St.Philip Koang Bidit

Safely arrived in Juba
I thank you Lord for leading my way

===MALƐ KƐ TUK PAYBÄDÄK===
Ner malä wä kä nɛy dial tin ca pay ɛmɛ cop, jɛn nɛmɛ kärɔadɛ nyothɛ ni nhök Kuoth nhial kɛnɛ gɔy dɛ kɛ kɔn nɛy tin cɛ cak kɛ ɣöö la jakɛ cäŋ dɛ kä lɛp kä ji dueri kɛnɛ ji cuŋni.

Läärä jɛ yiɛ ɛn ɣöö bi Kuoth nhial puɔnydɛ nhök dɛ kɛ kɔn rɔam thin ɛbɛ kɔn cuɔp pay ɛmi kɛ mal kɛnɛ pual puäny mi rɔŋ.

Bɛ min tekɛ diw kɛ pay ëë ci duɔth pan jakä luäŋ rɔ kɛ lät ni, kɛ ɣöö nhök Kuoth ɛ doraar.

KUOTH MI BU**UM JÄL NƐY KƐƐL.

LET'S SUBSCRIBE JTL CHANNEL

Loc ɛ ri̱ŋ mi naŋ tiëy mac_Audio music (Vol2)

My Lord is Jesus Christ

After church cleaning for upcoming Fasting and Prayer that will take place on 25 July 25 in PCOSS Malakal, MUDIRIYA church.
Compound is clean 🙌🏻🙌🏻🙌🏻

====MËË DAN LÖK NƐY YIËË KUOTH====

Mëë dan rɛy rɛɛk kä Nathɛr kä (Hai Wunkiir) la pal nɛy kä Baptist Church min both kɛ Stephen Wuɔr Lɔŋ.
Pith nɛy ɛla ŋuɛtni cieŋ ti te duel Kuoth, duŋni ɣöö lök nɛy yiee Kuoth ɛlɔŋ ɛlɔŋ, kä /ci nɛy riët Kuoth luth mi lötni ɣöö /ci nɛy dual kɛ töli ŋuɔtni kiɛ Luek duŋni ɣöö kɛ kɔn ji ŋäthä bɔ kɛ ɣöö mama ni kɔ kɛ Dikɛtni rɛy Duel Kuoth.
Ciöt kɔ.
Jacob Käng banak
John chuol choat
Anter Manytap Kueth
Ezikiel Gɛm biel
Mose Chot Luk
Philip Koang Bidit
John wiyual biel
Tamales Lam Koang
Amääni Thäŋ ti kɔŋ ti /ci ŋot tekä kɛ kɛn kööri t**i ɛjɛn kän ciöt kiɛn gɔrɔ.
Mi tekɛ mi lök nɛyɛ rɛy luak, bi nɛy kuayni nyon ɛlɔŋ ɛlɔŋ ɛbi ŋiic päk kiɛ /ca min lät bi lät. Mi te naath guäth palä kä ken guäth kët kuay ni bën la te nɛy nyuurä rɛy kuay, mi ci nɛy thuɔk kɛ ket diɛt guäth in bi bën ni ɣöö ba Baibol loc, bi nɛy kɔrɔth ni woc kä bi nɛy we jäl raar kɛ ɣöö ruac Kuoth la guic nɛyɛ cetkɛ ruacni baŋ, kɛ ɣöö thilɛ kɛ guäth lɔcda.
Mëë ci Tɛr ɛ guic i, ciaŋ we ɛjiäk cuɛ rɔ guath ɛ mäth cuɛ wä pal kä CTC mi te niɛ rɛy Wunkiir bɔ, lä gäm nɛy kɛ kuay kiɛn duŋni ɣöö /ca te thin kɛ ɣöö ciaŋ ëë jiɛn kɛ jɛ kutda te thin bɔ ɛn thɔŋi bɛ cu të kɛɛl kɛ ji palä ti te thin luak diɛn.

TUK BENÄ YIËË KÄ
Kɛ ruɔn 2011/12 Cuɛ lɛ tekɛ wut mi cɔali Simon Taidor mi bëë kuic Matar Gaguaŋ, kiɛ dɔŋ bëë ni kä Gambɛllɛ, kuic nɛy guäthdɛ ɛ gɔa. Jɛn te yiëë Kuoth mi diit puɔnydɛ kä ŋäc ɛ ruacni Kuoth ɛlɔŋ, cuɛ ruac lat I; "yiɛn kuayni ɛwä kä YOUTH bi kɔn la pal kɛ rɛw lätni kɛnɛ ŋuan lätni rɛy jokä kɛ thiaŋ kɛ thak 4-5 PM".
Cu nɛy ruac ɛmɔ nhɔk ɛlɔŋ kä cu nɛy Taidor luäk kɛ lätdɛ ɛn ɣöö bi nath la bëë, kä kuayni liŋ kɛn ni nɛy ɛlɔŋ /ca nɛy tin kɔŋ liŋ kɛ ɣöö te nɛy kɛ göör rɛydiɛn.
Ruac ɛmɔ nhɔk nɛyɛ kɛ ɣöö bi nɛy göör kɔ la jek thin mi ci pal thuɔk kɛ thiaŋ.

Mëë ca pal tok ɛ Taidor, cu yiëë Kuoth ben kä naath dial rɛy luak kɛɛliw, cuɛ tekɛ ram cɛ kuir kɛ ram ruac kärɔadɛ kɛ cɛ yɔɔŋ kɛ ram wiëë. Mëë ci nɛy min tuɔk nɛn kä cɛ thäŋ kɔ cop bɔ, cuɛ wicda yic ɛlɔŋ kɛ pal Taidor kä cu nɛy dual kɛ jɛ. Kɛ thiaŋ cu nɛy wä cieŋni cu nɛy min ci tuɔk rɛydɛ ku nyɔk kɛ guec, ɛ thäŋ naath I ɛ thuɔk Kuoth cɛ bën. Ɛ nɛy tin kɔŋi pɛ̈l naath ni rɔ, guäth ɛmɔ cu nɛy rɔ da̱a̱k kä rɛw, cu nɛy ruac päl i, banɛ lɛ nyɔk kɛ guec kɛ ŋuan lätni.
Mëë ci ŋuan lätni cop cuɛ rɔ nyɔk ni kɛ tää dɛ meedan, cu Taidor ku rɔɔth ɛlɔŋ ɛbi lɛ ŋuen ni cäŋ eedan. Cu nyïër tin gör nɛy kɛ yiëë wä lɔcdiɛn kä cu kɛn ruacni Kuoth käp ɛlɔŋ kɛ ɣöö ciek la rɔ malɛ luärɛ mi ci duɔrɛ tiam, cu nɛy ŋot bum wickɔ. Ɣɔɔ cu duɔr ku tuɔk mi lök nɛyɛ kä Taidor, rɛy nini tɔtɔ mi ci wee käp i tet nyaal kä gör kɔ la liŋi ni ɣöö ken ruacni Kuoth cop lɔcdu bɛ ji lɛ yääm ɛbi pööc.
Cu nɛy pal rɔam thin ɛ mäth rɛy niini tin kɔŋ duŋni ɣöö tit nɛy rɔ ni ciaŋ rɛy palä kɛ ɣöö /ci ran bi tɛth, Kɛ ɣöö mi ci Taidor pal tok la naath diä kuirɛ, mi ci nɛyɛ ŋäc i ca guäth palä Taidor, bi nɛy kuäkni wic buɔl kɛ ɣöö puɔt buɔl /ci yiëë ɛla käp, nɔmɔ te thin mäni tämɛ kä pal piano

Min ci nɛyɛ guic ɛn ɣöö pal ɛmɔ cɛ guäc ɛlɔŋ kɛ min gör nɛyɛ dee kɔ lät, cu nɛy guuri palä lök mäni puɔny Taidor cu nɛy ciaŋ dɛ lök bɔ kɛ ɣöö ŋiic dɛ penɛ naath tin dee la̱t.
Cu ciaŋ ɛmɔ te thin ɛgäk gäk mäni mëë cu Taidor nin jiɛnä dɛ cop cuɛ loc rööl bunyni, cu nɛy lɔ loc rɛy lätni kɔ.

: Rɛy tekä mi ken Kuoth të kɛ ciöt kɛ ji kiɛ ken ruacni kɛ wä lɔcdu ɛ läät jɛn /ca jɛ de luäŋ kɛ k*k ji /cɛ rɔ dee lot. Kuoth ɛjɛn mɛ̈k ran ɔɔ kɛ nhiam bi jin kula ran. /Ca lätkɛ mac kɛ buɔm kä /ca k*k naath kɛ buɔm duŋni ɣöö mi ɛjin läät kuoth ɛ puc /cu ŋɔaŋ kɛ latdu kɛ ruacdɛ, kä mi ken naath ji liŋ kɛ duɔp in lätdi kɛ ruac Kuoth kɛ jɛ cu pal päl kɛ kuidiɛn, dɔŋ ɛɣöö ken Kuoth ni ciöt ɛjɛn, dɔŋ ciöt ni jin.
Ɛntämɛ mëë ci Kuoth nɛy ku cɔl ɛjɛn, cɛ ramɔ käm lätdɛ kä kɔn dial.
Ɛ pastor kä CTCI
Philip K Bidit Ɛ BƐNYLƐTH kä Cäkdiin Presbytery
Ɛ ɛldɛr kä Victory
ɛ BƐNYLƐTH kä Baptist
Ɛ Apostle kä CTC
Gɛm Biel Ɛ Puɔt Thuɔm kä Presbytery
Ɛ lät Apostle kä CTC kä Ɛ gɔɔr bɔ.

==TUK ŊÄCÄ DÄ KƐ THOK NATH KƐNƐ KUËNDƐ====.

Rɛy dhɔar kä Nathɛr kɛ ruɔn 2005/6.

Run tëë kɔn guääth palä, la gör kɛ ram mi bi Baibol kuɛn nhiam nath rɛy palä, duŋni ɣöö wut in la rɔɔdɛ la jiɛc ni ciaŋ rɛy luaakda ɛ wut mi diit mi la kuɛn bok kɛ "CU CUƐ, CU KƐ" kä kuen ɛmɔ /ci Pathtɔɔri jɛ la nhɔk rɛy Unity Kä, kä mi ci raan dun kuën inɔ ba wä ci luak dun pël kiɛ thiɛlɛ yɛ ŋiic mi gɔa.

Guäth ɛmɔ Guända ɛ BƐNYLƐTH mi la käp church Nguer ɛ kän Gilɛ ni däk kɛ kör lɔɔkä kɛ 2000. Mëë ci guända jɛ guic ɛnɣoo kuën Baibolä tëkɛ diw, cu guända nɛy ŋiëc ( A Ë I Ö U) amääni mätdiɛn kɛn dial ɛwic. Cu nɛy ciöt kɔ ŋäc amääni ciöt nɛɛni kɔkiɛn duŋni ɣöö kuën Baibolä cetdɛ ni kɛ duŋ guändiit (Ɛ Cu cuɛɛ kɛɛliw).

Cäŋ kɛl cuä duɔr tim mi dee ŋäcdä rep. Kɔn mi wä nɛy tɔɔc kɛ thiaaŋ ɣɔaa, tekɛ dit mi la manda jɛ la kiit kä bi nɛyɛ kɛt kɔn dial ba cu guɔr kɛ pal tim ɛn ɣöö dëë lɛ ɣɔn kɛ kët ɛ guɛcä jɛ rɛy buɔk.
Diit ɛmɔ tekä 303 mi la wee; "Täänɛ kɛ luek mi pay tuɔk banɛ rɔ nhɔk kɛl, banɛ rɔ nhɔk kɛl kɛɛl cetkɛ min nhɔak kɛ kɔn ɛ kuär".
Diit mi dɔŋ tekä 399 la wee; "Banɛ thiec banɛ thiec banɛ thiec ɛŋa mi dee piny puɔt, Ɛ ŋa mi dee piny puɔt kä kɔn kɔn dial".

Guäth ɛmɔ cuä nhɔk ni 303 kɛ ɣöö bääri bäthni kɛ kä ŋuan tin latdɛ kɛ taa ciɛŋä, cua te thin kɛ pay kɛɛliw mäni mëë cä ŋäc kalas. Cuä lɛ ŋiëc ni nɛy kɔkiɛn kɛ jɛ amääni kek rietni. Cua rɔ jek taa kɛ ŋäc kɛ bok diin duŋni ɣöö Baibol la dual naath kɛ jɛ kä luɔth kɛ jɛ ɛlɔŋ ɛlɔŋ ni kɛ käp dɛ. Kä ca nɛy ŋiëc I, /cɛ te rɛy nyinä wecmuɔn tin de ran duɔr rɔm kä /cɛ jɛ käm tiit, jɛn ɛ duŋ Kuoth in Cak naath.

Tiɛmä jɛ kɛ mëë cu nyam kɛl Baibol pɛ̈ɛ̈n tetkä dɛ ɛbi bok rɔ lɛp ni där, cu nɛy dial kac nhial kɛ jɔw mi diit ɛlɔŋ ɛ cu nɛy caarni ɣöö dɔŋ bi riɛk tuɔk kä jɛ. Tiɛmä nɛmɛ kɛ ɣöö meedan Baiboli dak kɛn ɛlɔŋ rɛy rööl, duel Kuoth kɛl dɔŋ të ni jɛn kɛ Baiboli rɛw kiɛ diɔk duŋni ɣöö te dhɔra kɛ Baibol kɛ ɣöö guäära ɛ BƐNYLƐTH kä la jäl nɛy kɛ jɛ mi ci cäŋkuoth bën.

Mëë cä bok diin ŋäc cu lɔcdä kuen Baibolä ku gör ɛlɔŋ duŋni ɣöö thiɛlɛ bok kä pek ee wal kɛnɛ pek ɛ thiakɛ mi cua mal jek ɛ thiäk kɛ wicdä, cäŋ kɛl kɛ pay bärɔw kɛ ruɔn 2006 ɛci naath luny jɔk Wic määy kä Paduey kä ci nyuaak ku thuŋ thiäk min la lätkɛ kɛ pay bäŋuan, cu BƐNYLƐTH kɛl ruac Kuoth lat kä bok Matthew 13:47_50 min cɛ thaanyi CÄÄT CAMBAKÄ. Cuä rɔm ɛlɔŋ kɛ lɔcdä ɛn ruac Kuoth ɛmɔ kä cuä rɔ ŋiëc kɛ jɛ amääni mëë cä ŋäc mäni luɔtdɛ min ruac Yecu kɛ kuidɛ. Mi tekɛ wurupni ti bum kekdiɛn rɛy Baibolä, bä wä gör rɛy diɛt kɛ jɔw kä dït 303 mäni mëë cä kuen Baibolä ŋäc ɛgɔa ɣän kärɔa.

Kɛ pay wälkɛl mëë ci BƐNYLƐTH ɛmɔ luny jɔk cua käm ɣöö bɛ ruacni kuoth lat ɛnyɔk, cu lɔcdä ruac kärɔa ɛn ɣöö mi bi wut ɛmɔ latni Baibol ëë dan dëë Baibol kuɛn ɛɣän, cuä nath thiec i, ɛŋa mi bi Baibol loc cua ɣä jiök i ɛjɛn jäl ɛmɔ, cuä kɛ jiök i bä ruac Kuoth kuɛn, cu kɛnɛ nhɔk ɛlɔŋ kɛ ɣöö thiɛlɛ dhɔl mi cetkɛ ɣä mi ŋäc kuen thok nath cua kämä, kɛ cäŋkuoth kɛ runwaŋ cuä rɔ jiɛc kuɛnä Baibol, kuayni kɛnɛ Sunday teni kɛn ɛ kopkop inɛ ɛkɛn dɔŋ bä ruac Kuoth guäcikä duŋni ɣöö känɛ guäc kä thiɛlɛ Cu cuɛɛ, min cä jek ɛ bum ɛlɔŋ, Ɛ dual kɛnɛ leth mi cu puɔnydä thiäŋ kɛɛliw amääni ciokä.
Mëë cä thuɔk cua ɣä poth kä cua nɛy ti ŋuan com kɛ ɣöö bi kɛ ɣä guɔr.

Ŋäc thuɔk kɛnɛ Kuen dɛ gɔw kɛn ɛlɔŋ rɛy tekä.
Mi tekɛ kɛ mi dhal ji kä göri jɛ kɛ lɔcdu kɛɛliw, la Kuoth ji a luek thin.

Ɛɣän dämandun ni Philip K Bidit