عاجل

18/08/2026

اقترب موعد مولد خير خلق الله اللهم صلِّ وسلم وبارك على سيدنا محمد ﷺ 💙🌱

12/08/2026

رسالتك اليوم ♥️

12/08/2026

حــ.ـادث الشرقية مش مجرد حادث.. دي مشكلة منظومة كاملة ⚠️

الحـ.ـادث الأخير في الشرقية لازم يخلينا نقف شوية عند سؤال أهم: إزاي العامل البسيط بيروح شغله كل يوم؟

فيه عمال كتير بيشتغلوا في المزارع ومحطات التعبئة والفرز، وخصوصًا على خطوط الشرقية والإسماعيلية، وبيتم نقلهم في عربيات غير مجهزة أصلًا لنقل أعداد كبيرة من العمال.

العامل أحيانًا بيكون مضطر يركب أي وسيلة متاحة علشان يوصل شغله، والعربية بتتحمل أعداد أكبر من طاقتها، وده بيحصل في ظروف نقل لا تليق بآدميتهم ولا بحجم المخاطر اللي بيتعرضوا لها.

والأزمة مش في النقل بس..

فيه كمان مقاولون للعمالة بيكونوا حلقة وصل بين العامل وصاحب العمل، وفي بعض الحالات بيتم تحميل العامل عمولات أو خصومات كبيرة من أجره مقابل توفير فرصة العمل أو نقله، فيتحول العامل من شخص بيبحث عن لقمة عيش إلى شخص بيتم استنزاف جزء كبير من دخله قبل ما يبدأ يومه.

والسؤال هنا:

مين مسؤول عن سلامة العامل من لحظة خروجه من بيته لحد ما يرجع؟

هل العامل هو اللي المفروض يدفع ثمن عدم وجود وسيلة نقل آدمية؟

هل لقمة العيش لازم تكون مرتبطة بالمخاطرة بالحياة؟

وليه مفيش تنظيم حقيقي لنقل العمال إلى المزارع ومحطات التعبئة والفرز، خصوصًا في المناطق اللي بتشهد أعداد كبيرة من العمالة الموسمية؟

المطلوب مش مجرد التحرك بعد وقوع الكارثة..

المطلوب منظومة نقل آمنة ومنظمة للعمال، ورقابة حقيقية على مقاولي العمالة، ومراجعة أي عمولات أو خصومات تُفرض على العامل، والتأكد من أن المركبات المستخدمة في نقلهم آمنة ومناسبة للأعداد التي تنقلها.

العامل مش رقم في كشف حضور..

العامل إنسان، وحقه يرجع من شغله سالم لأهله.

#الشرقية #الإسماعيلية #العمال

11/08/2026

11/08/2026

الحادث مش بس وجع قلوبنا.. لكنه لازم يخلينا نسأل: ليه؟
حادث أبناء بحر البقر والقرى المحيطة، الذين كانوا يسافرون يوميًا بحثًا عن لقمة العيش في أماكن بعيدة، لازم يكون جرس إنذار لإعادة التفكير في خريطة توزيع فرص العمل في المنطقة.
ليه مايبقاش عندنا مجمع صناعي أو منطقة صناعات صغيرة ومتوسطة قريبة من بحر البقر وأبو حماد والقرى المحيطة؟
الفكرة مش إننا نمنع الناس من السفر، ولا إن إنشاء منطقة صناعية هيمنع الحوادث بشكل كامل، لكن لما تكون فرص العمل قريبة من محل إقامة الناس، هنقلل بشكل كبير من رحلات السفر اليومية الطويلة، ونوفر على العامل والطالب وأسرته مشقة وتكلفة ومخاطر الطريق.
محافظة الشرقية عندها بالفعل مناطق صناعية في العاشر من رمضان والصالحية الجديدة وبلبيس وبساتين الإسماعيلية «الزوامل»، لكن السؤال هنا: هل توزيع هذه المناطق وفرص العمل يتناسب فعلًا مع أماكن الكثافة السكانية والقرى التي يخرج منها آلاف العمال يوميًا؟
ربما آن الأوان لدراسة إنشاء مجمع صناعي متكامل قريب من شرق وجنوب الشرقية، يضم مصانع صغيرة ومتوسطة، ويوفر فرص عمل لأبناء المنطقة، مع وسائل نقل آمنة ومنظمة للمناطق المحيطة.
التنمية الحقيقية مش بس إننا نبني مصانع بعيدة ونطلب من العامل إنه يسافر لها كل يوم..
التنمية الحقيقية إننا نقرب فرصة العمل من المواطن، ونقرب المواطن من فرصة العمل.
رحم الله ضحايا الحادث، وربط على قلوب أهاليهم، ونتمنى أن تتحول هذه الفاجعة من مجرد خبر مؤلم إلى سبب حقيقي لإعادة النظر في مستقبل وفرص العمل لأبناء هذه المناطق.

09/08/2026

عدينا الصعب باقي المستحيل 🫠

09/08/2026

كل عام وانتم بخير 🙏

07/08/2026

⛔ قلب الام : بعد القـــبض علي نجــــلها في واقعة ســـب والدته وطردها في دار السلام

» معملش حاجة ده كان بيهزر معايا وقالي خدي شنطتك وإمشي قولته يعني امشي راح ضحك

» هو كويس معايا ومبيعمليش حاجة وبعد كدا دخلني ونمت جوه انا زعلانه انه اتقبض عليه

» قولتله ليه كدا يابني عملت كدا ليه قالي معملتش حاجة

- والجيران تتدخل: لا بيعمل فيها ولازم ياخد جزائه وإحنا خايفيين عليها وبنحميها حتي علاجها بيسرقه

إبنها بيشرب مخدرات وبيجيب ناس الشقه ومن يومين كان واقع فالشارع وبياخد فلوسها اللي الناس بتساعدها بيها

والام ترد : لا والله بطلها وبقي كويس ومباخدش مني فلوس لا

07/08/2026

إجازة المولد النبوي 2026.. هل تمتد لـ3 أيام؟

بحسب الأجندة الرسمية، يوافق المولد النبوي الشريف يوم الأربعاء 26 أغسطس 2026، ويترقب الموظفون صدور قرار مجلس الوزراء لتحديد ما إذا كانت الإجازة ستبقى في موعدها أم يتم ترحيلها إلى الخميس 27 أغسطس.

وفي حال ترحيلها إلى الخميس، قد يحصل بعض العاملين على عطلة ممتدة حتى السبت، وفقًا لنظام الإجازات الأسبوعية في جهة العمل.