STEMPire

ازيكوا يا شباب عاملين ايه🥰
البوست ده فيه نصايح مهمه جدا وايه اهم الحاجات اللي تعملها في الكام يوم اللي قبل الامتحان وفيه نصايح برضو تعمل ايه ليلة الامتحان واثناء الامتحان وبعد ما تخلص الامتحان🫠
▫️اول حاجه تعملها الكام يوم دول هي انك متشتتش نفسك بجروبات الراغبين والكلام المحبط في الوقت ده وادخل بس علي Media جروب الراغبين وشوف الاسئله المهمه وجروب ال discussion شوف الاسئله اللي في ال Media برضو
▫️تاني حاجه هي تنظيم الوقت دلوقتي احنا عندنا اربع فروع ( Math - Science- IQ - English )
اول حاجه بالنسبه للرياضيات | Math : اسئله الهندسه بتيجي اكتر من اسئله الجبر ف راجع علي القوانين وخصوصا الدواير والمثلثات
العلوم | science: تراجع علي اجهزه الجسم (body systems) و التفاعلات الكيميائية (chemical reactions) و قوانين الphysics
English : راجع على الجرامر وحل passages
IQ : حل من كتاب الدليل وملازم السفير
ومهم طبعا انك تشوف الفيديوز اللي على ال channel بتاعتنا وان شاء الله هتلملك حاجه 🤩
________________________________
*نصايح بقى ليلة الامتحان*
1- تنام بدري وبلاش تسهر عشان تكون مركز في الامتحان وتكون قبليها مجمع كل الحاجات اللي عايز تراجع عليها في notebook او اسكتش
2- تصحى بدري وتفطر قبل ما تنزل وتروح قبل الامتحان بوقت كفايه عشان متكونش مستعجل ومتوتر
3- اتأكد ان معاك كل الاوراق المطلوبة عشان تخش الامتحان
4- تاخد معاك مرايه وروق فلوسكاب عشان تحل فيها مسائل الماث وتجرب فيها اسئله الIQ (زي اسئله المكعبات)
5- تاخد معاك كل ادواتك قلم والمسطره والمنقله والجومه والآله الحاسبه
6- ممنوع الدخول بالفون ولو دخلوك بيه مينفعش تطلعه في الامتحان خالص
_________________________________
*نصائح اثناء الامتحان*
1- الامتحان بيكون توتال الوقت ساعتين ونص او 3 ساعات بيكون في تقريبا ٥ دقايق بين كل امتحان بلاش تراجع فيهم اي سؤال في اي ماده في الوقت عشان عشان هتوتر نفسك علي الفاضي
2- الامتحان بيكون علي الكمبيوتر لو السيستم وقع وده متوقع يحصل بلاش توتر نفسك قول لمراقب اللجنه وهما بيخلوك تعيد الماده اللي السيستم وقع فيها دي في نفس اليوم او يوم تاني
3- لو حصل موضوع السيستم مع اي حد من زمايلك في اللجنه ملكش دعوه وبلاش تشتت نفسك
4- حاول علي قد ما تقدر تستغل وقت الامتحان كله والسؤال اللي مش عارفه اكتب رقمه في ورقه معاك عشان ترجعله تاني لما تخلص
5- ركز اوي مع ال timer بتاع كل ماده واول ما تلاقي فاضل في رينج 5 دقايق والامتحان يخلص رندم الاسئله اللي بقيالك وابدأ اقرى كل واحد تاني وحله براحه عشان لو حصل ووقت الامتحان خلص متكونش في اسئله مش محلوله
6- بلاش تبدأ بماده تقيله زي الماث عشان غالبا اسئلتها مبتكونش لطيفه ف هتوتر نفسك من اولها علي الفاضي والاحسن تبدأ بماده حلوه وبتحبها بعدين ماده تقيله
________________________________
*نصائح بعد الامتحان*
1- بلااااااااش تراجع مع اي حد عشان انت كده هضايق نفسك علي مفيش ومش هيكون بإيدك تغير اي اجابه انت عملت اللي عليك سيب الباقي علي ربنا
2-ارجع نام كده وخدلك بريك حلو لحد ما النتيجه تظهر
3- مستعجلش على النتيجه هي بتاخد علي الاقل اسبوعين
4- ابدأ في دروس عام عادي عشان لو محصلش نصيب في ستيم
وبس كده دي كانت شويه نصايح مهمه اتمني تقروها كويس وتعملوا بيها واعملوا منشن لصحابكم عشان يستفادوا برضو ،، ربنا معاكم يا شباب🫡❤️
لينك جروب ال Discussion

https://chat.whatsapp.com/KJ2w8cFtQDpILkuMeyBnqC

لينك جروب ال Announces

https://chat.whatsapp.com/DDtRBOFLJia4f8a9xsA0cD

STEMPIRE Discussion WhatsApp Group Invite

اهلا بيكم يا شباب🥰

حابين نعرفكم ان فيه كنز "الدرايف" اللي هيجبلكم بإذن الله اختبار القبول في شوال😉

🔸 دلوقتي كلنا عارفين ان فاضل تقريبا شهر علي اختبار القبول وفي كتير مش بياخدوا كورسات وفي اللي لسه مبدأش واللي مكسل واللي مش لاقي مصدر ف الدرايف ده هيحل كل حاجه ان شاء الله 😇

🔹 الدرايف ده فيه قنوات يوتيوب بتشرح جميع فروع اختبار القبول
( علوم "science” - رياضيات "math” - English - IQ )

🔹 تاني حاجه عندنا هي *الحاجه اللي مينفعش تدخل امتحان القبول من غيرها* وهي ملازم سفير التفوق دي اساسيه معانا سواء هناخد الكورس او لا

🔹 وهتلاقي جواها ملازم الاسئله في فولدر والanswers في فولدر

🔹 هتلاقي فولدرين فيهم اسأله من امتحانات قبول كتير جدا ياريت تحلوها عشان تكتسبوا افكار جديده وخصوصا يا شباب الIQ محتاج حل كتير جدا جدا 💪🏻

🔹في فايل اسمه Extra وده اساسيات الجبر والهندسه وشويه قوانين برضو مهمه ولامم برضه جرامر الانجلش

قدامك وقت كويس تبدأ وتنجز فيه قبل الامتحان ،، وبس كده ربنا معاكم يا شباب🥰
لينك الدرايف اهو :
https://drive.google.com/drive/folders/16IS8SXj9vtYyp7-mHBaPzWpeaXen6bYg
لينك جروب ال Announce اللي بينزل عليه كل جديد

https://chat.whatsapp.com/EKTpv4LIAA9KDLAktwdXxs

و متنساش تدخل جروب الdisscusion لو مفهمتش حاجه أو عاوز تسألنا علي حاجه https://chat.whatsapp.com/Cx4cCWubAn61LGe1BEPIj3

ازيكوا يا شباب عاملين إيه
لو انت لسه مبدأتش مذاكره لاختبار القبول ومعندكش وقت تشترك في كورسات وتشوف محاضرات بال٦ ساعات وعايزه حاجه تكون لامه كله في وقت صغير ويديك فرصه اكبر للحل او لو انت ضايع في الساينس ومش عارف تذاكر او تبدأ منين كورس STEMPire بيوفرلك محاضرات شرح وحل لكل فروع اختبار القبول مجانا علي اليوتيوب ودلوقتي تاني محاضره ساينس نزلت تقدر تشوفها وتشوف باقي المحاضرات اللي نزلت بجد لامه كتير ومهمه جدا 🥰🫵🏻
Science(2) يلا أدخل عليه
https://youtu.be/fa6ZDB5rlKM
لينك جروب ال Announce اللي بينزل عليه كل جديد

https://chat.whatsapp.com/EKTpv4LIAA9KDLAktwdXxs

و متنساش تدخل جروب الdisscusion لو مفهمتش حاجه أو عاوز تسألنا علي حاجه https://chat.whatsapp.com/Cx4cCWubAn61LGe1BEPIj3

STEMPIRE Discussion WhatsApp Group Invite

ازيكم يا شباب بما ان التقديم فتح امبارح حابين نعرفكم كل حاجه خاصه بالتقديم كده من الاول خالص واي الاوراق المطلوبه وخطوات التقديم الالكتروني والشروط و ترتيب الرغبات وكل ده 🫠🫠
اول حاجه كده انت عندك التقديم ليه مرحلتين
1- التقديم علي اختبار القبول ( وده اللي هنتكلم عنه دلوقتي )
2- التقديم علي المدرسه بعد ما تتقبل ان شاء الله
اول حاجه ايه هي الشروط عشان تدخل امتحان القبول اصلا ؟🤔
- اول حاجه كده لازم تكون معاك شهاده اتمام المرحله الاعداديه من السنه دي ( يعني مينفعش تكون في اولي ثانوي وعايز تحول ستيم السنادي وانت جايب مجموعها من السنه اللي فاتت ❌ )
- انك تكون مصري الجنسيه
- او مصري عايش بالخارج وبعدين تعمل معادله من الادارة العامه للامتحانات
- ولو انت ازهر تقدر تقدم عادي بشرط موافقه من الازهر
_____شروط التقديم طبعا اتغيرت وهتكون كالآتي________
جايب ٩٨٪؜ ومش مقفل اي ماده او ٩٥٪؜ ومقفل ماده من ( English - Math - Science)
طيب اي بقي الاوراق المطلوبه ؟🤷🏻
١- صورتين ٤*٦
٢- صوره طبق الاصل للشهاده الاعداديه / أو بيان نجاح ( بتجيبها من المدرسه الاعداديه )
٣- صوره طبق الاصل من شهاده الميلاد (بتجيبها من السجل المدني) ومُهممممم يكون عليها ختم النسر
٤- ايصال رسوم امتحان القبول ، بتدفع ٢٥٠ جنيه علي صندوق دعم وتمويل المشروعات التعليميه
****التقديم الالكتروني****
يا شباب مهم جدا جدا محدش يقدم حالااا لسه قدامك وقت لحد ٢٥\٧ بلاش نستعجل عشان منرجعش نندم ،، السيستم بيعلق كتير وبيحصل فيه مشاكل في اول كام يوم من فتح الموقع🙅🏻⚠️⚠️
المهم يا شباب اول ما تفتحوا الموقع بتكتبوا المديريه اللي واخدين منها الشهاده الاعداديه ورقم جلوسك وتدوس تسجيل دخول هتطلعلك بياناتك لازم تتأكد ان كلها صح وتبدأ بقي تدخل بياناتك انت ولغه الاختبار ( عربي - لغات )
بس خليك عارف ان كده كده ال IQ بيكون عربي سواء اختارت عربي او لغات🫠
وتبدأ تحدد رغباتك "من الأقرب للأبعد"
( وبالمناسبه في مدرسه جديده فتحت في اكتوبر ودي ولاد وبنات )
وبعد ما تخلص الاستماره بتروح تطبعها وتخلي ولي الامر يوقع عليها
وتاخد الورق بقي وتوديه للإداره التعليمه هي تراجع الورق وتقدمه بنفسها وكده انت دورك انتهي🫡
بالنسبه للمصروفات هي اتغيرت السنادي وزادت للأسف 🤦🏻
بقت ٥٠٠٠ للمدارس الحكومي
والمدارس الخاص نفس اللي كنت بتدفعه
وال international بتدفع ٣٠,٠٠٠ جنيه
بالنسبه لامتحان القبول هيكون مفتوح من ٨/١٢ لحد ٨/١٥ ومكان الامتحان بيبعتولك مع رقم جلوسك وغالبا بيكون في مركز التطوير التكنولوجي التابع للمديريه .
وبس كده يا شباب وتحذير تاني محدش يقدم دلوقتي علي الموقع ابدأ بس في تحضير الورق وقدم في ثانوي عام برضه عادي جدا عشان لو محصلش نصيب في ستيم وبس كده بالتوفيق يا شباب🫡❤️

ممنوعااااات🔥
يا شباب English (2) نزلت.
https://youtu.be/6Si9HXGzGX8. : اللينك
يلا ادخلوا شوفوها هتفيدكوا كتير في الGrammer موجود فيها كل الأزمنة ولو لسه مشوفتش English (1) أدخل شوفها لسه في وقت https://youtu.be/Vr_R1Sp6LZA


#ستيم

STEM preparation : English (2) | ستيم لينك بيدج الفيسبوك: https://shorturl.at/arO79لينك جروب الراغبين: https://shorturl.at/nvxC8الجروب دا معمول للنقاش في اي حاجة تخص مدارس STEM والتقديم فيها وا...

منموعااااااات🔥
السيشن التاني ل الiq في افكار جديده يشباب 😘
لينك الفديو : https://youtu.be/NrtNQOI9Vto
#ستيم


#ستيمباير

منموعااااااات🔥
as we promised you🥰
Here the first English Lecture for preparing you to STEM acceptance tests 😉
#ستيم


#ستيمباير

STEM preparations : English (1) || ستيم لينك بيدج الفيسبوك: https://shorturl.at/arO79لينك جروب الراغبين: https://shorturl.at/nvxC8الجروب دا معمول للنقاش في اي حاجة تخص مدارس STEM والتقديم فيها وا...

زي ما وعدناكم STEMPire يبدأ أولي فعالياته بال IQ Session الفيديو نزل علي اليوتيوب و اللينك اهو 👇🏻
https://youtu.be/elgnxmY_4mg
و عشان تكون متابع كل الSessions ده لينك الجروب بتاعنا بنتكلم فيه معاكم و لو حد مش فاهم حاجه بنرد عليه لينك الجروب أهو https://chat.whatsapp.com/EKTpv4LIAA9KDLAktwdXxs
متنساش بقا ال Follow و ال like الجميل بتاعك.

#ستيم


#ستيمباير

STEM preparations : IQ (1) || ستيم لينك بيدج الفيسبوك: https://www.facebook.com/profile.php?id=100092853353795لينك جروب الراغبين: https://chat.whatsapp.com/EKTpv4LIAA9KDLAktwdXxsادمنز الجروب م...

مبروك لكل الطلاب الي جابو شروط دخول اختبارات القبول لSTEM🥰
اختبارات القبول بتكون مكونه من اربع اختبارات Math , Science, English and IQ تيم STEMPIRE هيقدم سيشنات ل الاربع فروع دول وفي ماتيريالز بعد كل سيشن حل علي اللي اخدناه علشان نتأكد من ثبات المعلومه
وكل دا هيكون for free🥳