https://www.facebook.com/103150624696964/

Abreham Hidabusa, Haqa hin haqaaqamne “Fayyinnis Yesus Kristos duwwaadhaan malee, kan biraatiin tokko illee hin jiru; maqaan kan biraa, ittiin fayyuun kan nuuf ta'u, waaqa jalaa ilmaan namootaaf hin kennamne" jedhe. Ho, Addis Alem (2026)

Q: What is the address?

Haqa Hin Haqaaqamne “Fayyinnis Yesus Kristos Duwwaadhaan Malee, Kan Biraatiin Tokko Illee Hin Jiru; Maqaan Kan Biraa, Ittiin Fayyuun Kan Nuuf Ta'u, Waaqa Jalaa Ilmaan Namootaaf Hin Kennamne" Jedhe. Ho

18/08/2026

Seexanni wan ati dubbattu malee wanta ati yaaduu hin beeku.Kanaafuu arrabni kee maayikii yaada kee waan ta'eef yaada kee eeggadhu.

18/08/2026

Barumsa Walitti fufinsaa ergaa Yihudaa barannuu?
Yaada keessan kennaa
🤲

18/08/2026

KUTAA 872FFAA
MAARIYAAMI ERGA YESUS DEESSE IJOOLLEE BIRAA HIN QABDUU?
Mar 6³
Nagaan Waaqayyoo siinif haa baayyatu har'a dhimma ijjoollee qabaachuu fi dhiisuu ishii irratti macaafni qulqulluu maal jedha kan jedhu waliin ilaalla.share gochuu hin dagatiinaa. Maariyaam Yesus malee ijoollee qabdii?
👆👉 Ijoollee qabdi.Kun dhugaa wangeelaa dha.Sababni isaa macaafni qulqulluu ragaa malee dhugaa dha.kana jechuun wanti macaafni qulqulluu dubbate,ragaa namootaa,beekumsaa fi falaasa namoota irra danuu kan caalu qofa otoo hin taane eenyuma wajjin kan hin dorgoomne dhugaa barabaraa dha.Dhugaa kana hubachuuf hunduma dura sheekkoo faalasama namaa isa Ijoollee maariyaam warri jedhaman kan obboleettii maariyam isa jedhu fudhachuu dhiisuu qabda.

Mar 6:3 irratti “kun ilma Maryaam, obboleessa Yaaqoob, Yoseef, Yihudaa fi Simoonii ti; obboleettonni isaa as nu bira jiru mitii?” jedhamee barreeffamuun, Yesuus malee ijoolleen Maariyaam biroo akka jiran hubachuuf ragaa cimaa dha.Garuu dhugaa kana hubachuuf, aadaa ykn sheekkoo amantii duraanii caalaa barruu Macaafa Qulqulluu mataa isaa irratti hundaa’uu qabna.

1. Mar 6:3 maal dubbata?
Maarqos 6:3 keessatti namoonni Naazireet Yesuusiin “Kun ilma muka soofu, ilma Maariyaam, obboleessa Yaaqoob, Yoseef, Yihudaa fi Simoonii ti; obboleettonni isaa as nu bira jiru mitii?” jedhu.
As keessatti wanti ifatti mul’atu:
✍Yesuus “ilma Maariyaam” jedhame.
✍Yaaqoob, Yoseef, Yihudaa fi Simoon “obboleewwan isaa” jedhanii waamaman.
✍Akkasumas “obboleettonni isaa” jedhamanii dubartoonni hedduun caqasaman.

Kanaaf, barruun sun Yesus qofa osoo hin taane, maatii isaa keessatti obboleewwanii fi obboleettota akka jiran dubbata.

2. “Obboleessa” jechuun yeroo hunda “fira” jechuu qofa miti
Yaadni “obboleessa” jedhu yeroo tokko tokko fira bal’aa agarsiisuu danda’a; fakkeenyaaf Abrahaam Looxiin “obboleessa” jedhe, Loox garuu ilma obboleessa isaa ture (Um 13:8; 14:12).

Garuu Maarqos 6:3 keessatti rakkoon jiru: Yaaqoob, Yoseef, Yihudaa fi Simoon maqaan isaanii tarreeffamanii, “obboleewwan isaa” jedhamee; itti aansuudhaan “obboleettonni isaa” jedhama. Kanaaf, hiika barruu keessatti fira qofa jechuun dirqama miti; ijoollee maatii Yesuus keessatti dhalatan jechuu danda’a.

3. Maat 13:55–56 ragaa biraa kenna
Maatewosis haala wal fakkaatuun “Kun ilma namicha mukaa soofu sanaa mitii? Haati isaa Maariyaam jedhama mitii? Obboloonni isaa Yaaqoob, Yoseef, Simoonii fi Yihudaa mitii? Obboleettonni isaa hundinuus nu bira hin jiranii?” jedha.

Kana jechuun, Macaafni Qulqulluun maqaa obboloota Yesuus afur fi obboleettota isaa ifatti nuuf kenna.

4. Yoh 7:3–5 keessatti obboloonni Yesuus
Yohannis 7:5 immoo “Obboloonni isaa iyyuu isatti hin amanne.” jedha.
Kunis namoonni “obboleewwan Yesuus” jedhaman akka namoota dhugaa jireenya isaa keessatti jiran mul’isa. Yeroo tokko Yesuusitti hin amanne; boodarra immoo Yaaqoob keessaa tokko ta’ee hogganaa waldaa Yerusaalemii ta’e (Hoj. Ergamootaa 15:13; Gal. 1:19).

5. Hawaasa durii irraa dhufe jechuun dhugaa barruu caalaa aangoo hin qabu
Kanaaf, namni “Isaan obboloota Yesus miti; isaan firoota Maariyaam biraa ykn obboloota Yoseefii ti”jedhee yoo barsiisu, gaaffiin ogummaa qabu “Macaafni Qulqulluun bakka Maarqos 6:3 keessatti akkas jedhee ibse eessa jira?”jechuudha.

Sababni isaas, Maarqos 6:3 mataan isaa “obboleewwan isaa” jedha; Maatewos 13:55–56 immoo maqaa isaanii tarreessa. Kanaaf, ilaalcha amantii duraanii tokko Macaafa Qulqulluu keessatti ifatti hin barreeffamne, akka waan Macaafni Qulqulluun jedhuutti dhiyeessuun sirrii miti.
Inni kan biraa obboolotni kun obboloota Yesus hin taane taanan maalumaaf macaafnu qulqulluu obboloota Yesus jedhee dubbata? Kanaafuu maariyaam erga Yesus deesse ijoollee biraa hin deenye kan jedhu barsiisa eenyuuyyuu yoo ta'e hin fudhadhu.dhugaani mormii malee fudhadhu macaafa qulqulluu dha.kana jechuun barsiisa abboota abboota hin fudhadhu jechuu koo otoo hin taane dhugaan jireenya koof murteessaa ta'e macaafa qulqulluu dha jechuu kooti.

6. Garuu wanta tokko sirriitti adda baasuu qabna.
“Maariyaam ijoollee Yesuus malee biroo deesse” jechuun Macaafni Qulqulluun bakka tokko irratti “Maariyaam isaan deesse” jedhamee ifatti hin barreessu.Garuu Maarqos 6:3 fi Maatewos 13:55–56 keessatti Yesuus “ilma Maariyaam” jedhamee, namoonni afur “obboleewwan isaa” jedhanii, obboleettonnis akka jiran ibsamu.Kanaaf,hiika uumamaa barruu irraa Yesuus obboloota fi obboleettota qabaachuu isaa fudhachuun ilaalcha barruu wajjin wal sima.

Dhugaan Macaafa Qulqulluu yeroo tokko tokko aadaa, seenaa waldaa, ykn ilaalcha duraan qabnuun osoo hin taane, barruu isaatiin madaalamuu qaba. Wanti amantii keessatti beekamaa ta’e hundi ofumaan “Macaafa Qulqulluu” hin ta’u.

“Waan Waaqayyo dubbate caalaa waan namni barsiise hin dabalin.”
— Mar. 7:7–8

Kanaaf Maarqos 6:3 yeroo dubbistu, gaaffiin guddaan, “Macaafni Qulqulluun maal jechuu barbaada?” ta’uu qaba malee, “aadaan koo maal jedha?” qofa ta’uu hin qabu.

Maarqos 6:3, Maatewos 13:55–56, Yohannis 7:3–5 walitti qabnee yoo ilaalle, Yesuus obboleewwan maqaan isaanii caqasaman fi obboleettota akka qabu barruun Wangeelaa ifatti agarsiisa. “isaan fira qofa” jedhu immoo hiika tokko dha; garuu Maarqos 6:3 mataan isaa “ijoollee Maariyaam” jedhee hin waamu—“ilma Maariyaam” fi “obboleessa isaa” jedha.haa ta'uu malee dubbichi tokko dha. , jecha “ijoollee Maariyaam” jedhu yeroo dubbattu, “Macaafni Qulqulluun Yesuus malee ijoolleen Maariyaam biroo akka jiran ni agarsiisa” jechuun caalaatti sirrii fi of-eeggannoo qabu ibsa.

Obboloota fi Obboleetota Yesuus (Mark6:3)
Obboloota Dhiiraa
©Yaa'iqoob (James)
©Yosii (Joses / Joseph)
©Yudaa (Jude)
©Simoon (Simon)
Obboleetota (Barreeffamoota Seenaa/Apocrypha keessatti):
©Mariyinaa (Mary/Maria,maariyam)
©Salomee (Salome)

Haa ta'u malee Yaadonni gadi fageenya qaban kun dhugumaan hubannoo wangeelaa bilchaataafi Madaallii sirrii ta’e irratti kan hunda’aniidha. qabxiilee gurguddoo deeggarsa bu'uuraa ta'an akkasumas xumura gadi fageenya qabu tokkoon adda baasnee ittiin xumurree ibsuu qabna.

1. Aangoo Macaafa Qulqulluu (Biblical Authority)

✍️ vs. :Wanti guddaan ilaalamuu qabu barsiisi tokko aadaa ykn seenaa waldaa durii dhufe irra caalaa jecha Macaafa Qulqulluu mataa isaa irratti hunda'uudha. Aadaan ykn falaasni namaa baroota keessa jijjiiramuu ykn ukkaamamuu danda'a; jechi barreeffamaa (Gospel Text) garuu akkuma jirutti baraan tura.
(Literal Context):Maarqos 6:3 fi Maatewosis 13:55–56 irratti namoonni Naazireet Yesusii fi obboleewwan isaa yeroo maqaa dhaahan, afaan ibirootaatiin jechi “ ” (obboleessa) jedhu afaan yihuudotaa keessatti yeroo tokko tokko fira bal'aa agarsiisuuf kan oolu ta’us, hiika uumamaa fi caasaa barruu sana irraa namoonni sun maatii tokko jechuu isaanii hubachuun ni danda’ama.

2. Bilchina fi Madaallii Doktirinii (Theological Balance)

Of-eeggannoo Jechootaa; Barruun Wangeelaa bakka tokkottiyyuu "Maariyaam ijoollee kana deesse" jedhee akkuma hin barreessine, "Yesus qofa deesse" jedhees kutaalee kana keessatti hin murteessu.Kanaaf, "Macaafni Qulqulluu obboleewwan fi obboleettota Yesuus akka qabu ni dubbata" jechuun ibsa madaalamaa fi barruu wajjin wal-sima ta'eera.
: Namoonni baay’een falmii akkasii keessatti dhugaa barreeffame irra caalaa saayikoolojii ykn aadaa amantii isaaniitiin qabamu. Dhugaa barnoota Macaafa Qulqulluu fudhachuuf garuu dursani haala ilaalcha (preconception) duraan qaban bira darbuun dirqama ta'a.

3. Xumura Guddaa fi Dhugaa murtessaa (Core Truth)
"Dhugaan urtessaan Maariyaam ijoollee biraa qabaachuu fi dhiisuu ishii osoo hin taane, dhugichi Fayyisaa Biyya Lafaa (Kakuu Haaraa) ta'e karaa ishii dhalachuudha.
Ergaa Qajeelaa Waldiddaan dogoggora tiyoolojii yeroo baay'ee wantoota cinaa (secondary issues) irratti xiyyeeffachuu irraa dhufa. Garuu ergaan ijoon (Primary Truth) Fayyina namaa fi eenyummaa Yesus Kristos ta’uu isaa dagachuu hin qabnu.
Yoo dubbisani sinitti tole immoo godhaa.

QOR-QALBI MEDIA
Abreham hidabusa
https://t.me/Abrehamhidabus
Youtube link,https://youtube.com/?si=HdiE7nVwVEnOV3bP

Nuyi Garuu kiristoos isa fannifame ni lallabna.
1Qor 1²³
YESUUS NI DHUFA

17/08/2026

Kan Yesus hin qabne homaa hin qabu, kan Yesus qabu homaa hin Dhabu.
Ani Dureessa.
Atihoo...?

17/08/2026

kUTAA 871FFAA
BARSUMA GAA'ELA FI CIDHA
WARRA WAL KAADHIMATNI WAL KAADHIMACHUN DURA WAAN GOCHUU QABAN SHAN WAN GOCHUU HIN QABNE SHAN.
Kutaa 5FFAA
Nagaan Waaqayyoo siinif haa ta'u kun barumsa keenya gaa'elaa fi cidhaa kutaa xummuraati.barumsaa biraa itti fufna.Dubbisas yeroo shan shan group irratti share godhaa.
Wal kaadhimamuun gaa’elaaf waadaa guutuu miti; garuu gara murtoo gaa’elaatti ce’uuf yeroo qorannoo, hubannoo fi qophii guddaa dha. Yeroo kana keessatti miirri qofa osoo hin taane, ogummaan, dhugaan, amantiin, amala fi kaayyoon jireenyaa qoramuu qabu.
✍️“Gaa’elaaf nama filachuun salphaa ta’uu danda’a; nama sirriitti beekanii filachuun garuu ogummaa gaafata.”

I. WANTOOTA 5 WAL KAADHIMATAN GOCHUU QABAN
1. WAL SIRRITTI BEEKUU QABU — Dhugaa Nama Keessaa Barachuu
Wal kaadhimatan yeroo kana keessatti bifa, uffata, jechoota mi’aawaa fi yeroo gammachuu qofa ilaaluu hin qaban. Amala namaa yeroo gara garaa keessatti beekuun barbaachisaa dha.
Nama tokko,yeroo mufatu akkam?yeroo rakkoo keessa galu akkam? maallaqa akkamitti ilaala? nama isa/ishii gadiitti akkamitti ilaala? maatii isaa/ishii akkamitti kabaja/jji? dogoggora isaa/ishii yoo itti himame akkamitti fudhata?waadaa isaa ni eega/eedii? nama isaaf/ishiif bu’aa hin qabne akkamitti ilaala/ ilaalti? jedhanii qorachuun barbaachisaa dha.Bara kana keessatti gowwomsaa seexanni itti wal kaadhimatoota baay'ee gowwomsaa jiru dhimma bareedina bifaati.bifa bareedaa fi bareedduu jaallachuun rakkoo hin qabu yoo ta'es amalli bareedaan hin jiru yoo rakkoo irratti rakkoo dha.Biftii yeroo isaan darba amalli garuu bulee Gaa'ela.
✍️Bifti cidhaaf malee gaa'elaaf murteessaa hin ta'u, amalli garuu baatee haa Gaa'elaati.
Fkn 20:11 “Daa’imni illee hojii isaatiin amala isaa in mul’isa.”
Kana jechuun amalli namaa dubbii isaa caalaa hojii isaa keessatti mul’ata.
“Nama fuutuuf/heerumtu dubbii isaa qofa hin dhaggeeffatin; amala isaa ilaali. Afaan namni ittiin of ibsu danda’a; jireenyi isaa garuu eenyummaa isaa saaxila.”

2. KAAYYOO JIREENYAA WAL QORACHUU QABU
Wal kaadhimatan:

©Maaliif gaa’ela barbaanna?
©Waaqayyo jireenya keenya keessatti maal nuuf kaaye?
©Eessa jiraachuu barbaanna?
©Hojii fi barnoota keenya akkamitti qindeessina?
©Ijoollee ilaalchisee ilaalchi keenya maal?
©Amantii fi tajaajila keenya akkamitti geggeessina? jedhanii ifatti mari’achuu qabu.
Amoos 3:3 irratti “Lamaan walii hin galle ta’anii akkamitti waliin deemu?”
Gaa’ela keessatti garaagarummaan yaadaa jiraachuu danda’a; garuu dhimma bu’uuraa irratti waliigaltee dhabuu gara rakkoo guddaatti geessa.
✍️“Namni kaayyoo jireenyaa isaa hin beekne, nama kaayyoo jireenyaa isaa waliin qoodatu filachuuf ariifachuu hin qabu.”

3. AMANTII FI DUUDHAA JIREENYAA WAL QORACHUU QABU
Gaa’ela keessatti amantiin,ilaalchi Waaqayyoo,safuun,aadaan fi duudhaan jireenyaa dhiibbaa guddaa qabu.
2Qor. 6:14 “Warra hin amanne wajjin walitti hidhamina hin qabatinaa.”
Caqasni kun haala isaa keessatti waamicha amantii irratti xiyyeeffata;garuu gaa’ela Kiristaanaa keessatti bu’uura amantii irratti waliigalteen maaliif barbaachisaa akka ta’e hubachiisa.
Gaaffilee akka:
©Waaqayyo eenyu?
©Macaafni Qulqulluun maal nuuf ta’a?
©Gaa’ela Kiristaanaa maal jechuu dha?
©Waldaa keessatti tajaajila keenya akkamitti ilaalla?
©Ijoollee keenya maal barsiisna?
©jedhu dursee mari’achuun barbaachisaa dha.

✍️“Mana tokko ijaaruuf dallaa tokko qabaachuun qofti hin ga’u;bu’uura tokko qabaachuun barbaachisa.”

4. DHIMMA MAALLAQAA FI ITTI-GAAFATAMUMMAA DURSEE MARI’ACHUU QABU
Maallaqni gaa’elaaf waan hundumaa miti;garuu maallaqa bulchuu dhabuu gaa’ela raasuu danda’a. Wal kaadhimatonni,galii,baasii,liqii,hojii,qusannaa,qabeenya,itti-gaafatamummaa maatii irratti dhugaa fi iftoomina qabaachuu qabu.
Luq. 14:28 “Isin keessaa eenyutu gamoo ijaaruu barbaada, dura taa’ee baasii isaa lakkaa’ee, xumuruuf humna qabaachuu isaa hin ilaalu?”Yesuus asitti dura karoorfachuu barsiisa.

✍️“Gaa’elaaf jaalalli barbaachisaa dha;garuu jaalala qofaan bajata mana hin bulchan. Jaalala waliin ogummaa fi itti-gaafatamummaan barbaachisa.”

5. GORSA FI QOPHII GAA’ELAA BARACHUU QABU
Wal kaadhimatan “nutu wal beeka; gorsa namaa hin barbaannu” jechuu hin qaban.
Fkn 15:22 “Gorsi hin jirretti yaadni in fashala; gorsitoota baay’ee bira garuu in milkaa’a.”
Gorsa gaa’elaa duraa (premarital counseling) fudhachuun:wal hubachuu,qunnamtii,maallaqa,walitti bu’iinsa,daangaa maatii,itti-gaafatamummaa,karoora fuulduraa irratti qophii kennuu danda’a.
“Gorsa gaafachuun gaa’ela kee dadhabsiisuu miti; gaa’ela kee dura ogummaa itti ijaaruu dha.”

II. WANTOOTA 5 WAL KAADHIMATAN GOCHUU HIN QABNE
1. BIFA QOFAAF JALQABUU HIN QABAN
✍️Bifni nama hawwata; garuu amalli nama tursiisa.
1Sam. 16:7 “Namni waan ijaan argamu ilaala; Waaqayyo garuu garaa ilaala.”
Nama bifa isaa qofaaf filachuun gaa’elaaf bu’uura laafaa dha.“Iji nama filachuu danda’a; garuu gaa’ela tursiisuuf qalbii fi amalatu barbaachisa.”

2. QABEENYA QOFAAF WAL HIN KAADHIMAN
Qabeenyi jireenyaaf barbaachisaa dha;garuu qabeenyaaf nama filachuun nama osoo hin taane qabeenya filachuu ta’a.
Mar. 8:36:“Namni addunyaa guutummaa isaa yoo argatee lubbuu isaa yoo dhabe, maal isa fayyada?”
Qabeenyi:jaalala hin bitu,amanamummaa hin bitu,amala gaarii hin bitu,nageenya qalbii hin bitu.

✍️“Qabeenyi mana guddaa ijaaru danda’a; garuu mana sana keessatti gaa’ela gaarii jiraachisuuf amala gaarii barbaachisa.”

3. MIIRA QOFAAN MURTOO HIN GODHAN
Miirri jaalalaaf barbaachisaa dha;garuu miira qofa irratti murtoo jireenyaa hundeessuun balaa qaba.
Erm. 17:9 “Garaan namaa waan hundumaa caalaa gowwaa dha; eenyutu isa beekuu danda’a?”
Kanaaf:“Nan jaalladha” jechuun gaaffii tokko qofa deebisa.Garuu “Nama kana waliin jireenya guutuu ijaaruu nan danda’aa?”jedhu gaaffii biraa dha.
✍️“Miirri nama gara namaatti geessa; ogummaan garuu nama sirrii wajjin akka dhaabbatu isa gargaara.”

4. DOGOGGORA GUDDAA YKN DHUGAA MURTEESSAA WAL IRRAA HIN DHOKSAN
Wal kaadhimatan keessatti dhugaa murteessaa dhoksuun sirrii miti.

Waan gaa’ela irratti dhiibbaa qabu yoo jiraate, dhugaa isaa ifatti mari’achuun barbaachisaa dha.

Efe. 4:25“Tokkoon tokkoon keessan ollaa isaa wajjin dhugaa dubbadhaa.”
“Gaa’ela sobaan jalqabame, yeroo baay’ee dhugaan isaa yeroo booda ba’ee rakkoo fida.”
✍️Kanaaf dhugaan yeroo tokko nama rakkisuu danda’a; sobni garuu yeroo dheeraa gaa’ela rakkisa.

5. GAA’ELAAF HIN ARIIFATAN
Dhiibbaan:

©“Yoom nu fuuta?”

©“Yoom heerumta?”

©“Umriin darbaa jira.”

©“Namni biraa si fudhata....jedhu murtoo gaa’elaa saffisa.

Garuu Yaq. 1:19 “Namni hundinuu dhaggeeffachuuf ariifataa, dubbachuuf suuta jedhaa, aariif suuta jedhaa.”
Akkasumas Luq. 14:28 dursee baasii lakkaa’uu barsiisa.

✍️“Gaa’elaaf ariifachuun yeroo tokko nama cidhaatti geessa; qophii dhabuu garuu rakkoo gaa’elaatti geessa.”

UTUBAALEE 5 WAL KAADHIMATANII
Kana hunda gabaabsinee utubaa shantti yoo qoodne:

1. DHUGAA — wal irraa hin dhoksinaa.
2. HUBANNOO — wal sirriitti beekaa.
3. WALIIGALTEE — kaayyoo bu’uuraa irratti walii galaa.
4. QOPHII — gaa’elaaf of qopheessaa.
5. GORSA — ogummaa warra bilchaatoo irraa baradhaa.

Walumaagalatti “Wal kaadhimamuun yeroo itti ‘si jaalladha’ jechuu qofa miti; yeroo itti ‘si waliin jireenya akkamii ijaaruu akka dandeenyu’ qorachuudha. Yeroo kana keessatti ija jaalalaa qabaadhaa, garuu ija ogummaatis qabaadhaa. Qalbii keessaniin wal jaalladhaa; sammuu keessaniin wal qoradhaa; Waaqayyoon gaafadhaa; gorsa fudhadhaa; dhugaa walitti himaa. Sababni isaas, nama cidhaaf filachuun murtoo guyyaa tokkoo ta’uu danda’a; nama jireenya guutuuf filachuun garuu murtoo jireenyaa ti.”

👉“Gaa’ela gaarii argachuun carraa qofa miti; gaa’ela gaarii ijaaruuf qophii, ogummaa, amanamummaa fi ayyaana Waaqayyoo barbaada.”
Kutaa hundumaa dubbistee taanan gaa'ela eebbifaman akka eebbifamtu homaa shakkii hin qabu.

QOR-QALBI MEDIA
Abreham hidabusa
https://t.me/Abrehamhidabus
Nuyi Garuu kristos isa fannifame ni lallabna.
1Qor 1:23.
YESUS NI DHUFA

16/08/2026

Kaleessaaf har'a Tamsaasaa Wangeelaa tureen lubbuu (73) magaalaa Maqiitti.
Galanni Waaqayyoof haa ta'u.
Wangeelli itti fufa.
🔥🔥🔥🔥🔥🔥

16/08/2026

Imala Wangeelaa Gartuu dhuga-baatuu
Waldaa Kiristaanaa Deebii humna dhaloota addunyaa

GJ
Isa 40:31

“Fayyinnis Yesus Kristos duwwaadhaan malee, kan biraatiin tokko illee hin jiru; maqaan kan biraa, ittiin fayyuun kan nuuf ta'u, waaqa jalaa ilmaan namootaaf hin kennamne" jedhe.”
— HoE. 4:12

¯¯¯¯¯¯¯¯¯¯
Waaqayyo jireenya bara baraa nuuf kenne; egaa dhugaan isaa isa kana; jireenyi bara baraa kunis ilma isaa keessatti argama.Namni ilma Waaqayyoo qabaatu jireenyicha qaba; namni ilma Waaqayyoo hin qabaanne, jireenyicha hin qabu.
1Yoh 5:11-12

Nuyi Garuu kristos isa fannifame ni lallabna.
1Qor 1:23
YESUS DHUFA

16/08/2026

Maariyaam Yesus malee ijoollee biraa fi obboleetotas deessetti.
Mar 6³
K*m dhugaa wangeelaa dha.
🤝

16/08/2026

Ameen Eebbifami Abdi Regasa🤦🫴🙏
“Fakkeessuudhaanis haa ta'u, dhugaadhaanis haa ta'u, akkuma fedhe ta'ee, karaa fedhe iyyuu Kristos haa lallabamu duwwaa! Ani kanatti nan gammada; si'achis itti nan gammada.”
— Filp. 1:18
🙏

15/08/2026

KUTAA 870FFAA
JIREENYA KOO KEESSATTI WANTOOTA ANI TASUMAA GOCHUU HIN DHIIFNE SHANAN KANA SIINIF QOODUUN BARBAADA.

Nagaan Waaqayyo siif haa ta'u obboloota koo. mee yaada gabaaban ibsa kitaaba tokko ol ta'u kana dubbisaa yoo sinitti tole immoo share godhaa.

Wantootni kunnen jireenya dhala namaa keessatti wantoota barbaachiisoo qofa otoo hin taane wantoota murteessoodha.
Barachaa hojjechuu, hojjechaa barachuun.Dubbisaa kadhachuu,kadhachaa dubbisuu.Dhageeffachaa dubbachuuf,dubbachaa dhageeffachuu.Barachuu,hojjechuu,dubbisuu,kadhachuu,dhageeffachuu,dubbachuu

Yaadootni kun sirna jireenyaa guutuu dha.Wantoota ja’an tarreeffaman dhimmoota sammuu, hafuuraa, hariiroo namaa fi hojii walitti hidhan jiru.

1. Barachaa hojjechuu — hojjechaa barachuu
Barachuun qophii; hojjechuun immoo barumsa gara qabatamaatti jijjiiruudha. Garuu namni hojii keessa seene, waan kitaaba irraa hin argamne ni barata: muuxannoo, rakkoo furuu, obsaa fi itti gaafatamummaa.

,falaasamaa barnootaa,barumsi muuxannoo irraa akka maddu irratti xiyyeeffata.Kana jechuun waan hojjennu irraa baranna;waan barannes hojii keessatti mirkaneessina.

✍“Barumsi hojii malee beekumsa ta’uu danda’a; hojii barumsa malee dadhabbii ta’uu danda’a; garuu barumsa fi hojii walitti fiduun ogummaa uuma.”

2. Dubbisaa kadhachuu — kadhachaa dubbisuu
Kun hariiroo Waaqayyoo fi Dubbii Waaqayyoo walitti fiduu dha. Dubbisuun sammuu namaa dhugaan guuta; kadhachuun immoo garaa namaa Waaqayyotti nama deebisa.

Dubbii Waaqayyoo dubbisuu qofaan,yoo kadhannaa hin qabne, beekumsa amantii dabalu danda’a; kadhachuu qofa, osoo Dubbii hin beekin, garuu hubannaa namaa dadhabsiisuu danda’a. Kanaaf isaan lamaan wal deeggaru.

✍“Dubbisuun Waaqayyoon dhaggeeffachuu dha; kadhachuun immoo Waaqayyoon haasofsiisuu dha.”

Namni dubbisaa kadhatu, waan Waaqayyo jedhu hubachuuf sammuu isaa bana; waan hubates jireenya isaa keessatti hojii irra oolchuuf humna kadhannaa barbaada.

3. Dhaggeeffachaa dubbachuu — dubbachaa dhaggeeffachuu
Kun immoo ogummaa hariiroo namaa ti.

Namni dubbachuu qofa beeku ogeessa miti. Namni dhaggeeffachuu qofa beeku illee ergaa isaa yeroo barbaachisutti dabarsuu qaba. Ogummaan dhugaa kan mul’atu yoom dubbachuu fi yoom dhaggeeffachuu beekuu keessatti.

Yaada hayyuu _tephen R. Covey keessatti, namni tokko nama biraa hubachuu dura nama biraan akka isa hubatu barbaaduu irra, dura nama biraa hubachuuf dhaggeeffachuu qaba jedhuun beekama.

“Afaan dubbatu tokko qaba; gurra lama qaba. Kana jechuun, dubbachuu caalaa dhaggeeffachuun bakka guddaa qaba.”

✍️Dhaggeeffachuun callisuu qofa miti. Nama hubachuuf yaaluu dha.

4. Barachuu — hojjechuu — dubbisuu — kadhachuu — dhaggeeffachuu — dubbachuu
Wantoonni kun ja’an akka hidhaa sansalataa ilaalamuu qabu.

Barachuun sammuu ijaara.
Hojjechuun dandeettii ijaara.
Dubbisuun beekumsa gadi fageessa.Kadhachuun hafuura jabeessa.Dhaggeeffachuun hubannaa ijaara.Dubbachuun beekumsa fi hubannaa dabarsa.

👉Kanaaf namni isaan keessaa tokko qofa jabeessee, warra kaan dhiise, jireenya isaa keessatti madaallii dhabuu danda’a.

Aristotle dandeettiin namaa hojii irra deddeebi’uun akka cimu barsiisa. Kanaaf, beekumsi kee waan ati yeroo tokko dubbiste qofa miti; waan ati hojii irra oolchitee amala godhatte dha.

John Dewey muuxannoo fi barumsa walitti hidha. Kana irraa, hojii kee hundumaa mana barumsaa godhadhu jechuun ni danda’ama.

Stephen Covey dhaggeeffachuu fi hubachuu keessatti hariiroo gaarii ijaaruuf bu’uura kaa’a. Kanaaf, dubbachuu dura dhaggeeffachuu ogummaa dha.

Akka ilaalcha Kiristaanaattis, Phaawulos, “amantiin dhaga’uu irraa dhufa” jechuun dhaggeeffachuu fi amantii walitti hidha (Rom. 10:17). Yaaqoobis immoo namni “dhaggeeffachuuf ariifataa, dubbachuuf suuta” akka ta’u gorsa (Yaq. 1:19).

Ergaa guddaa yaada kanaa Wantoonni tarreeffamani hundi gara dhimmicha tokkootti nu geessu.

“Jireenya bilchaataa jechuun waan hedduu beekuu qofa miti; waan beeknu hojii irra oolchuu, waan hojjennu irraa barachuu, Waaqayyoon kadhachuu, Dubbii isaa dubbisuu, nama dhaggeeffachuu fi yeroo sirriitti waan sirrii dubbachuu danda’uu dha.”

©“Baradhu, garuu barumsa kee hojii godhi.
©Hojjedhu, garuu hojii kee irraa baradhu.
©Dubbisi, garuu dubbisa kee kadhannaadhaan cimsadhu.
©Kadhadhu, garuu kadhannaa kee Dubbii Waaqayyootiin qajeelchi.
©Dhaggeeffadhu, garuu dhaggeeffannaa kee hubannaatti jijjiiri.
©Dubbadhu, garuu dubbii kee dhaggeeffannaa fi ogummaadhaan madaali.”

Kana jechuun: “Barachaa hojjedhu; hojjechaa baradhu. Dubbisaa kadhadhu; kadhachaa dubbisi. Dhaggeeffachaa dubbadhu; dubbachaa dhaggeeffadhu.”

Kun sirna jireenyaa tokko qofa osoo hin taane, sirna namaa sammuu, hafuura, hojii fi hariiroodhaan bilchina ittiin horatu dha.

QOR-QALBI MEDIA
Abreham hidabusa
https://t.me/Abrehamhidabus

Nuyi garuu kristos isa fannifame ni lallabna.
1Qor 1:23
YESUS NI DHUFA

Abreham Hidabusa

18/08/2026

18/08/2026

18/08/2026

17/08/2026

17/08/2026

16/08/2026

16/08/2026

16/08/2026

16/08/2026

15/08/2026

Address

Website

Alerts

Contact The School

Shortcuts

Share

Category

Listing takedown request