የአዘዞ ወረዳ ቤተ ክህነት ሰ/ት/ቤቶች አንድነት-Assu

12/03/2025

🗨️💬

“ በክርስቶስ ላላችሁ ለሁላችሁ ሰላም ይሁን። አሜን።” 1ኛ ጴጥ. 5፥14

በክርስቶስ የተወደዳችሁ ወንድሞች እና እኅቶቻችን የአጥቢያ ሰንበት ትምህርት ቤት አመራሮች፤የቀጠና አደረጃጀት ሰብሳቢዎች በሙሉ በየሰ/ት/ቤቶቻችሁ የመረጣችኋቸውን ወካዮቻችሁን የተሰጣችሁ የማሳወቂያ ቀን እስከዛሬ 03/07/2017 ዓ.ም {ዕተለ ረቡዕ} ስለሆነ በቀጠና ሰብሳቢዎቻችሁ አማካኝነት እንድታሳውቁ ስንል በጥብቅ እናሳውቃለን።

#ማሳሰቢያ፦ከቀጣዩ የቅዳሜ ጉባኤ በኋላ በአንድነቱ ጠቅላላ ጉባኤ ተወካይ ያላቸው አባል ሰ/ት/ቤቶች ብቻ በመዋቅሩ ታቅፈው የሚቀጥሉ ይሆናል።

#ስለሆነም ይኼንን ዕድል እንደቀላል እንዳታዩት አጽንዖት ለመስጠት እንወዳለን።

#ይኼንን ዕድል መጠቀም ለማትፈልጉ ሰ/ት/ቤቶች አንድነቱ ሓላፊነት የማይወስድ መሆኑን በጥብቅ እናሳውቃለን።

“እግዚአብሔር ይማረን ይባርከንም፥ ፊቱንም በላያችን ያብራ፤” መዝ. 67፥1

የአዘዞ ወረዳ ቤተክህነት ሰ/ት/ቤቶች አንድነት
መጋቢት ፫,፳፻፲፯ ዓ.ም
አዘዞ፣ጎንደር፣ኢትዮጵያ

07/02/2025

ድምጽ ብቻ እንሰማለን !

ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት የ2017 ዓ.ም የጾመ ነነዌ የሰላምና የጸሎት አዋጅ መግለጫ መልእክት የሚከተለው ነው፡፡

በስመ አብ ወወልድ ወመንፈስ ቅዱስ አሐዱ አምላክ አሜን!

ከኢትዮጵያ ኦርቶዶክስ ተዋሕዶ ቤተክርስቲያን ቋሚ ሲኖዶስ የተላለፈ የምህላ ሱባዔ፡-

‹‹ቀድሱ ጾመ ወስብኩ ምህላ አስተጋብኡ ሕዝበ ሊቃውንተ ሕዝብ፤ ጾምን ቀድሱ፣ጉባኤውንም አውጁ፤ሽማግሌዎችንና በምድር የሚኖሩትን ሁሉ ወደ ኣምላካችሁ ወደ እግዚአብሔር ቤት ሰብስቡ፤ ወደ እግዚአብሔርም ጩኹ (ኢዩ ፩÷፲፬)

ሁላችንም እንደምናውቀው ያለንበት ዓለም የመከራ ዓለም ነው፣መከራው በኛ ስሕተትና ክፋት የመጣና እየሆነ ያለ መሆኑም ይታወቃል፤ እኛ የምንፈጽመው ጥቃቅንና ትላልቅ ግብረ ኃጢአት እግዚአብሔርን እንደሚያስቈጣ በቅዱስ መጽሐፍ ተረጋግጦ ያደረ ነው፣ለዚህም ከነነዌ ነዋሪ ሕዝብ የበለጠ ማስረጃ የለንም፣የነነዌ ከተማ ነዋሪዎች በፈጸሙት ግብረ ኃጢአት እግዚአብሔርን አስቈጥተዋል፣ድርጊታቸው እግዚአብሔርን የሚያስቆጣ ቢሆንም እሱ ምሕረቱን ማስቀደም ስለፈለገ በዮናስ በኩል አስጠንቅቆአቸዋል፣የነነዌ ነዋሪዎችም በዮናስ በኩል የደረሳቸውን የንስሓ ጥሪ ወዲያውኑ ተቀብለው በምህላ፣በጾም፣በጸሎት ንስሓ ስለገቡ እግዚአብሔር ፍጹም ይቅርታ አድርጎላቸዋል፡፡

የተወደዳችሁ ኢትዮጵያውያንና ኢትዮጵያውያን ልጆቻችንና ወገኖቻችን

እኛ ሰዎች ዛሬም በየሰዓቱ ብቻ ሳይሆን በየደቂቃው እግዚአብሔርን የሚያስቆጣ አበሳ እንደምንፈጽም ማወቅ አለብን፣አበሳውና ኃጢኣቱ ሲበዛ እግዚአብሔር እውነተኛ ዳኛ ነውና ወደ ዳኝነት ተግባሩ ይገባል ይህ ደግሞ በሰብአ ትካት በሰዶምና በጎሞራ ያስተላለፈውን ዳኝነት ያስታውሰናል፣አሁን ያለንበት ዘመን ዓመተ ምሕረት በመሆኑ እግዚአብሔር ለጊዜው ቢታገሠንም በኃጢኣታችን የምንጠየቅበት ጊዜ አዘጋጅቶአል፣ዛሬም ቢሆን የማናስተውለው ሆነን ካልሆነ በስተቀር እግዚአብሔር ተግሣጹን ማስተላለፍ አላቆምም፣ በምድራችን ላይ በምናደርሰው የተዛባ ተግባር በጐርፍ፣በድርቅ፣በመሬት መንቀጥቀጥና በአየር መዛባት እየገሠጸን እንደሆነ ማስተዋል አለብን፡፡

እግዚአብሔር ከጥንቱ ከጠዋቱ ጀምሮ ምድርን እንድንከባከባት፣እንድናበጃት፣እንድናጠብቃትና እንድናለማት አዞናል፣ሆኖም ይህን ትእዛዙን ገሸሽ አድርገን በኬሜካልና በመርዛም ጋዝ ምድርን በመበከል፣ደንዋን በመመጠርና ራቁቷን በማስቀረት በምናደርገው ድርጊት አበሳ እየፈጸምን እንደሆነ ያወቅነው አይመስልም፤ በዚህም ምክንያት በጐርፍ፣በድርቅ ለሰው ልጆች በማይመች የኣየር ፀባይ ወዘተ... ስጋት ውስጥ እየወደቅን ነው፡፡

በሌላም በኩል በምናወሳስበው የአስተዳደር ርእዮትና መሳሳብ የእግዚአብሔር ገንዘብ የሆነውን ሕዝብ እርስ በርሱ እንዲጋጭና ያላስፈላጊ አደጋ ላይ እንድወድቅ እያደረግን ነው በዚህም ጠንቅ ሰላም እየደፈረሰ፣ ፍቅርና አንድነት እየላላ የሃይማኖት ክብርና ልዕልና እየተነካ ራሳችንንም እየጐዳን ነው፣በዚህ ሁሉ ተግባራችን እግዚአብሔርን እያሳዘንን ነው፣ይህ ሊገባንና ሊቈረቁረን ይገባል፡፡

የተወደዳችሁ የመንፈስ ቅዱስ ልጆቻችን ምእመናንና ምእመናት

ለችግሮች ሁሉ መፍትሔ አላቸው፤ መፍትሔውም የሚገኘው ከእግዚአብሔርና ከእኛ ነው፤ ከእኛ በንስሓ ተመልሰን ከልብ እግዚአብሔርን ይቅርታ መጠየቅና ከክፉ ተግባራችን በእውነት መጸጸት ይጠበቃል፣ እግዚአብሔር ደግሞ ይህንን ዓይነቱ ንስሓ ከኛ መኖሩ ሲመለከት ምሕረትና ይቅርታን ይለግሰናል፣በዚህም መፍትሔና ፈውስ ይገኛል፣ከዚህ አንጻር በአሁኑ ጊዜ ለሀገራችንና ለዓለማችን ስጋት የሆኑ የጦርነት ክሥተቶች፣የመሬት መንቀጥቀጥ፣የአየር መዛባት፣የድርቅ መከሠት፣የጎርፍ መጥለቅለቅ የሰላም መደፍረስ፣ የሰላማውያን ወገኖች መጎዳት፣የፍቅርና የአንድነት መላላት ወዘተ.... ከምድራችን ተወግደው ፍጹም ምሕረትና ሰላም እናገኝ ዘንድ በኃጢኣታችን ተጸጽተን በምህላ ንስሓ መግባት አለብን፣ከዚህ አኳያ ከጥንት ጀምሮ በቤተክርስቲያናችን ቀኖናዊ ሥርዓት መሠረት በየዓመቱ የሚጾመው ጾመ ነነዌ ለዚህ አመቺ ጊዜ ስለሆነ ከየካቲት ፫ ቀን ፳፻፲፯ ዓመተ ምሕረት ጀምሮ ለሦስት ቀናት ከልኂቅ እስከ ደቂቅ ሁላችንም ጠዋትና ማታ በየቤተክርስቲያኑ ዐውደ ምሕረት እየተገኘን በንስሓ በዕንባ በጸሎት በምህላ የእግዚአብሔርን ምሕረትና ይቅርታ እንድንጠይቅ፣እንደዚሁም በሀገራችንና በውጭ ያላችሁ ሊቃውንተ ሕዝብ ቀኖናውን ጠብቃችሁ ይህንን በማስፈጸም ምህላውን በቀኖናው መሠረት እንድታከናውኑ በእግዚአብሔር ስም አባታዊ መልእክታችንን እናስተላልፋለን፡፡

እግዚአብሔር አምላካችን ምሕረቱን ይቅርታውንና ሰላሙን ለሀገራችንና ለዓለማችን ይስጠን፣ምህላችንንም ይቀበልልን፡፡

“እግዚአብሔር ኢትዮጵያንና ሕዝቦቿን ይባርክ” ወስብሐት ለእግዚአብሔር አሜን!!“

አባ ማትያስ ቀዳማዊ
ፓትርያርክ ርእሰ ሊቃነ ጳጳሳት
ዘኢትዮጵያ ሊቀ ጳጳስ ዘአኵስም
ወዕጨጌ ዘመንበረ ተክለሃይማኖት

ጥር ፳፱ ቀን ፳፻፲፯ ዓ.ም
አዲስ አበባ ኢትዮጵያ

07/02/2025

“እግዚአብሔር ታላቅ ነገርን አደረገልን፥ ደስም አለን።” መዝ. 126፥3



የካቲት 2,2017 ዓ.ም



ሰ/ት/ቤቶች የዝማሬ አልባሳትን በመልበስ እንድትገኙ ቅድስት ቤተክርስቲያን እናታዊ ጥሪዋን አስተላልፋለች።

"በፍጹም ልብ አምላካችንን እግዚአብሔርን እንማልደው፤ያማረ የመንፈስ ቅዱስ አንድነትን ይሰጠን ዘንድ" ሥርዓተ ቅዳሴ 13፥69

28/01/2025

“በክርስቶስ ላላችሁ ለሁላችሁ ሰላም ይሁን። አሜን።” 1ኛ ጴጥሮስ 5፥14

በክርስቶስ የተወደዳችሁ እና የተከበራችሁ ሰ/ት/ቤቶቻችንና የሰ/ት/ቤት አገልጋይ ወንድም እኅቶቻችን እያልን ጥር 20 & 21 ።

የምትችሉ በ 2ቱም ቀናት የማትችሉ ደግሞ 1ዱን ቀን እንድታገለግሉ።

ለ 1ዲት ቤተክርስቲያን 1 አገልግሎት

የአዘዞ ወረዳ ቤተክህነት ሰ/ት/ቤቶች አንድነት ጽ/ቤት

17/01/2025

17/01/2025

የአዘዞ ወረዳ ቤተ ክህነት ሰ/ት/ቤቶች አንድነት (ASSU-Official):
የጥምቀት በዓልን አስመልክቶ የአዘዞ ወረዳ ቤተክህነት እና የወረዳው የሰ/ት/ቤቶች አንድነት በዓሉን በጋራ ከሚያከብሩ የአጥቢያ አስተዳዳሪዎች፣ካህናት፣ሰባክያነ ወንጌል፣ሰ/ት/ቤት አመራሮች፣የወጣት ተወካዮች እና ከሌሎችም ባለድርሻ አገልጋዮች ጋር የማጠቃለያ ውይይት አደረጉ።

ጥር ፱|፳፻፲፯ ዓ.ም ከጠዋቱ 2:00-4:00

በውይይቱን ልዩ ልዩ ጉዳዮች የተነሡ ሲሆን በዋናነት ግን ሁለት ነገሮች ማለትም፦

፩/ የበዓል አስተባባሪዎችን በተመለከተ

#በሁሉም አገልግሎት ዘርፍ
የአስተባባሪ ልየታ(ምዝገባ) በየአጥቢያ በተወካዮቻቸው አማካኝነት እንዲከናወን እና የተሰጣቸው ሰዎች ብቻ በዋናነት ይኼንን ሥራ እንዲሠሩ

# የአገልግሎት ቦታ ልየታን በተመለከተ በሥርዓተ ቤተክርስቲያን መሠረት ሰ/ት/ቤቶች ከታቦታት በስተኋላ ሆነው ማገልገል እንዲጀመር

# የጋራ መገናኛ ሰዓትን በተመለከተ አባቶቻችን አየተደዋወሉ(እንደ ሁልጊዜው) ቢገናኙ እና ሌሎቹ በአስተባባሪዎቻቸው አማካኝነት የኅብረት አገልግሎት እንዲከናወን

# ባለፈው ወረዳ ቤተክህነቱ እንዳዘዘው ጥር ፲ #መገናኛ 10:00 #ማጠቃለያና መሰናበቻ 11:00 እንዲሆን ጥር ፲፩ ደግሞ መነሻ ሰዓት ጠዋት ጠበል ከተረጨ ጀምሮ የታቦት ወደ ቤተክርስቲያን መድረሻ ደግሞ 9:00 እንዲሆን

፪/ የጋራ የዝማሬ አገልግሎትን በተመለከ

# የሰ/ት/ቤቶች ዝማሬ እና ሰልፍ ቀድመው የተለዩ አስተባባሪዎቻቸው ብቻ ባዘዙት መሠረት እንዲከናወን

#በአጠቃላይ ሁሉም ባለድርሻ አገልጋዮች የተሰጣቸውን መንፈሳዊ የአገልግሎት ሓላፊነት ከበፊቱ በተሻለ መንገድ እንዲወጡ

በማለት የተግባቦት ምክረ ሐሳቦች እና አባታዊ መመሪያዎችን ሰጥተው ተጠናቋል።

#በዚሁ አጋጣሚ
በዓሉን በጋራ የምታከብሩ ሰ/ት/ቤቶች በሙሉ ዛሬ ዕለተ ዓርብ 09/05/2017 ዓ.ም ከቀኑ 11:00 ላይ ከታቦት ማደሪያው እንድትልኩ የአንድነት ጽ/ቤቱ ጥብቅ መልእክቱን ያስተላልፋል።

መረጃውን ለወዳጆችዎ ያጋሩ

https://t.me/azezo_sunday_schools_unity
https://t.me/azezo_sunday_schools_unity
https://t.me/azezo_sunday_schools_unity
https://t.me/assu_official_chat
https://t.me/assu_official_chat
https://t.me/assu_official_chat

ጥር ፱|፳፻፲፯ ዓ.ም