo xatooyada imtixaanka.”

Adeegga Qiimaynta iyo Imtixaanaadka Waxbarashada

Addis Ababa – Itoobiya

Dhamaan Muslimiinta Caalaamka, Dalka iyo Deegaankaba waxaan ugu Hambalyaynaynaa Ciidul Fidriga, waxaanu Leenahay Ciid Wanaagsan, Caafimaad ku Ciida.

Dugsiga sare ee Degmada Aw-barre

Maamulka magaalada Addis Ababa ayaa diyaariyay xeer cusub oo lagu adkaynayo kormeerka tayada waxbarashada.

Xeerkan ayaa dhigaya in Dugsiga waxbarashada ee lagu helo inuu jebiyay qawaaniinta—gaar ahaan kuwa isticmaala ama iibiya buugaag aan oggolaansho haysan—lagu ganaaxi doono 35% dakhligooda.

Sidoo kale, Dugsiyada bixiya casharro dheeraad ah oo ka baxsan nidaamka uu dejiyay xafiiska waxbarashada ayaa la kulmi doona ganaax la mid ah.

Ganaaxan ayaa la sheegay in uu yahay mid hal mar ah, laguna xoojinayo isla-xisaabtanka iyo tayada waxbarashada.

Xeerkan oo loo diyaariyay in lagu hagaajiyo khaladaadka jira ee nidaamka waxbarashada iyo xirfadaha, ayaa hadda loo furay in ay ka dhiibtaan aragtiyo dhinacyada ay khusayso.

Dugsiga sare ee Degmada Aw-barre

Xafiiska waxbarashada DDS ayaa heshiis muhiim ah la saxeexday shirkadda Nolawit Technology

Heshiiskan oo uu dhinaca xafiiska ka saxeexay wasiir ku-xigeenka xafiiska Mudane Cumar Aadan, ayaa waxaa uu ku saabsanaa hirgelinta software casri ah oo si dijitaal ah loogu maamulayo macallimiinta iyo hoggaaminta dugsiyada. Software-kan wuxuu kaalin weyn ka qaadan doonaa:-

· Diiwaangelinta iyo maaraynta xogta macallimiinta oo nidaamsan

· Kormeerka shaqada macallimiinta laga bilaabo shaqaaleysiinta ilaa hawl-gabka
· Fudaydiynta badalka iyo adeegyada kale ee macallimiinta

· Soo saarista warbixinno sax ah oo ka caawinaya hoggaanka dhinaca go’aan qaadashada

· Xoojinta hufnaanta, isla xisaabtanka iyo tayada maamulka dugsiyada

Tallaabadan ayaa qayb ka ah dadaallada lagu casriyeynayo nidaamka waxbarashada ee DDS iyo kor u qaadista tayada adeegyada waxbarasho.

Dugsiga sare ee Degmada Aw-barre

Ogaysiis

Ardayda ku celinaysa imtixaanka Shahaadiga ee Fasalka 12aad waxaa la ogaysiinaya in ay si dhakhso ah iskaga diwaangaliyaan Link-gan: https://register.eaes.et

Ardayda ha is-gaadhsiiyaan si walaalkood/walaashood ay ugaadho fariintan.

Ogaysis ku saabsan diiwaangelinta Online-ka ee ardayda gelaysa Imtixaanka Qaran ee Fasalka 12aad – 2018 (E.C)

Dhamaan Gobolada Deegaanka waxaan u kala dirnay kooxo fudaydinaya diiwaangalinta ardayda qadanaysa Imtixaanka shahadiga ah ee fasalada 12ka, 8aad Iyo 6aad-ka

Jadwalka diiwaangelinta:
Diiwaangelinta ardayda fasalka kala duwaan ee sannadkan waxa loo qorsheeyey:-
• Bilowga diiwaangelinta: 16-ka Yekatit 2018
• Dhammaadka diiwaangelinta: 10-ka Megabit 2018

Tilmaamo muhiim ah:

Si diiwaangelintu u dhacdo si habsami leh oo tayo leh, waxaa diiradda la saaray qodobadan:
• Doorka khubarada: Shaqaalaha diiwaangelinta iyo maamulayaasha dugsiyada waa inay si taxaddar iyo taageero farsamo leh u maamulaan habka.
• Anshax (Discipline): Habka diiwaangelintu waa in si nidaam iyo kala dambayn leh loo fuliyo loona kormeero.
• La socodka ardayda: Ardaydu waa inay hubiyaan inay xogtooda si sax ah u buuxiyaan muddada la cayimay gudaheeda.
• Ogeysiis: Ardaydu waa inay h**e u sii diyaarsadaan dhammaan macluumaadka looga baahan yahay diiwaangelinta, isla markaana ay iska diwaangaliyaan dugsiyadooda laga bilaabo 16-ka Yekatit.
Kaarka aqoonsiga National ID “Fayda ID” waa qasab. Arday aan haysan Fayda ID lama diiwaangelin doono.

Iskaashi Waalid, Arday & Dugsi: Tallaabo Lagu Horumarinayo Mustaqbalka Ardayda Fasalka 12-aad

Dugsiga Sare Awbare
Khamiis, 23/4/2018

Maanta waxaa si guul leh noogu qabsoomay shir muhiim ah oo u dhexeeya maamulka dugsiga iyo waalidiinta ardayda fasalka 12-aad, kaas oo la xiriiray sanad-dugsiyeedka 2018.

Intii uu socday shirka, waxaa si wadajir ah loo saxiixay heshiis saddex-geesood ah oo dhex maraya waalidka, ardayga iyo maamulka dugsiga, heshiiskaas oo saldhig u ah xoojinta wada-shaqeynta iyo mas’uuliyadda wadajirka ah.

Ujeeddada heshiiskan ayaa ah in si mideysan loogu dadaalo horumarka waxbarasho ee ardayda, loona abuuro jawi dhiirrigelinaya dadaal, edbin iyo guul waxbarasho, si ay u gaaraan natiijooyin wax ku ool ah oo mustaqbalkooda iftiiminaya.

Insha Allaah, wada-shaqeyntan miro-dhalka ah waxay horseedi doontaa guul iyo horumar waara.

Dugsiga sare ee Degmada Aw-barre

Ardayda Jaamacadaha Oo Laga Qaadi Doono Adeeg Qaran Sannadka Soo Socda

Addis Ababa – Wasiirka Waxbarashada Itoobiya, Birhanu Nega, ayaa shaaciyey in laga bilaabo sannadka soo socda dhammaan ardayda jaamacadaha ee dhammaysta sanadka saddexaad ay qaadi doonaan adeeg qaran oo hal sano ah, ka hor inta aanay u gudbin heerarka kale ee waxbarashada ama suuqa shaqada.

Wasiirku wuxuu sheegay in barnaamijkan loogu talagalay in ardayda lagu baro xirfadaha shaqo-dhigista, u adeegista bulshada, iyo in ay u soo celiyaan qaranka aqoonta iyo tababarka ay si bilaash ah ku heleen intii lagu jirey waxbarashadooda jaamacadeed.

Wasaaradda ayaa tilmaantay in adeeggan qaran uu noqon doono mid lagu dhawro nidaam, laguna xoojiyo ka qaybgalka dhallinyarada ee horumarinta adeegyada bulshada.

Dugsiga sare ee Degmada Aw-barreee Dugsiga sare ee Degmada Aw-barreDegmada Aw-barre

Maanta oo talaaddo ah, taariikhduna ay tahay 18,2,2017 T.I waxaa dugsiga soo gaadhay koormeer iyo dabagal ku saabsan geeddi-socodka waxbarashada, waxaana hoggaaminayey Madaxa Xafiiska Waxbarashada Degmada Awbare, Mudane Axmed C/laahi Axmed.

Intii uu joogay, wuxuu casharro dhiirrigelin ah siiyay ardayda isku diyaarinaysa imtixaanka shahaadiga ah ee qaranka. Mudane Axmed waa mid ka mid ah masuuliyiinta naadirka ah ee si toos ah uga qayb qaata kor u qaadista tayada waxbarashada, mana aha markii ugu horraysay ee uu sidaas sameeyo.

Waxaan rajaynaynaa in hoggaamiyeyaasha kale iyo aqoonyahanka degmada ay tusaale wanaagsan ka dhigtaan dadaalkiisa iyo u heellanaantiisa horumarinta waxbarashada.

Shaqo wacan!

Dugsiga sare ee Degmada Aw-barre

Xafiiska Waxbarashada Deegaanka ayaa sheegay in 11 dugsi oo dawli ah oo kala ah fasalka 1-4 iyo dhamaan dugsiyada gaarka loo leeyahay si tijaabo ah looga bilaabayo barashada luuqada Carabiga.