19/09/2026
"𝐓𝐈𝐍 𝐁𝐈 𝐓𝐈𝐓" (𝐓𝐁𝐓)
1. Mi tɛthlɔc du, liak Koth.
2. Mi jiäk lɔcdu, cääri̱.
3. Mi̱ görì ŋäc duɔrä, la wër muɔŋä
4. Mi̱ wi̱i̱ tɔ̱c kɛ wäär, tɛŋ kölku kɛ nhiam.
5. Mi̱ keri̱ kɛ runwaŋ, kɔni guicni thokduelu bi därdöör kulɛ wä guic.
6. Mi puɔl puɔnydu, lätni.
7. Mi ti̱ kɛ riɛk, /cu te guäthdu kärɔaadu.
8. Mi wi̱ duel kuɔth, moc rɔ muc mi wi̱ thöp
9. Mi̱ thiɛli̱ duɔr, /cu nath ŋuɛn. pal Koth kɛ tɛ̱̈ɛ̱̈.
10. Mi̱ ci̱ Koth palu loc, /cu rɔ liak kɛ jɛ.
11. Mi̱ wi̱ ja̱a̱l, la thiec duɔp bi̱ kulɛ tɛthpiny.
12. Mi̱ thiec ran ji kɛ duɔr mi deri thop jɛ, C𝐚𝐚𝐫 𝐦𝐮𝐜𝐤𝐮 kɛ nhiam. Dɔŋ deri̱ muc mi jiäk thöp rami gɔa.
13. Mi̱ jɔɔm i pi̱w thok yier, liɛc kuic in be löny thin kɛ nhiam. Cu bi luɛ̈ŋ.
14. Mi ci ciöt kɛ ca̱y kiɛ kuän kä thuk, /cu gua̱nthuɔk kok ɛlɔŋ cetkɛ mi gaki. Derɛ ji rɔny.
15. Mi ci kuɛn kiɛ ca ji kuɛn, cu dhöm ɛ nyɔk.
16. Mi ɛjin nyal, gaŋ rɔ kɛ wutni. Luɔ̱m ciɛ jɛn nhök.
17. Mi ɛjin ŋuɛt wutdä /cu tɔ̱c kɛ män, la ruec wic ran kɛ kuen.
18. Mi ɛjin wut /cu dual mat kɛnɛ miäth. Ɛ buar.
19. Mi ɛjin wääth kiɛ gua̱n ŋɛ̈nyni, kueni kɛ män rɛw kiɛ diɔk.
20. Mi mal wec, /cu riɛkdɛ tok ɛjin. Bɛ kar ku luk.
21. Mi te dhɔɔru thiekä duɔp, bi puɔth jek kiɛ lam. Kɛ kui ciekdu.
22. Mi thöpi riɛmdu ram dak riɛmdɛ duelwa̱l, ci pal mi leny riet pastor la̱t kɛ tek ran.
23. Mi cɛ lɔcdu gäk kiɛ /cɛ miäth go̱r, cu rɔ jut. Jiɛc ran lenyɛ ran kɛ guec pua̱ny.
24. Mi cɛ ciekdu kuer biɛt kɛ cäŋ kɛɛliw, Tuk niɛ muaaŋ kun tëë wal. Görɛ ɣöö cäp bɛ mi jiäk.
25. Mi ɛjin ja̱a̱l wi̱c mi te kɛ kir, wer puak kɛl yɛnɛ ram ŋäc wec. Deri̱ rɔ thia̱m.
26. Mi te wec kɛ riɛk, tit ja̱lu. yiëëy tin nöŋ riɛk la dhɔ̱l kɛn kɛ ram thiɛl luth.
27. Mi /ci ŋut yieekä luth, bi tek pua̱nydu riaw baŋ. Kua yiëy tin gɔw kiɛ tin jiäk.
28. Mi kuici̱ ɣöö tek ɛ duŋ kuoth, la rik jɛ la nyuth ji biɛ cu ŋa̱c.
29. Mi̱ ci tek luth bi tek ji jakä mi puɔl-puɔl bä
Bi Koth ji yop rɛy tekä du.
Tit mɔ thia̱k kɛ tekdu, Dɔŋ bi jäny kɛ tëk.
𝐈n𝐝𝐞𝐞𝐩 𝐰𝐞 𝐜𝐨𝐦𝐞 𝐚𝐥𝐢𝐯𝐞
𝐖𝐢𝐭𝐡 𝐄𝐯.𝐓𝐡𝐞 Phil.
St.Philip Koang Bidit
