كيميائيتوا chemiaeyto

أقولك ع الزتونة ".

مقاومة النفس بداية لأي تقدم محتاجله في حياتك ".

- ممنوع للبنت السلام باليد مع المدرس
- ممنوع للبنت الهزار مع المدرس
- ممنوع للبنت المحادثات عبر الواتس اب مع المدرس وتقولي أصله زي أخويا الكبير
- عندك سؤال في المنهج ابعته معندكش اتلم
ممنوع منعاً باتاً حاجات كتيييير
المدرس مش ملاك، المدرس بشر وطالما حلال إنه يتزوجك يبقىٰ مش زى أبوكي ولا زي أخوكي
أبوكي وأخوكي مفيش زيهم علىٰ فكرة
رسالتي لزملائي المدرسين خاف ربنا ومتعملش فيها عبيط وانت معدي فى القاعة تسند علىٰ بنت أو تخبط فيها اتقي الله وخاف ربنا ومتحاولش تبص في عين البنات وانت بتتكلم غض بصرك وعفف نفسك، حط حدود في تعاملاتك ومتقربش من الطالبة خلي فيه مسافة بينكم خاف الله
دلوقتي فيه مدرسين لازم الاستشوار قبل ماتروح الحصة، انت لو رايح فرح بنت خالتك مش هتتذوق كده يامستر
تقول عليا رخم تقول عليا قديم

ده اللي مقتنع بيه غير كده يبقىٰ مخالف للإسلام ومخالف للعقيدة ".✍️🧑‍🏫."

الصلاة ع الحبيب ليلة الجمعة فلنبدأ 💞

إحنا وصلنا لمرحلة في التعليم بجد بتوجع.

بقيت متأكد إنك لو اديت الطالب الامتحان قبل اللجنة بأسبوع، وقلتله: “ذاكر ده بس… وهتقفل”، هيدخل يشيل المادة برضه!
وصلنا لمرحلة إن أغلب الطلبة – إلا من رحم ربي – عايشين في عالم تاني خالص… ملكوت غير الملكوت، وواقع غير الواقع.
أذهان مغيبة… ووعي غايب… وعقول اتشغلت بحاجات ملهاش أي قيمة.

والله يا جماعة، العيب مش في النظام زي ما ناس كتير بتحب تقول…
العيب الحقيقي في العقول اللي رفضت تتعلم، ورفضت تتعب، ورفضت تكون أفضل.

الواقع مرّ… ومرعب… ولو ماوقفناش دلوقتي مش هنعرف نصلّح بكرة.
انا مش بقول الكلام ده عشان مجموعة ولا كلية ولا شهادة…
الموضوع بقى أكبر بكتير من فكرة مجموع!
احنا فقدنا الثقافة… والدين… والأخلاق… والتعلم… والأصول… والاحترام.

بقينا نعيش في عالم وهمي، ناس فاكرة إنها حرة وهي في الحقيقة مغيبة…
عايشين محتلين من أفكار غلط، ومن سوشيال ميديا بتسحبهم لتحت يوم ورا يوم.

يا رب الطف بينا… واهدِ شبابنا وبناتنا.
ورجاء من القلب لكل ولي أمر:
راجِع ولدك… بصله… شوف رايح فين وجاي منين.
إحنا بجد بقينا في خطر… ومحتاجين وقفة حقيقية قبل ما نخسر الجيل ده.

– مجرد كلمتين لازم أقولهم عشان أبقى خلصت ذمتي قدام ربنا.
كلنا هنتحاسب على اللي وصلنا ليه

الناس إللي بتحب سورة يوسف نضم علي بعض كدة ".👀

الصلاة ع الحبيب ليلة الجمعة فلنبدأ ".

بقالي فترة ".

زعلان بفكر في مستوياتكم ؛ لقيت إن لا يتعدي ٢٠٪؜ من الطلاب بيعملوا إللي عليهم ".
ف نفس الوقت بحس الفلوس إللي بخدها حرام وبتخليني أفكر إن خطوه الدروس كانت خطوه غلط. ؛ وفي نفس الوقت أنا عايز طالب عندي يكون مقفل مينفعش يقل أبدا ف انا الفتره الجايه مش هبقي كويس مع أي حد مقصر لو هنرجع لمجموعة واحده بس ونطلع منها أوائل علي أي حد هبقي مرتاح نفسياً ".

هعملها وهخلي كل طالب عندي هو طالب عملاق كيمياء حتي لو عددهم قل مش مشكله ( هلاقي وقت أكبر أستثمره ف حاجة تانية أزود بيها دخلي أو أطور بيها نفسي )

اللهم وفقنا لما تُحب وترضي ".
محدش يزعل مني بس انت مقصر ف حق أهلك وحقي وحق نفسك
وانا مش هسمح ب دا نهائي بإذن الله ".

أنا بجتهد ف توقع أسئلة الإمتحان وبقولك كل المعلومات إللي عليك واللي مش عليك علشان تبقي مستوي تاني خالص عن أي حد ف مصر كلها والله … ولعلمك والله الفديوز
اللي بنزلها دي ذره من أسئلة متوقعه بنزلها ف نهاية السنه وهتبقي ليكم بس بإذن الله ".

ف انت كمان اجتهد واتعب

دا سبب تعب نفسيتي الفتره دي ؛ ف يارب أصلح حالي ".

".🧑‍🏫🤎."

الحمد لله حمدا كثيراً طيباً طاهراً مباركاً فيه ".🤲🥹💗💗💗💗💗."

وصلت النهاردة ل ١٠ ألاف أخ وأخت 💞".

عارف ان مقصر كتير وإن مبقتش أقدم محتوى منضبط زي الأول بس غصب عني أكيد بإذن الله الفترة القادمة هيكون فيه آدآء أفضل بإذن الله ".

دعواتكم يا حبايبي ".🧑‍🏫💞."

ذكرى السابع من أكتوبر ".🇵🇸♥️♥️♥️♥️♥️♥️♥️♥️♥️."

" حقيقة مؤلمة ".💔."

للأسف إحنا بنتعامل مع جيل هوا الأسوأ سلوكيا وعلمياً ".

عشان كده أي طالب ميريحكش إمنع حضوره فوراً ؛ عشان حضوره واستمراره هيكون مؤذي ليك ؛ ومؤذي كمان لكل اللي حواليه ".

أي طالب مش منضبط سلوكيا ؛ إمنع حضوره حتى لو شاطر ".
أي طالب مقصر شد عليه ؛ ماالتزمش ؛ إمنع حضوره ".
أي طالب مش فارق معاه وجهه ؛ مجاش منه ؛ إمنع حضوره ".
أي طالب حسيت انه جاي درسك لغرض تاني ؛ إمنع حضوره ".

بإختصار ( إمنع المؤذي ترتاح من آذآه )".

نفسيتك وسلامك النفسي فوق أي شيء ( ربك هوا الرازق )".✍️🧑‍🏫."