سري في العلوم والاحياء

الحمد لله 🤍
الامتحان كان أبلغ رد على أي كلام اتقال طول السنة
الامتحان جه من المذكرة واللي براها كان موجود في الاسترشادي والطلاب خرجوا مبسوطين وده فضل من ربنا أولًا وآخرًا والله ما هو إلا توفيق من الله وربنا سبحانه وتعالى ما ضيعش تعبنا
أيوه إحنا اللي حلينا مع طلابنا مرة واتنين وإحنا اللي شرحنا المنهج أكتر من مرة لحد ما كل فكرة بقت واضحة وإحنا اللي في ليالي الامتحان كنا بنحل على كل فصل 150 نقطة وأكثر وفي فصول كانت المذكرة فيها أكتر من 200 سؤال غير الامتحانات الاسترشادية وغير أفكار حول الاسترشادي اللي اشتغلنا عليها سؤال سؤال
إحنا اللي كنا بنسهر مع طلابنا لحد الفجر نرد على كل سؤال ونطمن كل طالب ومكناش بنبخل بوقت ولا بمجهود عمرنا ما كنا بتوع شو ولا تريند ولا تيك توك كنا مؤمنين إن الشغل الحقيقي هو اللي بيتكلم في الآخر والحمد لله رب العالمين
وفي النهاية أنا فخور بكل طالب من طلابي مهما كانت النتيجة لأن أنا أكتر واحد شاهد على تعبكم ومجهودكم وسهركم وضغطكم طول السنة أوعى تخلي رقم في النتيجة ينسيك قد إيه أنت تعبت واجتهدت
إنتوا عدّيتوا واحدة من أصعب مراحل حياتكم وده في حد ذاته نجاح يستحق إنكم تفتخروا بنفسكم دلوقتي ارتاحوا وانبسطوا وعيشوا حياتكم كام يوم لأنكم تستحقوا كل لحظة فرحة بعد السنة دي
ومستني أشوفكم يوم الاثنين في فرحتنا 🎉🤍
كل الناس معزومة والفرحة دي مش فرحتي لوحدي دي فرحة كل الناس
شكرا لكل ولي أمر ساند وكل واحد كان مؤمن بينا من أول يوم
فاللهم لك الحمد حتى ترضى ولك الحمد إذا رضيت ولك الحمد بعد الرضا ❤️

🚨 المراجعة الأقوى في الدعامة والحركة.. بكرة بإذن الله! 🚨
🔥 هنراجع مع بعض أهم أفكار الباب من خلال أسئلة مختارة بعناية تحاكي امتحان الثانوية العامة في الشكل، وطريقة التفكير، ومستوى الصعوبة.
✅ 100 فكرة من أقوى وأهم أفكار الدعامة والحركة.
✅ جميع أفكار الدعامة والحركة التي جاءت في الامتحانات الاسترشاديه
✅ يعني هتراجع أكثر من 150 فكرة ونقطة مهمة قبل الامتحان.
✅ الأفكار مختارة من أقوى الكتب الخارجية، والسنوات السابقة، وأحدث الأفكار المتوقعة.
🎯 هدفنا إنك تدخل الامتحان وإنت شوفت أكبر قدر ممكن من الأفكار المهمة، وتكون جاهز لأي سؤال بإذن الله.
🤲 نسأل الله التوفيق والسداد، وأن يكتب لنا ولكم النجاح والتفوق.
📍 ميعادنا غدًا في سنتر أجيال. 🕙 الساعة 10:00 صباحًا.
في انتظاركم... وإن شاء الله تكون مراجعة فارقة معاكم. 💙📚

مواعيد ليالي الامتحان ♥️♥️ ما قبل الإفراج
إن شاء الله ربنا يكرمنا ونكون موفقين

بعد اذن الكرواسون و الباتون ساليه و الجبنه الكاشكافال و المدارس الخاصه تباصي لزمايلك اللي ريحتهم مش وجبنه قريش و بتنجان مقلي اللي من مدارس العاشر من رمضان ومدراس كفر صقر وتلعبوا مع بعض ده مش هيأثر على البريستيج بتاع فخامتك عاوزين نفرح

اعظم لقطات المباراه عموما تحس ان منتخب الساجدين رجع ♥️

علشان سمعت كلام كتييير الفتره الاخيره فحبيت انهي الكلام علشان شغل العك الكتير
قبل ما ربنا يكرمني بيكي كان طبيعي أتعرف على ناس كتير وأتعامل مع ناس كتير وده كان حق أي حد لسه ما ارتبطش وبيدور ويكلم دي ويتقدم لدي ودي تنفع ودي لا زي اي حد

بس من يوم ما دخلتي حياتي كل حاجة اتغيرت واحدة واحدة من غير ما أحس بقيتي أقرب إنسانة لقلبي وبقيتي السند والراحة والأمان لحد ما وصلت لمرحلة إني مش شايف غيرك ومش عاوز غيرك ومفيش في حياتي بنت غيرك وأي بنت تانية بالنسبة لي أخت وبس لأن المكان اللي خدتيه جوايا محدش يقدر ياخده يمكن مكنتش متخيل إني في يوم أبقى متعلق بحد بالشكل ده لكن وجودك غير حاجات كتير جوايا وخلاني أعرف معنى إن الواحد يلاقي الشخص الصح
ربنا يديمك في حياتي ويحفظك ليا ويكملنا مع بعض على خير لأن أجمل حاجة حصلتلي هي إنك بقيتي جزء من حياتي ♥️♥️♥️ وجودك في حياتي فارق ♥️
كدا الكلام خلص

كل سنة وأنتم طيبين ❤️
يارب العيد ده يكون بداية راحة وفرحة وتغيير حقيقي لكل واحد فيكم
ويكون بداية لأيام أخف على قلوبكم وأقرب لأحلامكم ✨
عارف إن الطريق أوقات بيكون صعب
بس متأكد إن فيكم ناس تقدر تعمل حاجة كبيرة جدًا لما تثق في نفسها 💪
خدوا العيد فرصة ترتاحوا وتفرحوا وتنسوا أي ضغط
وارجعوا بعده بطاقة جديدة وقلب أهدى وعزيمة أقوى 📚❤️
وأنا دايمًا فخور بيكم وبأي خطوة بتاخدوها لقدام
حتى لو كانت صغيرة 🌸
عيد أضحى سعيد يا أبطال 🐑✨

اجازه بلا اهداف 😂😂😂

كلنا نسمع شبع من بعد جوع بس النهارده اتأكدنا😂😂