M.r sabry

مين قالك ان دورك كولى أمر إنك تودى ابنك دروس وبس❌
دروس من غير متابعة منك = صفر.
دروس مع معلم غير متمكن= صفر.
دروس من غير ما تخلق دافع عند ابنك = صفر.
دروس من غير تحفيز وتشجيع دائم = صفر.

لو بتدور على المدرس اللى معاه العصا السحرية بدون اى مجهود منك، فابشر هتصرف فلوس لا حصر لها والمحصلة هتفضل صفر.

أسوأ نموذج بقابله على الاطلاق نموذج "بفلوسى".
ولى الأمر متخيل أن بالفلوس ابنه هيبقى خارق !! هيعمل إيه بقى المدرس مع ابنك اللى معندوش استعداد يفتح كتاب مع غياب المتابعة تماما منك!!

لو الفلوس هى المقياس كان زمان الطلاب اللى فى المدارس الخاصة خارقين.

أفضل طالب بقابله هو اللى بيكون عنده استعداد للتعلم وده طبعاً بيبقى بفضل أهله فشكراً بجد للناس دى حتى لو مستواه ضعيف بحب جداً اشتغل معاه وازود الدافع عنده.

المعادلة ببساطة
معلم متطور متمكن + ولى أمر واعى + طالب مهيئ للتعلم = طالب متفوق.♥️

الفترة دي فيه طلبه كتير بتحاول أنها تأجل الدراسة خالص أو تقسم السنة علي مرتين نصيحة من اخوكم الكبير انت مش حمل ضغط نفسي تاني و تعب اعصاب تاني ، ولا حمل انك تنزل دروس تاني في عز الشتا و السقعة و الحر ولا اهلك حمل أنهم يشيلوا معاك مسؤلية سنة تانيه من عمرك في ظل الظروف الراهنة اللي احنا فيها و انت مش حمل انك تشوف اصحابك بقوا في كليات و انت لسه طالب في ثانوية عامة
انت استحملت كتير اوي و باقي حاجات بسيطة خالص اوعي تأجل أو تفكر في التأجيل أو تقسيم السنة و خليك عارف انك بتسعي و النتائج علي ربنا سبحانه و تعالى ❤️

وانا مستني الطالب يخلص هبد في التسميع الشفوي

عشان اقوم ارنه علقة 😌

يُعجزك عن الحَل .. ثُم يُعجزك بالحَل ..

" قَدير ، قَادر ، مُقتدر " ❤️

في المراجعة محدش يمسكني
درس اي اللي أول مرة تشوفه يلاا 😂😂

حاول مرة كمان .. الحلم ملوش تاريخ صلاحية ❤️

بص ..

هي صعبة صعبة ، الشغل صعب ، و التعامل مع الناس صعب ، و إن الواحد يعمل فلوس صعب ، و الجواز صعب ، و إنك تصحي بدري كل يوم عشان دروس أو محاضرات أو شغل صعب ..

بس سيدنا عمر بن عبد العزيز قال جملة تكتب بماء الذهب ،
قال : لو أن الناس كلما استصعبوا أمرًا تركوه ، ما قام للناس دنيا ولا دين ..

فمينفعش نبطل نعمل حاجه ، أو نبطل نحاول عشان الحاجة دي صعبة ، لأن هي دي الدنيا ..

ربنا يسهّل ليا و ليكم كل صعب ..

أنا هسقط ❌
"قال ومن يقنط من رحمة ربه إلا الضالون"⁦✔️⁩

خايف الامتحان يجي صعب وهيضيع تعبي كله ❌
"وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون"⁦✔️⁩

أنا مهما عملت مش هنجح ،❌
"إنه لا ييأس من روح الله إلا القوم الكافرون" ✔️

طب أنا دلوقتي ذاكرت بس خايف ومش عارف أعمل ايه ❌
"وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون"✔️

خليك دايما مقتنع بإن "من توكل على الله فهو حسبه" وإنك مش محتاج تعمل أي حاجة غير إنك تاخد بالأسباب..
إنت كل حاجة بتحصل في حياتك ربنا كاتبها ومدبرها وما عليك بس غير إنك تسعى وتجتهد وحتى لو ربع اجتهاد وربنا هيقدر تعبك ويكرمك ⁦🖤

التفاؤل ربنا بيشيد بيه في آياته فمتهزرش كل شوية بكلمة أنا هسقط ، أنا هشيل المادة ، أنا مش هعدي السنة دي..
عشان اللي بيهزر بالبلاء ، البلاء بيصيبه ،
تفائل ، ثق في ربك ، توكل عليه وخش في أي حاجة وربنا هيكرمكً برضو
‌انت بس ثق وتوكل على الله وذاكر وأعمل الي عليك❤️
اخوكم مستر محمد صبري❤️

✨♥️