¿Cuál es el horario de apertura?

Lunes 09:00 - 14:30 Martes 09:00 - 19:00 Miércoles 09:00 - 19:00 Jueves 09:00 - 14:00 Viernes 09:00 - 14:00

CEIP Plurilingüe San Xoan de Filgueira

Inicio
España
Ferrol
CEIP Plurilingüe San Xoan de Filgueira

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de CEIP Plurilingüe San Xoan de Filgueira, Escuela, Rua Campo de Chao s/n, Ferrol.

Escola pública do barrio ferrolano de San Xoan, con excelentes instalacións, como aulario e parque infantil exclusivo, primaria con pavillón, campo de futbol, pavillón, zona verde amplia e arbolada, horto escolar e granxa.

20/07/2026

⚓ Parada 9: Porta do Dique

Chegamos á última parada do noso roteiro Ferrol en feminino.

Aquí lembramos a forza e a valentía de tantas mulleres que, en tempos difíciles, loitaron para sacar adiante ás súas familias e contribuíron a construír a historia da nosa cidade.

Con esta parada despedimos un proxecto no que o alumnado investigou, aprendeu e compartiu a memoria de tantas mulleres que merecen ser lembradas.

Porque coñecer o pasado tamén é unha maneira de construír un futuro mellor. 💜✨

20/07/2026

💡 Parada 8: Ángela Ruiz Robles

Nesta parada descubrimos a figura de Ángela Ruiz Robles, mestra, escritora e inventora.

Dedicou a súa vida á educación e soñou con facer máis doado o aprendizaxe do alumnado. A súa Enciclopedia Mecánica converteuna nunha pioneira da innovación educativa.

O noso alumnado explicou a historia dunha mestra que imaxinou o futuro moito antes de que chegase.✨

20/07/2026

📚 Parada 7: Concepción Arenal

Nesta parada coñecemos a unha das mulleres máis importantes da nosa historia: Concepción Arenal.

Defendeu a educación, os dereitos das mulleres, a xustiza social e a mellora das condicións de vida das persoas máis vulnerables.

O alumnado deu voz a unha muller valente, adiantada ao seu tempo, que abriu camiños cando moitas portas estaban pechadas.

Unha parada imprescindible do noso roteiro. 💜

10/07/2026

🕯️ Parada 6: Aurora Rodríguez Carballeira

Nesta parada coñecemos unha historia intensa e complexa: a de Aurora Rodríguez Carballeira e a súa filla Hildegart.

Un relato cheo de luces e sombras que nos axuda a falar da educación, da liberdade, das expectativas sobre as mulleres e da importancia de poder decidir o propio camiño.

O alumnado explicou esta parada con moito respecto, dando voz a unha historia difícil pero que tamén necesita ser coñecida.

08/07/2026

🎭 Parada 5: Toxos e Froles

Nesta parada achegámonos ao mundo da música, do teatro e da cultura galega.

O alumnado falou do papel de mulleres vinculadas á creación artística e á defensa da nosa lingua e da nosa cultura.

Entre cancións, teatro e memoria, seguimos descubrindo un Ferrol no que as mulleres tamén foron protagonistas da vida cultural.

Unha parada para celebrar arte, lingua e tradición 💙

06/07/2026

🎨 Parada 4: Escola de Artes e Oficios

Nesta parada descubrimos a importancia da educación das mulleres en Ferrol.

A Escola de Artes e Oficios abriu pouco a pouco unha porta á formación feminina, nun tempo no que estudar non era doado para elas.

Aquí lembramos tamén a mulleres creadoras, escritoras e artistas que participaron na vida cultural da cidade e que demostraron que o talento feminino sempre estivo presente.

Unha parada chea de cultura e aprendizaxe ✨

03/07/2026

💧 Parada 3: Obelisco de Churruca

Nesta parada falamos das mulleres que ían buscar auga ás fontes, cargando caldeiros para levar ás casas cando aínda non había auga corrente.

Tamén descubrimos o enorme traballo das lavandeiras e das carretadoras do Dique da Campá, mulleres fortes que sostiveron coa súa forza física e co seu esforzo unha parte esencial da vida de Ferrol.

Unha parada para lembrar traballos duros, necesarios e moitas veces invisibles.

Ferrol tamén se escribiu coas mans destas mulleres 💜

30/06/2026

📍 Parada 2: Juana Díaz de Lemos

Nesta segunda parada coñecemos a historia dunha muller que deixou unha pegada moi importante no Camiño Inglés.

Juana Díaz de Lemos fundou un dos primeiros lugares de acollida para peregrinos e persoas enfermas en Ferrol, ofrecendo abrigo, alimento e coidados a quen máis o precisaba.

O noso alumnado deu voz a unha historia de solidariedade, coidado e compromiso coa cidade 💜

30/06/2026

🌸 Celebramos a festa dos Maios! 🌸

O noso alumnado gozou dunha xornada chea de cor, música e tradición, preparando os maios con flores e elementos da natureza para celebrar a unha estación fermosa e chea de vida.

Houbo moito traballo en equipo, moitas flores, baile e momentos preciosos compartidos no cole 💐🎶

Unha celebración moi especial para seguir mantendo vivas as nosas tradicións e g***r da primavera xuntos e xuntas 🌿✨

30/06/2026

Cousiñas chulas que quedaron por contar 🏰 💫

O alumnado de 1º, 2º, 3º e 4º fixemos un roteiro fantástico para coñecer a costa ferrolá.

Visitamos Cabo Prior, e Cabo Prioriño Chico e descubrimos os seus faros e os restos das fortalezas defensivas da nosa ría. E, como non podía ser doutra forma, acabamos o día na Praia!!!!

Canto sabemos da nosa costa! 🌊

Dirección

Rua Campo De Chao S/n
Ferrol
15405

Horario de apertura

Lunes	09:00 - 14:30
Martes	09:00 - 19:00
Miércoles	09:00 - 19:00
Jueves	09:00 - 14:00
Viernes	09:00 - 14:00

Página web

https://www.edu.xunta.gal/centros/ceipxoanfilgueira/

Notificaciones

Sea el primero en enterarse: le enviaremos un correo electrónico cuando CEIP Plurilingüe San Xoan de Filgueira publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.