Anpa Santa Uxía do CEIP O Grupo de Ribeira

Casa
España
Santa Eugenia de Ribeira
Anpa Santa Uxía do CEIP O Grupo de Ribeira

ASOCIACIÓN DE NAIS E PAIS DE ALUMNADO DO CEIP PLURILINGÜE O GRUPO DE RIBEIRA. Facerse socio/a é moi fácil. Como facelo? Así de fácil. Anímate e faite xa.

Entidade que nace nos ´80, actualizada a comezos deste milenio coa Leis de Asociacións; vela polos intereses das familias e o alumnado do maior colexio público do municipio. Aportando unha cota de 20 euros por familia para todo o curso. Facendo o ingreso no nº de conta : ES8120800303133040016758 (Abanca).
É imprescindible que os xustificantes de pago sexan enviados ao correo electrónico anpaogr

[email protected] acompañados dos seguintes datos:
-nome e DNI do pai/nai
-nome e curso do alumno e
-teléfono de contacto. Deste xeito estás a colaborar na financiación de todas as actividades que se organizan para os nosos nenos e nenas.

25/05/2026

📣 Prezadas socias e socios.

🗣️ Seguimos coas actividades formativas da Escola de Nais e Pais en colaboración co colexio e o CAFI.

‼️ Seguramente será a derradeira charla deste curso 2025/26, e terá lugar o vindeiro mércores 27 de maio, de 16:00 a 17:30 h na Aula de Aprendizaxe (edificio da comisaría), coa traballadora social Teresa Rosòn Álvarez.

❣️A charla versará sobre Educación Sexual para as familias, sobre todo orientada ás familias do alumnado de terceiro ciclo; cómo afrontar cos nosos fillos e fillas este tema, axudalos, guialos, entendelos…, e que non supoña un tabú que nos distancie ou poida perxudicalos no futuro.

🎟️ A actividade é gratuíta e Aberta a calquera persoa interesada, socia ou non socia, do colexio ou non.

🙏🏻 Agardamos poder contar coa túa presenza e que colabores difundindo a actividade. Grazas 🤗

08/05/2026

Temos o pracer de informarvos de que imos realizar unha Festa das Letras Galegas para os cativos acompañados das súas familias; será o vindeiro 15 de maio, a partir das 17:00 h no partio exterior do CEIP O GRUPO de Ribeira. É totalmente gratuíta para socias, debedes ensinar o carné na entrada; os non socios tamén poden acudir pagando unha entrada de 5€ por neno/a. Haberá inchables, xogos, obradoiros, merenda, música e espectáculo de Pakolas. A festa rematará sobre as 20:30 h. Os nenos/as deberán estar acompañados dun adulto durante a celebración. Agardamos contar coa vosa presenza e que difundades esta información. Feliz Día das Letras Galegas 2026 dedicado a Begoña Caamaño 🤍🩵🤍

22/04/2026

Xornada do Entroido 2026 no colexio O Grupo de Ribeira, organizada pola ANPA Santa Uxía.

22/04/2026

🤡 XORNADA DE ENTROIDO 2026 QUE FIXEMOS EN FEBREIRO NO NOSO COLEXIO!

📷 Colgamos aquí algunhas imaxes da Xornada do Entroido que celebramos en febreiro no pavillón do colexio porque estaba pendente facelo; como sabedes houbo obradoiros de globoflexia, pintacaras e calcamonías; tamén houbo merenda con doces típicos do entroido, carrapito e zumes; xogos populares e animación musical; inchables e espectáculo de maxia con "Don Gelati" de Dani García, no que se repartiron flocos de millo para a cativada.

🥳 A actividade que tivo lugar pola tarde do venres 13 de febreiro, contou cunha gran asistencia de nenos e nenas de todas as idades xunto ás súas familias.

💸 Esta actividade sufrágase coas cuotas dos socios e socias e coas achegas anuais de Cultura da Deputación da Coruña e Educación Concello Ribeira onde se solicitan parte das actividades que organizamos ao longo do ano, non só do curso escolar.

🧐 Seguimos polo tanto animando ás familias que aínda non socias, a que se asocien, só custa 20€ curso por familia e da lugar a participar en moitas actividades de balde aparte de que colaboramos coas actividades do colexio, materiais... e defendemos os intereses do alumnado en particular e a comunidade educativa en xeral, organizando ademáis servizos de conciliación para as familias.

🎉 Queremos anunciarvos que o vindeiros venres 15 de maio, organizaremos pola tarde no recinto escolar, unha 🌞 XORNADA DAS LETRAS GALEGAS con inchables, xogos populares, espectáculo infantil, animación musical, merenda e moitas sorpresas para conmemorar e festexar o 🩵 Día das Letras Galegas dedicado a 👩‍🦰Begoña Caamaño. Será gratuíto para as socias/os e seguramente cunha entrada simbólica para os non socios/as.

💪💪💪 Asociádevos!

22/04/2026

💪 ADQUISICIÓN DE EQUIPAMENTO PARA O COMEDOR ESCOLAR DO CEIP O GRUPO DE RIBEIRA

🍴A nosa ANPA acaba de mercar un forno e un microondas para renovar os existentes do comedor escolar (o forno estaba averiado e o microondas non funcionaba correctamente). Tamén o colexio mercou unha mini neveira, que ata agora non tiñamos, e un armario de resina para substituir o que había de formica xa deteriorado. Ademáis as compras foron feito no Comercio Local.

🤗 Deste xeito, dende a Anpa Santa Uxía do CEIP O Grupo de Ribeira e o colexio síguese mellorando o servizo de comedor, que como sabedes presta a nosa entidade para todo o alumnado que precise empregalo, e que supón unha medida esencial de conciliación para as familias.

🙏 Grazas ás socias e socios por apoiar á ANPA, xa que o pago do comedor que fan os usuarios é íntegro para pagar o servizo de monitorado e os menús.

🫵 Aproveitamos para facer un chamamento a aquelas familias do cole que non son socias para que se animen a asociarse, só custa 20€ o curso por familia e lembrade que hai actividades exclusivas para socias como a festa fin de curso e xornada ambiental de xuño ou gratuítas como a Festa das Letras Galegas que imos celebrar o vindeiro 15 de maio pola tarde, entre outras.

🙂 Grazas polo voso apoio, seguimos traballando polo noso cole e a comunidade educativa do CEIP O GRUPO!

escolar

22/04/2026

📚ACTIVIDADE DA ANPA NO COMEDOR DO COLEXIO PARA CONMEMORAR O DÍA MUNDIAL DO LIBRO!

👉 Mañá xoves 23 de abril, as e os usuarios do comedor escolar que xestiona a ANPA SANTA UXÍA no CEIP O GRUPO, realizarán un obradoiro de marcapáxinas artesanal para conmemorar o Día Mundial do Libro. Dese xeito o comedor aparte de ser unha actividade de conciliación para as familias, tamén é un espazo de diversión, aprendizaxe e interacción social. Do obradoiro encargarase o monitorado de Golfiño ás cales agradecemos sempre a súa disposición.

😉 Lembramos que o resto do alumnado do colexio participará no Mercado Solidario que terá lugar na rúa de Galicia, onde se intercambian libros de expurgo por alimentos non perecedorios destinados ao comedor social e accións solidarias.

🎭 Tamén un grupo de escolares de Educación Infantil, acudirán ao auditorio municipal de Ribeira, para g***r do espectáculo "O arcón de Noa" de Amarelo, organizado por Cultura e Festexos Ribeira e Educación Concello Ribeira

📕Feliz Día do Libro 2026!

22/04/2026

📣 Mañá xoves 23 de abril, Día Mundial do Libro, dende o CEIP O GRUPO, O CEIP ARTES co apoio de Bibliotecas Escolares Solidarias e a colaboración da nosa ANPA SANTA UXÍA, organízase o X MERCADO SOLIDARIO onde se intercambiarán libros por alimentos non perecedoiros destinados ao comedor social e accións solidarias de ICE RENOVACIÓN e CÁRITAS RIBEIRA.

📌 Será de 10:00 a 13:30 h na rúa de Galicia en Ribeira (soportais da farmacia Sanmamed). Alí estarán os distintos grupos de escolares e mestres, capitaneados polos Voluntarios da Biblioteca, intercambiando libros de expurgos traídos polo alumnado, por alimentos que todas e todos poidamos levar (aceite, pasta, latas, botes, arroz, alimentos infantís, galletas, cacao, café, etc).

🫶 Animamos a todas e todos os ribeirenses a colaborar con esta actividade solidaria que vai xa pola súa décima edición e parabenizamos ás mestras e alumnado por unha iniciativa tan fermosa.

Viva o DÍA DO LIBRO e viva a SOLIDARIEDADE!

10/04/2026

🗣️ Prezadas Socias e socios:

📣 Lembramos que segue aberto ata o vindeiro 16 de abril, incluído, o período para prazo candidaturas á Xunta Directiva da Nosa ANPA para o período 2026-2028.

📋 O modelo que debe presentarse asinado, pòdese recoller en Secretaría ou Dirección do colexio ata o propio día 16/04; deben ser candidaturas de al menos sete persoas socias/os en activo neste curso escolar 2025/26.

🗳️ As elecciòns celebraranse nunha Asamblea Xeral extraordinaria o vindeiro mes de maio da que xa se dará data/hora e lugar.

🤗 Moitas Grazas pola vosa colaboración.

09/04/2026

Na tarde de onte 8 de abril, asistimos á conferencia da psicóloga Carmen Hermo sobre o Acoso Escolar, que se celebrou na Aula de Aprendizaxe do CEIP O Grupo de Ribeira.

Organizada pola nosa Anpa Santa Uxía, o colexio e o CAFI no marco da Escola de Nais e País.

Foi unha charla amena e didáctica na que puidemos obter ferramentas para identificar, afrontar e combatir o acoso escolar, tanto dende o interior da comunidade educativa ou dende o exterior na sociedade, así como dende a perspectiva de que os nosos fillos/as sexan os acosados ou os acosadores.

Acoso e ciberacoso, dúas problemáticas reais que poden condicionar o crecemento, desenvolvemento e incluso as vidas dos nosos fillos e fillas.

Esta charla foi demandada por varias familias a pesar de que sò asistimos unha quincena de persoas, agardamos ter Maior éxito nas conferencias futuras, xa que estamos preparando outra para maio e unha máis para xuño.

A formación e información para as familias é moi importante para futuro do alumnado. Moitas grazas 🤗🫂

06/04/2026

📣 Charla sobre o Acoso Escolar, Aberta á cidadanía!

🗣️ Dende a ANPA Santa Uxía seguimos coas charlas da Escola de Nais e Pais que tamén están abertas a calquera persoa interesada.

🗓️ Este vindeiro mércores 8 de abril, ás 17:00 h na Aula de Aprendizaxe (edificio da vella comisaría no recinto escolar), estará á psicóloga Carmen Hermo que falará sobre o BULLYING (acoso escolar).

✏️ Está dirixida a nais, pais, familias, educadores e calquera persoa interesada; é de entrada libre e de balde e está organizada pola ANPA, o colexio e o CAFI.

👁️‍🗨️Por favor correde a voz e animádevos a vir e traer xente de entidades, outros coles, etc.

🤷 É importante para os nosos fillos/as e para a comunidade educativa.

🥰 Grazas!

Dirección

Avenida Miguel Rodríguez Bautista, 22
Santa Eugenia De Ribeira
15960

Página web

https://www.facebook.com/daccultura, https://www.facebook.com/DeputacionCoruna, https://www.edu.xunta.gal/centros/ceipgr

Notificaciones

Sé el primero en enterarse y déjanos enviarle un correo electrónico cuando Anpa Santa Uxía do CEIP O Grupo de Ribeira publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.