Debre Birhan College of Teacher Education

20/08/2026

18/08/2026

18/08/2026

እቴጌ ጣይቱ ብጡል ብልህና ቆራጥ መሪ!!

እቴጌ ጣይቱ ብጡል ኢትዮጵያ ካፈራቻቸው ታላላቅ፣ ብልህ እና ቆራጥ መሪዎች መካከል አንዷ ሲሆኑ፣ ታሪካዊ አሻራቸው እስከ ዛሬ ድረስ በጉልህ ይዘከራል።

እቴጌ ጣይቱ ብጡል ሰኔ 12 ቀን 1832 ዓ.ም ተወለዱ። በወጣትነታቸው የቤተ ክህነት ትምህርት የተማሩ ሲሆን ንባብ፣ ጽሕፈት፣ ዜማ እና የፖለቲካ ብስለትን ገና በለጋ እድሜያቸው ቀስመዋል። ይህ አእምሮአዊ ብስለታቸው እና ጠንካራ ስብዕናቸው ለኋለኛው የሀገር መሪነት ዘመናቸው ትልቅ መሠረት ሆኗቸዋል፡፡
​እቴጌ ጣይቱ ከዳግማዊ አጼ ምኒልክ ጋር ከተጋቡ በኋላ፣ የንጉሡ የህይወት አጋር ብቻ ሳይሆኑ ዋነኛ የፖለቲካና የስትራቴጂ አማካሪ ነበሩ።

​የአዲስ አበባ ምስረታ፦ እንጦጦ ተቀምጠው በነበረበት ወቅት ፍልውሃ አካባቢ ያለውን ውበት እና አየር በመውደድ ከተማዋ እንድትቆረቆር ያደረጉት እቴጌ ጣይቱ ናቸው። ስሟንም "አዲስ አበባ" ብለው የሰየሟት እሳቸው ናቸው።

በሀገሪቱ የመጀመሪያው ዘመናዊ ሆቴል (እቴጌ ጣይቱ ሆቴል) እንዲገነባ በማድረግ ለንግድ እና ለእንግዳ ተቀባይነት ታላቅ አስተዋጽኦ አድርገዋል።

እቴጌ ጣይቱ በኢትዮጵያ ታሪክ ውስጥ በቆራጥነታቸው እና በሀገር ፍቅራቸው ጎልተው የወጡበት ትልቁ አጋጣሚ የውጫሌ ውል ውዝግብ ነው፦

ጣሊያን የውጫሌ ውል አንቀጽ 17ን በመጠምዘዝ ኢትዮጵያን የጥቅል ግዛቱ ለማድረግ ሲሞክር፣ እቴጌ ጣይቱ "እኔ ሴት ነኝ፤ ጦርነት አልወድም፤ ነገር ግን የሀገሬን ነፃነት አሳልፌ ከመስጠት ሞትን እመርጣለሁ!" በማለት በቆራጥነት ተቃውመዋል።

በአድዋ ጦርነት ወቅት በጦር ሜዳው በቅርብ ርቀት በመገኘት፣ ሠራዊቱን በማስተባበር፣ ውሃ እና ምግብ በማቅረብ፣ እንዲሁም የቆሰሉትን በማከም የታላቁ የአድዋ ድል እውነተኛ መሃንዲስ ሆነው አልፈዋል።

18/08/2026

የአድዋው መሪ፣ የዘመናዊነት መሠረት፡ እምዬ ሚኒሊክ!!

ነሐሴ 12 ቀን 1836 ዓ.ም ለኢትዮጵያውያን ልዩ ትርጉም ያለው ታሪካዊ ዕለት ነው። የዘመናዊት ኢትዮጵያ መሠረት የጣሉት፣ የሉአላዊነትና የነፃነት ምልክት የሆኑት ዳግማዊ አጼ ሚኒሊክ የተወለዱበት ቀን ነው።
እምዬ ሚኒሊክ በታሪካችን ውስጥ ከፍ ያለ ስፍራ የሚሰጣቸው ከታላቁ የአድዋ ድል መሪነታቸው ባሻገር፣ አገራችንን ወደ ዘመናዊነት ለማሸጋገር ባደረጉት ወደር የሌለው ጥረት ነው።

የውጭ ወራሪ አገራችንን ሊደፈር ሲነሳ "ሀገር የሚወድ ሁሉ ተከተለኝ" በማለት መላውን የኢትዮጵያ ሕዝብ ከአንድ ጥላ ሥር አስተባብረዋል።
የጥቁር ሕዝቦች ኩራት፡ በአድዋ ተራሮች ላይ የተቀዳጁት ድል የኢትዮጵያን ነፃነት ከማስከበሩ ባሻገር፣ በመላው ዓለም ለሚገኙ ጥቁር ሕዝቦች የመብትና የነፃነት ታጋይነት ትልቅ ብርሃን ሆኗል።
የዘመናዊት ኢትዮጵያ መሠረት

አጼ ሚኒሊክ ሀገርን ማስተዳደር ብቻ ሳይሆን፣ አገራችንን ከዘመናዊው ዓለም ጋር ለማስተዋወቅ በርካታ ታሪካዊ እርምጃዎችን ወስደዋል

የመጀመሪያውን የባቡር መስመር፣ የስልክና ቴሌግራፍ አገልግሎት እንዲሁም የፖስታ መስመር ዘርግተዋል።

በትምህርትና ጤና ረገድ የመጀመሪያውን ዘመናዊ ትምህርት ቤት (ዳግማዊ ሚኒሊክ ትምህርት ቤት) እና የመጀመሪያውን ሆስፒታል (እምዬ ሚኒሊክ ሆስፒታል) አስገንብተዋል።
የመጀመሪያውን የኢትዮጵያ ገንዘብ በማስቀረጽ እና የካቢኔ (ሚኒስቴሮች) መዋቅር በመዘርጋት ዘመናዊ የመንግሥት አደረጃጀት ፈጥረዋል።

ሕዝቡ "እምዬ" ብሎ የጠራቸው በንግሥናቸው ጥበብ ብቻ ሳይሆን ለሕዝባቸው በነበራቸው ጥልቅ ርኅራኄ፣ አሳቢነት እና ፍቅር ምክንያት ነው። በረሃብና በችግር ጊዜ ከሕዝባቸው ጎን በመቆም ያሳዩት ወላጃዊ ፍቅር እስከ ዛሬ ድረስ በሕዝብ ልብ ውስጥ ታስበው እንዲኖሩ አድርጓቸዋል።
የዳግማዊ አጼ ሚኒሊክን የልደት በዓል ስናከብር ታሪካቸውን ከማስታወስ ባለፈ፣ ለእናት ሀገራቸው የነበራቸውን ፍቅር፣ የነፃነት ጽናት እና ለልማት የነበራቸውን ትልቅ ራዕይ በመውረስ አገራችንን በዕውቀት፣ በሥራ እና በአንድነት ወደተሻለ ደረጃ በማሸጋገር ሊሆን ይገባል መልዕክታችን ነው።

18/08/2026

በኮለጁየእርሻ ማሳ በመስኖ የለማ ስንዴ፣ ገብስና የከብት መኖ በወቅቱ የገበያ ዋጋ ለህብረተሰቡ እየቀረበነው።

18/08/2026

Great! Keep it up!

17/08/2026

12/08/2026

12/08/2026