16/07/2026
أنا أم قبل ما أكون مُدرّسة، وقبل ما أكون دكتورة، وقبل أي لقب في الدنيا… أنا أم لكل طالب اتعلّق بيا، واتعشم فيا، وحط ثقته في كلامي وتعبه وحلمه بين إيدي.
طول السنة كنت بحس إن كل طالب فيكم ابني وبنتي، بخاف عليكم من القلق، وبفرح بخطوة فهم صغيرة، وبزعل لما أشوف حد منكم محبط أو حاسس إنه مش قادر، وكنت دايمًا بحاول أطمنكم وأقولكم إن ربنا لا يضيع تعب حد.
النهارده السنة خلصت على خير، وخلص معاها تعب وسهر وضغط ومشاوير وحكايات كتير، لكن هتفضلوا دايمًا في قلبي، وهفضل فخورة بيكم وبكل لحظة اجتهدتوا فيها. ربنا يكتب لكم الخير كله، ويفرح قلوبكم بنتيجة تليق بتعبكم، ويفتح لكم أبواب أحلى مما تتمنوا.
افتكروني دايمًا بالخير، وافتكروا إن مس مريم بتحبكم من قلبها، وبتدعي لكم كأنكم أولادها فعلًا 🤍
