CEU en Xestión e Innovación Cultural na USC

Inicio
España
Santiago de Compostela
CEU en Xestión e Innovación Cultural na USC

10 anos de traxectoria ofrecendo un programa formativo orientado á práctica profesional 😊

📌 Reserva a túa praza para o curso 2024/2025 📌

30/05/2025

As aulas da oitava edición do Diploma de Experta/o en Xestión e Innovación Cultural da Universidade de Santiago de Compostela chegaron ao seu fin… e despedimos outro grupo fantástico! 💛

📸 Xusto un 30 de maio coma este pechabamos a nosa primeira edición. Entre aquela foto e a de hoxe pasaron dez anos. Neste tempo xerouse un espazo inédito de conexión profesional en Galicia, polo que pasaron xa preto de 500 persoas, entre alumnado, docentes e colaboracións chegadas de múltiples entidades públicas e privadas. Unha comunidade con perspectiva galega, pero sempre aberta a referentes da contorna ibérica da .

Grazas a todas as docentes que compartiron connosco coñecementos e experiencias neste camiño. Especialmente ao noso marabilloso equipo de titoras! Beatriz R. Fontán, Diego Parajó , Sonia Díaz e Diego V. Meizoso ✨

Pero, sobre todo, grazas ao noso alumnado —agora xa compañeiras— polo entusiasmo, a creatividade, as ganas… e por ser tan riquiñas (ou máis) do que parece na foto! É imposible non querer e convosco ❤️

🎓 O coidado que adicamos a esta experiencia formativa fai que sexa actualmente bienal, polo que a vindeira edición agárdanos no curso 2026/27. Se tes interese, podes anotarte xa desde a nosa web.

😉

15/05/2025

Hoxe queremos contarvos un pouquiño máis do que fixemos estes últimos días do Curso, nos que puxemos o foco na comunicación e na estratexia dixital.

🧐 Queriamos saber máis sobre como comunicar un proxecto cultural. E fixémolo dende dúas perspectivas:

👉 A das axencias, da man de Marián Fernández, socia de O Cable Inglés, e Lucía Pita, de The Office Comunicación, e a dos medios de comunicación, con Belén López, xornalista especializada en contidos culturais en de Pontevedra, e Daniel Salgado, xornalista tamén do eido cultural en elDiario.es en Galicia.

Pero tamén queriamos saber máis de comunicación e contidos dixitais. E para iso, quen mellor que Andrea Villa, comunicadora cultural e codirectora de Carballo Interplay, e a creadora de contidos Prado Rúa! 🥰

Como vedes, convertemos a nosa aula nun espazo de encontro e de conversas inspiradoras!

13/05/2025

Na recta final da oitava edición do Curso estamos a coñecer distintos aspectos das estratexias dixitais que poden sernos útiles para os nosos proxectos culturais.

👉 Por exemplo, achegámonos da man de Andreu Garrido, director de consultoría en , á avaliación e análise de datos como medio para a toma de decisións en cultura.

E conectamos este novo coñecemento cos do Laboratorio De Innovación e Economía Social De Galicia sobre cultura e cooperativismo como motores de transformación territorial, aos que tivemos o pracer de asistir na Facultade de Ciencias Económicas e Empresariais USC.

Nesta conversa participaban Isabel Neira, codirectora do Curso, Juan José Couce Prego e María Villamarín, socia da cooperativa NUMAX, que precisamente ten colaborado con 💡

Ademais, estes días tivemos tamén a sorte de contar na nosa aula con José Ramón Porto, codirector do mestrado USC Marketing Digital, que compartiu connosco coñecementos, consellos e estratexias para incorporar o marketing dixital aos nosos proxectos.

Grazas a todas por connosco! 😊

24/04/2025

Retomamos as aulas trala pausa da Semana Santa! E facémolo lembrando todo o que fixemos (e aprendemos) antes das vacacións 👇👇👇

🔹 Visitamos a Cidade da Cultura de Galicia , onde tivemos ocasión de coñecer as propostas e a perspectiva de Verónica Santos, nova directora de Acción Cultural, a quen agradecemos a acollida e o tempo adicado 😊

🔹 E comezamos o bloque adicado a comunicación cultural e estratexias dixitais.

Fixémolo cunha sesión interesantísima sobre estratexia dixital para organizacións culturais. Da man de Conxa Rodà, profesional de referencia neste ámbito que forma parte da comunicación dos proxectos.

E para falar diso, de como comunicar, quen mellor que Sonia Díaz! Docente e titora do Curso, Sonia compartiu connosco as claves dun bo plan de comunicación e nestas semanas seguirá moi de preto a evolución dos plans do noso alumnado.

Como vedes, foron días intensos que retomamos con novas enerxías e moitas ganas de e 😉

11/04/2025

💡 Comezamos abril cunha sesión realmente inspiradora, adicada por unha banda á mediación no rural, da man de Tania Sánchez, socia da cooperativa , que traballa no ámbito da educación social e a sustentabilidade rural. E por outra á mediación artística, con Caterina Varela, creadora, coreógrafa e bailarina en Macana e co-fundadora de Colectivo rpm

👉 Con elas pechamos o bloque de Mediación e Comunidades, onde quixemos aprender a traballar desde a mediación cultural para establecer relacións máis significativas coa comunidade, a través da escoita e a participación activa.

Fixémolo, ademais, na Facultade de Ciencias da Comunicación - USC, á que agradecemos a acollida 😊

Curiosamente, esta semana iniciamos no Curso o bloque adicado a Comunicación Cultural e Estratexia Dixital. Pero iso contámovolo nun vindeiro post!

31/03/2025

Marzo foi un mes intenso, no que adicamos o Curso a achegarnos dende diferentes perspectivas á mediación cultural e comunidades, explorando como crear espazos de encontro e participación.

Fixémolo con Roser Sanjuan que compartiu connosco a súa experiencia como responsable de Programas Públicos no Centre d'art la Panera. Unha oportunidade para coñecer como a cultura pode conectar con ámbitos como a educación, o benestar e a saúde! 😊

👉 Tamén con Yovanna Quintana e Mar García, con quen puidemos aproximarnos ao contexto, labor e comunidades dos centros socioculturais e cívicos e das bibliotecas, respectivamente. Nunha sesión que celebramos no Centro Sociocultural José Saramago de Vite INvite a VITEa quen agradecemos a acollida!

E con Fran Quiroga con quen pechamos o mes facendo un percorrido teórico e práctico sobre o papel da cultura alén das industrias culturais e da súa posibilidade para tecer comunidade.

Como vedes, non paramos de ! 😉

17/03/2025

Comezou o terceiro módulo do Curso, adicado á mediación, comunidades e comunicación cultural! 👏👏👏

👉 Cunha sesión especialmente inspiradora, da man de Encarna Lago Gonzalez e Ángeles Miguélez , xerente e encargada de auxiliares de sala respectivamente da Rede Museística Provincial de Lugo.

Sería imposible resumir neste pouquiño espazo todas as cousas interesantes que nos contaron da súa experiencia na Rede Museística!

Como que "para tecer e soster unha comunidade a clave é o afecto" (Ángeles) . Ou que para traballar coas persoas "hai que ter ética, técnica e empatía ou, mellor aínda, otredade" (Encarna). Que a accesibilidade non chega se non vai acompañada de integración e inclusión. E que facemos cousas coas persoas, non para elas.

A sesión, por certo, titulábase "Organizacións culturais CON todas as persoas" 😉

12/03/2025

📢 Últimos días para inscribirte no Curso de Formación Específica da USC en "Mediación, comunidades e comunicación cultural"

💡Como comunicar con éxito os nosos proxectos? Como tecer rede no noso territorio? Como chegar a públicos diversos e ser máis inclusivas? En definitiva, como conectar as nosas iniciativas culturais coa comunidade?

👉 Neste curso aprenderemos a traballar desde a mediación cultural para establecer relacións máis significativas coa comunidade, a través da escoita e a participación activa.

👉 Tamén veremos como deseñar un plan de comunicación e unha estratexia dixital integral, atendendo ás últimas tendencias e ferramentas do marketing cultural.

📅 As aulas comezan o 14 de marzo! Contaremos con profesionais en activo referentes no sector, tanto galegas como estatais.

🔹 Formato semipresencial: Dous meses, do 14/03/25 ao 16/05/25
🔸 Titulación propia da USC, 90 horas certificadas.

📲 Consulta o calendario completo e inscríbete en usc.xestioncultural.com

Universidade de Santiago de Compostela

09/03/2025

Esta semana no Curso pasaron moitas cousas: por unha banda, pechamos o módulo adicado a deseño e xestión de proxectos culturais. E nuns días comezamos o adicado a mediación, comunidades e comunicación cultural! 😊

👉 Pero, ademais, tivemos ocasión de coñecer de preto unha institución culltural de referencia en Compostela, como é o Auditorio de Galicia, da man do seu director-xerente, Xaquín López.

Con el tivemos ocasión de visitar tamén e coñecer as claves da magnífica exposición Ollos de Vidro. (Xa estades tardando en visitala!)

🌱 Tamén falamos de proxectos culturais sustentables con María Baqueiro, coordinadora do Pacto Cultura Sustentable e responsable se sostibilidade do Festival Sinsal.

📊 E aprendemos de maneira práctica o fundamental sobre financiamento e orzamentos, da man de Cristina R. Labandeira, responsable da área económica e de proxectos da cooperativa cultural O Cable Inglés.

E, como vedes nas fotos, tamén nolo pasamos ben... É o que ten 😉

09/03/2025

💼 ÚLTIMOS DÍAS PARA INSCRIBIRSE | Curso Específico da USC en "Mediación, comunidades e comunicación cultural"

👉 Compartiremos as ferramentas necesarias para deseñar un plan de comunicación e unha estratexia dixital integral, atendendo ás últimas tendencias e ferramentas do marketing cultural.

👨‍🏫 Da man dun equipo docente formado por profesionais en activo coas que e

📅 As aulas comezan o 14 de marzo!

🔹 Formato semipresencial: Dous meses, do 14/03/25 ao 16/05/25
🔸 Titulación propia da USC, 90 horas certificadas.

📲 Consulta o calendario completo e inscríbete en usc.xestioncultural.com

Universidade de Santiago de Compostela

06/03/2025

As festas do Entroido non nos deixaron contarvos como foron as últimas sesión do Curso, pero foron tan interesentes e inspiradoras que non queremos deixar de compartilas convosco! 😊

▫️ Por unha banda, tivemos ocasión de coñecer unha maneira distinta, e moito máis completa, de incorporar a avaliación aos nosos proxectos culturais. Foi un luxo poder facelo da man dunha experta neste eido como Eloísa Pérez!

▫️ Por outra, achegámonos dunha maneira próxima e pedagóxica ao dereito cultural, acompañados pola avogada e xestora cultural Marta Suárez-Mansilla.

Xa vos dixemos que foron sesións interesantes e inspiradoras! 😉
Esta semana seguimos con novas temáticas e docentes relacionados co deseño e xestión de proxectos culturais!

Dirección

Facultade De CC. Económicas E Empresariais. Avenida Do Burgo Das Nacións S/n
Santiago De Compostela
15782

Página web

http://usc.xestioncultural.com/

Notificaciones

Sea el primero en enterarse: le enviaremos un correo electrónico cuando CEU en Xestión e Innovación Cultural na USC publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Contactar Con La Escuela/facultad

Enviar un mensaje a CEU en Xestión e Innovación Cultural na USC:

¿Quieres que tu escuela/facultad aparezca en primer lugar en la categoría escuela/facultad en Santiago de Compostela?