Menna abogazya متخصصة في الأرشاد الأسري والصحه النفسيه

لو الرجالة يعرفوا قد إيه الستات محتاجة تحس بالأمان والاحتواء والطمأنينة والراحة والونس، كانوا عرفوا إن دي أغلى حاجة ممكن يقدموها للست.

لما الحاجات دي تغيب، الست بتتبهدل نفسيًا، وبتدخل في دوامة تعب مش بسيط. أصلها أصلاً دخلت العلاقة وبقت شريكة حياة علشان تحس بالمشاعر دي… لأنها الأساس اللي بيخلي ليك قيمة في قلبها، وصورة محترمة في عقلها.

الحاجات دي هي اللي بتخليها تديك قلبها وثقتها من غير ما تتردد أو تخاف. هي اللي بتدي لوجودك طعم، وبتخليك أنت مركز عالمها.

واللي مش فاهم ده، ولا بيحاول يحققه، بيخسر تأثيره الكبير عليها… لأن تَوفّر الحاجات دي بيمثل 80% من السبب اللي بيخليك محافظ على مكانتك جواها.

هنا الزاهد طالعه بتمثل شخصيه بتخاف من الفقد وأثر عليها كتير في العلاقات اللي دخلت فيها لما كبرت
لدرجه لما جوزها اللي بتحبه قرر يسيبها ق..ت..لته
ولماراحت ل دكتوره نفسيه والدكتوره شافت أنها خطر علي نفسها واللي حواليها وهنا حست بالخطر منها راحت ارتبطت ب ابن الدكتوره الوحيد علشان تنتقم
وكل ده بسبب حاجات كتير حصلت في الطفوله
مسلسل بيسلط الضوء علي اضطرابات نفسية كتير

عكازك في الحياة هي " زوجتك "
أبناءك سوف يبتعدون عنك يوما ما، منهم من سيسافر ومن سيتزوج ..
الدنيا ستاخذهم أخذاً ولن يضل معك لآخر الرحلة سوى زوجتك، زوجتك هي اللي ستتكئ على كتفها عندما تتعب أو تمرض أو تشيخ، لا أخ سينفعك ولا اخت ستبكي عليك..
كل في تخبطات حياته مشغول ..
فأحسنوا العشرة بينكم وتجاوزوا كل المصاعب والطفوا ببعض وعاملوا بعضكم بالحسنى .

الست بتتجوز عشان تلاقي السكن و المودة و الرحمة🙂
ولو ملقتهمش هتعيش تعيسة حتى لو عايشة في قصر !🙂
في رجالة لما زوجاتهم يشتكوا يقولولك ما هي بتاكل
و بتشرب و عايشة حلواعملها ايه تاني؟🙂
انت لما بتأكلها و بتشربها فده حقها عليك مش فضل منك تذلها بيه كل شوية !
مراتك مش جاية تعيش معاك بلقمتها!!!!!
مراتك ممكن تسيب عشانك بلدها و شغلها و بتتغرب علشانك انت وعيالك
وهي راضية عشان تبقي جنبك..
دورك تبقي اهلها.. سندها.. حبيبها🙂
عشان هي لما سابت اهلها اتعشمت انك هتكون كده
و آمنت انك كل حاجة في دنيتها.....
الراجل لو عرف ازاي يحترم مراته..وعرف ازاي
يحتويها..ويحسسها بكيانها..
والله كل زوج هيبقى سعيد مع مراته..

معلش الواحده مش بتطلب الطلاق الا لما تلاقي حقها
في الراجل اللي اختارته دونا عن الناس ضايع....
المرأه محتاجه حب اهتمام احتواء سند خد رأيها اتكلم
معاه ما تحاولش تقلل من شأنها..
للأسف الإنسان مش بيحس بقيمة الحاجة إلا لما تضيع منه...
من خسر حب امرأه مخلصه خسر حياته كلها..
ياريت كل واحد يفهم ويتعلم أخلاق سيدنا محمد صلى
الله عليه وسلم ...استوصوا بالنساء خيرا ...
ياريت نراعي ربنا ونتقي ربنا فيهم
سألوا الشيخ الشعراوي بماذا نصحت ابنك حين تزوج
قال يابني هذه المرأة تركت الأب والأم والأخ والأخت
وجاءت لتكون لك وحدك فكن لها كل هؤلاء !!
#منه أبوجازيه

‏"الإهتِمام و التَقدير و المودة و الرحمَة .. تخلق مشاعر فوق المشاعر الجميلة اللهُم اجعل قلوبنا و بيوتنا دائمًا و أبدًا مليئة بها"

سيكولوجية المرأة بأسلوب بسيط وعفوي:

الست كائن حساس بطبعه، بتميل إنها تعبر عن مشاعرها بالكلام والتصرفات أكتر من إنها تكتمها.
لما تكون متضايقة أو عندها مشكلة، مش دايماً بتدور على حل سريع، لكنها بتحتاج حد يسمعها، يحس بيها، ويتفهم اللي بتمر بيه.
عشان كده أهم حاجة تعملها لما تلاحظ إنها مضايقة هي إنك تسمعها بتركيز من غير ما تقاطع أو تحاول تحل المشكلة فوراً. أحياناً كل اللي بتحتاجه هو حضن دافي وكلمة "أنا معاكي".

• التعبير عن الحب:

المرأة بتحب تحس إنها مهمة ومقدَّرة في حياة شريكها. التعبير عن الحب بالنسبالها مش مجرد كلمة "بحبك" بتتقال، لكن في تفاصيل بسيطة زي اهتمامك بيها، مساعدتها في حاجات صغيرة، أو حتى مفاجأة بسيطة تبين إنك فاكرها. الحاجات دي بتسيب أثر كبير عندها.

• الثقة والتقدير:

الست بتحب تحس إنك واثق فيها وفي اختياراتها.
لما تاخد رأيها في حاجة، ده بيديها إحساس إنها جزء مهم من حياتك وإن رأيها ليه قيمة.
في المقابل، لما تحس إنك بتقلل منها أو بتنتقدها كتير، ده بيجرحها جداً وبيخليها تفقد الأمان اللي بتدور عليه في علاقتها بيك.

• الإحتياج إلى الاهتمام:

المرأة بتحب تحس إنك مهتم بيها وبالتفاصيل الصغيرة اللي تخصها.
اسألها عن يومها، افتكر المناسبات اللي بتهمها، وماتنشغلش عنها لفترات طويلة.
بالنسبالها، الإهتمام هو العمود الفقري للعلاقة، ولما تحس إنك مشغول عنها باستمرار، ده بيخليها تفتكر إنها مش أولوية ليك.

• الرومانسية:

الرومانسية بالنسبة للمرأة مش مجرد كلمات حلوة، لكنها أفعال كمان.
حاجة بسيطة زي رسالة صباحية أو خروجة مفاجئة تفرق معاها جداً. الست بتحب تحس إنها مميزة ومحبوبة، ودي حاجات بسيطة لو عملتها بتديها إحساس بالسعادة والاستقرار.

• الاحتياج إلى الأمان:

الأمان بالنسبة للمرأة مش بس مادي، لكنه عاطفي كمان. لما تحس إنك دايماً جنبها، وإنك بتدعمها في كل الظروف، ده بيطمنها وبيخليها تديك أكتر من قلبها.
بالمقابل، لما تحس إنك بتتجاهل مشاعرها أو بتتخلى عنها في المواقف الصعبة، ده بيأثر على ثقتها فيك وفي العلاقة.

• التقدير:

المرأة بتحب تحس إن تعبها وتضحياتها متقدَّرة.
سواء كانت بتشتغل أو بتدير البيت، سماع كلمة "شكراً" أو "أنا مقدّر اللي بتعمليه" بيفرق معاها جداً.
التقدير بيخليها تحس إنها شريكة مهمة في حياتك، وإن وجودها بيصنع فرق.

• الاحتياج للإهتمام بنفسها:

المرأة بتحب تحس إنها جميلة وجذابة في عين شريكها.
لما تمدح مظهرها أو تهتم بتفاصيل زي تسريحة شعرها أو لبسها الجديد، ده بيزود ثقتها في نفسها وفيك.
الست الذكية بتعرف تهتم بنفسها علشان تحافظ على جاذبيتها، لكنها كمان بتحب تشوف منك إعجاب صريح وواضح.

• الدعم وقت الضغوط:

لما تكون مضغوطة أو حزينة، مش دايماً بتحتاج حلول، لكن بتحتاج إحساس إنك فاهمها ومتعاطف معاها.
كلمة "أنا مقدر اللي بتمري بيه" أو حتى وجودك جنبها بدون كلام بيعمل فرق كبير.

• في النهاية:

المرأة مش دايماً بتطلب حاجات كبيرة، لكنها بتدور على الحب، الاهتمام، والتقدير في تفاصيل صغيرة.
افهم طبيعتها، وادعمها، ودايماً خليها تحس إنها أولوية في حياتك، وهتلاقي منها حب ودعم أكبر مما تتخيل.

لو عجبك الكلام، اعمل متابعة وشير مع اللي يهمك ❤️

#منه أبوجازيه

بشوف كلمة بلاش تستسلم صعب في تطبيقها..صعب طول الوقت ابقي واقف ما استسلمش ..

لو هنتكلم في جملة واقعية
استسلم بس قوم تاني وحاول ..

بلاش تستسلم او اوعي تستسلم ( بتدي للشخص تفسير انك لو استسلمت يبقي انت ضعيف )

استسلم وقوم تاني ( بتدي للشخص قبول لضعفه آو كاني بقوله خد نفسك بس يلا قوم تاني )

#منه #أبوجزيه