Haramaya University Somaliland Students Association

Haramaya University Somaliland Students Association Contact information, map and directions, contact form, opening hours, services, ratings, photos, videos and announcements from Haramaya University Somaliland Students Association, Education, Haramaya University, Alemaya.

Inaan Samayno deegaan dhiirigelin leh oo ka caawiya ardayda Somaliland ee Haramaya inay gaadhaan guulo aqooneed, annagoo u fududaynayna la-qabsiga nolosha jaamacadda, hagitaan cilmiyeed, iyo dhisidda xidhiidh dhow oo dhex mara ardayda iyo mamulka Jamacada

🎓 HAMBALYO QALINJABIYAYAASHA HARAMAYA UNIVERSITY 2026​Shalay waxay ahayd maalin taariikhi ah oo ay Jaamacadda Haramaya u...
28/06/2026

🎓 HAMBALYO QALINJABIYAYAASHA HARAMAYA UNIVERSITY 2026

​Shalay waxay ahayd maalin taariikhi ah oo ay Jaamacadda Haramaya u dabbaaldegaysay qalinjabinta 3,324 arday oo ka qalinjabiyay heerarka kala duwan ee Degree, Master, iyo PhD.
​Waxaan hambalyo kal iyo laab ah u dirayaa dhammaan ardayda qalinjabisay ee maanta garabka saartay miro-dhalka dadaalkoodii sannadaha badan. Gaar ahaan, waxaan hambalyo gaar ah u dirayaa ardayda reer Somaliland ee ka qalinjabiyay jaamacaddan. Waxaad muujiseen karti, dulqaad, iyo dedaal aad kaga midho-dhaliseen himiladiinnii.

​Ilaahay ha idinka dhigo kuwo aqoontooda uga faa'iideeya dalkooda, dadkooda, iyo diintooda.
​Dhanka kale, ardayda weli jaamacadda ku jira ee waxbarashadoodii wada, waxaan Ilaahay uga baryayaa inuu u sahlo, una dhammaystiro si khayr qabta, ayna iyaguna gaadhaan heerkan oo kale.

​Hambalyo qalinjabinayaasha, guul ayaan idiin rajaynayaa tallaabadiinna xigta!

​

ISKU-XIDHNAAN IYO SABOOTIN SHARAF LEH! 🍽️🎓Maanta waxay noo ahayd maalin weyn oo muujisay bilicda iyo isku-duubnida arday...
14/06/2026

ISKU-XIDHNAAN IYO SABOOTIN SHARAF LEH! 🍽️🎓

Maanta waxay noo ahayd maalin weyn oo muujisay bilicda iyo isku-duubnida ardayda jaamacadda. Waxaan ka soo qayb-galnay munaasabad qado-sharaf ah oo si heer sare ah loo soo agaasimay, taas oo ay ardayda sannadka koowaad iyo Master-tu u sameeyeen ardayda qalin-jabineysa ee dhammaystay waxbarashada heerka koowaad iyo heerka labaad (Undergraduate & Postgraduate).

Cududda iyo aqoonta is-baddalaysa ee facba faca ka dambeeya u gudbinayo waa ta dhalisa qarannimo iyo horumar waara. Waxaan si mug leh ugu mahad-celinaynaa walaalahayagii wakhtiga u-huray qaban-qaabada iyo maamuuskan sare ee ay nagu sabootiyeen.

Safarkayagii waxbarasho ee jaamacadda halkani kuma dhammaanayo, balse waa bilowga mas'uuliyad cusub iyo cutub cusub oo noo bilowday.

ALHAMDULILLAH: GUUL IYO DHAMMEYSTIR! 🎓💻Maanta waxay noo ahayd maalin weyn oo taariikhi ah. Waxaan si guul ah u difaacana...
08/06/2026

ALHAMDULILLAH: GUUL IYO DHAMMEYSTIR! 🎓💻

Maanta waxay noo ahayd maalin weyn oo taariikhi ah. Waxaan si guul ah u difaacanay buugga cilmi-baadhista ee Master’s Research Thesis ee kuliyada Computer Science.

Waxaan halkan ku soo gunaanadnay wejigii koowaad ee safarkayaga aqooneed ee heerka labaad ee jaamacadda. Waxaan u mahadcelinaynaa cid kasta oo nagu taageertay jidkan, gaar ahaan macallimiintii iyo la-taliyayaashii nala soo shaqeeyay buugta.

Aqoontu waa hantida qudha ee lagu hormariyo bulshada, waxaanan rajaynaynaa in aqoontan iyo khibraddan aan korodhsanay ay wax weyn ka tarto horumarinta tiknoolajiyadda iyo cilmiga computer-ka.

CIIDDA MUBAARAK MEEL KASTA OO AAD JOOGTAAN HUSSA 🌙✨​Maanta waa maalin farxad, mahadnaq, iyo isku-xidhnaan. Iyadoo ay ard...
27/05/2026

CIIDDA MUBAARAK MEEL KASTA OO AAD JOOGTAAN HUSSA 🌙✨

​Maanta waa maalin farxad, mahadnaq, iyo isku-xidhnaan. Iyadoo ay ardaydeennu ku kala nool yihiin meelo kala duwan, haddana quluubteennu waxay u garaacmaysaa si isku mid ah.
​Waxaan halkan idiinku soo bandhigaynaa sawirrada ardayda reer HUSSA oo Ciidda ugu dabbaaldegaya meelo kala duwan:
​📍 Haramaya Campus: Halkii aqoonta iyo xaruntii ururka.
📍 Harar Campus: Walaalaheen oo muujiyey jacayl iyo midnimo aan xuduud lahayn.
📍 Somaliland: Dhulkii hooyo iyo meeshii ay farxadda Ciiddu ugu macnayd.

​In kasta oo aynu kala fog nahay, haddana diirimaadka Ciidda iyo dareenka wadajirku waa mid ina mideeya. Waxaan dhammaan ardayda, qoysaskooda, iyo shacabka Somalilandba u rajaynaynaa Ciid Mubaarak!
​Ha iloobin inaanu nahay 'Jiilka Aqoonta' oo u taagan dhismaha mustaqbal ifaya oo midaysan.

​

عيد مبارك وكل عام وانتم بخير. Ururka ardayda somaliland jamacada haramaya (HuSSA )wuxuu hamblyo iyo tahniyad ciideed u d...
26/05/2026

عيد مبارك وكل عام وانتم بخير.
Ururka ardayda somaliland jamacada haramaya (HuSSA )wuxuu hamblyo iyo tahniyad ciideed u dirayaa dhaman shacab waynaha jamuriyada somaliland meel kasta oo ay joogaan dal iyo dibad baa. Ciid mubarak ilahay acmaashii wanaagsana aynu soo samayn ayaamihii khayrka lahaa inaga aqblo.

The Somaliland Students Association of Haramaya University (HUSSA) sends its congratulations and Eid greetings to all the people of the Republic of Somaliland wherever they are, both at home and abroad. Eid Mubarak, may Allah accept the good deeds we performed during those blessed days.

Ciid wanaagsan dhamantiin

HAL QOYS, HAL MIDNIMO, IYO HAL HIMILO ✨​Xafladdii 18 May ma ahayn oo keliya midnimo erayo ah, waxay ahayd midnimo aan ku...
21/05/2026

HAL QOYS, HAL MIDNIMO, IYO HAL HIMILO ✨

​Xafladdii 18 May ma ahayn oo keliya midnimo erayo ah, waxay ahayd midnimo aan ku xoojinnay sawirro iyo xusuus aan marna duugoobi doonin.
​Si aan u soo xidhno barnaamijyadeennii gaarka ahaa, waxaan halkan idiinku soo gudbinaynaa sawirradii ballaadhnaa ee aan ku wada galnay munaasabadda. Waa midnimo ka tarjumaysa is-dhexgalka ardayda ee aan kala maarmin:

​Martidii Sharafta Lahayd: Kuwii nooga yimid magaalooyinka kala duwan (Hargeisa, Jigjiga, Diredawa) iyo walaalahayaga caalamiga ah ee ay u h**eeyaan South Sudan.
​Haramaya Campus: Ciidankii nabadda iyo aqoonta ee garabkayaga taagnaa.
​Harar Campus: Walaalaheen oo muujiyey midnimo aan lala tartami karin, iyagoo u hagar baxay munaasabadda.

​Sida aan sawirradan ugu midaysan nahay, aan u midowno dhismaha qarannimada iyo hiigsiga 'Jiilka Aqoonta'. Mahadsanidin qof kasta oo qayb ka ahaa sawirradan taariikhiga ah.

​

QALINKII AQOONTA IYO MAAMUUSKII HOGGAANKA. 🎓🏅​Munaasabaddii 18-ka May ma ahayn oo keliya damaashaad, waxay ahayd madal a...
19/05/2026

QALINKII AQOONTA IYO MAAMUUSKII HOGGAANKA. 🎓🏅

​Munaasabaddii 18-ka May ma ahayn oo keliya damaashaad, waxay ahayd madal aan ku maamuusnay dadaalka iyo hal-abuurka.
​Waxaan shahaado sharaf gudoonsiiyay guddoomiyihii qabanqaabada ee xilka culus qaaday iyo guddidii kuwaas oo habeen iyo maalinba u taagnaa in munaasabaddu ay u dhacdo si ka duwan sidii h**e. Shaqadaasi waxay ahayd mid u baahan dhiirigelin iyo mahadnaq.
​Sidoo kale, waxaan u mahadcelinaynaa haldoorkii ku hadlay masraxa, kuwaas oo fikirradooda, suugaantooda, iyo aqoontooda nala qaybsaday. Codkoodu wuxuu ahaa codkii 'Jiilka Aqoonta' oo si cad u hadlay.
​Sawirrada hoose:
​Guddoomiyihii Guddida Mr. Abdiwasac Arab iyo ardayda sanadkan GC-ga ah ee la gudoonsiiyey Shahaado Sharafta: Waxay u taagan yihiin tusaale hufnaan iyo dedaal.
​Haldoorkii ku hadlay Masraxa: Waxay u taagan yihiin codkii iyo garaadkii munaasabadda.
​Mahadsanidin mid kasta oo gacan ka geystay in quruxdan la gaadho. HUSSA maanta waa mid loo wada hanweyn yahay!

​

19/05/2026

MIDNIMADII IYO BILICDII XAFLADDA HUSSA ✨🎓

​Wax kastaaba waxay u dhaceen si ka qurux badan sidii aan qorsheynay. Xalay Jaamacadda Haramaya waxay marag ka ahayd cududda, aqoonta, iyo is-ixtiraamka ardayda Somaliland iyo saaxiibadooda caalamiga ah.
​
​Xusuusta habeenkan waxay inoo noqon doontaa dhiirigelin aynu ku sii hurno dhabbaha aqoonta iyo horumarka. Mahad weyn waxaan u celinaynaa guddidii qabanqaabada, martidii meelaha fogfogh uga timid dabaal-degga, iyo qof kasta oo gacan ka geystay quruxda madasha.
​Hoos ka daawo dareenka iyo damaashaadka jiilka aqoonta 🫡

18/05/2026

DAAWO RECAP-KA XAFLADDII REER HARAMAYA! 🔥🎬

​Habeen aan marna taariikhda ka hadhi doonin! Xuska munaasabadda 18 May ee ururka HUSSA wuxuu xalay reebay xasuus iyo midnimo weyn, isagoo ruxay guud ahaan Jaamacadda Haramaya.
​Halkan ka daawo muuqaalka kooban iyo sawirrada ugu dhuuxa badan ee munaasabaddii weynayd ee caawa taas oo xanbaarsanayd halku-dhigga 'Jiilka Aqoonta iyo Jidka Qarannimada'.
​Muuqaalkan wuxuu koobayaa:
✨ Khudbaddii dhiirigelinta ahayd ee Gudoomiyaha Guud.
👑 Sharaftii iyo bilicdii ay madasha ku soo biiriyeen martidii inoga timi Puntland, Hargeisa, Jigjiga, iyo Dire Dawa.
🌍 Midnimadii caalamiga ahayd ee Student Union-ka jaamacadda iyo walaalahayaga South Sudan.
📜 Tixdii, suugaantii, iyo goyntii keega ee farxadda lahayd.
​Aad ba wey u mahadsan yihiin dhammaan ardayda iyo martidii naasoo sharftay. Haramaya caawa waxay ahayd hal qoys iyo hal cod

SAFARKII GUUSHA: MARTIDA JIGJIGA IYO HARGEISA NOOGA TIMID ✨​Xuska 18-ka May ee maanta ka dhacaya Haramaya University wux...
17/05/2026

SAFARKII GUUSHA: MARTIDA JIGJIGA IYO HARGEISA NOOGA TIMID ✨

​Xuska 18-ka May ee maanta ka dhacaya Haramaya University wuxuu yeeshay qiimo iyo miisaan ka duwan kuwii h**e. Waxaan si weyn u shaacinaynaa oo aan u soo dhoweynaynaa marti si gaar ah munaasabadda darteed safar dheer ugu soo gashay inay nala damaashaadaan:
​Gabdhaheenna Qaaliga ah: Labada gabdhood ee martida noogu yimid magaalada Jigjiga.
​Geesiga Madasha: Hal wiil oo asna si gaar ah munaasabadda darteed nooga soo safray caasimadda qaranka ee Hargeisa.
​Safarka, dhibka iyo dadaalka ay u soo galeen inay maanta Haramaya nagula weyneeyaan halku-dhigga 'Jiilka Aqoonta iyo Jidka Qarannimada', waxay markhaati ka tahay isku-xidhnaanta, jacaylka iyo midnimada ka dhexaysa dhalinyaradeenna meel kasta oo ay joogaan.
​Gacmo furan iyo kalsooni buuxda ku soo dhowooda walaalayaal, munaasabaddu waa tiinna!
​

Address

Haramaya University
Alemaya

Website

Alerts

Be the first to know and let us send you an email when Haramaya University Somaliland Students Association posts news and promotions. Your email address will not be used for any other purpose, and you can unsubscribe at any time.

Shortcuts

Share

Category