CEIP Nicolás DEL RÍO

Casa
España
Redondela
CEIP Nicolás DEL RÍO

Información sobre todo o relacionado có Ceip Nicolás del Río

19/06/2026

🎒Pechamos este curso despois de moitos meses de aprendizaxes, experiencias e emocións compartidas.

🌊Facendo honra á nosa identidade de vila costeira, pasamos o ano enredando: enredando co coñecemento, cos soños, coa amizade, coa convivencia, co compromiso e coa ilusión de medrar xuntos.

🔋Agora é tempo de recoller redes, descansar e coller folgos para volver navegar cara a novas aventuras o vindeiro curso.

✨ Grazas a toda a comunidade educativa e a ANPA pola súa colaboración. Bo verán!

16/06/2026

🎒Excursión do alumnado de 5° de EP a Santiago de Compostela.

🚶‍♀️A mañá comezou percorrendo os últimos km do Camiño ata chegar á Praza do Obradoiro. Despois de xantar no Parque de Bonaval, marchamos a Padrón, onde desfrutar das atraccións acuáticas en Galipark. ☀️

12/06/2026

📣 Lembrade que o prazo é ata o 19 de xuño.
💻 Toda a información na web https://www.edu.xunta.gal/fondolibros/

11/06/2026

🐄 Excursión á Casa Grande de Xanceda 🌿
O noso alumnado de 2° de EP gozou dunha xornada moi especial, onde puido coñecer de preto os animais da granxa, descubrir como se producen os alimentos ecolóxicos e participar na elaboración de iogures.
Foi unha experiencia chea de diversión e contacto coa natureza, na que aprenderon valores como o respecto polo medio ambiente, o benestar animal e a importancia do noso rural.
💚 Un día inesquecible para seguir aprendendo fóra da aula.

11/06/2026

🍀Nas últimas semanas contamos coa colaboración de varias familias que compartiron co noso alumnado a elaboración de produtos tan tradicionais da nosa vila como os "Eses" ou a Empanada.

👥Foi unha fermosa oportunidade para promover o intercambio xeracional, achegando aos nenos e nenas o rico patrimonio gastronómico que forma parte da nosa identidade.

♥️Grazas ás familias pola súa implicación.

09/06/2026

🗓️ Reunión coas familias do alumnado que comeza 4° de Educación Infantil no centro o curso 2026/2027.

03/06/2026

🎭Onte vivimos unha xornada na que o teatro foi o protagonista. Pero detrás de cada escena houbo moito máis: horas de preparación, nervios, ilusión, risas, retos superados e un gran traballo en equipo.

📈Ao longo deste proceso, o alumnado desenvolveu habilidades comunicativas, creatividade, autonomía e capacidade de superación, pero tamén fortaleceu os vínculos cos compañeiros e compañeiras, aprendendo o valor do esforzo colectivo e da convivencia positiva.

🩵Entre bambolinas construíronse aprendizaxes que van moito máis alá do escenario.Porque o teatro ensina a escoitar, a poñerse no lugar dos demais, a confiar, a superar dificultades, a expresar emocións, a respectar, a cooperar e a comprender que cada persoa é importante para que o resultado final sexa un éxito.

👏Moitos parabéns ao alumnado de 2° de EP e ás súas mestras por unha xornada tan especial! ✨

Moitas grazas ás familias pola colaboración, ao alumnado de 5° de EP e á rapazada do IES 🥰

29/05/2026

Hoxe tivemos á Asociación Contra o Cancro no noso colexio, para sensibilizar ao alumnado de 5° e 6°de EP ante os riscos asociados ao consumo de tabaco e vapeadores.

Unha actividade moi valiosa para fomentar hábitos de vida saudables.

Grazas por vir e contribuír á saúde e a educar en prevención! 💚

29/05/2026

🔬 Hoxe participamos na II Feira Científico- Tecnolóxica do Ortegal, levando unha pequena representación dos proxectos realizados na Feira de Ciencias do noso cole.

🌟Foi unha xornada moi especial para compartir, aprender doutros centros e seguir desfrutando da ciencia como espazo de descubrimento e colaboración.

🩵Ademais, resultou moi bonito reencontrarnos con antigos alumnos e alumnas do centro, que agora continúan a súa etapa no instituto e compartir con eles estes momentos.

👏Grazas ao CFR de Ferrol pola organización e a todas as persoas participantes por facer posible unha experiencia tan enriquecedora!

26/05/2026

A Xunta lévalle aos escolares de Cedeira o seu proxecto Artesanía na Escola de divulgación dos oficios tradicionais

Dirección

López Cortón S/N
Redondela
15350

Página web

http://www.edu.xunta.es/centros/ceipnicolasrio

Notificaciones

Sé el primero en enterarse y déjanos enviarle un correo electrónico cuando CEIP Nicolás DEL RÍO publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.