Ajiibuu A/Biyyaa A/Dilbii

02/01/2026

🌿 Jecha Gorsa Qalbii Nama Jabeessu 🌿
Umar ibn Al-Khaxxaab () akka jedhanitti:
> “Balaan kamiyyuu yoo natti dhufu, isaa wajjin qananiin Rabbii afur naa dhufa malee hin hafu.”
✨ Qananiilee sanis:
1️⃣ Balaan sun amantii kiyyaa hin tuqne
— Qabeenya, fayyaa ykn wantoota addunyaa ta’uu danda’a; garuu amantiin koo nagaa ta’ee jira.
2️⃣ Balaan sun isa caalaa hin hammaanne
— Waan caalaa hamaa na quunnamuu danda’u ture; kanaaf Rabbii galateeffadha.
3️⃣ Ani balaa sana hin jibbine
— Wanti hundi murtii Rabbii waan ta’eef obsaan fudhadha.
4️⃣ Sababa balaa sanaatiin mindaa Rabbirraa abdachaa jira
— Obsaan fi amantiidhaan yoo simanne, mindaan isaa guddaadha.
🤍 Ergaa guddaa:
Balaan yeroo dhufu, yaada keenya gara qananiilee Rabbii nuuf kenneetti deebifachuun qalbii keenya ni tasgabbeessa.
📌 Obsaa fi amantiin furmaata hunda caala.

19/11/2025

18/11/2025

Dhugaadha

14.1K likes, 337 comments. Check out Sena🦋🤍’s video.

24/10/2025

Waan ati fedhii itti dhabde yookaan jibbite , namni biraan baay'ee jaalata ta'a. Kanaafuu, waan sanatti quba qabdee, "Na jibbisiisa, osoon isa arguu baadhe, osoo fuuldura kootii isa dhoksani." jechuurra osoo callisteema wayya. Kanarratti callisuun kee si hin miidhu, garuu nama biraa miidhama oolcha. Ilaalcha garagaraa qabaachuun wal nama hin balaaleffachiisu. Falmiinis yaada irratti malee nama irratti miti. Wal faana jiraachuuf waan tokko jaalatu jaalachuu, waan tokko jibbu jibbuun dirqama miti. Yaada (idea) irratti haasahuun amala namoota gara oliiti, ta'ii (event) irratti marii'achuun kanneen warra gidduu galeessaati, nama (person) irratti haasahuun garuu amaloota namoota gadiiti. Namni namatti sadarkaa hin baasu, garuu maalummaan isaa sarara itti godha. Kanaafuu, waan ofii jaalattu kan biraan akka jaalatuuf hin dirqisiisiin; garuu maaliif akka jaalattu itti himuun rakkoo hin qabu. Waanta fedhii irratti hin qabnes, namni biraanis akkas ta'uuqaba jettee gochuuf hin dhama'iin. Dhalli namaa uumama "Jaaladhu!" jedhan jaalatee "Jibbi!" jedhan jibbu miti. Sababa amansiisaa barbaada. Kanarraa kan hafe, waan feetu namatti hin fe'iin. Kan si gammachiisu nama biraa gaddisiisuu danda'a, kan siif jireenyaa tokkoof xumura jireenyaa ta'uu mala. Madaala keen nama madaaluurra fedhii namaa hubachuu yaali. Of qofaa osoo hin taane, of cinas ilaali. Hariiroo qajeelaan kan eegalu gaafa sana. Fedhii kee namni biraan akka qabaatuuf itti hin fe'iin. Fedhii namaatti hin bu'in!

20/10/2025

📘 Namni tokko barnoota isaa KG irraa eegalee hanga barsiisaa ta’utti waggaa meeqa itti fudhata?

Namni tokko yoo barnoota isaa Kindergarten (KG) irraa eegalee hanga barsiisaa ta’utti, yeroo dheeraa fi obsaan barachuu qaba. Haaluma armaan gadiin yeroo ilaallu: 👇

📚 1. Barnoota Bu’uuraa:

KG hanga kutaa 12tti → waggaa 14–15
🎓 2. Barnoota Yuunivarsiitii ykn Koleejjii:

Diploma in Education
→ waggaa 3

Degree (B.Ed)
→ waggaa 4

Master’s Degree
→ waggaa 2

🧮 Walumaagalatti:
➡️ KG irraa eegalee hanga barsiisaa ta’utti waggaa 17 – 21 ni fudhata.
Kanaafuu Barsiisaadhaaf Kabajatu mala!

✨ Barnoonni daandii dheeraa ta’us ifa jireenyaati!
Obsaan baradhu, sababa ta’i! 💪📖