Shimaa Alakhder شيماء الأخضر

10/05/2026

ما قالش كلوا نوتيلا صبح وليل يعني ولا قال إغطسوا في برطمان المربى
بالعكس هو شجع ع الصيام و تقليل الأكل

14/04/2026

كان معايا مبلغ ، نويت أروح اتبرع بيه فى مستشفى أبو الريش للأطفال ، وأول ما وصلت بتاع الأمن بقوله: عاوز أتبرع ، جرى جابلى كرسى ، وكان ناقص يشيلنى ، قعدت على جنب بالكرسى ..
شفت طفل متكفن ، ييجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروباص هنتصرف ونيجى ، وفضلوا يجروا فى الشارع ورا الموتوسيكل ، إللى هو مفيش تاكسى ياخدوا ابنهم فيه ، مش معاهم فلوس ..

وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة عمرها ييجى ١٢ سنة ..

قالتلى: ده كان داخل على رجله ، واتوفى ، مامته كانت بتقول كده وهى بتصرخ ..

لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى ..

أى وقت بالليل تعدى جنب سور المستشفى ، هتلاقوا ناس نايمة فى الشارع ؛ دول أهل الأطفال إللى جوه مش معاهم إمكانيات يأجروا مكان يباتوا فيه ؛ فبيناموا في الشارع

وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل ..

دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة ..

أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن ..

طفلة عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم ..

طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات ..

وحالات كتيييييير مش قادر أوصفها ، بس دول اللى فاكرهم ..

المستشفى فيها أورام وقلب مفتوح وفشل كلوى ،

فبقوله: يا فندم ليه مش عامليين دعايات ؟!

قال لى: احنا مش معانا نصرف على الدعايات ..

التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟

أو تعين أسر فقيرة مش لاقية تاكل ، وليها حالات عندهم ..

فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين فى الشارع ، عشان لو حصل حاجة محدش هيعرف يوصلهم ..

أى جنيه بتدفعوا بيبعتوا عالواتس صورة بالفاتورة ،

الراجل قال: إحنا هنا بفضل ربنا ، وتبرعاتكم هى إللى ساندانا ..

انا مكنتش ناوى خااااالص أقول لحد ، بس بعد اللى شفته بعينى ، وقد إيه الناس دى محتاجة ومحدش يعرف عنهم حاجة ..

دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكى جنبهم ..

حمدت ربنا على كل نعمة مش حاسين بيها ، وإن الحمد لله أولادى كويسين ..

ربنا يجيرهم فى مصائبهم ..

لو كل واحد فينا أقل الايمان ، خد خمسين جنيه وراح هناك ، أقسم بالله ممكن تنقذ طفل ،

احنا بنشترى تفاهات كل يوم ، وكولا وشيبسى وشوكولاته وبناكل بأكتر من كده ، أكننا مش هناكل من بره يوم ..

ممكن كل كام واحد أو واحدة وصحابهم ، يلموا من بعض ويتصدقوا كل شهر هناك ، وخلوا كل مرة نية حلوة للصدقة الجميلة دى ..

مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما ..

طولت عليكم وياريت تعملوا شير ؛ عشان الكل يشوفوا

إبدأ بنفسك وساعد غيرك ..

مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج ..

إللى عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الإجتماعى وفيه وسيلة سهلة للتبرع عن طريق خدمة فورى ..

المستشفى معندهاش فلوس ؛ علشان تعمل دعاية زى مستشفى 57 أو مجدى يعقوب ، فخلينا احنا نبقى الدعاية بتاعتها ......

شير فى الخير ..

عايزين نشير علشان الناس تساعد ....

والخير دوار ... شير فى الخير

دعوة للتبرع لمستشفى أبو الريش للأطفال ..

ربنا يتقبل ..

لا تستصغروا فعل الخير .. فربما كانت هى المنجية ..

( على فكرة احنا نقدر نعمل احسن اعلان للمستشفى دى نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدرهم ويساعدوا فى إنقاذ طفل بيصارع الموت بسبب نقص الدواء وقلة الغذاء)
#منقول

18/02/2026

05/01/2026

أكيد كلنا بنعمل مكالمة تليفون كدا يومياً أو في أغلب الأيام
لحد بقى من الأهل ممكن تبقى مكالمه للأم أو الأب وحد من إخواتنا💕
بنكون عايزين نطمن عليهم .. نحكي..نفضفض..نسمعهم..نشاركهم أحداث حياتنا وحياتهم❤️
أيه رأيكوا مكالمة النهاردة تكون بنية صلة الرحم حتى لو هي مكالمة معتاده ☺️
تعالوا نجدد النية قبل الإتصال ونطلب من ربنا الأجر 😍

31/12/2025

صباح النور 🌤️
صباح الأمل اللي بيخلّينا نكمل،
والتفاؤل اللي يهوّن الطريق،
والسعي ولو بخطوات بسيطة 🤍.. المهم البركة ...
ربنا يجعل يومك خفيف على القلب، مليان طمأنينة وإنجاز،
وكل خطوة فيه أقرب للي نفسك فيه ✨