Freelance Courses - محمد نجاح

◘ البوست ده هو تجميعة لأشهر وأهم أو #الفريلانس

❓ ناس كتير بتسألنا عن إيه هي أشهر وأهم مواقع اللي ممكن من خلالها تشتغل كـ #فريلانسر وتحقق دخل بـ #الدولار 💰💵
علشان كده جمعنالكم أهم 10 مواقع عالمية وعربية للعمل الحر:

1️⃣ آبوورك | Upwork.com
أشهر منصة عالمية للتقديم على مشاريع العمل الحر
_
2️⃣ مستقل | Mostaql.com
شبيه بآبوورك، لكن مخصص للوطن العربي
_
3️⃣ فايفر | Fiverr.com
أشهر منصة عالمية لبيع وشراء الخدمات
_
4️⃣ خمسات | Khamsat.com
شبيه بفايفر، ولكن مخصص للوطن العربي
_
5️⃣ فريلانسر | Freelancer.com
منصة أسترالية ضخمة جدًا، ولكن المنافسة فيها صعبة بالنسبة للمبتدئين
_
6️⃣ بيبول بير آور | PeoplePerHour.com
أكبر منصة عمل حر بريطانية
_
7️⃣ جورو | Guru.com
منصة عمل حر أسترالية ضخمة
_
8️⃣ لينكد إن | LinkedIn.com
ده شبيه بالفيسبوك لكن مخصص للشغل، وعليه المدراء التنفيذيين لأكبر الشركات حول العالم
_
9️⃣ بروز | Proz.com
أكبر موقع عمل حر للمترجمين الفريلانسرز
_
🔟 ناينتي ناين ديزاين | 99Design.com
واحد من أكبر مواقع العمل الحر للمصممين
_
في ظل الصعود المستمر للدولار 💸 انت محتاج تحفظ البوست ده عندك وتشاركه مع أصحابك ومعارفك.
ولو حابب تعرف أكتر عن العمل الحر أو الفريلانس وتبدأ تشتغل كفريلانسر وتدخل دخل بالعملة الصعبة، تابع صفحتنا 👍

❓هل الفريلانس (العمل الحر عبر الإنترنت) مربح فعلاً؟ 🤔
الإجابة هي: طبعًا مربح 💸
_
العمل الحر على الإنترنت هو في النهاية شغل زي أي شغل، وفيه فرص كبيرة للربح والمكسب.
🤵 في الوظائف التقليدية: فيه موظفين مرتباتهم ما بتزيدش عن 5 آلاف، وفيه موظفين بيقبضوا 50 ألف شهريًا، وفيه اللي بيقبضوا ملايين
👨‍💻 بالمثل، في العمل الحر على الإنترنت: فيه مستقلين (فريلانسرز) بيكسبوا مبالغ قليلة، من 50 لـ 100 دولار في الشهر، وفيه مستقلين تانيين بيكسبوا مبالغ متوسطة، وفيه مستقلين بيسكبوا عشرات الآلاف من الدولارات وأكتر شهريًا من الشغل على الإنترنت.
_
طبعًا عوامل كتير بتحدد حجم أرباحك في العمل الحر، مثلاً:
✅ المهارة اللي انت بتشتغل بيها
✅ السوق اللي انت بتشتغل فيه
✅ القوة الشرائية للعملاء بتوعك
✅ خبرتك في العمل الحر عبر الإنترنت
✅ مهاراتك في التواصل مع العملاء والتفاوض معهم
_
بشكل عام، العمل الحر هو شغل زي أي شغل، ولون انت عندك المهارات المطلوبة والكفاءة اللازمة، فانت تقدر تحقق منه أرباح ومكاسب مجزية ومجزية جدًا كمان 💵💰



#فريلانسر

دورة العمل الحر عبر الإنترنت  الدرس الأول (1): ما هي منصات العمل الحر عبر الإنترنت؟ وما أنواعها؟ (15:11)

❓ إيه الفرق ما بين إني أشتغل شغلانة ما كموظف في شركة، وما بين إني أشتغل نفس الشغلانة لكن كفريلانسر على النت؟ 🤔
_
علشان تفهم الفرق بين إنك تكون شغال ♦ فريلانسر ♦، وبين إنك تشتغل نفس الشغلانة ولكن كموظف في شركة. هنضرب مثال يوضحلنا الفرق ده جدًا. المثال هيكون مقارنة ما بين 2 مترجمين:
• مترجم شغال فريلانسر على النت 🖥️
• مترجم شغال موظف في مكتب ترجمة 🏢
_
◘ المترجم الفريلانسر (زي مثلاً مترجم شغال على منصة من منصات العمل الحر عبر الإنترنت) بيتميز بإنه ◘
• ✅ المترجم حر بيشتغل لصالح نفسه، يعني مفيش مدير فوقه
• ✅ بيحدد بنفسه لنفسه عدد ساعت الشغل وأوقات الشغل، وبيختار مكان الشغل على حسب ما يحب
• ✅ ربحه الشخصي متغير (على عكس الموظف اللي بيكون ليه مرتب ثابت آخر الشهر، حتى لو قليل)
• ✅ دخله الشهري/السنوي أعلى بفارق مش قليل عن المترجم الموظف (في أغلب الحالات)
_
◘ ولكن، المترجم الفريلانسر ◘
• 🛑 بيتحمل مسؤولية الدعاية والتسويق والتسعير لشغله
• 🛑 بيتحمل مسؤولية التواصل مع العملاء والتفاوض معهم علشان يقنعهم يشتغلوا معاه
• 🛑 بيتحمل مسؤولية شراء كل متطلبات الشغل من أدوات أو برامج، وكمان دفع الفواتير زي فاتورة الإنترنت والكهرباء الشهرية
_
◘ باختصار ◘
الفريلانسر بيكون مسؤول عن مهام إضافية ملهاش علاقة بالخدمة اللي بيقدمها (زي الدعاية لخدماته والتواصل مع العملاء)، والمهام الإضافية دي بتتطلب وقت ومجهود إضافيين، ولكن في المقابل بيحقق على الأغلب ربح أعلى في نهاية الشهر 💵💰
في حين إن الموظف ما بيكونش مسؤول غير عن المهارة اللي هو بيشتغل بيها بس، وما بيشغلش باله بأي مهمة من المهام الإضافية. ولكن، في المقابل، بيضمن مرتب ثابت في نهاية الشهر، وإن كان على الأغلب مرتبه أقل من الفريلانسر 📈



#فريلانسر

❓يا ترى، انت محتاج إيه علشان تشتغل كفريلانسر وتكسب فلوس أونلاين بالدولار؟ 🤔
_
علشان تشتغل ♦ فريلانسر ♦، انت محتاج 4 حاجات:
1️⃣ لابتوب
أو كمبيوتر (PC)، أو حتى موبايل 📱 + وصلة نت 🌐. أيًا كانت إمكانيات الجهاز اللي هتشتغل بيه، سواء لابتوب أو موبايل، مش هتمنعك إنك تبدأ. ابدأ باللي معاك حاليًا، ومع الوقت ممكن ترقي الجهاز اللي بتشتغل بيه -لو فعلاً محتاج لده- بحيث يساعدك في شغلك.
_
2️⃣ مهارة 🎨
تاني حاجة، انت محتاج يكون عندك مهارة متمكن منها وشاطر فيها للدرجة الكافية اللي تمكنك إنك تقدمها كخدمة للعملاء وتتقاضى عليها أجر. المهارات اللي تنفع للفريلانس كتيييرة جداااا جداااا، وأنا هعد أمثلة سريعة كده ليك:
* الكتابة – الترجمة – التصميم – التصوير – المونتاج – تطوير المواقع – البرمجة – خدمة العملاء – السكرتاريا – تفريغ الملفات الصوتية – التعليق الصوتي – إدارة صفحات التواصل الاجتماعي – وغيرهم وغيرهم كتير جدا جدا
انت مش محتاج غير إنك تكون شاطر في مهارة ((واحدة)) بس، وهتكون كافية جدًا إنك تبدأ بيها تشتغل كفريلانسر
_
3️⃣ عملاء 🤵
تالت حاجة لازم تعرفها إن كونك شاطر في مهارة معينة وتقدر تقدمها كخدمة، فده مش كافي إنك تشتغل كفريلانسر. لازم يكون فيه عملاء مهتمين بمهارتك وخدمتك دي ومستعدين يشتروها منك، ولازم تعرف العملاء دول موجودين فين وتوصلهم.
من ضمن أشهر وأهم طرق الوصول للعملاء في الأونلاين فريلانس هي منصات العمل الحر، زي Upwork وFiverr وMostaql وKhamst وFreelancer وغيرهم كتير.
المنصات دي عبارة عن سوق كبير بيجمع العملاء والفريلانسرز سوا في مكان واحد، وبيسهل على العميل إنه يلاقي الفريلانسر والعكس، وبينظم الشغل بينهم، وبيضمن حقوق الطرفين 🤝
_
4️⃣ خبرة في العمل الحر 👨‍💻
وانت شغال كفريلانسر، هيكون مطلوب منك اتقان مهارات إضافية ملهاش علاقة بالمهارة الأساسية اللي انت بتقدمها كخدمة لعملائك. يعني مثلاً، لو انت هتشتغل كمصمم لوجو مثلاً، مش كفاية أبدًا إنك تكون محترف في تصميم اللوجوهات علشان يجيلك عملاء وتبدأ تكسب بالدولار 💵، ولكن لازم يكون عندك مهارات إضافية، مثلاً مهارات تسويقية وإدارية ومالية تساعدك في دخول سوق العمل الحر، وتساعدك إنك تعمل دعاية لنفسك وللخدمات اللي بتقدمها، وإنك تتفوق على المنافسين ليك، وإنك تقنع العملاء إنهم يشتغلوا معاك.
__
❓ طيب، لو انت عندك مهارة معينة شاطر فيها، ليه بننصحك تشتغل كفريلانسر مش كموظف في شركة؟
ده موضوعنا للبوست اللي جاي، تابع صفحتنا علشان تعرف أكتر 😉



#فريلانسر

❓ يا ترى إيه هو العمل الحر، أو الفريلانس؟ 🤔
_
أكيد سمعت كلمة ♦ Freelance ♦ كتير قبل كده، بتسمع مثلاً:
• إن فلان بيشتغل فريلانسر
• فلان بيكسب فلوس بالدولار من الشغل في الفريلانس على النت 🤑
• أو فلان بيشتغل من البيت وبيقبض بالعملة الصعبة 💸
_
ولو انت ما اشتغلتش قبل كده كفريلانسر على النت، أكيد بتسأل نفسك،:
❓ "هل أقدر أنا كمان أشتغل فريلانسر وأكسب فلوس أونلاين زيهم، وإيه هو الفريلانس ده أصلا؟! 🧐
_
👈 الفريلانس ببساطة خالص: هو إنك تشتغل شغل حر لصالح نفسك. أي حد بيشتغل لصالح نفسه، مش كموظف في شركة، فهو عامل حر ↔ فريلانسر.
_
🛠️ يعني مثلاً أصحاب الحرف كلهم اللي بيشتغلوا لصالح نفسهم، الكهربائي والسباك والنجار، اللي بيشتغلوا مع الناس بشكل مباشر، دول كلهم عمال أحرار. بنفس الفكرة، الدكتور اللي شغال في عيادته الخاصة، ومفيش مدير فوقه، يعتبر عامل حر أو فريلانسر.
_
كده احنا فهمنا يعني إيه عمل حر. طيب:
❓ يعني إيه العمل الحر على النت (Online Freelance)؟

💻 الأونلاين فريلانس: هو إنك تشتغل كعامل حر على الإنترنت، بحيث يكون عندك مهارة معينة انت شاطر فيها، وتقدم على أساسها خدماتك أونلاين، لعملاء من مختلف الجنسيات، وتتقاضى أجور بالدولار 💰💵 على خدماتك دي. وبنفس الفكرة، التعامل بينك وبين العملاء بيكون مباشر، وبتكون انت مدير نفسك ومفيش مدير غيرك 😎
_
✍ يعني مثلاً، لو انت عندك مهارة الكتابة، وقررت تشتغل على النت كفريلانسر. كل اللي هتحتاج تعمله إنك توصل للعملاء على النت، وتقدملهم خدمة كتابة المقالات مثلاً، وتتقاضى من العملاء سعر افتراضي وليكن 20 دولار لكل مقالة تكتبها.
_
❓ طيب انت محتاج إيه علشان تشتغل كفريلانسر على النت وتكسب بالدولار 🤌
ده موضوعنا للبوست اللي جاي، تابع صفحتنا علشان تعرف أكتر 😉
_

#فريلانسر

أهلاً وسهلاً بمتابعينا الجُدُد ☺♥

صفحة Freelance Courses هي صفحة تعليمية حول العمل الحر (الفريلانس) والربح من الإنترنت.

تُقدِّم الصفحة لمتابعيها أفكار ونصائح حول العمل الحر عبر الإنترنت، عبر أكبر منصات العمل الحر العالمية، مثل Fiverr وUpwork، وFreelancer، وكذلك المنصات العربية، مثل Mostaql وKhamsat.

كذلك، تنشر الصفحة فيديوهات ودورات تدريبية لشرح كيفية البدء في العمل الحر، وتحويل الفريلانس لمصدر دخل.

لكل المهتمين بتحقيق دخل من الإنترنت، تابعوا صفحتنا الآن | Follow Us.