11/06/2026
ከንስር (አሞራ) የምንማራቸው ስድስት የአመራር መርሆዎች
ንስር ተራ ወፍ ብቻ አይደለም፤ እርሱ የእይታ፣ የጥንካሬ፣ የዕድሳት እና የሰማይ የበላይነት ምልክት ነው፡፡ የሕይወቱ እያንዳንዱ ክፍል ስለ አመራር፣ ስለ እድገት እና ስለ ውስጣዊ ኃይል ትልቅ ትምህርት ይሰጣል፡፡ ንስርን በጥሞና ካስተዋሉ፣ ክንፎቹን ብቻ ሳይሆን የአመራር መርሆዎችን ይማራሉ፡፡
1. ንስሮች ብቻቸውን እና በከፍተኛ ከፍታ ይበራሉ
ንስሮች እንደ ድንቢጦች፣ ቁራዎች ወይም ሌሎች ትናንሽ ወፎች ጋር አይበሩም፡፡ ከጩኸት፣ ከመስተጓጎል እና ከዝቅተኛ በረራ ውስንነት ይርቃሉ፡፡ ተራ ወፎች ሊኖሩበት ከሚችሉት ከፍታ በላይ በጣም ረቅቀው ይበራሉ፡፡
• ትርጉሙ፦ አመለካከታቸው ጠባብ ከሆነ ሰዎች እና ወደ ታች ከሚጎትቱ አካባቢዎች ይራቁ፡፡ ሁሉም ሰው ለህልምዎ፣ ለዕቅድዎ ወይም ለጉልበትዎ መድረስ አይገባውም፡፡ ንስሮች ከንስሮች ጋር ነው የሚበሩት፡፡ ከፍ ማለት ከፈለጉ፣ የሚፈታተኑዎትን፣ የሚያሳድጉዎትን እና ስለታም አእምሮ እንዲኖርዎት የሚያደርጉ ሰዎችን ይከብቡ፡፡ አካባቢዎ ወይ ከፍ ያደርግዎታል ወይም ያጠፋዎታል፤ ስለዚህ በጥንቃቄ ይምረጡ፡፡
2. ንስሮች ትክክለኛ እይታ (ራዕይ) አላቸው
ንስር ከአምስት ኪሎ ሜትር ርቀት ላይ አደን መለየት ይችላል፡፡ ኢላማው የተደበቀ ቢሆንም፣ መሬቱ የተወሳሰበ ቢሆንም፣ ንስር ትኩረቱን ይሰበስባል እና አይስተውም፡፡ ማዕበል ሊመጣ ይችላል፣ ነፋስ ሊገፋው ይችላል፣ መሰናክሎች ሊፈጠሩ ይችላሉ፤ ነገር ግን ንስር ኢላማውን እስኪመታ ድረስ አይኑን ከሱ ላይ አያነሳም፡፡
• ትርጉሙ፦ ታላላቅ መሪዎች ራዕይ አላቸው፡፡ ግልጽ፣ የረጅም ጊዜ እና የማይናወጥ ራዕይ፡፡ የት እንደሚሄዱ ሲያውቁ፣ መስተጓጎሎች ኃይላቸውን ያጣሉ፡፡ ራዕይዎ ጠንካራ ሲሆን፣ ተግሣጽዎ ተፈጥሯዊ ይሆናል፡፡ ግልጽነት ወጥነትን ይፈጥራል፤ ወጥነት ደግሞ ስኬትን ይወልዳል፡፡
3. ንስሮች የሞተ ነገር አይበሉም
ንስሮች የሚመገቡት አዲስ አደን ብቻ ነው፡፡ የሞተ እንስሳ ፍለጋ አይንከራተቱም፡፡ በሌሎች ትተውት በሄዱ ቁርጥራጭ አይኖሩም፡፡ በሚበሰብስ ነገር ላይ ሕይወታቸውን አይመሰርቱም፡፡
• ትርጉሙ፦ ባለፈው ስኬትዎ ላይ አይመኩ፡፡ ባረጁ ድሎች አይርኩ፡፡ ማንነትዎን ባሳለፉት ጊዜያት ላይ አይገንቡ፡፡ ሕይወት ወደፊት ትገሰግሳለች፤ አመራርም ዕድሳትን ይጠይቃል፡፡ የሚፈታተንዎት ካልሆነ አይለውጥዎትም፡፡ የሚያሳድግዎት ካልሆነ አያጠነክርዎትም፡፡ያለፈውን ቦታው ላይ (ያለፈው ውስጥ) ይተዉት፡፡ አዳዲስ ግቦችን፣ አዳዲስ ክህሎቶችን እና አዳዲስ ደረጃዎችን ማደንዎን ይቀጥሉ፡፡
4. ንስሮች ማዕበልን ይወዳሉ
ማዕበል ሲነሳ አብዛኞቹ ወፎች ይደበቃሉ፡፡ ንስር ግን ይደሰታል፡፡ ማዕበሉን አይዋጋውም፤ ይልቁንም ይጠቀምበታል፡፡ ኃይለኛው ነፋስ ንስሩን ከፍ ያደርገዋል፣ ከደመና በላይ ወደሆነው ወደ ፀጥታው፣ ወደ ብርሃኑ እና ወደ ጥርት ስፍራ ይወስደዋል፡፡ ሌሎች በማዕበሉ ለመትረፍ ሲታገሉ፣ ንስር ግን በማዕበሉ ምክንያት ከፍ ይላል፡፡
• ትርጉሙ፦ ተግዳሮቶች እርስዎን ለማጥፋት አይመጡም፤ እርስዎን ለማሳደግ እንጂ፡፡ ህመም ግንዛቤን ይገነባል፤ ጫና ኃይልን ይፈጥራል፤ ተቃውሞ ደግሞ አቅምዎን ያሰፋል፡፡ አስቸጋሪ ወቅቶችን አይፍሩ፡፡ እነሱ እንቅፋቶች አይደሉም፣ የድል መነሻዎች እንጂ፡፡ ስኬታማ ሰዎች ማዕበልን አያመልጡም፤ ወደ መልካም ነገር ይለውጡታል፡፡
5. ንስሮች ግልገሎቻቸውን ለበረራ ያዘጋጃሉ
ጊዜው ሲደርስ እናት ንስር በጎጆው ውስጥ ያለውን ለስላሳ ሳር እና ላባ ታወጣለች፡፡ ቀደም ሲል ምቹ የነበረው ጎጆ አሁን ምቹ አይሆንም፡፡ ግልገሎቹ ይረበሻሉ፣ እንዲንቀሳቀሱ ይገደዳሉ፡፡ በመጨረሻም ከጎጆው ይገፋሉ፡፡ በዚያ አስፈሪ ውድቀት ውስጥ ግን ክንፎቻቸውን ያውቁበታል፡፡
• ትርጉሙ፦ ምቾት ውብ ነው፣ ነገር ግን ምቾት አደገኛ ነው፡፡ ሁሉም ነገር ቀላል በሆነበት ቦታ ምንም ነገር አያድግም፡፡ ምቾት ባለበት ቦታ ቢቀመጡ፣ ምን ማድረግ እንደሚችሉ መቼም አያውቁም፡፡ እድገት የሚጀምረው ምቾት በሚያበቃበት ቦታ ነው፡፡ አመራር የሚወለደው ሰበብ በሚሞትበት ጊዜ ነው፡፡
6. ንስር ሲያረጅ
ንስር ሲያረጅ ላባው ይደክማል፣ ጥፍሩ ኃይሉን ያጣል፣ ምንቃሩ ይጣመማል፡፡ መብረር ይከብደዋል፡፡ ስለዚህ ንስሩ ወደ ረጅም ተራራ ይሄዳል፡፡ እዚያ ብቻውን ሆኖ ምንቃሩን ከዓለት ጋር እየመታ ይሰብረዋል፡፡ አሮጌ ላባዎቹን በስቃይ ይነቅላል፡፡ የሚያገለግለውን ነገር ግን አሁን የገደበውን ነገር ያስወግዳል፡፡ ለወራት ይሠቃያል፤ ከዚያም እድሳት ይመጣል፡፡ አዲስ ምንቃር፣ አዲስ ጥፍር እና አዲስ ላባ ይበቅልለታል፡፡ ንስሩም እንደገና ይበራል—ከበፊቱ ይበልጥ ጠንካራ እና ከፍ ብሎ፡፡
• ትርጉሙ፦ እድገት የሚያምበት ጊዜ አለ፡፡ ለውጥ ዋጋ የሚያስከፍልበት፣ ነገሮችን መተው እንደ ማጣት የሚሰማበት ጊዜ አለ፡፡ ነገር ግን መተው እምቢ ያሉት ነገር ይገድብዎታል፡፡ አሮጌ ልማዶች፣ አሮጌ አስተሳሰቦች፣ አሮጌ ማንነቶች—ምንም ያህል የለመዷቸው ቢሆን፣ ዋጋ የማይሰጡዎትን ነገሮች ሁሉ ማስወገድ አለብዎት፡፡ እድሳት ሁልጊዜ የሚመጣው ነገሮችን በመልቀቅ ነው፡፡
________________________________________
ንስር በአጋጣሚ ከፍ አይልም፡፡ የሚነሳው በተፈጥሮው፣ በትጋቱ እና በዕቅዱ ነው፡፡ እርስዎም እንዲሁ መሆን አለብዎት፡፡
