أخصائي نفسي وتعديل سلوك وتاهيل ذوي الاحتياجات الخاصه وأطفال التوحد

الطفل الحركي طفل محب للعناق جداً حنون جداً

عانقيه كثيراً

هو كثير القفز والحركة بسبب مشاعر داخلية لا يجيد الإفصاح عنها.

عانقيه كثيراً

طفلك كثير الحركة ليس مريضاً ولا شاذا، بل يمتلك ذكاءً كبيراً ويتظاهر بعدم التركيز.

أشركيه في مهام المنزل .. يصّلح شيء .. يركّب .. يفك ...



أثناء المذاكرة

1- احرصي على عدم وجود مؤثرات تشتت الانتباه حوله

2- لا تأخذيه من شيء هو مشغول به كلعبة مثلا ...حددي له وقت ثم انتظري حتى ينتهي .

3- أثناء المذاكرة أعطيه كرة صغيرة في يده يحركها أو اعملي فشار و اقعدي كلي معه

المهم اتركيه يتحرك و هو يذاكر و ستتفاجئي إن كل معلومة تقوليها بتدخل صح

يقعد على عجلة ذهابا وايابا في الحجرة و أنتِ تحفظيه قرآن و يسمع لك .....

حبسك له أثناء المذاكرة و ربطه في الكرسي سيتعبك و يتعبه و محصلة المذاكرة ستكون ضعيفة جداً

هذا نمط تعليمه... حاولي تكسبي طفلك... لا تخسريه

بمناسبة قضية التحرش الجديدة
ازاي تعرفي إن ابنك اتعرض او بيتعرض للتحرش بنفسك وبأسئلة سهلة

أكتر غلطة بتقع فيها الأمهات إنهم يسألوا الطفل بشكل مباشر
حد لمس جسمك؟ حد ضايقك؟
والطفل ساعتها يا اما يتخض يا اما يتكسف ومايعترفش لو كان لا قدر الله بيتعرض لحاجة فعلا

علشان كده المهم نسأل بطريقة آمنة مطمئنة وما فيهاش إيحاء

⸻

السؤال الأول
مين اكتر حد بتحب تلعب معاه ومين اقل حد بتحب تلعب معاه وليه؟

الهدف منه معرفة العلاقات اللي فيها راحة والعلاقات اللي فيها قلق أو تجنب
ليه السؤال ده يفتح قلبه؟
لانه بيحس إنه سؤال طبيعي عن يومه مش تحقيق فيتكلم تلقائيا

⸻

السؤال التاني
في حد ساعات بيعمل حاجات بتزعلك أو بتضايقك ومش بتعرف تقول؟

الهدف فتح باب الاعتراف بشكل عام قبل ما ندخل للتفاصيل
والسؤال هنا مش موجه لشخص محدد فالطفل بيحس إنه مش مضطر يحمي حد أو يخاف من عقاب

⸻

السؤال التالت
لو حد عمل حاجة انت مش بتحبها بتعمل ايه؟

الهدف تعرفي مهاراته في الحماية وهل اتعرض لحاجة قبل كده ورد فعله كان ضعيف ولا لاء

السؤال ده بيكشف لو حصل موقف وهو مقدرش يدافع وغالبا الطفل لو مر بتجربة تحرش فعلا فيا اما هيسكت أو هيعيط

⸻

السؤال الرابع
في حد بيطلب منك أسرار أو بيقولك ما تحكيش لماما؟

الهدف كشف أول علامة للتحرش وهي السرية والسيطرة

والسؤال ده مهم جدا لأنه سؤال عام يقدر الطفل يجاوب من غير ما يحس إن في مصيبة

⸻

السؤال الخامس
في حد بيحضنك أو بيلمّس جسمك بطريقة بتخليك متضايق؟

الهدف تسمية المشاعر بدل الكلمات الجنسية

ولازم هنا يكون فيه شعور بالأمان غالب على السؤال لإنه هيكون مبني على احساس الطفل مش على وصف الفعل والطفل بطبيعته صادق جدا في وصف الضيق لو في حاجة حصلت

⸻

السؤال السادس
لو انت متضايق من حد أو من موقف تحب تقولي ازاي بالكلام ولا بالرسم؟

الهدف فتح قناة تانية للتعبير ، الرسم بيكشف حاجات الطفل مش قادر ينطقها

ولما تختاري طريقة التعبير اللي هو مرتاح ليها امانه بيزيد ورفضه يقل وبيتطمن

⸻

السؤال السابع والأخير
في أي حاجة حصلت الأيام دي وخليتك مش فاهم أو حسستك إنك مكسوف؟

الهدف الوصول للمواقف اللي الطفل مش قادر يصنفها

وده سؤال قوي ومحتاج صبر واحتواء لان التحرش عند الطفل غالبا بيكون شعور بالخجل مش فهم للفعل

⸻

❤️‍🩹 ازاي تخلي الطفل يجاوب بصدق ومن غير خوف

اتكلمي بنبرة صوت هادية جدا الطفل بيجاوب على النبرة قبل السؤال
اقعدي على مستواه الركبة عند الركبة علشان يحس بالأمان أو نايمين ع السرير جمب بعض قبل النوم

ما تبينيش أي صدمة أو خوف حتى لو قال حاجة مفزعة لو اتخضيتي هيسكت
وابدئي بجمل طمأنة
أنا مفيش حاجة بتزعلني منك
لو في اي حاجة حصلت عمري ما هلومك
ممكن تسأليه وانتي في نشاط جانبي زي تلوين أو مكعبات ده بيخلي الحوار طبيعي والطفل يفتح قلبه بسهولة

ما تكرريش السؤال اكتر من مرة واختاري وقت يكون فيه هادي ومرتاح

التحرش بالأطفال بيحصل في الأماكن اللي مبنتوقعهاش
فمش دورك انك تحميه في كل مكان هيتواجد فيه
لكن مهم جدا توعيه إنه يتكلم ويعبر ويحاول يشرح اللي بيتعرضله بأمان عشان واثق إنك هتدعميه وإنك هتساعديه يحمي نفسه بنفسه

🎗️ هو ليه ابني عنده طيف توحد؟ وهل كنت أقدر أكتشفه بدري؟ 🧠🤍

اضطراب طيف التوحد مش مرض، لكنه اضطراب نمائي عصبي بيأثر على تفاعل الطفل مع الناس، وتطوره في اللغة والسلوك. ومع إنه مش دايمًا نقدر نمنعه، لكن كل ما اكتشفناه بدري، كل ما كانت فرص التحسن أكبر والتطور أحسن.

🔍 أسباب اضطراب طيف التوحد:

🧬 أولًا: الأسباب الطبية أو العضوية:

1. 🧠 خلل في تطور الدماغ أو الجهاز العصبي.

2. 👶 مضاعفات أثناء الحمل أو الولادة (زي نقص الأوكسجين أو الولادة المبكرة جدًا).

3. 🧬 عوامل وراثية أو وجود حالات توحد في العائلة.

4. 👨‍👩‍👦 اختلالات جينية أو طفرات.

5. 🧪 التعرض لعوامل بيئية ضارة أثناء الحمل.

🌍 ثانيًا: العوامل البيئية المساعدة على الظهور أو التأثير على الأعراض:

6. 🖥️ قلة التفاعل اللفظي والبصري في أول سنتين من عمر الطفل.

7. 📱 الإفراط في الشاشات في سن مبكرة جدًا.

8. ❗ تأخر ملاحظ في اللغة أو التفاعل الاجتماعي بدون تدخل.

💡 ملحوظة مهمة: الشاشات لا تسبب التوحد، لكنها ممكن تغطي على الأعراض أو تأخر اكتشافها.

---

🚨 أعراض اضطراب طيف التوحد عند الأطفال:

1. 👁️ تجنب التواصل البصري أو عدم النظر للناس أثناء الكلام.

2. 🗣️ تأخر في الكلام أو فقدان كلمات كان بيقولها.

3. 🧏‍♂️ يبدو وكأنه لا يسمعك رغم سمعه السليم.

4. 🧍‍♂️ اللعب لوحده دائمًا وعدم الاهتمام بالأطفال الآخرين.

5. 🔁 تكرار حركات معينة (زي رفرفة اليد، لف الأشياء، التأرجح).

6. 🧱 حب الروتين الشديد، ورفض التغيير في أبسط التفاصيل.

7. 🧸 عدم اللعب التخيلي (زي إطعام الدمية أو تمثيل الأدوار).

8. ❓ عدم استخدام الإشارة لطلب الأشياء أو لفت الانتباه.

9. 😠 نوبات غضب شديدة بدون سبب واضح.

10. 🎧 فرط حساسية أو ضعف استجابة لبعض الأصوات أو اللمس أو الروائح.

📍 مش لازم تظهر كل الأعراض معًا، لكن لو لاحظتي 2 أو 3 منهم بشكل واضح، يُفضَّل التوجه للتقييم فورًا.

---

🛡️ إزاي أساعد طفلي لو عنده توحد؟

✔️ نلجأ لتشخيص مبكر من فريق متخصص (تخاطب – نفسي – عصبي).
✔️ نبدأ تدخل مبكر (جلسات تخاطب – تعديل سلوك – تأهيل وظيفي).
✔️ نوفر روتين ثابت وبيئة آمنة.
✔️ نبعد عن الشاشات ونزود التفاعل المباشر.
✔️ نركز على التواصل اللفظي وغير اللفظي.
✔️ نحتوي الطفل ونقبل اختلافه، ونبني على نقاط قوته.

---

👩‍👦 نصايح لكل أم عندها طفل صغير (من الولادة لحد ٣ سنوات):

1. 🗣️ اتكلمي معاه من أول يوم، بصوت واضح.

2. 👁️ راقبي التواصل البصري من أول شهور.

3. 🎶 غني له وشاركيه ألعاب تقليد.

4. 📚 احكي له حكايات وراقبي رد فعله.

5. 🧸 شاركيه اللعب التفاعلي، مش بس يشاهد.

6. 🚫 امنعي الشاشات نهائيًا قبل سن سنتين.

7. ✋ راقبي التطور في اللغة والتواصل والإشارة.

8. ❤️ قدّمي له الأمان والاحتواء والاهتمام.

9. 🧠 خدي أي تأخر بجدية، واطلبي تقييم متخصص.

10. 🩺 التقييم المبكر مش حكم، لكنه فرصة ذهبية للعلاج المبكر.

📍 التوحد مش نهاية… لكنه بداية رحلة من نوع مختلف. كل ما بدأتِ بدري، كل ما النتيجة كانت أفضل بإذن الله 💪

لو محتارة في سلوك ابنك أو محتاجة استشارة، ابعتلنا في الخاص ✉️
#التخاطب

🗣️ تأخر الكلام عند الأطفال.. إمتى طبيعي وإمتى يقلقنا؟

كتير من الأمهات بيلاحظوا إن طفلهم بدأ يتأخر في الكلام مقارنةً بغيره، وبيبدأ القلق 😟
خلينا نقول إن التطور اللغوي بيختلف من طفل للتاني، لكن في علامات مهمة لازم ناخد بالنا منها:

🔹 التطور الطبيعي للكلام:

عند 12 شهر: بيقول "ماما" أو "بابا" أو أي كلمة بسيطة.

عند 18 شهر: عنده حصيلة 6–10 كلمات.

عند سنتين: يقدر يركب جملة من كلمتين.

عند 3 سنين: جُمله أوضح ويقدر يتكلم مع اللي حواليه.

🔹 أسباب ممكن تخلي الطفل يتأخر شوية:
✅ عوامل وراثية (لو حد في العيلة اتأخر في الكلام زمان).
✅ الطفل بيتعرض للغات مختلفة في البيت (بيحتاج وقت يستوعبهم).
✅ قلة التفاعل والكلام معاه (اعتماده على التلفزيون أو الموبايل).
✅ ضعف السمع أو التهابات الأذن المتكررة.

🔹 إمتى لازم نروح لدكتور؟
⚠️ لو الطفل عنده سنتين ولسه ما بينطقش كلمات واضحة.
⚠️ مش بيحاول يقلد أصوات أو يتواصل بالإشارة.
⚠️ مش بيستجيب لاسمه أو للأوامر البسيطة.
⚠️ عنده تاريخ مشاكل سمع أو التهابات ودن متكررة.

👩‍⚕️ نصيحة مهمة:
الكشف المبكر والمتابعة مع دكتور أطفال أو أخصائي تخاطب بيفرق جدًا في النتيجة. التدخل بدري بيخلي التطور أسرع وأسهل

أزاي أخلي طفل التوحد يستجيب لأسمه؟
🗣😮👇👇👇👇

عادهً اطفال التوحد مش بيستجيبو لأسمهم بشكل طبيعي خاصه لما بيكونو مشغولين بحاجه تانيه.🤷🏻‍♂️

طيب ازاي اخلي طفل التوحد يستجيب لأسمه. في كذا أسلوب ممكن نستخدمه لاكن انا بفضل اسلوب معين وهو. التعزيز. وبيجيب معايا نتايج كويسه وهو انك تدي للطفل حاجه حلوه بيفضلها او جايزه مثلا

طيب ازاي نطبق الكلام دا.؟ 🤷🏻‍♂️
عن طريق تلت خطواط

1. عن طريق تحسين التواصل البصري وهو أننا تقعد قدام الطفل بالظبط ونجيب المعزز او حاجه هوه بيحبها وننده اسمه. واحنا حطينها قصاد عنينا وأول ميستجيب اقدمله المعزز فوراً

2.اننا نقعد قدام الطفل واحنا مخبيين المعزز وننده أسمه ونستنا كام ثانيه. لو مستجبش نخبطه خبطه صغيره علي الكتف او نحرك دقنه لفوق بصوابعنا علشان يبصلنا في وشنا واول ميبص اقدمله المعزز فوراً

3. أ خر خطوه ودي بتكون في الوقت الي بنلعب فيه مع الطفل وناخد اجزاء من اللعبه مثلا ونخبيها ورا ضهرنا وننده اسمه بس علشان ياخد الجزء دا من اللعبه لازم يستجيب لأسمه ويبص في وشنا بعد ميعمل كدا نديلو اللعبه فوراً

وبكدا نكون انتهينا وقدرنا نكسب الطفل حاجتين مهمين
1. التعزيز الأجابي وهو علشان نحقق السلوك المرغوب فيه

2. وكمان تحسين التواصل البصري _عند_الأطفال

🎯 اسكتش مهم جدًا.. وناس كتير سألتنا عنه

ابني بيتكلم كويس جدًا في البيت، وبيضحك وبيتحاور معانا.. بس أول ما يروح الحضانة أو يقابل ناس غرب، يسكت خالص، ويفضل ساكت حتى لو اتسأل!

ده مش خجل عادي ولا دلع.. ممكن يكون اسمه "الصمت الانتقائي".

---

🤔 يعني إيه الصمت الانتقائي؟

هو اضطراب في التواصل بيخلي الطفل مش قادر يتكلم في مواقف أو مع أشخاص معينين، رغم إنه بيتكلم طبيعي في أماكن تانية (زي البيت).
المشكلة مش في النطق، المشكلة في القلق والتوتر.

---

🔍 أهم السمات اللي تخلّيك تشك في الصمت الانتقائي:

• بيتكلم بطلاقة في البيت، بس ساكت في المدرسة أو مع الضيوف
• بيفضل منعزل في المواقف الاجتماعية
• تعبيرات وجهه بتوضح توتر أو قلق
• بيرفض يرد على الأسئلة حتى لو عارف الإجابة
• ممكن يستخدم إشارات أو يكتب بدل ما يتكلم

---

🏠 طب أتصرف إزاي في البيت؟

لو ابنك عنده صمت انتقائي، لازم تبدأوا خطة علاجية هادئة وصبورة، أهمها:

• ما تضغطوش عليه يتكلم: الضغط بيزوّد القلق وبيثبت الصمت.

• ابنوا ثقة بالتدريج: ابدأوا بحوارات في بيئة آمنة، وسط ناس قريبين.

• اللعب هو المدخل: الألعاب الجماعية والأنشطة غير المباشرة بتفتح باب التفاعل.

• شجعوه على أي تواصل: حتى لو بإشارة أو همسة أو كتابة.

• المدح بدل النقد: كل خطوة بسيطة يستحق عليها تشجيع كبير.

---

🧠 طيب العلاج بيكون إزاي؟

• جلسات تخاطب وسلوك: المتخصص بيشتغل على إزالة التوتر وتعزيز التواصل تدريجيًا.

• دعم نفسي: أحيانًا بيحتاج الطفل دعم نفسي للتعامل مع القلق الاجتماعي.

• تدريب الأهل: علشان تعرف تتعامل في البيت والمواقف اليومية بشكل داعم.

• التعاون مع المدرسة: لازم فريق المدرسة يكون فاهم ويطبق استراتيجيات الدعم.

---

💡 لو لاحظت إن طفلك بيتكلم في البيت بس ساكت في أماكن تانية.. ما تقولش "هو خجول وبيتعود".
الصمت الانتقائي بيحتاج تدخل مبكر، وكل ما بدأنا بدري، كل ما كانت فرص التحسّن أعلى.

---
ابنك مش "عنيد".. هو محتاج يسمعك وأنت بتطمنه مش بتضغط عليه.
ابدأ معاه الرحلة من النهارده، وخلي هدفك هو راحته وثقته بنفسه ❤️

🎯 موضوع مهم جدًا.. وناس كتير بتسألنا عنه

ابني اتشخّص بمتلازمة داون، والدكتور قال لنا نبدأ معاه جلسات وتأهيل مبكر.

بس الحقيقة.. ماكناش عارفين نبدأ منين!
هل نركّز على الكلام؟ ولا الحركة؟
هل في حاجات نقدر نعملها في البيت؟ وهل في أمل إنه يدخل مدرسة عادية؟

---

🤔 يعني إيه متلازمة داون؟

متلازمة داون (Down Syndrome) هي حالة جينية بتنتج عن وجود نسخة إضافية من الكروموسوم رقم 21.

الزيادة دي بتأثر على النمو الجسدي، ومعدل الذكاء، وكمان الشكل الخارجي شوية.

---

🧠 إيه الأعراض اللي بتظهر على الطفل؟

• ملامح مميزة في الوجه (زي العيون المائلة أو الأنف الصغير)
• ضعف في العضلات
• تأخر في الكلام والمشي
• مشاكل في الذاكرة والتركيز
• تأخر في التعلم أو اكتساب المهارات
• في بعض الحالات، مشاكل صحية في القلب أو الجهاز الهضمي

---

🔬 طيب إيه الأسباب؟

السبب الرئيسي هو وجود نسخة إضافية من كروموسوم 21، وده بيحصل غالبًا أثناء تكوين البويضة أو الحيوان المنوي، مش بسبب أي حاجة عملها الأب أو الأم.

وبيكون بنسبة أعلى شوية مع تقدم سن الأم، خصوصًا فوق الـ35 سنة.

---

📈 طيب نعمل إيه؟ إيه أفضل الممارسات للتأهيل؟

• التدخل المبكر من عمر شهور
• جلسات تنمية مهارات (حركية – لغوية – معرفية)
• برامج تعديل سلوك
• استخدام وسائل تعليمية بصرية
• دمج الطفل في بيئة تعليمية داعمة
• تدريب الأسرة على التعامل اليومي

---

🏡 طب وبالنسبة للبيت؟ أقدر أعمل إيه مع ابني أو بنتي؟

🎯 أهداف تدريبية منزلية بسيطة:

1. 🧒 تدريب الطفل على التواصل: ابدأ بالإشارات أو الصور، لحد ما يبدأ يقول كلمات بسيطة.

2. 🧩 ألعاب التركيب والبازل: بتقوّي التركيز والمهارات الحركية الدقيقة.

3. 🎵 الغناء والتكرار: الأغاني التعليمية بتساعده يتعلّم كلمات جديدة بشكل ممتع.

4. 🪞الوقوف قدام المراية: بيزود الوعي بالجسم وتعبيرات الوجه.

5. 👟 تمارين الحركة: زحف – تسلق – مشي على خطوط.. كلها تنشّط جسمه وتزود توازنه.

6. 📚 قراءة القصص القصيرة المصورة: بتنمي المفردات والانتباه.

7. 🙌 روتين يومي واضح: يعرف إيه اللي هيحصل بعد كده، فيحس بالأمان.

ابنك مش ضعيف.. هو بطل صغير، بس محتاج فرصة وعدسة حقيقية تبصله صح ❤️
ابدأ معاه النهاردة.. وكل خطوة هتكون فرق كبير لبكره.

ازاي اعرف انه طفلي لديه اضطراب التوحد. ؟؟
🤌🤌في أعراض مبكره بتدل ان طفلك لديه اضطراب توحد

👌👈 اضطراب التوحد :

👈 امتى أعرف إن الطفل عنده توحد ؟ أو أمتى كولي أمر أبدأ اتحرك عشان أعرف تشخيص ابني هل هو توحد ولا لاء ؟
💥 لما تظهر عليه السمات دي ومش شرط طبعاٌ تكون كلها موجوده عند نفس الطفل زي :
1- نقص الوعي في التواصل الاجتماعي.
2- تأخر في الكلام .
3- ترديد الكلام ( إيكولاليا ) .
4- بيعمل سلوكيات نمطيه زي ( الرفرفة أو يركز أوي مع أي حاجة بتدور زي المروحة مثلاٌ – يبص على إيده بشكل مبالغ فيه – بيمشي على أطراف صوابعه – يمسك حاجة ويلفها حوالين ايده ) .
5- الغضب الشديد من أي تغيير بيحصل في البيئة المحيطة .
6- الإصرار على اتباع روتين معين .
7- بيحب التلامس جداٌ أو العكس بيتألم من التلامس .
8- نوبات ضحك أو غضب لأسباب غير مفهومة .
9- لعب غير هادف .
10- التعبير عن احتياجاته بالإشارة .
11- قصور في التواصل البصري .

👈 التوحد درجات ( بسيط – متوسط – شديد ) كما أن التوحد اضطراب مش مرض يعني مفيش حاجه اسمها خد العلاج أو الدوا دا هيعالج ابنك من التوحد ( التوحد مش مرض هو اضطراب ومحتاج تأهيل مش علاج )
و عشان متلفش كتير أو تتعرض للنصب لأن للأسف مع احترامي للجميع في ناس بتاخد المجال سبوبه وليس لديه قيد أنمله من علم فعليك كولي أمر في إنك تمشي الخطوات دي بالترتيب :
1- طبيب نفسية أوعصبية أو اخصائي نفسي يشخص حالة الطفل .
2- أخصائي تثق فيه وفي شغله أو مركز للتربية الخاصة وفيه ناس متخصصة يشتغلوا مع الطفل تخاطب و تنمية مهارات و رعاية ذاتية ومهارات حركية وحسية وده على حسب مشاكل الطفل .

💥 وضروري جدآ تعرف الأخصائي أو المركز شغالين ايه مع الطفل وايه الاهداف كل جلسه عشان تراجع عليها في البيت وعشان تسأل هل ابنك أو بنتك ماشي صح وفي تطور وتحسن ولا لاء .

👌 ملحوظات هامه :
1- مش كل اضطراب هتشوفه يتشخص توحد بمعنى إن الطفل مش بيتواصل معاك لفظي يبقى توحد ( ممكن يكون ضعف سمع مثلاٌ )
2- مش شرط عشان الطفل عنده أيكولاليا وبيردد الكلام يكون بيعاني من اضطراب طيف توحد ( ممكن تكون الأيكولاليا نتيجة تأخر لغوي أو بسبب ضعف الحصيلة اللغوية )
3- لا يصنف طفل التوحد انه غير ناطق الا بعد تشخيصه عند دكتور أمراض تخاطب ويقول انه مثلا عنده ابراكسيا او اي مشاكل في اعضاء النطق غير كدا متقولش انه توحد