Mr-Abdullah Hwash

لاحظت في الفترة الأخير ...
بعض الجمل السلبية
“الجدول نزل ومش هلحق”
أو “بفكر أأجل السنة”
خلينا ناخدها واحدة واحدة
📌أولًا
نزول الجدول مش مفاجأة …
إنت من أول يوم عارف إنك في 3 ثانوي يعني في الآخر فيه امتحانات
طبيعي تحس برهبة، ده مفهوم
بس السؤال الأهم:
إنت خايف من الجدول…
ولا خايف على نفسك ومستقبلك؟
خايف على تعب أهلك طول السنة؟
على فلوسهم ومجهودهم عشان يوفرولك كل حاجة؟
📌ثانيًا
طب لو مذاكرتش طول السنة لأي سبب
هل في حل غير إنك تبدأ تذاكر؟
الإجابة لا
وهتقول مش هلحق
لا… هتلحق
لسه معاك وقت كبير جدا، بس محتاج تستغله صح
سيب الموبايل على قد ما تقدر الشهرين دول
امسك كل حاجة ناقصاك وابدأ فيها
اسمع وحل تاني بضمير، متكسلش
عافر شوية عشان نفسك
* اكون او لا أكون ..
دلوقتي مفيش رفاهية اختيار
يا تشتغل… يا تضيع
📌 ثالثًا (و دي أهم نقطة)
ظبط علاقتك بربنا
ادعي، صلي، قرب منه
وهتلاقي اللي يقولك
“جاي تفتكر ربنا عشان الامتحانات؟”
قوله أيوه
وخليها بداية إنك تقرب بجد
اطلب منه يثبتك ويوفقك
مش بس في السنة دي…
في حياتك كلها
📌 رابعًا
كل ما تتعب
افتكر نفسك وانت محقق حلمك
وحلم أهلك
أيوه الطريق صعب بس خلاص شارف ع الانتهاء
بس التعب دلوقتي مش هيخليك تتعب بعد كده في مكان أنت اخترته
مش مكان اتفرض عليك
وأخيرًا
شدوا حيلكوا
إحنا معاكوا وهنفضل ندعمكوا
ابدأ من دلوقتي صح لآخر يوم
عشان تقدر في الآخر تقول:
أنا عملت اللي عليا …
والباقي على ربنا 🤍

مواعيد التيرم الثاني كتامة ...

منعاً للقيل والقال
أنا قسم تربية فيزياء و كيمياء اه
اعرف ادرس العلوم المتكامله اه
وكله بفضل وعون من الله ...

لكن قولا واحدا
لن أتطرق الا لمنهجي وتخصصي فقط وهو (الكيمياء)
وبعدد حصص تناسب المنهج
يعني من الاخر لو جزء صغير هشرحه ف شهر او شهرين وشكرا ع كده وننتظر التفاصيل ف المنهج.