محمود أبوجبل mahmoud Abogabal

الخوف من الكلام قدام الناس
مش عيب فيك — عيب في التدريب

٣ تقنيات بتشتغل من أول مرة
من واحد وقف قدام أكتر من ٢٠,٠٠٠ متدرب

إيه أصعب موقف اتكلمت فيه قدام ناس؟


#مهارات

5 اسرار تخليك دكتور في اي Presentation 👈👉
التحدث امام الجمهور ❤️
عرض مشروع التخرج

5 ادوات هتخليك اذكي في الشغل 👀
مش بس للطلاب
الـ AI دلوقتي سلاح كل محترف في الشغل

اتعلمهم دلوقتي قبل ما يبقوا إجبارية

تجربتي مع برلمان الطلائع والشباب

قبل ما تفكر تقدم في أي برنامج تابع لوزارة الشباب والرياضة، محتاج تقرأ الكلام ده كويس. أنا واحد من أبناء "برلمان الطلائع والشباب"، بدأت معاهم من وأنا عندي ١٢ سنة، يعني متربي جوه الكيان ده وعارف كل تفاصيله وخباياه. في البداية، اتعلمت كتير جداً وكانت تجربة غنية، بس للأسف الوضع اتغير ١٨٠ درجة، وتحديداً من بعد تولي د. أشرف صبحي.. الموضوع بقى كارثي.
١. الشو أهم من التعلم:
في الفترة الأخيرة، مستوى كتير من برامج الوزارة انحدر، وبقى الهدف الأساسي منها الشو والريتش مش التثقيف الحقيقي. لو دخلت جروبات البرامج دي هتتصدم من نوعية الأسئلة والاهتمامات زي: "إنت ليه مش بتعمل تفاعل على البوست؟ أومال إنت جاي ليه؟!". الفكرة الأساسية ضاعت؛ بتروح تحضر عشان تكون مجرد عدد أو منظر في صورة من غير أي استفادة، والأسوأ إن ده بيشوه طريقة تفكير الشباب وبيخليهم يقتنعوا إن النجاح مجرد صور ولايكات على السوشيال ميديا.
٢. احتكار ووهم الديمقراطية:
لو هنتكلم عن "المدرسة السياسية"، فمن ٢٠٢٠ مفيش ناس جديدة بتتقبل! في حالة احتكار غريبة ومقصودة بتخالف لائحة البرلمان نفسها. طيب الناس اللي بتكمل وتتصعد دي بتيجي إزاي؟ للأسف، التصعيد مبني على التطبيل لمشرف المديرية بتاعتك عشان يرضى عنك. مفيش أي ريحة للديمقراطية. حتى وقت الانتخابات في كل محافظة، في حاجة ورا الكواليس معروفة جداً للكل اسمها "قايمة المشرفين"، دي اللي بتحدد مين ينجح ومين يقع بالأوامر.
٣. غياب الشفافية والشللية:
نيجي بقى للقائمين على المكان.. لو سألنا ميزانية البرلمان دي بتروح فين وإيه جدواها الحقيقية أصلاً على أرض الواقع؟ للأسف مش هتلاقي إجابة واضحة ومقنعة وسط التخبط اللي موجود جوه. الكيان اللي كان المفروض يكون مدرسة سياسية بجد وتخرج شباب فاهم وواعي، بقى مجرد شللية ومحسوبية وتلميع فاضي.
٤. ضريبة قول الحق (تجربتي الشخصية):
أنا مش بتكلم عن تجارب فردية ولا بتبلى على حد، أنا بتكلم عن ناس انداس عليها وحقها ضاع لمجرد إنها بتقول الحق وبتحاول تنظف المكان. وأنا شخصياً دفعت التمن ده؛ اللي بيعترض أو بيقول كلمة حق بيتمسح بيه الأرض وتطمس مجهوداته. وصل بيهم الأمر إني اتمنعت تماماً من ممارسة أي نشاط في مركز الشباب التابع ليا، والمضحك والمبكي في نفس الوقت، إني حتى لما كبرت وبقيت "مدرب"، كان بييجي أمر مباشر لمدير المركز إني منزلش مركز شباب بلدي ولا أمارس شغلي فيه!
الكيان زمان كان غير دلوقتي خالص.. نصيحتي لأي شاب: متخليش حد يبيعلك وهم التثقيف السياسي، ودور على المكان اللي يضيف لعقلك بجد، مش اللي يخليك مجرد كومبارس في صورة.