Ateneo Aurora

05/05/2026

Lembrade que o vindeiro venres, 8 de maio, ás 19 horas, na Casa Sindical da CGT A Coruña teremos unha nova sesión do Ciclo "Cine e Movemento Obreiro" no Cineforum Aurora coa proxección do filme documental "O cine libertario: cando as películas fan historia" (2010).
Agardámosvos!!!

29/04/2026

Mañá, ás 19:30,no club de lectura Aurora falaremos da novela "As rulas de Bakunin" de Antón Riveiro Coello, na casa sindical da CGT A Coruña.. pero xa estamos tamén pensando na nosa vindeira lectura: "Tea rooms: Mujeres obreras" de Luisa Carnés, que pechará as sesións de primavera do club o vindeiro 29 de maio... libros para sermos máis libres para imaxinar novas vidas posibles.

29/04/2026

Crónica de La Voz de Galicia do acto do pasado 19 de abril en lembranza da folga das misteiras de 1901, que daba inicio aos actos polo 125 aniversario dos "sucesos de maio" dese ano.

Se cumplen 125 años de la primavera que marcó un hito en las movilizaciones laborales

25/04/2026

As traballadoras das escolas infantís están a protagonizar unha loita histórica para conseguir unhas condicións laborais dignas.

As mobilizacións estanse a espallar por todo o Estado. Fagamos que medren ✊🏾

🔴 O 7 de maio ás 18:00 h, no Obelisco (A Coruña)

24/04/2026

O vindeiro xoves, 30 de abril, ás 19:30 horas, temos a segunda tertulia do noso Club de lectura AURORA – Lecturas na veciñanza, coa novela "As Rulas de Bakunin" de Antón Riveiro Coello.
https://tinyurl.com/2avk2rl4

24/04/2026

O acto terá lugar no salón de actos do Circo de Artesáns este vindeiro martes 28 de abril ás 20:00

14/04/2026

O Ateneo Aurora e o colectivo Refuxios da Memoria, convocan para este vindeiro domingo, día 19 de abril, ás 12.30 horas, diante do monumento ás misteiras da praza de Monforte da Coruña, un acto público de lembranza á folga das operarias da fábrica de mistos que nos meses de abril e maio de 1901 desenvolveron unha folga que foi prólogo dos sucesos de maio de 1901.

https://xornalgalicia.com/actualidad/agenda/arrancan-os-actos-do-125-aniversario-dos-sucesos-de-maio-de-1901-na-coruna-cunha-homenaxe-as-misteiras

13/04/2026

Actividades de moito interese estes días con motivo da celebración do Día da República. Entre eles, esta conferencia de Xosé Lois Martínez "A Coruña: República, cidade e arquitectura que terá lugar no Circo de Artesáns este mártes 14 de abril ás 20:00 horas https://memoriadacoruna.gal/espazos-republicanos/

13/04/2026

Arrancamos cos actos do 125 aniversario dos sucesos de maio de 1901: unha folga xeral de tres días, en solidariedade e condena polo asasinato dun folguista durante unha manifestación da chamada “folga dos consumeiros” que paralizou por completo a actividade económica da cidade e foi reprimida con brutalidade.
Xunto con outras organizacións libertarias, comezamos o vindeiro domingo coa lembranza da folga das misteiras de abril-maio dese ano 1901.
Vémonos o domingo, 19 de abril, ás 12:30, na praza de Monforte, no monumento ás traballadoras da factoría.

10/04/2026

Lembrade que hoxe temos unha cita no Cineforum Aurora coa película "Pan e Rosas" de Ken Loach, no ciclo Cine e Movemento Obreiro... Vémonos ás 19:00 horas, na Casa Sindical de CGT A Coruña (Entrepeñas, 6)