Positive Students ZU

فيه ناس بتشتغل من غير صوت، بس النتيجة بتخلي الكل يلاحظ.💚

مش أعلى صوت في التيم، بس أكتر حد شغله بيتشاف.
مش بيستنى حد يفكره، ولا مستني تشجيع عشان يبدأ، لكن هو اللي بيبدأ وبيكمل للآخر .

الـ Best Member المرة دي
مكنش أحسن يومين وخلاص، لكن هو كان ثابت دايمًا وموجود، ودي لوحدها حكاية، مكنش مجرد كلام، ودا الفرق الحقيقي.

فخورين بيكم دايما .💚

لو فاتك الحضور.. فإنت فاتك كتير من الزتونة.🤩

لقطات سريعة من سيشن النهاردة مع دكتور عمر خالد .

اللي كلمنا فيها عن أسرار الـ CV والـ LinkedIn، وإزاي تجهز نفسك لسوق العمل وتكون محاسب محترف من واقع خبرته في شركات كبيرة زي Arabhardware وPDC CRO.

شكراً لكل اللي حضروا ونورونا، حماسكم وتفاعلكم هو اللي خلى السيشن بالجمال ده!💚

قولولنا في الكومنتات إيه أكتر معلومة استفدتوا بيها النهاردة؟👀

سوق العمل مش محتاج حد شاطر بس، محتاج حد عارف يسوق لنفسه صح!

وعلشان تتقن اللعبة دي، محتاج تتعلم من حد في قلب السوق فعلاً، وده اللي هيحصل في السيشن الجاية مع دكتور عمر.
Senior General Accountant،
بخبرة تزيد عن 4 سنوات في مجال محاسبه الشركات الماليه .

في السيشن دي هتعرف :
▪️إزاي تبدأ تدور على شغل بطريقة ذكية (سواء كنت محاسب أو لا).
▪️إزاي تعمل CV احترافي يخلي الشركات هي اللي تطلبك.
▪️إزاي تبني بروفايل LinkedIn قوي وتجهز نفسك لكل أسئلة الانترفيو.
▪️ده غير شرح عملي للمفاهيم المحاسبية والمالية وإزاي بتطبق في الشركات الكبيرة.

📌معادنا يوم السبت 5/2 الساعه 1

مستني إيه؟ الخطوة اللي هتاخدها دلوقتي هي اللي هترسم طريقك لبقية حياتك المهنية.

سجل في الفورم دلوقتي و متضيعش الفرصه من ايدك 👇🏻

https://forms.gle/yxSsxHr23yaZXqML6

كل حبة رمل ، حكاية فخر مابتنتهيش. 🇪🇬

النهاردة بنحتفل بمرور سنين على رجوع سيناء كاملة لينا، يوم بيفكرنا إن الصبر والتمسك بالأرض دايمًا بيوصلوا للنصر. حكايه أرض الفيروز اللي بيعزها وبيفتخر بيها جيل ورا جيل.

كل سنة ومصر دايما في أمن و أمان💚

في ناس وجودهم في التيم مش مجرد رقم، دول هم اللي بيدوا للشغل روح 💚

​بكل فخر، بنشكركم على شطارتكم وإلتزامكم اللي شوفناه الفترة اللي فاتت.

إلتزامكم ده هو اللي بيخلينا دايمًا سابقين، واستمراريتكم هي اللي بتطمنا إننا ماشيين صح.

​فخورين بيكم جداً👏🏻💚

نص الطريق عدى! 💚

ومن غير كلام كليشيه عن الطاقة الإيجابية، الأيام دي تقيلة ومتكررة ومرهقة،
بس خليك عارف إنك مش لوحدك..

اعتبر البوست دا رسالة وخلينا نقولك حاجة:
كل ما تضغط نفسك أكتر، كل ما هتنجح أكتر
و افهم إن كل ما تضغط نفسك دلوقتي كل ما هتوصل لمستوي أعظم، انت بس محتاج تكمل للآخر.

الـ Good things take time.
يعني أي هدف قوي ويستاهل، بييجي بقرارات صعبة، وعزم وتكرار وده اللي هيميزك ✨

متنساش تقول لنا في الكومنتات إيه اللي بيخليك تكمل؟




#خُطوه_بخُطوه_و_سعيك_مشهود

أول خطوة هي دايماً الأتقل، والنهاردة أنت عديتها! 💚

​عارفين إن الميدتيرم ضغط، والبداية بتاخد من طاقتكم كتير، بس إحنا شايفين تعبكم ومقدرين كل لحظة سعي.. أول سلمة خلصت، يعني الصعب بيعدي.

​دلوقتي مش وقت لوم ولا تفكير في اللي فات، دلوقتي وقت إنك تطبطب على نفسك، تفصل دماغك شوية، وتفتكر إننا دايماً في ضهرك بنشجعك تكمل.

​خد نفس عميق.. ومتنساش إننا معاك لحد الآخر، قولنا أول يوم كان عامل إزاي؟




#خُطوه_بخُطوه_و_سعيك_مشهود

عساكم من عواده.. وممن جبر الله خواطرهم فصار عيدهم عيدين💫.

العيد مش بس حلويات و ليس جديد، دي لمه الاحباب و اللحظات اللي بتجمعنا في فرحه و سعاده.

عيله Positive Students بتتمني لكم عيد فطر مبارك ، تقبل الله منا ومنكم صالح الاعمال 💚

ليالي العتق.. لسه قدامك الجبر!

لو حاسس إن الشهر جرى منك أو قصرت.. العشر الأواخر هما ليالي الجبر،ليلة واحدة فيهم بعبادة 83 سنة، كفيلة تغير قدرك كله!🌙

متبصش للي ضاع، ركز في اللي جاي.. لعلها تكون ليلة القدر.

اللهم بلغنا ليلة القدر واجعلنا من المقبولين.💚



#رمضان٢٠٢٦