Abdulrahman Koki - عبدالرحمن كوكي

حابب الفت نظركن انو المنح يلي لح تفتح قريباً هي منح الداد

ليش منح مو منحة؟ لانو الداد فيها كتير منح وهاد رابط قاعدة البيانات

https://www2.daad.de/deutschland/stipendium/datenbank/en/21148-scholarship-database/

لكن أشهر شي بين الطلاب السوريين هي
DAAD Master Studies for All Academic Disciplines

بس في منحة تانية من الداد اسمها
Development-Related Postgraduate Courses (EPOS)
للخريجين يلي عندن سنتين خبرة عمل بعد التخرج من الجامعة (بكالوريوس)

حابب نوه عليها لانو قائمة الجامعات المشاركة انتشرت وكل جامعة الها ديدلاين مختلف لذلك بنصحكن تتطلعو على تفاصيل المنحة وتدخلو تشوفو تفاصيل الجامعات يلي بتهمكن من هلأ لانو التحضير المبكر عامل أساسي بالقبول بأي منحة

رابط المنحة 👇
daad.de/go/en/stipa50076777

نشرت السنة الماضية شرح عنها 👇

https://www.facebook.com/abdulrahman.kokii/posts/pfbid02B19K2DcwYkKGoihbgpoo71Epa97vDAQBr2xDXm4Fjzz8oNGfDLghFwQMoZFn5tDWl

وهاد فيديو مهم كمان للأشخاص يلي بيسألو عن منح لطلاب الجامعة أو لدراسة البكالوريوس (يعني الطلاب يلي أخدو البكلوريا) 👇

https://fb.watch/zKTXzJn0V8/

بعتذر مسبقاً عن الاجابة عن الأسئلة يلي اجاباتها موجودة ضمن الروابط - قراءة الشروط وفهم المنحة بدو وقت منك لكن حلمك بيستاهل ❤️💚💙

يا جماعة، يا ريت أول شي نقرأ معايير الاختيار ونشوف إذا المنحة بتناسبنا. إذا كل شي تمام، بنكمل قراءة التفاصيل.

Educating Professionals for Sustainable Development (EPOS) - DAAD

معايير وإجراءات اختيار المرشحين للمنحة:

الدافع والمسؤولية الاجتماعية: لازم يكون عند المرشح دافع قوي ومثبت لتنمية المجتمع، ويكون عنده نية واضحة للاستفادة من المنحة لتحقيق تغيير إيجابي في بلده.

المؤهلات الأكاديمية والمهنية: لازم يكون عند المرشح المؤهلات الأكاديمية والمهنية المطلوبة، يعني درجات ممتازة بامتحاناته السابقة، ومهارات لغة جيدة.

الأولوية للنساء والفئات المحرومة: إذا كنتِ امرأة أو من فئة محرومة وبتستوفي المعايير الأكاديمية والمهنية، حتكون فرصك أكبر.

التخصصات المتاحة:

الاقتصاد، إدارة الأعمال، الاقتصاد السياسي
التعاون التنموي
الهندسة والعلوم المرتبطة بها
التخطيط الإقليمي والحضري
العلوم الزراعية والغابات
العلوم الطبيعية والبيئية
الطب والصحة العامة
العلوم الاجتماعية، التعليم، والقانون
دراسات الإعلام

كل البرامج المتاحة وجامعاتها والتفاصيل موجودة بالبروشور رابطه بالتعليقات.

المتطلبات والشروط:

العمل الحالي: لازم تكون عم تشتغل بسلطة عامة أو شركة خاصة ببلد نامي ومشارك بتخطيط وتنفيذ مشاريع تنموية.

الشهادة الأكاديمية: درجة البكالوريوس على الأقل مع نتائج عالية وخبرة عملية لا تقل عن سنتين.

شهادة حديثة: لازم تكون شهادتك مش أقدم من 6 سنوات.

مهارات اللغة:
للبرامج بالألماني: مستوى B1 على الأقل.
للبرامج بالإنجليزي: حسب متطلبات الجامعة.

قيمة المنحة:

الراتب الشهري: 934 يورو لطلاب الماستر، و1300 يورو لطلاب الدكتوراه.

التغطية التأمينية: بتشمل التأمين الصحي، وتأمين الحوادث، وتأمين المسؤولية الشخصية.

بدل السفر: بيتم توفير بدل السفر إلا إذا كان مغطى من بلدك أو جهة ثانية.

مزايا إضافية: بدل إيجار شهري، وبدل لأفراد العائلة المرافقين في بعض الحالات.

إثبات العمل الحالي والسابقة:

شهادة/شهادات توظيف تبين الوظيفة المحددة وفترة التوظيف.
خطاب توصية من صاحب العمل، ويفضل أن يتضمن ضمان إعادة التوظيف بعد إكمال الدورة العليا في ألمانيا.

خطاب الدافع:

تقديم خطاب دافع يوضح سبب اهتمامك بدراسة الماستر أو الدكتوراه مع الإشارة إلى وظيفتك الحالية ودافعك المتعلق بالتنمية.

إجراءات التقديم والاختيار:

التقديم: يرسل المتقدم طلبه الكامل مباشرة إلى الجامعة المعنية.
الاختيار: تقترح لجنة الاختيار من الجامعة المرشحين المحتملين لمنحة DAAD.
التواصل: يتم الاتصال بالمرشحين المقترحين لتحميل طلبهم الكامل إلى بوابة DAAD.
القبول: تكتمل عملية الاختيار، ويتم اخبار المرشحين المختارين.

دورة اللغة التحضيرية:

لأغلب البرامج، تتضمن منحة DAAD دورة لغة ألمانية تحضيرية لمدة 2 إلى 6 أشهر قبل بدء الدورة الدراسية. المشاركة في دورة اللغة التحضيرية إلزامية.

هل حدا منكم قدم لمنحة DAAD قبل هيك؟ شاركونا تجربتكم ونصائحكم للي حابب يقدم هلأ.

أي استفسار لا تترددوا بالتواصل معنا بالتعليقات، وإن شاء الله بتقدرو تحققو أحلامكن

❤️💙💚

شاركو معنا بمساعدة طلاب سوريا - الباحثين والقادة المستقبليين يلي هنن أمل سوريا 💜💜💜

دعوة للأمل والعلم: ساعد شابًا سوريًا على الوصول للتعليم الذي يستحقه 💜

كل سنة، كتير من الشباب السوريين المميزين بتضيع عليهم فرص الدراسة بأحسن الجامعات، مو لأنهم ما بيستاهلوا، بس لأن تكلفة امتحان اللغة غالية كتير … راتب موظف لأربعة أشهر 😔

نحنا بـ EduBridge منآمن إنو التعليم حق للكل، مو بس امتياز للبعض. هدفنا بسيط وواضح: ما لازم يكون المال حاجز بين طالب موهوب والمستقبل يلي بيستاهلو 💜

من خلال التوعية بالمنح الدراسية والإرشاد والتوجيه المجاني، عم نرافق طلاب سوريا بكل خطوة. بس ما منقدر نكفي هالرسالة بدونك .... اليوم نحنا بحاجتك معنا 💪

تبرعك، ولو بمبلغ صغير، قادر يفتح باب مسكّر، ويعطي طالب فرصة يعمل امتحان اللغة يلي هو مفتاح مستقبله 🎓✨

كل ليرة رح تتبرع فيها رح تروح بالكامل لتغطية رسوم امتحانات اللغة فقط
خليك الأمل لطالب ناطر فرصته ☀
تبرّع هلأ 👇👇

https://www.paypal.com/donate/?hosted_button_id=58Z56MJA4FGBG

التقديم على منحة الحكومة الايطالية متاح

الديدلاين 16-5

أهم خطوة حالياً قبل التقديم عالمنحة هي تلاقي برنامج ماستر او دكتوراه متاح التقديم عليه لانو اذا تأخرت بجوز ما عاد تلاقي برامج!

لمزيد من التفاصيل يا ريت تتطلعو على الرابط الرسمي والملفات

https://studyinitaly.esteri.it/ListaBandi

بالتوفيق جميعاً ❤️💚💙

لطلب خدمات متعلقة بالمنح الدراسية يرجى تعبئة الفورم 👇👇

https://forms.gle/9uBnZHGxchfmaRqB7

Google Forms: Sign-in Access Google Forms with a personal Google account or Google Workspace account (for business use).

السلام عليكم ويومكم سعيد نشالله 💜💜

يا ريت تشاركو معنا بمساعدة الطلاب السوريين وتشاركو هالفرصة المميزة مع أصدقائكن أو الغروبات يلي بتعرفوها 🌸

اذا كنت طالب بالسنوات الأخيرة أو متخرج وعم تبحث عن منحة ماستر او دكتوراه ومقيم في سوريا، فحالياً متاح التقديم على برنامج الإرشاد الأكاديمي EduMentoring لعام 2025 المقدم من منظمة EduBridge غير الربحية.
خلاله رح يتم تقديم طريقة التقديم للمنح من A to Z ودعم لتكلفة الايلتس لعدد محدد من المقبولين وتوفير بيئة داعمة للنمو الشخصي والاكاديمي 💜
آخر موعد للتقديم 13 نيسان الساعة 23:55 بتوقيت سوريا

رابط التقديم
https://forms.gle/bXKBEKr2up5KcbLX9

لمزيد من المعلومات حول البرنامج يا ريت تتطلعو على المنشورات السابقة على صفحة المنظمة على فيسبوك أو انستغرام
https://www.facebook.com/EduBridge.Organization
https://www.instagram.com/edubridge.organization

لأنو كل حلم بيستاهل فرصة 💜

قررنا نمدد الموعد النهائي للتقديم لبرنامج EduMentoring 2025 حتى نوصل لأكبر عدد ممكن من الطلاب السوريين الطموحين ولحتى يلحق كل حدا عندو حلم، يكون جزء من برنامجنا يلي لح يغيّر حياتهم ✨ ✨

الفرصة لساتها بين إيديك لا تخلّيها تروح منك 😉

آخر موعد للتقديم: 13 نيسان (April) الساعة 23:55 بتوقيت سوريا ⏰

بتآمن انو العلم بيغيّر المصير؟

شارك بهالفرصة، واعمِل تاغ لرفقاتك يلي بيستاهلوا يكون اسمهن بين المقبولين 🌟

قدمتو على برنامج EduMentoring 2025؟
واذا لا، شو عم تستنو؟ 🤔
تذكير انو الديدلاين بـ 8 الشهر ❗️

لتعرفو كيف لح تستفادو من البرنامج شوفو أول تعليق

حابب تقدم عالبرنامج؟ اترك تعليق ليصلك الرابط 💜

"عم تسأل: شو أفضل منحة لاختصاصي؟
بس السؤال الصح هو: شو أنسب منحة إلي أنا؟

ليش؟ لأنو كل منحة مو بس بتطلب اختصاص... بتطلب شخص بمواصفات محددة:

⚡️ بركي بدها سنتين خبرة؟
⚡️ أو مهارات قيادية واضحة؟
⚡️ أو تكون من أوائل دفعتك؟
⚡️ أو في شرط للعمر أو البلد؟

يعني باختصار... المنح مو موجهة للكل، هي فرصة مصممة لشخص بمقاييس معينة.
وحتى تلاقي المنحة يلي فعلاً نازلة على مقاسك، بدنا نفهم وضعك بشكل دقيق.

وبما إنو هالتحليل ما بينفع يكون عام، منحكي بالتفصيل ضمن جلسة استشارة مدفوعة.

كل ما عليك هو انو تساوي تاغ لرفيقك وتعبي الاستمارة 👇👇 لتحصل على حسم 50% على الاستشارة

https://forms.gle/9uBnZHGxchfmaRqB7

من هون بتبدأ أول خطوة جدّية باتجاه حلمك!

العرض ساري حتى نهاية شهر رمضان المبارك ❤💚💙

🎓 منحة "المستقبل الأخضر" للدراسات العليا 2025/2026 – جامعة إكستر
كلية البيئة والعلوم والاقتصاد | University of Exeter – Faculty of Environment, Science and Economy

بدك تدرس ماجستير ببريطانيا بمنحة كاملة؟ واهتمامك بالبيئة، المناخ، والطاقة النظيفة؟ هاي فرصتك الذهبية!
جامعة إكستر – من أقوى الجامعات عالمياً بمجال الاستدامة وتغيّر المناخ – عم تقدّم منحة "Green Futures" للطلاب الطموحين من دول الدخل المنخفض والمتوسط الأدنى.

✔️ المنحة بتغطي كامل رسوم الدراسة + راتب شهري لتكاليف المعيشة
✔️ لسنة دراسية وحدة – دوام كامل – بالحرم الجامعي
✔️ موجّهة للناس اللي عنجد عندن شغف يعملوا فرق حقيقي بمجتمعاتهم بعد التخرج

البرامج المتاحة :
MSc Applied Data Science (Ecology and Evolution) – ماجستير علوم البيانات التطبيقية (البيئة والتطور)

MSc Applied Data Science (Environment & Sustainability) – ماجستير علوم البيانات التطبيقية (البيئة والاستدامة)

MSc Applied Data Science (Renewable Energy) – ماجستير علوم البيانات التطبيقية (الطاقة المتجددة)

MSc Conservation and Biodiversity – ماجستير الحفظ والتنوع البيولوجي

MSc Construction Design Management – ماجستير إدارة تصميم البناء

MSc Evolutionary and Behavioural Ecology – ماجستير علم البيئة السلوكية والتطورية

MSc Geographical Information Science – ماجستير نظم المعلومات الجغرافية

MSc Global Sustainability Solutions – ماجستير حلول الاستدامة العالمية

MSc Marine and Coastal Sustainability – ماجستير الاستدامة البحرية والساحلية

MSc Mining Environmental Management – ماجستير إدارة البيئة في قطاع التعدين

MSc Renewable Energy Engineering – ماجستير هندسة الطاقة المتجددة

MSc Sustainable Business Management (Environment and Tourism pathways) – ماجستير إدارة الأعمال المستدامة (مسارات السياحة والبيئة)

MSc Sustainable Development – ماجستير التنمية المستدامة

MSc Weather and Climate Science – ماجستير علوم الطقس والمناخ

شروط التقديم:
✔️ تكون طالب دولي من ناحية الرسوم
✔️ تحمل جنسية من دولة ذات دخل منخفض أو متوسط أدنى (مثل سوريا)
✔️ عندك قبول مسبق من أحد برامج الماجستير المؤهلة للعام 2025/2026
✔️ حاصل أو متوقع تحصل على معدل يعادل المرتبة الأولى في بريطانيا (UK First Class) يعني معدل 70% أو أعلى
✔️ وما درست أو اشتغلت قبل بدولة ذات دخل عالي

📌 ملاحظة: لازم تقدّم على برنامج الماجستير قبل 29 آذار 2025، وبعدين فيك تقدم على المنحة.

كيف تقدّم؟
بعد ما يصير معك قبول رسمي، عبّي نموذج المنحة.

🔸 لازم تكتب بيان شخصي (500 كلمة) وتجاوب فيه على هالأسئلة:

شو اللي جذبك للبرنامج؟ وكيف ممكن يساهم بمستقبل أخضر ببلدك؟

شو عملت لهلأ بهالمجال؟ سواء لحالك أو ضمن مشاريع جماعية؟

شو ناوي تستفيد وتقدّم خلال دراستك؟ وكيف المنحة رح تساعدك؟

شو طموحاتك بعد التخرج؟ وكيف رح تضل على تواصل مع الجامعة؟

مواعيد مهمة ومعلومات إضافية:
📅 آخر موعد للتقديم: 30 نيسان 2025
📌 عدد المنح: منحة وحدة فقط
💰 قيمة المنحة: إعفاء كامل من الرسوم + راتب شهري للمعيشة
📆 مدة التمويل: سنة واحدة
📣 النتائج بتطلع بأقصى حد بتاريخ 16 حزيران 2025
💻 ممكن تنطلب مقابلة أونلاين مع بعض المتقدمين

📥 للاستفسار أو الأسئلة:
قسم المنح الدولية
[email protected]

بحاجة مساعدة بالتقديم؟
فيك تطلب الخدمة المناسبة من خلال الفورم ولح نساعدك خطوة بخطوة 👇
https://forms.gle/LdGX9MnSzaumsC4FA

رابط المنحة
https://www.exeter.ac.uk/study/funding/award/?id=5481

Google Forms: Sign-in Access Google Forms with a personal Google account or Google Workspace account (for business use).

منح ماجستير ممولة بالكامل من مؤسسة ألان ونيستا فيرغسون الخيرية ✨

فرصة العمر لطلاب الدراسات العليا الطموحين من الدول النامية!
٣ منح دراسية ذهبية بانتظارك للدراسة في جامعة شيفيلد، بريطانيا – جامعة تؤمن بأن التعليم هو مفتاح التغيير الإيجابي في العالم.

ليش شيفيلد؟
لأنها مو بس جامعة، هي بوابة حقيقية للنهضة الشخصية والمجتمعية. شراكتها مع مؤسسة ألان ونيستا فيرغسون تعكس التزامها العميق بالتنمية الدولية وصناعة قادة المستقبل من كل مكان.

شو بتغطي المنحة؟
• إعفاء كامل من الرسوم الدراسية
• راتب سنوي بقيمة 12,500 باوند لتغطية تكاليف المعيشة

مين بيقدر يقدّم؟
إذا كنت طالب دولي ما درست برا بلدك قبل، وما عندك تمويل من أي جهة، ومهتم بأحد البرامج التالية، فهاي فرصتك:

ماجستير التنمية الدولية (MA International Development)
ماجستير التغير البيئي والتنمية الدولية (MSc Environmental Change and International Development)
ماجستير الصحة العامة في التنمية الدولية (MPH International Development - Masters in Public Health)
ماجستير القانون الدولي والعدالة العالمية (LLM International Law and Global Justice)
ماجستير الاقتصاد السياسي الدولي (MA International Political Economy)
ماجستير الصحافة العالمية (MA Global Journalism)
ماجستير الاتصال السياسي والعام الدولي (MA International Public and Political Communication)

كيف بتقدّم؟
• أول خطوة: تحصل على قبول من أحد البرامج المؤهلة
• بعدها، بتدخل على حساب MUSE الخاص فيك وبتقدّم عالمنحة

آخر موعد للتقديم: الاثنين ٢ حزيران June ٢٠٢٥، الساعة وحدة ظهرًا بتوقيت المملكة المتحدة
نتائج القبول بتوصلك يوم الجمعة ١٨ يوليو ٢٠٢٥

📩 بحاجة مساعدة بالتقديم؟
فيك تطلب الخدمة المناسبة من خلال الفورم وسنرجع لك بالتفاصيل خطوة بخطوة 👇

https://forms.gle/LdGX9MnSzaumsC4FA

المقاعد محدودة والمنافسة شرسة – بس أنت مميز، وهاي فرصتك تحلق!
ابدأ رحلتك الأكاديمية من الآن، لأن النجاح ما بينتظر.

لأي استفسار، راسل: [email protected]
رابط المنحة: https://www.sheffield.ac.uk/international/fees-and-funding/scholarships/postgraduate/ferguson

🎓 لا تأجّل الحلم... خُط أول خطوة اليوم.

Google Forms: Sign-in Access Google Forms with a personal Google account or Google Workspace account (for business use).

يا طلاب الجامعات 🎓 بسوريا، بدنا نسمع صوتكن! 📢📢

إنت طالب جامعي أو دراسات عليا؟ عمرك فكّرت بموضوع البحث العلمي؟ ولا لسا مو ضمن اهتماماتك؟

حابين نعرف أكتر عن رأيكن وتجاربكن مع البحث العلمي، التحديات اللي بتواجهوها، والفرص اللي ممكن تتطور لحتى تدعم الطلاب أكتر. سواء كنت عامل بحث من قبل، أو حتى ما خطر ببالك، رأيك بيفرق معنا!

✅ الموضوع ما رح ياخد منك أكتر من 8 دقايق
✅ إجاباتك رح تضل سرية تمامًا وما رح تُستخدم إلا لأغراض البحث

📌 رابط الاستبيان: https://forms.gle/JkpgxiRVM1uC3JbbA

ليش ضروري تشارك؟
لأن رأيك ممكن يكون مفتاح لتطوير البحث العلمي بسوريا وتحسين الفرص اللي متاحة للطلاب. خلينا نكون مع بعض جزء من التغيير 💪 💪

لا تنسى تبعته لرفقاتك، لحتى نسمع أكبر عدد من الآراء!

وارفعولنا البوست والله يجزيكن الخير ❤️💚💙

تقييم اهتمام ومشاركة طلاب الجامعات السورية بالأبحاث العلمية يهدف هذا البحث إلى تقييم مستوى اهتمام طلاب الجامعات السورية بالأبحاث العلمية ومشاركتهم فيها، بالإضافة إلى دراسة التحديات والعقبات التي تعيق تطوير مهاراتهم البحثي....

❓ أول مرة بتسمع بكلمة منحة ❓
حاسس حالك ضايع ومو عرفان من وين تبلّش؟ 🤯
الموضوع أكيد مربك وبضيّع ، بس لا تخاف، الحل موجود! ✅

بعد سنين من البحث والتجربة، جمعتلك أهم المعلومات والنصائح الذهبية عن المنح في بوستات واضحة وسهلة الفهم. ما عاد في داعي تضيع وقتك بالبحث العشوائي!

لكن إذا كنت بدك نصائح مفصّلة ومخصصة لك شخصياً بناءً على حالتك ووضعك الدراسي، فاستشارة وحدة كفيلة إنها تختصر عليك شهور من الحيرة! 🔥

احجز استشارتك الآن وخلي طريقك للمنحة يكون أسهل وأوضح! 📩

رابط البوستات 👇👇

https://www.facebook.com/abdulrahman.kokii/posts/pfbid0giy4aYEqPg22cRFZr5kTX13BHU47Pge1vfdqmeqnBeB9GTDofz9iKPVjYF45Qbrjl

‼️لا تعلّق مستقبلك على وهم‼️

بيؤسفني إني قول هالحكي… بس الحقيقة مؤلمة، ومع ذلك، الحقيقة أفضل بكتير من العيش بوهم!

إذا مفكر يلي تخرب بسوريا لح يتصلح بسنتين… فأنت عايش بوهم كبير!

البلد يلي انهارت بنيتها التحتية، اقتصادها، مؤسساتها، والأهم من هيك نسيجها الاجتماعي، ما بتتصلح بضغطة زر ... هاد مو فيلم فيه "مونتاج سريع" ونهاية سعيدة.

التغيير الحقيقي ما بيجي بس من ترميم الأبنية، التغيير بيبدأ من ترميم العقول وتغيير العقليات، وهاد الشي ما بيصير بين ليلة وضحاها!

نصيحتي، خصوصًا إذا كنت مهتم بالبحث العلمي: لا تراهن على معجزة خلال سنتين!

لح تطلع تاخد ماستر، يمكن دكتوراه، وترجع تلاقي نفس الفوضى، نفس العقليات، ونفس العراقيل… يمكن أقل ويمكن أسوأ! لأن المشكلة مو بس بالبنية، المشكلة عمرها أجيال وبدها جيل جديد وموارد حقيقية تدعم التغيير.

لا تضيع وقتك بالانتظار! بلّش من هلأ، دور على منح، قدم، حضّر لمستقبلك… وبعد سنتين تذكّر كلامي!

وإذا كتير حنّيت للبلد، فيك ترجع زيارات، بس لا تخاطر بمستقبلك كرمال وهم!

انتظارك ما رح يغيّر شي! كل يوم عم يمر هو فرصة ضائعة… لا تندم بعد سنتين تصرّف اليوم‼️