NeuroIntervention Unit - Zagazig University

"فجأة كده، لقيت الدنيا بتلف بيا. مش دوخة عادية، لأ، حاجة تقيلة كده، زي ما تكون الأرض بتسحب من تحت رجلي. كنت ماسك الكوباية، لقيتها وقعت من إيدي واتكسرت. جيت أقول 'آه' أو أي كلمة، لقيت لساني تقل والحروف مش طالعة صح... ونص جسمي اليمين ده... مش حاسس بيه. الدنيا بدأت تضلم واحدة واحدة... اهلى كلموا الاسعاف و سمعت صوته جاى من بعيد."

السكتة الدماغية من أخطر الطوارئ في الطب، بتحصل لما يتقفل أحد شرايين المخ بجلطة فينقطع الدم عن النسيج اللي بيغذيه، وتبدأ خلايا المخ تموت بسرعة وينتج عن ده ضرر بيزيد كل ما نتأخر في التدخل؛ لأن نسيج المخ لما يموت مبيتعوضش.

أهم أعراض السكتة الدماغية:
• ثقل اللسان وصعوبة في الكلام
• اعوجاج في الوجه
• ضعف وشلل في نصف الجسم اليمين أو الشمال
• فقدان الوعي

🎯 التدخل المبكر بالقسطرة المخية والأشعة التداخلية هو الفرق بين تعافي كامل أو مضاعفات دائمة❗
من خلال فتحة صغيرة في الجلد وباستخدام القساطر بنقدر نوصل للشريان المقفول ونسحب الجلطة (Thrombectomy) ونستعيد تدفق الدم بسرعة في الشريان، وبفضل الله نقدر ننقذ المريض من الشلل والإعاقة...

✨والنتيجة؟ علاج دقيق، بدون جراحة، في وقت قياسي، بمضاعفات أقل، ووقت تعافي أسرع.

الوعي بالأعراض، والسرعة في التدخل، والعلاج الحديث بالقسطرة المخية اللي بنوفره دلوقتي في وحدة القسطرة المخية بمستشفيات جامعة الزقازيق… كل دا ينقذ الحياة ويقلل تأثير السكتة الدماغية.

.

التشوه الشرياني الوريدي (Arteriovenous malformation AVM) ضيف ثقيل الظل!
الـ AVM عبارة عن اتصال مباشر بين الشريان والوريد من غير شعيرات دموية بينهم تبطأ سرعة الدم، والاختصار ده في المسار الطبيعي بيغيّر طبيعة تدفّق الدم ويسيبه يمشي بسرعات عالية، فبيخلّي الأوعية الدموية المصابة طول الوقت تحت ضغط أعلى من الطبيعي وتحت خطر النزيف المهدد للحياة…
ونزيف المخ المرتبط بالتشوهات الشريانية الوريدية من أخطر الحالات، لأن الأوعية بتكون ضعيفة ومجهدة وده اللي ممكن يسبب مضاعفات خطيرة لو ما اتشخصتش واتعالجت بدري.

🧠 علامات لازم ناخد بالنا منها:
دوخة متكررة، صداع مستمر، تشنجات، ضعف أو تنميل في جزء من الجسم، ومشاكل في النظر أو الكلام.
الأعراض دي ممكن تكون بسيطة… لكنها أول رسالة إن في خطر وشيك محتاج للتدخّل.

🎯 تدخّلنا بيكون عن طريق فتحة صغيرة جدًا في الجلد بيدخل الطبيب من خلالها بالقساطر متناهية الصغر ويوصل للمنطقة المصابة ويعالجها بدون جراحة.
أهم طرق العلاج بالقسطرة :
• Embolization أي حقن مادة صمغية بتنتشر داخل التشوه و تقفله

التقنيات دي بتقلل تدفّق الدم في التشوه الشرياني الوريدي، وتمنع النزيف، وبتعيد الدورة الدموية لوضعها الطبيعي، وممكن يتم العلاج على مراحل لو حجم الـ AVM كبير لضمان سلامة المريض.

✨في وحدة القسطرة المخية بمستشفيات جامعة الزقازيق بنوفر بالمجان أحدث التقنيات والأدوات الدقيقة للتشخيص والتقييم وتحديد خطة العلاج المناسبة لضمان تدخل آمن وفعال.

Case of the Week:👇
مريضة ٣٧ سنة تعاني من طنين ( تصفير ) مستمر بالأذن يمنعها من النوم لدرجة أنها فكرت في إنهاء حياتها لا قدر الله

تم تشخيصها بضيق حاد في أوردة المخ

تم تركيب دعامة موسعة في مكان الضيق باستعمال قسطرة متوسطة

بفضل الله تم توسيع الضيق واختفاء صوت الطنين بمجرد استيقاظ المريضة من التخدير
وخروج المريضة بصحة وسلامة الحمدلله

كل الشكر لفريق العمل :-
- د/ عمر خشبة
- د/ محمد عبده
- د/ محمود البنا
ـــــــــــــــــــــــــــــــــــــ
كل الشكر للدعم المستمر من:

- أ-د/ محمود مصطفى عميد كلية الطب
- ⁠أد / وليد ندا مدير المستشفيات
- أ-د/ حازم طنطاوى رئيس قسم الأشعة التشخيصية و التدخلية
- أ-د/ سامح صابر رئيس وحدة الأشعة التدخلية
- ⁠أد / عمرو محمود أستاذ الأشعة التدخلية جامعة عين شمس
ـــــــــــــــــــــــــــــــ
العنوان :- جامعة الزقازيق - مستشفى الجراحة الجديد - الدور الأرضى - قسم الأشعة - وحدة القسطرة

ضيق الاوردة المخية ... صوت الطنين بالأذن لا يتوقف!

"صوت الصفير في ودني مبيروحش."

ارتفاع ضغط المخ بسبب ضيق الأوردة (Dural venous sinus stenosis) مشكلة دقيقة و محتاجة متخصص للتشخيص، لأن أعراضها الأساسية من الطنين والصداع وزغللة الرؤية، متداخلة ما بين أمراض تانية كتير وسهل تجاهلها.

بتحصل المشكلة بسبب ضيق أو انسداد الأوردة المسؤولة عن تصريف الدم من المخ، فيتراكم الدم والسوائل داخل المخ، فيرافع الضغط داخل الجمجمة ويضغط على خلايا المخ، وده ممكن يسبب أعراض خطيرة.

⚠️أهمها:
• صوت الصفير المستمر
- فقدان البصر
- مشاكل عصبية دائمة
- استسقاء الدماغ


🎯العلاج الآن أصبح أكثر أمانًا في وحدة القسطرة المخية والأشعة التداخلية بمستشفيات جامعة الزقازيق عن طريق:
• توسيع الأوردة الضيقة Venous Angioplasty لزيادة تدفق الدم وتقليل الضغط
• تركيب دعامات دقيقة: لتوسيع الانسداد ومنع ضيق الأوردة مرة تانية
مع المتابعة الدقيقة المستمرة لضمان عودة تدفق الدم الطبيعي بشكل آمن.

✨ في وحدة القسطرة المخية بمستشفيات جامعة الزقازيق بنوفر تقنيات ثورية لعلاج ضيق أوردة المخ، بدون جراحة كبيرة، بمضاعفات أقل، وبوقت تعافي أسرع، وتحسن درامي للأعراض، عشان بفضل الله نحمي المخ ونقلل المخاطر بشكل كبير.

كل سنة وأنتم طيبين 🎉
سنة جديدة بتبدأ ومعاها أمل متجدد وحياة بتتكتب من جديد ✨

في وحدة القسطرة المخية بنستقبل 2026 وإحنا مستمرين في رسالتنا
إننا نقدّم رعاية دقيقة، وتدخلات آمنة، وفرص شفاء أفضل لكل مريض 🤍

شكرًا لكل فرد في الفريق الطبي،
وشكرًا لكل مريض وثق فينا وكان جزء من رحلتنا،
وإن شاء الله السنة الجديدة تكون مليانة نجاحات طبية، ونتايج تفرّح القلوب 🌿

سنة جديدة سعيدة عليكم جميعًا

التمدد الشرياني في المخ قنبلة موقوتة…
بيحصل التمدد لما جدار أحد شرايين المخ يضعف وينتفخ مع ضغط الدم، مشكلته انه ممكن ينفجر ويسبب نزيف بالمخ يهدد الحياة.

لو لا قدر الله ده حصل فعلامات انفجاره: الوصف ده مشهور جدا (اقوى صداع مفاجيء و خاطف فى حياتى و كأنه برق، فقدان الوعي أو الإغماء، و صعوبة فى الحركة بعد الافاقه.

🎯الخبر اللي يطمنك هو إن:
العلاج دلوقتي بقى أدق وأسهل مع القسطرة المخية والأشعة التداخلية؛ ومن خلال فتحة صغيرة جدًا عن طريق الجلد بيقدر الطبيب يوصل بالقساطر والأدوات المناسبة للتمدد ويعالجه بدون أي جراحة.
تشمل طرق العلاج:
Coiling بحشو التمدد بالملفات الحلزونية لإغلاقه من الداخل
Stent أي تركيب دعامة لتقوية جدار الشريان
Flow Diverter لتحويل مسار الدم بعيد عن التمدد عشان يقفل تدريجيًا

✨في وحدة القسطرة المخية بمستشفيات جامعة الزقازيق بنشوف يوميًا نتائج بتثبت قد إيه التدخل المبكر بالقسطرة فرق حقيقي في حياة مرضى كتير…
الوعي، والتشخيص في الوقت المناسب، والمتابعة… هما أهم خطوة لعلاج أي تمدد شرياني قبل ما يتكرر النزيف و يسبب مشكلة.

وحدة القسطرة المخية بجامعة الزقازيق NINR
تبارك للأستاذ د محمود مصطفى طة Mahmoud Tahaرئيس قسم جراحة المخ و الأعصاب
على تولية منصب عميد كلية الطب بالجامعة
و كل الشكر و التقدير لأد أحمد عنانى Anany العميد السابق على دعمه المستمر

Waled Nada
Hazim Ibrahim Tantawy
Sameh Saber
Omar A. Khashaba
Mohamed Abdo
Mahmoud El Bana

Case of the Week:👇
مريضة تعانى من نزيف بالمخ

القسطرة المخية التشخيصية أظهرت تمدد شرياني ذو عنق متسع في الشريان الاوسط للمخ
(MCA Bifurcation Aneurysm)

تم التدخل بغلق التمدد بملفات حلزونية و دعامة ( single stent assisted coiling by Neuroform Atlas)

بفضل الله تم غلق التمدد وخروج المريضة بصحة وسلامة الحمدلله
كل الشكر لفريق العمل :-
- د/ عمر خشبة
Omar A. Khashaba
- د/ محمد عبده
Mohamed Abdo
- د/ محمود البنا
Mahmoud El Bana
ـــــــــــــــــــــــــــــــــــــ
كل الشكر للدعم المستمر من:
- أ-د/ أحمد عنانى عميد كلية الطب
- ⁠أد / وليد ندا مدير المستشفيات
Waled Nada
- أ-د/ حازم طنطاوى رئيس قسم الأشعة التشخيصية و التدخلية
Hazim Ibrahim Tantawy
- أ-د/ محمود مصطفى رئيس قسم جراحة المخ و الأعصاب
Mahmoud Taha
- أ-د/ سامح صابر رئيس وحدة الأشعة التدخلية
Sameh Saber
- ⁠أد / عمرو محمود أستاذ الأشعة التدخلية جامعة عين شمس
Amr Mahmoud Abdelsamad
ـــــــــــــــــــــــــــــــ
العنوان :- جامعة الزقازيق - مستشفى الجراحة الجديد - الدور الأرضى - قسم الأشعة - وحدة القسطرة

في وحدة القسطرة المخية والأشعة التدخلية، إحنا مؤمنين إن الدقة تنقذ حياة علشان كده، الوحدة مجهزة بأحدث التقنيات والأجهزة العالمية اللي بتخلينا نكتشف المشكلة ونعالجها بأعلى درجات الدقة والأمان.
أحدث جهاز قسطرة متقدم ( Philips Azurion Biplane )
أنظمة دقيقة بتحدد أدق نقطة في الأوعية
مستلزمات قسطرة حديثة بتخلينا نوصل لمكان الإصابة بسهولة
غرف قسطــرة مزودة بأنظمة متابعة لحظية

كل تفصيلة مصممة علشان هدف واحد:
إنقاذ حياة المريض في أسرع وقت وبأعلى مستوى من الأمان
إحنا مش بس وحدة طبية…إحنا مركز متكامل للتشخيص والعلاج الدقيق

📩 لو حابب تعرف أكتر عن الإجراءات اللي بتتعمل داخل الوحدة، أو تسأل عن حالة محتاجة تقييم، ابعتلنا في رسالة، وفريقنا هيتواصل معاك ويوضحلك كل التفاصيل
العنوان :- جامعة الزقازيق - مستشفى الجراحة الجديد - الدور الأرضى - قسم الأشعة - وحدة القسطرة

Case of the Week:👇
مريضة تعانى من نزيف بالمخ

القسطرة المخية التشخيصية أظهرت تمدد شرياني ذو عنق متسع في الشريان السباتى (Carotid Artery) للمخ

تم التدخل بتركيب دعامة محولة للمسار ( FLow Diverter )

بفضل الله تم غلق عنق التمدد بإستعمال الدعامة وخروج المريضة بصحة وسلامة الحمدلله
كل الشكر لفريق العمل :-
- د/ عمر خشبة Omar A. Khashaba
- د/ محمد عبده Mohamed Abdo
- د/ محمود البنا Mahmoud El Bana
ـــــــــــــــــــــــــــــــــــــ
كل الشكر للدعم المستمر من:
- أ-د/ أحمد عنانى عميد كلية الطب
- ⁠أد / وليد ندا مدير المستشفيات
Waled Nada
-أ-د/ حازم طنطاوى رئيس قسم الأشعة التشخيصية والتدخلية
Hazim Ibrahim Tantawy
- أ-د/ محمود مصطفى رئيس قسم جراحة المخ و الأعصاب
Mahmoud Taha
- أ-د/ سامح صابر رئيس وحدة الأشعة التدخلية
Sameh Saber
- ⁠أد / عمرو محمود أستاذ الأشعة التدخلية جامعة عين شمس
Amr Mahmoud Abdelsamad
ـــــــــــــــــــــــــــــــ
العنوان :- جامعة الزقازيق - مستشفى الجراحة الجديد - الدور الأرضى - قسم الأشعة - وحدة القسطرة