Shamsudin | Hoyga Waxgaradka Soomaaliyeed

Ducada marka la afuraayo:
ذَهَبَ الظَّمَأُ وَابْتَلَّتْ الْعُرُوقُ وَثَبَتَ الْأَجْرُ إِنْ شَاءَ اللَّهُ
Dahaba addama`u wabtalatul curuuq wathabatil ajaru inshaa’allaah.
Oo micniheedu yahay:
“Oonkii wuu tagay, xididadiina wey qoyeen, ajarkiina wuu sugnaaday inshaa’aallaah.”

Ramadaan Kariim

Cumar Ibn Khaddaab wuxuu yiri:
1. Waxaan la yaabaa ninka Illaahay jiritaankiisa ka shaki qabo asagoo arkaya abuuritaankiisa (Khalqigiisa).
2. Waxaa la yaabaa ninka hilmaansan dhimashada, asagoo arkaya mowdka.
3. Waxaa la yaabaa ninka inkirsan abuuritaanka danbe (waa aakhiree), asagoo arka abuuritaanka h**e (waa tan dunida).
4. Waxaan la yaabaa ninka dhisaaya dunidan dhamaanaysa, asagoo u socda tii lagu waaraayey (Aakhira).
5. Waxaan la yaabaa ninka iskibriya kasoo shalay nadiifta ahaa berina meydka ah.

Ruuxii naftiisa ku jihaado waxa uu falaa wixii Illaahay uga raali noqonaayo, wixii uu uga caroonaayana wuu ka dheeraadaa.

Waxaa laga weriyey abuu Hureyra Cabdiraxmaan Ibn Sakhar (AKR) inuu yiri: waxaa maqlay Rasuulkii Alle (SCW) oo leh: “waxaa idinka reebo ka dheeraada, waxaa idiin faray la imaada intaad awoodi kartaan. Waxa halaagay dadkii idiinka h**eeyey su’aal badnaan iyo khilaafkii Nebiyadooda”.

Waxaa weriyey Bukhaari iyo Muslim.



عَنْ أَبِي هُرَيْرَةَ عَبْدِ الرَّحْمَنِ بْنِ صَخْرٍ رَضِيَ اللَّهُ عَنْهُ قَالَ: سَمِعْت رَسُولَ اللَّهِ صلي الله عليه وسلم يَقُولُ: "مَا نَهَيْتُكُمْ عَنْهُ فَاجْتَنِبُوهُ، وَمَا أَمَرْتُكُمْ بِهِ فَأْتُوا مِنْهُ مَا اسْتَطَعْتُمْ، فَإِنَّمَا أَهْلَكَ الَّذِينَ مِنْ قَبْلِكُمْ كَثْرَةُ مَسَائِلِهِمْ وَاخْتِلَافُهُمْ عَلَى أَنْبِيَائِهِمْ ".

رَوَاهُ الْبُخَارِيُّ، وَمُسْلِمٌ.

Waxaa laga Ibn Cumar (AKR) inuu yiri Nebigu (SCW): waxaa lay amray inaan dadka la jihaado ilaa ay ka qiraan midnimada Alla iyo inuu isaga keliya yahay Ilaaha xaqa ah, wixii kasoo haraana ee la caabudo ay yihiin Illaahyo been iyo baadil loogu hoggaansan yahay ee aan xaq aheyn, in laga hortagana ay waajib tahay. Waxaa sidoo kale Nebiga (SCW) la amray iyo ciddii rumeysayba inay ku jihaadaan dadka ilaa ay ka qiraan Nebinnimada Rasuulka Illaahay (SCW), salaada tukadaan, sakadana bixiyaan. Haddii ay sidaa yeelaan waxaa badbaadaya dhiiggooda iyo maalkooda wixii aan ka aheyn xaqa islaamka. Wixii intaa ka dheeraada Illaahay baa ka xisaabaya.
Waxaa weriyey Bukhaari iyo Muslim.



عَنْ ابْنِ عُمَرَ رَضِيَ اللَّهُ عَنْهُمَا، أَنَّ رَسُولَ اللَّهِ صلي الله عليه وسلم قَالَ: "أُمِرْت أَنْ أُقَاتِلَ النَّاسَ حَتَّى يَشْهَدُوا أَنْ لَا إلَهَ إلَّا اللَّهُ وَأَنَّ مُحَمَّدًا رَسُولُ اللَّهِ، وَيُقِيمُوا الصَّلَاةَ، وَيُؤْتُوا الزَّكَاةَ؛ فَإِذَا فَعَلُوا ذَلِكَ عَصَمُوا مِنِّي دِمَاءَهُمْ وَأَمْوَالَهُمْ إلَّا بِحَقِّ الْإِسْلَامِ، وَحِسَابُهُمْ عَلَى اللَّهِ تَعَالَى" .
رَوَاهُ الْبُخَارِيُّ، وَمُسْلِمٌ.

السلام عليكم ورحمة الله وبركاته.
Walaalkeyga muslimka ahow iyo walaaaheyda muslimada ah, ma ogtihiin ruuxii Illaahay ka magan galo naarta maalinkii seddex jeer, Jannadana weydiisto maalinkii seddex jeer in Illaahay ducadaasi kaa aqbalaayo. Maxaad sugayaa hee! dheh:
اللهم اني اسالك الجنة و اعوذ بك من النار.
oo micnaheedu yahay: "Allow waxaan kaa magan galayaa naarta, jannadana waan ku weydiisanayaa".

Please yaa muslimiin, ka fiirsada waxa aad ku post-gareenayso social network-yada sida waxyaabaha Raxmaanka aan raali ka aheen. Ogow Rabbigeen inoo ku arko oo kula xisaabtami doono maalin asaga xagiisa aysan ka dheereen. Waxaan dunidaan noola keenay waa in Illaahay kaliya caabudno, kheyr iyo samirka isugu dar-daarano, xumaantana iska reebno. .

Seddex maalinka qiyaame xisaab la' aan ayey Naarta galaayaan:
1. Qofka khamri cabitaankiisa baneestay.
2. Ninka naagta isu ekeesiiyo amba naagta ninka isu ekeesiiso.
3. Ninka bilaa damiirka naagihiisa, hablihiisa ama walalihiisa u ogal ragga ajaanibka ka ah.

Waxaa laga weriyey Abuu Ruqayya Tamiim Ibn Aws ad-Daarii (AKR) in Nebiga yiri (SCW): Diintu waa waano, waxaanu niri ayuu u yahay? Wuxuu yiri: wuxuu u yahay Alla iyo Kitaabkiisa, iyo Rasuilkiisa, iyo madaxda Muslimiinta iyo dadweynahaba.
Waxaa weriyey Muslim.

عَنْ أَبِي رُقَيَّةَ تَمِيمِ بْنِ أَوْسٍ الدَّارِيِّ رَضِيَ اللَّهُ عَنْهُ أَنَّ النَّبِيَّ صلي الله عليه وسلم قَالَ: "الدِّينُ النَّصِيحَةُ. قُلْنَا: لِمَنْ؟ قَالَ لِلَّهِ، وَلِكِتَابِهِ، وَلِرَسُولِهِ، وَلِأَئِمَّةِ الْمُسْلِمِينَ وَعَامَّتِهِمْ" .
رَوَاهُ مُسْلِمٌ.

Waxaa laga weriyey Abuu Cabdullaah an Nucmaan Ibn Bashiir(AKR), inuu yiri waxaan maqlay Rasuulkii Illaahay (SCW) oo leh: xalaashu waa caddahay, xaaraantuna waa caddahay, waxaana jira arrimo murugsan oo aan xalaal iyo xaaraan midna ku caddeyn; dadka badankiisuna ka warqabin. Marka ninka ka dhowrsada arrimahaa shakigu ku jira waxaa u badbaaday diintiisa iyo sharaftiisa, ninkii arrimaha shakiga ku dhacaana waa nin ku dhacay xaaraan oo kale sidii xoolo u foofiyey meel seero agteed ah, waxaa looga baqaa in xooluhu seerahaa u dhacaan ooo ay daqaan. Hooyaay! Ogaada in Boqo kasta leeyahay seero ama xirmooyin, seeraha Illaahayna waa wax uu xaaraantimeeyey. Hooyaay ogaada in jirka ay ku jirto waslad hilib ah oo haddii ay hagaagto jirkoo dhan baa hagaagaya, hadii ay xumaato jirkoo dhan baa xumaanaya. Ogaada taasi waa qalbiga.
Waxaa weriyey Al-Bukhaari iyo Muslim.
عَنْ أَبِي عَبْدِ اللَّهِ النُّعْمَانِ بْنِ بَشِيرٍ رَضِيَ اللَّهُ عَنْهُمَا، قَالَ: سَمِعْت رَسُولَ اللَّهِ صلي الله عليه وسلم يَقُولُ: "إنَّ الْحَلَالَ بَيِّنٌ، وَإِنَّ الْحَرَامَ بَيِّنٌ، وَبَيْنَهُمَا أُمُورٌ مُشْتَبِهَاتٌ لَا يَعْلَمُهُنَّ كَثِيرٌ مِنْ النَّاسِ، فَمَنْ اتَّقَى الشُّبُهَاتِ فَقْد اسْتَبْرَأَ لِدِينِهِ وَعِرْضِهِ، وَمَنْ وَقَعَ فِي الشُّبُهَاتِ وَقَعَ فِي الْحَرَامِ، كَالرَّاعِي يَرْعَى حَوْلَ الْحِمَى يُوشِكُ أَنْ يَرْتَعَ فِيهِ، أَلَا وَإِنَّ لِكُلِّ مَلِكٍ حِمًى، أَلَّا وَإِنَّ حِمَى اللَّهِ مَحَارِمُهُ، أَلَّا وَإِنَّ فِي الْجَسَدِ مُضْغَةً إذَا صَلَحَتْ صَلَحَ الْجَسَدُ كُلُّهُ، وَإذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْبُ".
رَوَاهُ الْبُخَارِيُّ، وَمُسْلِمٌ.

Waxaa laga weriyey hooyadii Mu’mininiinta Umm Cabdullaah Caa’isha (AKR) inay tiri: wuxuu yiri Rasuulkii Alla (SCW): qofkii amarkayagan kusoo daro waxa aan ka mid ahayn isagaa lagu celinaayaa.
Waxaa weriyey Al-Bukhaari iyo Muslim.
Waxaa Muslim laga weriyey: “ Qofkii falo camal amarkayagan ka mid ahayn isagaa lagu celinaayaa”.
عَنْ أُمِّ الْمُؤْمِنِينَ أُمِّ عَبْدِ اللَّهِ عَائِشَةَ رَضِيَ اللَّهُ عَنْهَا، قَالَتْ: قَالَ: رَسُولُ اللَّهِ صلي الله عليه وسلم "مَنْ أَحْدَثَ فِي أَمْرِنَا هَذَا مَا لَيْسَ مِنْهُ فَهُوَ رَدٌّ". رَوَاهُ الْبُخَارِيُّ، وَمُسْلِمٌ.
وَفِي رِوَايَةٍ لِمُسْلِمٍ:"مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ" .