Helpers project

سلام عليكم
ازيكم يا دكاتره
مطلوب صيادله لصيدليات الطرشوبي في طنطا والمحله والتجمع والرحاب
و في افتتاح فرع لصيدليه الطرشوبى فى ميت غمر ان شاء الله و مطلوب صيادله و مدير فرع
اللي يعرف حد مناسب او ليكم اصحاب خريجين ابعتولي cv وهم هيتواصلوا معاه لباقي التفاصيل
بالتوفيق للجميع

تتقدم اسره هلبيرز بخالص تمنياته بالشفاء العاجل للدكتور/يوسف حجاج بقسم التكنولوجيا الصيدليه..
نسألكم الدعاء له بالشفاء العاجل من فيروس كورونا وان يعود لنا ولأهله مُعافى بإذن الله.

ونرجو من الجميع الحذر والإهتمام بتنفيذ الإجراءات الوقائية.

يا شعوب صيدله ♥️😎
انطباعكو ايه لأول يوم دراسه ؟ 🤔
نتمني يكون مش زي الصوره ديه 😂😂🤦
❤️
💪

تقسيمه حضور ل عملي النباتات لمستوي اول فارم دي .. بالتوفيق ❤️

السلام عليكم أهلا ومرحبا بيكم تاني 😂♥️✨
للي متابعنا أتكلمنا في البوست الي فات عن
الدرجة العلمية عند التخرج و أقسام الموجودة في الكلية
ومدة الدراسة والسمر كورس

هنكمل كلامنا أنهاردة عن شوية حاجات كمان من اللايحة
و نبدء 💁🏻‍♂️
🔹لغة الدراسة عندنا و هي اللغة الأنجيلزية مع وجود بعض المقرارت التي يتم تدريسها بالغة العربية

🔸هنتكلم عن الساعة المعتمدة

الساعة المعتمدة دي وحدة قياس دراسية
بتساوي ساعة دراسة أسبوعية من المحاضرات النظرية
أو ساعتين من الدراسة العملية بمعني ان الساعتين في السكشن
بيساوي ساعة واحدة معتمدة

🔹عندنا حاجة في المقرارات الي هندرسها أسمها pre requisite

و دي عبارة عن مقرارات لازم الطالب يكون نجح فيها عشان يعرف يسجل مقرارات اخري في مستويات اخري
المقرارات دي بتعتمد علي ال pre requisite
فلازم لازم مهما حصل تنجح في المواد دي 😂

🔸زي ما قولنا قبل كدا ان الدراسة خمس سنين بالاضافه الي سنة تدريب
الخمس سنوات دول يجب أن يتم فيهم أجتياز ٧٣ مقرر
بمجموع ١٨١ ساعة معتمدة

متقسمين ل
⁃ مقرارات متطلبات للكلية ٦٥ مقرر. ١٦٧ ساعة معتمدة
⁃ مقرارات متطلبات للجامعة ٤ مقرارات. ٦ ساعات معتمدة
⁃ مقرارات اختيارية ( دول بيكونوا اربع مقرارات بيتم اختيارهم في أخر اربع ترمات بواقع مادة لكل ترم )
⁃ دول طبعا بالاضافة ل 100 ساعة تدريب صيفي
⁃ و السنة السادسة التدريبية و مشروع التخرج

🔹نقطة مهمة برضو أن ال GPA بتاعنا ميقلش عن ”2” من ”5”
لان دا يدخلنا في نقطة العبء الدراسي

عدد الساعات الممكن تسجليها في الترم الواحد
يجب الا تقل عن ١٢ ساعة و الا تزيد عن ٢٠ ساعة

ممكن زيادة عدد الساعات دي في اخر ترمين ( من اجل متطلبات التخرج و دا بيكون بعد الرجوع للجنة العليا لأداره البرنامج )

طيب أنا جبت في ال GPA أقل من "2” من ”5”

في الحالة دي الطالب مش هيعرف يسجل عدد ساعات أكتر من ١٢ ساعة فقط و دا بيكون في الترمات العادية

اما في الفصل الصيفي ( السمر كورس ) ممكن يزود ساعات بما لا يزيد عن ساعتين لاجتياز المقرارات المطلوبة

السلام عليكم أهلا ومرحبا بكم 😂♥️
زي ما قولنا في البوست الأول أننا هنتكلم عن اللايحة التي تخص نظام كلينكال.

هنحاول بقدر الإمكان يكون البوست صغير 😂♥️

أول حاجة هنتكلم فيها سوا هي *الدرجة العلمية* 💁🏻‍♂️

⁃ الدرجة العلمية الي هتتخرج بيها هي.
بكالريوس الصيدلة ( pharm-D) (صيدلة إكلينكية)
⁃ بلقب دكتور صيدلي 👨‍⚕️

طيب ما تعرفنا شوية عن أقسام الكلية الي هناقبلها في الكلية 🌝

🔹عندنا في الكلية 8 أقسام دول الي هتمر بيهم طول فترة وجودك في الكلية.

⁃ قسم الكيمياء الصيدلية ( الأورجنك )
⁃ قسم الكيمياء التحليلة الصيدلية
⁃ قسم الكيمياء الحيوية
⁃ قسم العقاقير (ده قسم النباتات وكل اللي هتحبه هتلاقيه)
⁃ قسم الميكروبيولوجيا الصيدلية
⁃ قسم التكنولوجيا الصيدلية ( السيوتكس )
⁃ قسم الأدوية و السموم ( الفارما )
⁃ قسم الصيدلة الإكلينيكة

🔸مدة الدراسة عندنا هي خمس سنوات بالأضافة إلي سنة سادسة
الي هي سنة الأمتياز و دي بتكون سنة تدريب

🔹كل سنة متقسمة علي ترمين يعني هتعدي علي عشر ترمات في الكلية بالاضافة الي سنة الأمتياز

كل ترم منفصل ماقسم لفترات زمنية ( ١٧ أسبوع دراسي )
الاسبوع الأول :- تسجيل المواد
١٤ أسبوع دراسي بيكون فيهم فترات دراسة و فترات أمتحانات
امتحان الشيت بيكون بعد الاسبوع السادس من الدراسه و دا بيكون اسبوع كامل بعده بيتم استكمال شرح المقررات و امتحانات العملي
اخر ٤ أسابيع بيكونوا امتحانات الفاينال 😂♥️

دا فيما يخص الفصول الدراسيه العادية الي هما الفصل الربيعي و الفصل الخريفي

اما بخصوص الفصل الصيفي أو السمر كورس
دا بيكون سبع أسابيع عبارة عن دراسه مكثفة في شرح العملي و النظري مع وجود أمتحان شيت و فاينل و عملي علي فترات بين الاسبوع التالت و الخامس و السابع

استنونا في بوست جاي عشان نكمل معاكم بقيت الكلام عن اللايحة و كل ما يخصها 😂♥️

أهلًا ومرحبًا بكم في صيدلة طنطا 😂✨

خلصنا ثانوية عامة الحمد لله وجبنا مجموع حلو و دخلنا كلية صيدلة ♥️
و قررنا أننا ندخل صيدلة إكلينيكية و سألنا و عرفنا عنها حاجات كتير

⁃ جاه الوقت الي هنعرف فيه أحنا هنعمل أي طول فترة تواجدنا في المكان دا لأن لكل مكان نظام فلازم نعرف اي النظام الي موجود في صيدلة إكلينيكة جامعة طنطا

هنتكلم عن حاجات بسيطة هي بس توضيح للنظام دا و الي هتمشي عليه طول فترة وجودك في الكلية .

هنتكلم عن حاجات مهمة زي
⁃ الأقسام الي هنقابلها في الكلية
⁃ الدرجة العلمية الي هنتخرج بيها في الأخر
⁃ مدة الدراسه و نظامها و متقسمة ازاي
⁃ السمر كورس
⁃ الساعة المعتمدة و المتطلبات الدراسية
⁃ متطلبات التخرج و العبئ الدراسي
⁃ الارشاد الاكاديمي و الامتحانات و التقيم
⁃ هنتلكم عن المشاكل الي ممكن تقابلنا و ازاي نحلها

لو عايز تفهم كل دا تابعنا اول باول ولو أحتجت اي حاجة اسألنا في اي وقت ♥️

♥️
♥️

الجدول الدراسي لجميع مستويات صيدله طنطا كلينكال - الترم الاول ❤️💪

تتقدم اسره هلبرز بخالص التهاني القلبية للدكتور فتوح راشد منصور الأستاذ المساعد بقسم الكيمياء التحليلية الصيدلية بالكلية لحصول سيادته على جائزة الدولة التشجيعية لعام ٢٠٢٠