سنتر ملاذ التعليمي بالزقازيق

نظام البكالوريا الجديد المطبق على دفعه أولى ثانوي 2026

الفرق بين الثانوية_العامة و البكالوريا المصرية؟
📚 مقارنة سريعة توضح الفروق بين النظامين:

🔹 1️⃣. فرص الامتحان:
📌 الثانوية العامة:
• محاولة واحدة فقط + دور تاني بنصف الدرجة
📌 البكالوريا:
• ٤ فرص في الصف الثاني + ٢ في الصف الثالث (يعني فرص تحسين حقيقية!)
🛑 ملحوظة التحسين في نظام البكالوريا بـ 200 جنيه بدل 500 وزيادة سنويا بحيث لا تزيد عن 400 جنيه..

---

🔹 2️⃣ احتساب المجموع:
📌 الثانوية العامة:
• المجموع من الصف الثالث فقط
📌 البكالوريا:
• بيتحسب من أعلى درجات الصفين (تانية وتالتة)

---

🔹 3️⃣ عدد المواد:
📌 الثانوية العامة:
• 5 مواد أساسية
📌 البكالوريا:
• 7 مواد على مدار سنتين

---

🔹 4️⃣ إجمالي الدرجات:
📌 الثانوية العامة:
• المجموع من 320 درجة
📌 البكالوريا:
• المجموع من 600 درجة (100 لكل مادة)

---

🔹 5️⃣ مادة التربية الدينية:
📌 الثانوية العامة:
• لا تُضاف للمجموع
📌 البكالوريا:
• خارج المجموع، بس النجاح فيها إجباري بنسبة 70٪

🔹 6️⃣ التخصصات والمسارات:
📌 الثانوية العامة:
• 3 شعب (علمي علوم / علمي رياضة / أدبي)
📌 البكالوريا:
• 4 مسارات تخصصية:
🎯 الطب وعلوم الحياة
🎯 الأعمال
🎯 الهندسة وعلوم الحاسب
🎯الآداب والفنون

🔹 7️⃣ اللغة الأجنبية الثانية:
📌 الثانوية العامة:
• خارج المجموع
📌 البكالوريا:
• مادة تخصص في مسار الآداب والفنون (اختياري مع علم النفس)

🔹 8️⃣. تحسين المجموع:
📌 الثانوية العامة:
❌ غير متاح
📌 البكالوريا:
✅ تحسين متاح وبيتحسب أعلى درجة

---

🔹 9️⃣اللغة العربية:
📌 الثانوية العامة:
• تُدرس في الصف الثالث
📌 البكالوريا:
• تُدرس فقط في الصف الثاني

🌟 البكالوريا نظام مجاني واختياري ومش بديل للثانوية العامة، لكنه فرصة تعليمية جديدة بتقييم تراكمي وفرص أكتر للتحسين.
📌 وللتوضيح سنشرح لكم
النظام الجديد البكالوريا وهو يتكون من مرحلتين هما المرحلة التمهيدية (الصف الأول الثانوي)، والمرحلة الرئيسية (الصفين الثاني والثالث الثانوي).

= المرحلة التمهيدية (الصف الأول الثانوي)، تتضمن عددا من المواد الأساسية التي تدخل في المجموع الكلي، وتشمل التربية الدينية واللغة العربية والتاريخ والرياضيات والعلوم المتكاملة والفلسفة والمنطق واللغة الأجنبية الأولي، ومواد خارج المجموع تشمل اللغة الأجنبية الثانية والبرمجة وعلوم الحاسب.

= فيما يخص مواد المرحلة الرئيسية (الصف الثاني الثانوي)، فالمواد الأساسية في جميع التخصصات تتضمن اللغة العربية والتاريخ واللغة الأجنبية الأولي، بالإضافة إلى المواد التخصصية (يختار منها الطالب مادة واحدة) وهي الطب وعلوم الحياة تشمل (الرياضيات/ الفيزياء)، والهندسة وعلوم الحساب تشمل (الرياضيات مستوي رفيع) و(الفيزياء مستوي رفيع)، والأعمال تشمل (الاقتصاد مستوي رفيع) (الرياضيات)، والآداب والفنون تشمل (جغرافيا مستوي رفيع) و(إحصاء).

= وبالنسبة لمواد المرحلة الرئيسية (الصف الثالث الثانوي) تتضمن في المواد الأساسية لجميع التخصصات مادة التربية الدينية، بالإضافة إلى المواد التخصصية وهي تخصص الطب وعلوم الحياة تشمل (الأحياء مستوي رفيع) و(الكيمياء مستوي رفيع)، وتخصص وعلوم الحساب ويشمل (الرياضيات مستوي رفيع) و(الفيزياء مستوي رفيع)، وتخصص الأعمال ويشمل (الاقتصاد مستوي رفيع) (الرياضيات)، والآداب والفنون وتشمل (جغرافيا مستوي رفيع) و(إحصاء).

= في ستكون الامتحانات من فرصتين في كل عام دراسي خلال شهري مايو ويوليو لمواد الصف الثاني الثانوي وشهري يونيو وأغسطس لمواد الصف الثالث الثانوي.

= دخول الامتحان للمرة الأولي سيكون مجاناً وبعد ذلك بمقابل لكل امتحان قدره 500 جنيه رسم امتحان.

= يحتسب المجموع لكل مادة من مواد الثانوية السبع من 100 درجة ويكون المجموع النهائي للطالب بجمع الدرجات الحاصل عليها لكل مادة.

= وبالنسبة للمحاولات المتعددة فإنه تحتسب للطالب كل المحاولات التي تقدم لها وترصد كافة درجات محاولاته ويحدد العام الدراسي الذي تقدم فيه الطالب لكل محاولة وترسل قاعدة البيانات بشكل كامل لمكتب التنسيق، كما أنه يجب دخول الامتحان للمرة الأولي في العام الدراسي المحدد دون تقديم أو تأخير فيما يسمح بإعادة الامتحان بعد ذلك في أي عام دراسي.

= فيما يخص المواد الإضافية. يجوز للطالب دراسة مواد إضافية في أي مستوي في حالة رغبته في تعدد المسارات وذلك بعد انتهاء المسار الأساسي، ويكون الحد الأقصى لعدد سنوات الدراسة للمرحلة الرئيسية 4 سنوات بخلاف الصف الأول الثانوي.

التحويل
من العام الى الأزهر
من يوم ٤ / ٧ الى ١٥ / ٨
ومن الأزهر للعام
من يوم ١ / ٨ إلى ١٥ / ٨
والنقل متاح من أولى ابتدائي إلى خريجي الصف الثاني الإعدادي الناجحين والمنقولين للصف الثالث الإعدادي هذا العام
الخطوات👇
١-ياخد أربع ورقات تحويل للأزهر من أى مكتبة ويروح المدرسة التابع لها الطالب ويملأ البيانات ويختمها من المدرسة .
٢-يروح المعهد الأزهرى المراد التحويل له وياخد الموافقة على الأربع ورقات تحويل اللى معاه وأن الكثافة تسمح .
٣-يروح الإدارة التعليمية التابعة لها المدرسة المراد التحويل منها ويختم الورق من هناك والأهم بيان نجاح الطالب مختوم من الادارة التعليمية بختم حيي وولى الأمر يسيب صورة البطاقة .
٤-يروح الإدارة / المنطقة الأزهرية ومعاه الطالب اللى عايز يحول له بالورق المختوم من الإدارة والمدرسة وكله ، وهناك هيشوفوا الطالب ويسألوه كام سؤال فى القرآن أسئلة غير تعجيزية على الإطلاق ، وبعدها بيدوله الورق مختوم من المنطقة الأزهرية .
٥- بيرجع آخر حاجة على المدرسة وياخد ملف ابنه ويوديه المعهد الأزهرى .
على فكرة الخطوات دى كلها ما بتكملش ساعتين ، بس ممكن حضرتك تقسمها على يومين لو وقتك يسمح ، يوم للمدرسة وإدارتها ثم المعهد الازهري علي حسب الكثافة ، ويوم للمنطقة الأزهرية وسحب الملف وتسليمه .
بالنسبة لحفظ القرآن تقدر تبدأ من الصيف

١٠ قواعد ذهبية للتفوق في عربي أولى ثانوي وتانية ثانوي :

١- #المعلم :

- انتهى عصر المعلم ( الحافظ ، المحفظ ، المأنتخ ، التقليدي ، الجاهل بالانترنت ، القوي بشهرته )

- أصبحنا في عصر المعلم ( الفاهم ، المفهم ، النشيط المجتهد ، العصري ، الملم بالانترنت ، القوي ببحثه وعقله الشاب )

٢- #الطالب :

- طالب الثانوي الحفيظ الكسول محدود القدرات لم يعد يصلح للثانوي العام

- الثانوي العام يحتاج طالب نشيط مجتهد يفهم كل كلمة ويبحث كثيرا ويقرأ أكثر ويتابع بكثرة ، طالب بقدرات عقلية عالية وهمة متوقدة

- 50 % من الطلاب الحاليين إن لم يغيروا منهجهم في دراستهم ويتركوا العبث والاستهتار وتأجيل عمل اليوم لآخر العام .. سيندمون كثيرا

٣- #المذاكرة :

- فكرة " هنذاكر قبل الامتحان " بطلت

- لم يعد هناك شيء يسمى مذاكرة ، لأن العقل لم يعد كما كان قديما وعاء نملؤه

- التفوق في الامتحان أصبح عبارة عن معلومات يتم فهمها واستيعابها في وقتها ، وتراكم الفهم على مدار العام يشكل عقل فاهم واعي نشيط يستطيع تجاوز أي امتحان .

- المذاكرة لم تعد بفتح كتاب أو مذكرة والمذاكرة منها

- فهمك في الحصة وبحثك في الانترنت وكثرة قراءتك فيما يخص المادة والاطلاع الدائم على ما في بنك المعرفة وتطبيق ما تعلمته فيما حولك .. هذه هي المذاكرة ، وبدون ذلك لن تنجح .

٤- #القصة :

- لا تحفظ قصة عنترة على شكل سؤال وجواب ولا متنها -

- تحتاج أن تتصور القصة وتستوعبها وتعيش جوها الجاهلي

- يجب أن تفهم وتحلل وتدلل وتستنبط وتقارن وتقيم وتحكم

- انتهت أسئلة : كيف ومتى ولماذا ، وبدأت أسئلة : دلل وقارن واستنبط وعلام يدل وما رأيك وماذا تفعل إذا .

٥- #القراءة :

- دروس القراءة في الكتاب وبنك المعرفة مجرد نماذج فقط

- لن تأتي نماذج القراءة في الكتاب والبنك في الامتحان

- لا تحفظ أبدا دروس القراءة سؤال وجواب

- ما يجب أن تتقنه من خلال دروس القراءة :

* احفظ معاني المفردات الجديدة جيدا

* تمتلك ثروة لغوية عالية ( كحفظ الكلمات في ال E )

* تعرف أكثر من مرادف للكلمة والفروق بين المتشابهات

* تتعلم كيف تحصل على معنى الكلمة الدقيق من سياقها

* تتعلم كيف تحصل على الفكرة الأساسية في المقال

* تتعلم كيف تدلل على الفكرة الرئيسية في المقال وأهميتها

* تتعلم كيف تستنبط سمات أسلوب الكاتب في المقال

* تضع أسئلة على كل مقال تقرأه وتجيب عليها

* اقرأ مقالات بكثرة في بنك المعرفة والكتب الخارجية

٦- #النصوص :

- النصوص في الكتاب وبنك المعرفة نماذج للتدريب

- لن تأتي نصوص الكتاب وبنك المعرفة في الامتحان

- لا تحفظ النص ولا مظاهر الجمال فيه

- ما يجب أن تتقنه في النصوص :

* احفظ معاني المفردات الجديدة جيدا

* تمتلك ثروة لغوية عالية من الكلمات الشعرية والأدبية

* تعرف أكثر من مرادف للكلمة والفروق بين المتشابهات

* تتعلم أن تضع لكل نص عنوان وعاطفة وفكرة رئيسية

* تحفظ سمات أسلوب كل شاعر لكل نص في الكتاب

* تتعلم كيف تستنبط من النص سمات أسلوب الشعر

* تتعلم كيف تعرف مصادر الموسيقى في كل نص

* تتعلم كيف تطابق بين كل نص وعصره

* تتعلم كيف تعرف ما توحيه كل كلمة

* تتعلم كيف تستخرج الألوان البيانية والمحسنات البديعية والأساليب بأنواعها من كل نص تقرأه

* تتعلم كيف تستنبط ملامح البيئة الأدبية من النص

* تضع أسئلة على كل نص تقرأه وتجيب عليها

* اقرأ نصوص بكثرة في بنك المعرفة والكتب الخارجية

٧- #الأدب :

- احفظ الأدب

- افهم الأدب ، فلا تمر كلمة بدون أن تفهمها

- افهم جيدا ملامح كل عصر وربطها بسمات الأدب فيه

- يجب أن تعرف في كل عصر أشهر 10 شعراء فيه

- تتعلم كيف تربط بين سمات كل فن أدبي ونصوصه

٨- #البلاغة :

- ليس فيها جديد عن النظام القديم

- البلاغة تعتمد على فهمك للدروس وتطبيقها في نص بلاغي

٩- #النحو :

- النحو كعادته يعتمد على الفهم والتطبيق

- تكثر فيه أسئلة أكمل والصواب والخطأ والاختيار من متعدد وتصويب الخطأ

- تم حذف قطعة النحو ، والاعراب والاستخراج سيكون من جملة وليس من قطعة

- النحو يحتاج للتركيز على " التكات " الصغيرة وكثرة التدريب

١٠- #التعبير :

- يجب أن تتدرب على كتابة موضوع تعبير قصير ، فيه :

* التزام بتكثيف الأفكار

* الاستشهاد بآيات وأحاديث وأشعار

* مراعاة الجمل والفقرات وعلامات الترقيم

* التعبيرات الأدبية البلاغية

* تجنب الأخطاء الإملائية والنحوية.

مع أطيب الأمنيات بالنجاح .

Malaaz - ملاذ

_ انت بتحب الفهم ولا الحفظ ؟ جملة ضيعت أجيال كاملة ..
_ رسالة من قلبي لمعلمي المواد العلمية !!
كفايه ضغط ع الأجيال دي وتقنعوهم انهم دكاترة ومهندسين لمجرد اقناعهم بدخول العلمي وسيادتك تلاقي عدد قدامك ...
_ من قلب أم ...
الطلاب في الدفعات دي مش مؤهلين لمعجنة العلمي و صعوبته متعملش زي اللي قعد يرسم البحر ويلونه بالورد وفجأة رماه في وسط البحر وقاله يلا عوم لوحدك ..
_ أنا طول السنة بقلب الأم بشاهد معاناتهم وبكاءهم بعد ما اتورطوا في مجال أعلى من قدراتهم بكتير .. حراااااام والله
_ يا جماعة احنا هنتحاسب على كل صغيرة وكبيرة .. هل انت أد ان تحاسب على عدد الطلاب دي اللي انت ضللتهم رغم يقينك بحكم الخبرة إنهم مش أد المواد العلمية وثقلها ؟؟
_ لو تفتكروا زمان كان عدد الفصول الأدبي في المدارس أعلى بكتير من العلمي .. مثلا انا كنت في فصل ( ٣ / ١٨ ) أدبي و عدد فصول العلمي كان ٤ فصول فقط .. اكيد معظم الأساتذة من اواخر السبعينات و الثمانينات و أوائل التسعينات مشاركني الرأي ده ... واحنا جيل كنا بنروح مدارس لحد شهر 5 والمدرسين كانوا بيشرحوا و بيقومونا كمان و مكانش معانا موبايلات مبوظه دماغنا ومكنش في حد بيضغط علينا و يوهمنا إننا دكاترة ومهندسين.......
_ المهزلة الحاصله دلوقتي و انهيار الأجيال بعد كل المواد العلمية و تطاولها على مدرسيها (اللي انتحروا معاهم شغل وحل) احنا السبب للأسف في كل ده .. لأنه جهد مهدور في دفعات ضعيفة مش أد تيار العلمي .. العيل بقا يخاف يدخل أدبي وكأنها شتيمة بسبب ثقافة مغلوطه احنا المعلمون للأسف السبب فيها .
_ و بخصوص الحفظ والفهم .. هل في معلومة سواء علمي أو أدبي مش محتاجه تتفهم وتتحفظ.. يعني أنا عشان احفظ ابيات شعر بكفاءه مش لازم الاول افهم معنى الأبيات
طيب ولو حبيت احفظ معادلات الحديد في الكيمياء مش لازم افهمها الأول .. اللي اقصده بطلوا أسطوانة بتحفظ ولا بتفهم وقفتوا مخ العيال والجيل بقا سطحي وغلبان ...
_ ياريت نتعظ بقا و ادينا شوفنا بنفسنا ان العيال اللي انتوا بترموهم في تيار أعلى من قدراتهم بقوا بيرموا اللوم كله عليكم انتم ..
_ سيبوا الطالب لنفسه ولقدراته حتى عشان منشيلش ذنب والله العظيم احنا مش أده ..
_ وبعدين يا سيدي لو الدكترة والهندسة سهلة وبسيطة كده مطلعناش احنا ليه دكاترة ومهندسين رغم اننا كنا دحيحه عنهم 😉
تعديل / امتحان الفيزياء والكيمياء اللي الطلبة اشتكت منهم .. الطلبة المتميزه قالت الامتحان حلو جدا وفي المتناول في حين ٨٠ % من الطلبة بيصيحوا ده يعرفنا ان ده مكانش مكانهم اصلا وأنهم اتحطوا غلط وللاسف هما اللي ظاهرين وصايحين ..

مقترح جديد في الثانوية العامة
لعل يكون لنا لقاء مع طلاب تالته ثانوي 🥹♥️

فتح باب التقديم الإلكتروني لمرحلتي رياض الأطفال والصف الأول الابتدائي الأزهري اليوم الثلاثاء الموافق ٢٠٢٥/٧/١

قام قطاع المعاهد الأزهرية بفتح باب التقديم الإلكتروني للمستوى الأول من مرحلة رياض الأطفال، والصف الأول من المرحلة الابتدائية بجميع المعاهد الأزهرية على مستوى الجمهورية للعام الدراسي الجديد ٢٠٢٦/٢٠٢٥م، وذلك اعتبارًا من اليوم الثلاثاء الموافق 1 يوليو 2025، ويستمر حتى يوم الخميس الموافق 31 يوليو 2025، عبر موقع التنسيق الإلكتروني:
https://azhar.gov.eg/tnsek

حيرة كل سنه ...ادخل ابنى ايه وليه ؟؟؟
هام جدااا لطلاب الشهادة الاعدادية العامة..
ما الفرق بين الثانوي العام والمنازل والخدمات؟
لـــ♕♡♕♡♕♡♕♡♕♡♕ــــا
الجواب:

1- (الثانوي العام ) : لابد أن يحصل الطالب علي مجموع في الاعدادية يؤهله للالتحاق به وفقا لقرار محافظته ويكون الطالب منتظم في المدرسه [يستلم تابلت] ويدفع مصاريفه تقريبا لا تقل عن ٥٠٠ ج مصاريف و١٠٠ج تأمين تابلت

2- ( المنازل ) : في حالة إذا لم يحصل الطالب علي مجموع كبير يتقدم للمنازل ويحضر فقط أيام الامتحانات ولكنه في بداية كل عام يتواصل مع المدرسة وتخبره المدرسة بالبيانات المطلوبة كل عام وله نفس كليات الطالب المنتظم ونفس التنسيق [ لايستلم تابلت] تقريبا لا تقل عن ٣٠٠ ج مصاريف ومجموع ١٤٠ درجه في الاعداديه

3- ( الخدمات ) : هو طالب يلتحق بالثانوي العام فترة مسائية بمصروفات وطبعا نفس كليات الثانوي العام ونفس التنسيق [يستلم تابلت]. مصاريف لا تقل عن ٢٢٠٠ ج في السنه وله مجموع محدد حوالى ٢٠٠ درجه في الاعداديه ... في الاخر الكل لهم نفس الكليات

مهم جدا لطلاب الثانوية العامة:

بكرة إن شاء الله الامتحانات هتبدأ بالتربية الدينية والتربية الوطنية.. مش لازم أبدًا تاخد نفس رقم نموذج الأسئلة في كل امتحان.. لو كنت أخدت نموذج رقم (أ) في مادة عادي جدا تاخد نموذج رقم (ب) أو (ج) أو (د) في امتحان مادة تانية سواء مضافة للمجموع أو غير مضافة للمجموع ومتسمعش أي حد يقولك عكس كدة.. وبلاش توتر نفسك ولا حاسس بالخطر لو استلمت نموذج مختلف بين مادة والتانية.. لا تشغل بالك برقم النموذج إنه لازم يبقى ثابت في كل امتحان ولا تشغل بالك بلون بوكليت الأسئلة إنه لازم يبقى ثابت في كل امتحان.. النهاردة نموذج (أ) عادي الامتحان اللي بعده تاخد نموذج (ب).. النهاردة لو البوكليت أخضر الامتحان اللي بعده يكون لون البوكليت مختلف.. متقولش ازاي اللون اختلف ولا رقم النموذج اختلف.. ده عادي وبيحصل كل سنة ومتسمعش أي كلام عكس كدة.

مع احترامي للجميع.. الكلام ده مؤكد بنسبة ١٠٠٪؜

💢 توزيع درجات امتحان الشهادة الإعدادية 2025👇
**********************************************

يتم تقسيم الدرجات على كل مادة ليكون إجمالي المجموع على مواد الترم الأول ١٤٠ درجة، ويتم إدماج درجات الترم الأول مع درجات آخر العام

للوصول إلى المجموع الكلي للطالب وهو ٢٨٠ درجة ، وتأتي الدرجات على مواد الترم الأول تفصيلاً كالتالي :

🌀🌀🌀🌀🌀🌀

👇🏻👇🏻👇🏻👇🏻

مادة اللغة العربية 👈 ٤٠ درجة .

مادة العلوم 👈 ٢٠ درجة.

مادة اللغة الاجنبية 👈 ٣٠ درجة.

مادة الرياضيات 👈 ٣٠ درجة.

مادة الدراسات الاجتماعية 👈 ٢٠ درجة

🌀🌀🌀🌀🌀🌀

👇🏻👇🏻👇🏻👇🏻

توزيع درجات إمتحان اللغة العربية

#خَاصٌّ بالشِّهَادَةِ الإعدَادِيَّةِ ٢٠٢٥ م.

#تَعْدِيلٌ فِي دَرَجَاتِ مَادَةِ اللُّغَةِ الـعَـرِبِيّـةِ للصَّفِّ الثَّالِثِ الْإِعْدَادِيِّ للْفَصْلِ الدِّرَاسِيِّ الْأَوَّلِ ٢٠٢٥

فَرْعُ الـتَعْبِيرِ : سَبْعُ دَرَجَاتٍ ﴿ ٧ ﴾

الْقِرَاءَةُ الْمَنْهَجِيَّةُ : أَرْبَعُ دَرَجَاتٍ ﴿ ٤ ﴾

قِصَّةُ طُمُوحِ جَارِيَةٍ : ثَلاثُ دَرَجَاتٍ ﴿ ٣ ﴾

الْقِرَاءَةُ المُتَحَرِّرَة : أَرْبَعُ دَرَجَاتٍ ﴿ ٤ ﴾

النُّصُوصُ الْإِجْبَارِيَّةُ : خَمْسُ دَرَجَاتٍ ﴿ ٥ ﴾

النُّصُوصُ الِاخْتِيَارِيَّةُ : خَمْسُ دَرَجَاتٍ ﴿ ٥ ﴾

النَّحْوُ : ثَمَانِي دَرَجَاتٍ ﴿ ٨ ﴾

الْخَطُّ : دَرَجَتَانِ ﴿ ٢ ﴾

الْإِمْلَاءُ : دَرَجَتَانِ ﴿ ٢ ﴾

الْمَجْمُوعُ الكُلِّيّ : أَرْبَعُون دَرَجَةَ ﴿ ٤٠ ﴾

🌀🌀🌀🌀🌀🌀

👇🏻👇🏻👇🏻👇🏻

توزيع درجات الانجليزى

محادثة ٥

وقطعه اكمل ٤

والقطعه الكبيرة ٦

واختر ٣

وصحح ٥

والبرجراف ٧

الاجمالى ٣٠ درجة

🌀🌀🌀🌀🌀🌀

👇🏻👇🏻👇🏻👇🏻

توزيع درجات الرياضيات

السوال الأول كل فقره بنص درجه

المقالي كل فقره بدرجه ونص

الاجمالي ١٥ درجة للجبر

الاجمالي ١٥ درجة للهندسة

اجمالى ٣٠ درجة

كل ما يخص المرحله الاعداديه و الثانويه

🌀🌀🌀🌀🌀🌀

👇🏻👇🏻👇🏻👇🏻

توزيع درجات العلوم

السؤال الأول ٥ درجات

أ - درجتان

ب - درجتان

ج - درجة واحدة

السؤال الثانى ٥ درجات

أ - درجة ونصف

ب - درجة ونصف

ج - درجتان

السؤال الثالث ٥ درجات

أ - درجتان

ب -درجة ونصف

ج - درجة ونصف

السؤال الرابع

أ - درجتان

ب - درجتان

ج - درجة واحدة

الاجمالى ٢٠ درجة

🌀🌀🌀🌀🌀🌀

👇🏻👇🏻👇🏻👇🏻

توزيع درجات الدراسات

السؤال الأول ٥ درجات

أ - درجة واحدة

ب - درجتان

ج - درجتان

السؤال التانى ٥ درجات

أ - درجتان

ب - درجة ونصف

ج - درجة ونصف

السؤال الثالث ٥ درجات

ا - درجة ونصف

ب - درجة ونصف

ج - درجتان

السؤال الرابع ٥ درجات

ا - درجة ونصف

ب درجة ونصف

ج - درجتان

الاجمالى ٢٠ درجة