Institute of Oromo Studies

25/09/2026

Hojjetoonni Inistitiyuutii Qorannoofi Qo'annoo Oromoo guyyaa kabajaa Ayyaana Irreechaa bara 2019 kabajamuu sababeeffachuun marii geggeessan.

Ayyaanni irreechaa faajjii nagaafi jaalalaa bu'uura tokkummaafi miidhaginaa, waloomaafi kabajaa kan ta’e dhaadannoo '"Irreechi Waliigaltee Biyyaalessaaf" jedhuun kan kabajamu irratti Inistitiyuutichii mari'ate.

Marii kana irratti haasaa kan taasisan Daayirektarri Olaanaa Inistitiyuutii Qorannoofi Qo'annoo Oromoo Dr. Dirribaa Tarrafaa Uummanni Oromoo ayyaanota waliin kabajatu keessaa Irreechi tokko ta'uu, calaqqee sirna Gadaa ta'e karaa aadaa, duudhaafi safuusaa eeggateen akka kabajamuuf mariin kun barbachisuu ibsuun, Irreechi Uummata Oromoof mallattoo tokkummaafi walooma guddaadha jedhan.

Ayyaana Irreechaa addunyaaf beeksisuu irra darbee madda dinagdee ta’uun carraa hojii uumuun galii dabalataa biyyaaf maddisiisaa jiraas jedhan. Dr. Dirribaan

Kanaaf Irreechi dirree araaraa, galataa, nagaa, tokkummaa, waloomnifi tokkummaa obbolummaa dagaagsuu, hawaasummaa cimsuu, hariiroo saboota biyya keenya Itoophiyaafi Addunyaa jabeessuu keessatti ga'ee guddaa qaba.

24/09/2026

Irreechi waltajjii Araaraa,Eebbaafi Nageenyaa

Duudhaalee ayyaana Irreechaa keessaas tokko jaalala. Irreechi bakka wal jibbinsiifi wal qoollifannaan itti balaaleffatamuufi bakka jaalalli itti leellifamudha.Iddoon Irreechaa bakka uumaan uumama: xiqqaafi guddaan, sooressiifi hiyyeessi, ollaafi ollaan, namniifi namni, namniifi Waaqni, namniifi lafti, namniifi naannoon jaalalaan akka waliin jiraatan bakka itti labsamudha. Akkasumas, bakka ijoolleen fuudhaafi heerumaaf ga’an itti walarganii walbaraniifi jaalalaaf wal kaadhimatanidha.

Duudhaalee Irreechaa keessaa tokko kan ta’e eebbis iddoo olaanaa qaba. Iddoon Irreechaa bakka itti biyya, lafa, laga, nama, saba, ijoollee, horii eebbisanidha. Irreechi bakka eebba itti fudhataniifi kennanidha.

Bakka ijoolleef maqaa itti baasan; warra gaa’ela dhaabbatan itti eebbisaniifi waan faallaa yaadaafi fedhii ummataa ta’e itti balaaleffatanidha.

Irreechi guyyaa araaraa, eebbaa, dhiifamaafi jaalalaa qofa osoo hin ta’iin guyyaa abdiiti. Guyyaa Oromoon waan argateef galata galchuufi kan gara fuula duraaf akka milkaa’u itti kadhatudha. Oromoon galateeffannaafi kadhaa isaa keessatti Waaqa nagaa biyyaa, namaafi uumama maraa eegee, waqtii gara waqtiitti jijjiiruuf galata galcha.Kadhannaa taasifamu keessattis, “Nagaan” iddoo olaanaa waan qabuuf, afaan isaa keessaa yeroo hunda hin dhabamu. Abbaa Malkaafi Abbootiin Gadaa, akkasumas, hangafoonni eebba, nageenya, badhaadhinaafi abdii lallabu. Abbootiins akka itti aanutti eebbisu,

Waaqa Ganna guungumaa nagaan nu baaste,
Booruu galaanaa irraa nu hambiste,
Cilee Masqalaan nu geesse,
Birraa ifaan nuu bariisifte,
Hir’uu horii namaa nu baaste,
Abaaboo dhooteen nu geesse,
Kan baranaan nu geesse egeriin nu ga’i.
Alaa mana, sa’aa nama keenya nu hin hir’isiin,
Xinnaa nuu guddisi,
Guddaa keenya nuu bulchi,
Midhaan alatti agarru qorraafi waagii baasii nagaan nu soori,
Bara, bara quufaafi jaalalaa nuuf taasisi,
Bara jijjiiramaafi badhaadhinaa nuu taasisi,
Gadaan quufaafi gabbina, gabbisi Waaq jedhu

23/09/2026

Irreechi Guyyaa Galateeffannaa Oromooti. Guyyaa Eebbaa, Araaraa, Dhiifamaa, Nageenyaa, Jaalalaa, Tokkummaafi Obbolummaati!

23/09/2026

irreechaa : A day of blessing, reconciliation, forgiveness, pease, love, unity and brotherhood!

22/09/2026

Irreechaa is the annual Oromo people's Thanksgiving Day and prayer that is celebrated every year. It is celebrated for all things that Waaqaa has done for people, like bringing rain, peace, health, fertility, abundance, and the beautiful weather they obtained. Moreover, the Oromo people celebrate Irreechaa not only to thank God but also to welcome the new season of plentiful harvests after dark rainy season, associating with nature and creatures. The Irreechaa ritual is conducted at different places; mainly, it takes place in two major areas: Irreechaa Malkaa (at a side of a river) and Irreechaa Tulluu (on a mountain). These two types of Irreechaa are formal and the most common sites of ritual among the Oromo people everywhere.

22/09/2026

22/09/2026

Inistitiyuutiin Qorannoofi Qo'annoo Oromoo Shaggar Kutaa Magaalaa Mana Abbichuutti Deggarsaa Meeshaalee Barnootaa taasiise.

Inistitiyuutiichii Kutaa Magaalichaatti argamuun Barattoota Maatii Harka qalleeyyi 96'f deeggarsa meeshaalee Barnootaa kannen akka Dabtara, Irsaasii, qalamafi Boorsaa qarshii Kuma dhiibba 300 ol tilmaamamuun bituun deeggarsa taasiiseera.

Itti Aanaan Daarektara Olaanaa Inistitiyuutii Qorannoofi Qo'annoo Oromoo obbo Zinaabuu Asraat hojii Kenna tajaajila lamummaatiin guyyaa har'a Barattoota Maatii harka qalleeyyi ta'an 96'f deeggarsa meeshaalee Barnootaa taasiisuu himun gara fuldurattis deeggarsi kan itti fufu ta'u himaniru.
‎
‎Ittigaafatamaan Waajjiira Paartii Badhaadhinaa Damee Kutaa Magaalichaa obbo Fiqaaduu Hordofaa haasaa taasiisaniin, kenni tajaajila lamummaa duudhaa Uummata Oromoo ta'u himun, Hawaasa rakkoo Hawaasummaa qabu deeggaruu fi cinaa dhaabbachuun rakkoo keenya deeggarsa qaama biroon ala osoo hin eegiin humna qabnu furmaata kennu akka dandeenyu agarsiisa jedhan.
‎
‎Maddi kominikeeshinii Mana Abbichuu

17/09/2026

17/09/2026

Inistitiyuutiin Qorannoofi Qo'annoo Oromoo galmee jechootaa Abdi Borii dijitaaleesse hojii eegalchise.

Inistitiyuutichi Yuunivarsiitii Finfinneetti Muummee Xiinqooqaafi Filooloojii waliin ta’uun Galmee Jechootaa Daa'immanii Abdi Borii gara dijitaalaatti jijjiiruun dhaloota biraan gahuuf guyyaa har'aa eebbisiise jira.

Itti Aanaan Daarektara Olaanaa Inistitiyuutii Qorannoofi Qo'annoo Oromoo obbo Zinaabuu Asraat sagantaan eebba Galmee Jechootaa Dijitalaa Afaan Oromoo 'Abdii Borii' kanaa irratti argamuun haasa taasisaaniin Inistitiyuutiin Qorannoofi Qo'annoo Oromoo Afaan, Seenaa, Aadaafi Aartii Oromoo qorachuun ummata fayyadamaa taasisaa jiraachuu himuun, Hojiiwwan hedduu afaan kanaan hojjetaman keessaa tokko galmee jechootaati jedhan.

Galmeen jechootaa guddina afaaniitiif ga'ee olaanaa qaba. Waaltina afaaniifis bu'uura; sirna barnootaas ni jajjabeessa; ni saffisiisas jedhan Obbo Zinaabuun.

Yuunivaarsitti Finfinneetti Barsisaan saayinsii Afaanii kan ta'an Dr.Fedhaa Nagaasaa, Afaan Oromoo afaan saba bal'aafi afaanota gaanfa Afrikaa keessatti dubbataman keessaa isa tokko ta'uu himuun, Afaan Oromoo guddisuuf afaan saayinsiifi teeknolojii taasisuuf barbaachisaa ta'uu himan.

Galmee Jechootaa Afaan Oromoo Abdii Borii dijitaalaatti jijjiiruun waggaa lama keessatti hojiin isa xumuramee jiraachuus himaniiru.

Qaamolee milkaa'ina hojii kanaa keessatti tumsaniifis bekamtiin kennameera.