Haramaya University Somaliland Students Association

JIILKA AQOONTA IYO JIDKA QARANNIMADA🎓

Ururka HUSSA ee Jaamacadda Haramaya wuxuu halkan ku soo bandhigayaa halku-dhigga rasmiga ah ee xuska 18-ka May, 2026. Waxaan rumeysannahay in aqoontu tahay awoodda dhabta ah ee lagu dhiso dowladnimo waarta, looguna adeego bulshadeena.

Dhallinyarada aqoonyahanka ah ee ku sugan Jaamacadda Haramaya iyo meel kasta oo ay joogaan, waa kuwa laga sugayo inay horseedaan hal-abuurka iyo horumarka berrito. Maanta ma xusayno oo kaliya madax-bannaanida, laakiin waxaan xusaynaa doorka lama huraanka ah ee aqoontu ku leedahay jiritaanka iyo horumarka qarankeena.

Wada jir iyo guul aan ku dabaal-degno dhammaanteen inaga oo isku duuban!

MAGACAABISTA GUDDIGA QABAN-QAABADA 18-KA MAY✨

Ururka HUSSA ee Jaamacadda Haramaya wuxuu si rasmi ah u magacaabay Guddiga Hoggaamin doona agaasinka iyo qaban-qaabada munaasabadda 18-ka May. Guddigan oo ka kooban lix xubnood, waxay mas'uul ka yihiin in xafladdu u dhacdo si heer sare ah.
Guddigan waxaa lagu doortay kartidooda iyo sida ay ugu heellan yihiin matalaadda ardayda Somaliland ee Haramaya. Waxaan ka codsanaynaa dhammaan ardayda inay guddiga kala shaqeeyaan xuska maalinta qaranka.

Ogeysiis iyo Barasho.

Waxaan halkan ku soo bandhigaynaa Guddoomiyaha Cusub ee Garabka Undergraduate-ka ee ururka HUSSA, Abdirahman Mohamed Ibrahim.
Guddoomiyaha oo ka tirsan Kulliyadda Geographic Infromation System, wuxuu hormuud u noqon doonaa isku xidhka, daryeelka, iyo hoggaaminta ardayda reer Somaliland ee ku jirta heerka koowaad ee jaamacadda.

Farriinta Guddoomiyaha:
"Hadafkayagu waa inaan dhisno jawi aqooneed oo arday kastaa ku dareemo in la caawinayo, laguna dhiirigelinayo inuu dalkiisa dib ugu laabto isagoo aqoon iyo xirfad tayo leh xambaarsan."

Waxaan u rajaynaynaa guddoomiyaha cusub inuu ku guuleysto mas'uuliyadda culus ee loo igmaday.

2,200+ Mahadnaq! 🚀

Boggani nooguma fadhiyo tiro uun, waa hoy ay ku midaysan yihiin cududda iyo aqoonta ardayda Somaliland ee Haramaya University.

Kalsoonida aad na siiseen waxay noo tahay dhiirigelin aanu ku kordhino adeegga, xogta rasmiga ah, iyo isku xidhka guud ee ardayda. Maanta 2.2k, berri iyo meel ka fogna wa wehel iyo walaaltinimo.

Waad ku mahadsan tihiin inaad qayb ka tihiin safarka HUSSA. 🎓✨

Kulan iyo Qado-sharaf lagu maamuusay Dr. Ashenafi Yimam

Waxaa magaalada Hargeisa ka dhacay kulan ballaadhan oo ay isugu yimaadeen ardayda heerka sare (Postgraduate) ee Haramaya University, kuwaas oo isugu jira heerka PHD iyo Master’s. Kulankan ayaa lagu martiqaaday Dr. Ashenafi Yimam, oo ah Associate Director of Postgraduate ee Jaamacadda Haramaya, kaas oo hawlo shaqo u jooga dalka.

Kulanka oo ahaa mid weyn oo ay soo abaabuleen ardayda reer Somaliland ee jaamacadda, ayaa lagu falanqeeyay horumarka aqooneed ee ardayda iyo sidii loo sii xoojin lahaa xidhiidhka aqooneed ee ka dhexeeya jaamacadda iyo ardayda Somaliland.

Kulankan qiimaha badan ayaa qado-sharaf ballaadhan loogu sameeyay Dr. Ashenafi, taas oo muujinaysa soo dhawaynta iyo milgaha ay ardayda Somaliland u leeyihiin macalimiintooda iyo maamulka jaamacadda.

Ururka HUSSA wuxuu u mahadcelinayaa Dr. Ashenafi Yimam booqashadiisa, sidoo kalena wuxuu bogaadinayaa ardayda Postgraduate-ka ah ee soo qabanqaabiyay kulankan heerka sare ah.

Hambalyo iyo Boggaadin. 🎓✨
Ururka Ardayda Somaliland ee Jaamacadda Haramaya wuxuu hambalyo kal iyo laab ah u dirayaa ardayga saaxiibkayga ah ee Abdirazak Hussien Haroun, oo maanta si guul ah ugu difaacay cilmi-baadhistiisii qalin-jabinta ee heerka koowaad.

Difaaca cilmi-baadhista oo ah mid ka mid ah caqabadaha ugu waaweyn ee waxbarashada, Abdirazak wuxuu muujiyay dadaal iyo karti dheeraad ah, isagoo ku guuleystay inuu dhammaystiro takhasuska Kulliyadda Beeraha khaasatan Waaxda Khayraadka Dabiiciga ah iyo Maareynta (Department of Natural Resource Management).

Guusha ardaygan waa guul u soo hoyatay dhammaan ardayda reer Somaliland ee Haramaya, waana mid dhiirigelin u ah ardayda kale ee hadda gacanta ku haysa buugaagtooda research-ka.
Waxaan u rajaynaynaa mustaqbal ifaya iyo inuu aqoontiisa uga faa'iideeyo dadkiisa iyo dalkiisa.

Guddiga Fulinta ee HUSSA