07/07/2022
Waxabajjii 30/2014 Bu'uraaleen misoomaa Bulchiinsa Magaalaa Baabbileetti hojjatamuun Eebbaaf ga'an Imala biyyattiin gara badhaadhinaatti taasisaa jirtu kan mirkaneessu ta'uu Abbootiin Amantaa fi Jaarsooleen biyyaa Piroojektiilee garaa garaa daawwatan dubbatan.
Magaalaa Baabbileetti pirojaktoonni misoomaa garaa garaa 33 baajata mootummaa fi hirmaannaa ummataa Birrii Miliyoona 54.9 oliin hojjetaman xumuramuun jala bultii eebbaarra jiran jila Kantiibaa Bulchiinsa Magaalaa Baabbilee Obbo Kadiir Gannaatiin durfamuun daawwachiifaman.
Magaalichatti hojilee misoomaa xumuramuun eebbaaf ga'an kanneen daandii cirrachaa , Daandii Koobilii, Ijaarsa Daree dabalataa, mana Barnoota Bu'uura boruu ,Magariisuu magaalaa, laandiskeeppii tajaajila m/qopheessaa ,Sheedii IMX, ijaarsa waajjiraalee, bo'oo lolaa hojiilee misoomaa kanneen keessatti argamu.
Hojiileen misoooma hojjetaman kunneen rakkoolee hawaas-dinagdee jiraattota magaalichaa kan furan tahuu Kantiibaan Bulchiinsa Magaalaa Baabbilee Obbo kadiir Gannaa Daawwannicharratti himanii, Mootummaan keenya mootummaa Dhagaa bu'uuraa kaa'ee deemu qofa osoo hin ta'iin mootummaa waan jalqabe xummuruun Riivaayinii muruudha, Iccitiin milkaa'ina keenyaa waldhaga'uu hoggansa jijjiiramaa fi qindoomina hawaasaa keenyaatiis ja'an.
Abbootiin Amantaa fi Jaarsooleen biyyaa Piroojektiilee garaa garaa daawwatan akka dubbatanitti Bu'uraaleen misoomaa Bulchiinsa Magaalaa Baabbileetti hojjatamuun Eebbaaf ga'an Imala biyyattiin gara badhaadhinaatti taasisaa jirtu kan mirkaneessu ta'uu himuun, Qaamooleen faallaan sochoo'aniifi guddina biyyaarratti gufuu tahan hawaasa hojii misooma hojjatee jiraatu shororkeessu hadheeffannee irratti qabsaa'uu qofa osoo hin taane hordofuun seeratti akka dhiyaatu gochuufis tumsa kamiyyuu ni goona,Imala gara badhaadhinaatti taasisaa jirru milkeessuuf tokkummaafi kutannoon hojjechuu gaafata waan ta'eef guddina Magaalaa biyya isaanii keessatti qooda isaanirraa eegamu ba'uuf kan hojjatan ta'uu dubbatan.
