23/08/2026
قبل ما تدخل علوم… لازم تعرف شوية حقائق مهمة جدًا:
1️⃣ ٩٠٪ من الطلبة اللي جوه الكلية كانوا نفسهم يدخلوا طب أو هندسة… بس المجموع كان له رأي تاني 😂
2️⃣ لو أنت خريج علوم، ممكن يبقى مسماك الوظيفي:
مهندس – دكتور – ظابط – كيميائي – جيولوجي – فيزيائي – فلكي _مدرس – أسطى…
اختار اللي يناسبك بقى 😂
3️⃣ كلية علوم محيرة حتى في اسمها…
هي مش إعلام ولا دار علوم! 😂
4️⃣ لو ليك صاحب في علوم، حاول ما تسألوش:
«إنت في سنة كام؟»
لأنك ممكن تسمع إجابات من نوعية:
«أنا في رابعة وقدامي سنتين على ما أتخرج»
أو «أنا التيرم الأول في تالتة والتيرم التاني هبقى رابعة»
أو «أنا هتخرج في الصيف» 😂
5️⃣ ما تستغربش لما تلاقي صاحبك بتاع علوم بيمتحن أكتر ما بيستحمى. 😂
6️⃣ وما تستغربش لما يقولك:
«امتحنت الفاينال وبعدها امتحنت الميدتيرم»…
حصلت! 😂
7️⃣ لو حد من علوم قالك: «إنت حيوان» متزعلش منه…
هو مش بيشتمك، ده قسم في الكلية 🐄😂
8️⃣ في إشاعة بتقول إن طلبة علوم كلهم دقنهم طويلة، وشعرهم منكوش، وما بيغسلوش وشهم وبيستعملوا نضارات…
الإشاعة دي مش صح ❌
لأني أعرف شخصيًا ناس في علوم وبيلاقوا وقت يغسلوا وشهم. 😂
9️⃣ لما تلاقي حد في كلية علوم، بلاش تفضل تسأله:
«لما تتخرج هتشتغل إيه؟»
لأنه أصلًا مش ضامن هيخلص الكلية إمتى 😂
🔟 ولو ليك صاحب في علوم…
اعطف عليه وعامله بحنية ❤️
دول غلابة أوي…
ما تبقاش إنت والزمن عليهم 😂😂
#علوم #تنسيق
