CEIP Plurilingüe Isidora Riestra

📚 Listas de material escolar – Curso 2026-2027

Xa están dispoñibles as listas de material escolar para o curso 2026-2027 na web!

👶 Educación Infantil
As mestras informarán nas reunións de inicio de curso, que se celebrarán entre os meses de setembro e outubro, do material escolar necesario para cada grupo.

🎒 Educación Primaria
Consulta e descarga a lista correspondente no seguiente enlace: https://www.edu.xunta.gal/centros/ceipisidorariestra/

Un ano máis, o noso centro participou na xornada "Aporta Natureza por Terra e por Mar: Recolle-Recicla-Recupera", organizada por Con Emoción Events en colaboración co Concello de Poio e subvencionado polo plan social ENCE.

O curso pasado, parte dos residuos recollidos convertíronse en bancos que recibimos no colexio. Este ano se completará con mesas de traballo 👏👏.

Seguimos apostando por actividades tan gratificantes que fomenten a educación ambiental e o respecto pola natureza.
Grazas a organización polo recoñecemento recibido e ao noso alumnado polo seu bo facer como equipo, o entusiasmo mostrado e ser exemplo de compromiso no coidado e conservación do medio ambiente.

Hoxe tocou despedir ao noso auxiliar de conversa William, e facémolo cunha mestura de gratitude, cariño e un chisco de tristeza.
Desexámoslle a mellor das sortes nesta nova etapa e agardamos volver atoparnos no futuro.
See you soon, William! 💙

Onte tivemos a sorte de acudir ao Centro Vacacional da Lanzada da Deputación de Pontevedra para recoller o premio do concurso “E ti, que pensas da Igualdade?”, da man dos deputados Paula Bouzós e Javier Tourís.

Foi unha xornada moi especial, divertida e compartida con outros centros premiados, na que desfrutamos moitísimo do encontro e experiencias arredor da igualdade.

Queremos agradecer tamén o acompañamento das Concellerías de Educación e Igualdade do Concello de Poio, sempre ao noso carón apoiando iniciativas tan importantes para a nosa comunidade educativa.

A todas e todos, mil grazas! 💜

🚣‍♀️🌊 O alumnado de 5º participou nunha fantástica xornada deportiva na praia fluvial de Monteporreiro, gozando da experiencia do Dragón Boat e dos kaiaks.

Un día cheo de deporte, compañeirismo e diversión nas últimas xornadas de Xogade! 💪☀️

Seguimos aprendendo e medrando tamén fóra da aula! 👏🐉🛶

Luns o alumnado de sexto de educación primaria tivo unha actividade sobre a xestión de residuos. Nesta ocasión, aprenderon un pouco sobre os microplásticos e buscaron algúns nunha mostra de area 🔬

Hoxe conmemoramos o Día das Letras Galegas, este ano dedicado a Begoña Caamaño, lembrando e poñendo en valor a nosa lingua, a nosa cultura e o legado dunha das grandes voces da literatura e do xornalismo galego.

Nesta xornada tan especial tamén quixemos render unha emotiva homenaxe ás avoas, xa que este foi o último proxecto no que estaba a traballar a autora antes do seu falecemento, poñendo en valor a memoria, os coidados e o papel fundamental destas figuras nas nosas vidas.

Ademais, aproveitamos para facer entrega dos premios ás persoas gañadoras do concurso para escoller o nome e o título da nosa radio, así como o seu logo, e tamén dos premios do torneo de xadrez.

Parabéns a todas as persoas participantes e gañadoras, e grazas por seguir facendo comunidade e cultura en galego cada día.

Hoxe, Día das Letras Galegas, tivo lugar a entrega de premios do XXIV Certame Literario Xaime Illa couto. Parabéns a todos os premiados e premiadas desta edición.

Queremos felicitar de maneira moi especial á nosa alumna Irene Rey, de 6º de EP, galardoada na súa categoría en relato curto.

Estamos moi orgullosos do teu traballo, creatividade e esforzo. Este premio é un merecido recoñecemento ao teu talento, á túa ilusión e ás ganas de seguir creando historias.

Queremos tamén trasladar o noso recoñecemento á súa familia pola implicación, o acompañamento e o apoio constante, animándoa a seguir escribindo e participando neste tipo de iniciativas culturais tan enriquecedoras.

Noraboa!

Esta semana despedimos ao noso alumnado en prácticas.

Foi un pracer contar convosco este tempo. Grazas pola vosa implicación e ganas de aprender.

Lucia, Jonathan, Carla y Álvaro, desexámosvos o mellor nesta nova etapa. Moita sorte! 💙