28/08/2026
🏫 O alumnado do CEIP Isidora Riestra estreará novos espazos para a biblioteca e o comedor escolar.
📚 A biblioteca trasladarase ao primeiro andar, a un espazo máis amplo, cómodo e luminoso, mentres que a súa actual localización acollerá o novo comedor escolar, evitando que o alumnado teña que saír do centro para acceder á aula anexa situada no patio. Ademais, inclúese a remodelación de todo os baños da planta baixa.
O alcalde, Ángel Moldes, e a concelleira de Cultura e Educación, Natalia Sabarís, comprobaron o avance destes traballos, que se realizan en colaboración coa Xunta de Galicia.
🔧 A posta a punto dos colexios de Poio continúa tamén no resto dos centros, con actuacións como o novo comedor do CEIP de Viñas, traballos de carpintería, instalación de tarima flotante, pintado de aulas e zonas comúns, arranxo de parques infantís, xardinería e sistemas de rega.
💡 Ademais, realizáronse revisións e reparacións de electricidade, fontanería, iluminación, enchufes, persianas, portas e mobiliario.
Seguimos traballando da man dos centros e das ANPAS para que os colexios estean preparados para o novo curso!
🔗Máis información en concellopoio.gal/actualidade
