Carbridge Academy

22/03/2023

كل عام وانتم بخير بمناسبة حلول شهر رمضان المبارك اعاده الله عليكم بالخير واليمن والبركات 🤍🌙✨

16/03/2023

وُلِدَ الدكتور أحمد زويل في مدينة دمنهور عام 1946 ، ثم انتقل مع أسرته إلى مدينة دسوق بمحافظة كفر الشيخ.
التحق بكلية العلوم جامعة الإسكندرية ، وحصل على بكالوريوس العلوم في الكيمياء بدرجة امتياز مع مرتبة الشرف ثم حصل على درجة الماجستير في علم الضوء.
سافر إلى الولايات المتحدة و حصل على الدكتوراه من جامعة بنسلفانيا في علوم الليزر.
حصل على جائزة نوبل عن ابتكار الفمتوثانية ،
رحمه الله الدكتور أحمد زويل 🤍

25/02/2023

الشغل مبيستناش ! 🤔

عشان تقدم على وظيفة في مجالك ركز في الخطوات دي :

👈 افتح LinkedIn و شوف الشريكات الي تبع شغلك طلبين اى و قدم على كورسات و طور نفسك فيها و دا الي بنقدمهولك في Carbirde Academy

👈 اعمل لنفسك c.v قوي

👈 حاول تنزل اى تدريب ، ودا برضو بنوفرولك في الكورس بتاعنا

👈 اقرأ عن مجالك كتير جدا

و ان شاء الله هتلاقي فرص كتير توصلك للي انت عايزة ❤️

22/02/2023

الAI و علوم ؟! 🤔
محدش ينكر أن الذكاء الاصطناعي بقا متطور جدا ، و هيقعد ناس كتير في بيتهم ، بس علوم لا عارف ليه ؟
لان شغل علوم مش اى حد يعرف يعمله لازم تشتغل انت بعقلك انت و تفكيرك انت ،
بس ما انكرش أن قريب ممكن كل دا يتغير.. ، عشان كدة لازم تبقي على علم كامل بالتطورات الي بتحصل الايام دي و تحاول تتماشي معاها و متسبش حلمك

18/02/2023

إزاي تشتغل من غير واسطة ؟ 🤔

أول حاجة لازم تبقى عارف إنه فيه 4 طرق للتعيين لأى شركة أو مؤسسة مش من ضمنها الواسطة:
👈 التعيين من داخل الشركة – Internal Hiring:

حوالي 5% من التعيينات بتتم بالطريقة دي واللي بيحصل فيها إن الشركة بتعمل إعلان للموظفين بتوعها لو حد فيكم عنده المؤهلات الفلانية للوظيفة كذا يقدم عشان تديهم فرصة يطوّروا من نفسهم ويكبروا.

👈 البحث المباشر:
دي بقى بتمثل حوالي 10- 15% بيبدأ شارلوك هولمز الشركه المعروف بـ “الـHR “ يبحث بنفسه عن أشخاص عندهم مؤهلات للوظيفة المطلوبة سواء على مواقع التوظيف الكتيرة أو موقع LinkedIn الشهير أو في اللى كانوا باعتين الـCV بتاعهم قبل كده.
👈 الإعلانات:
اللي إحنا بشوفها بقى كل يوم دي في الجرايد ومواقع التوظيف وغيرها ودي كلها بتمثل من 20-30% بس.

👈 نيجى بقى لمرحلة الوحش :
شبكة العلاقات أو بنقول عليها الـNetworking ودي بتمثل حوالي من 60-65% من إجمالي التعيينات اللي بتم في معظم الشركات.

مبدئيا لازم نفرّق بينها وبين الواسطة اللى بتبقى مش معتمدة على الكفاءة وبيبقى فيها فساد ... في الـNetworking اللي بيحصل إن شخص في دايرة علاقاتك بيشوفك كفء للوظيفة الفلانية لأنه اشتغل معاك وعارف قدراتك فبيرشحك للمدير ، وبرضه المدير هو اللى هيوافق أو لأ.

الـ Networking بتكون معتمدة أساسًا على المهارات الاجتماعية ليك والاحترافية في التعامل مع الأخرين.
الـ Good Connection إنك تبقى عارف أشخاص ومعارف فى المجال بتاعك ومجالات تانية كمان.
الـ Bad Connection إنك تعرف الناس بس عشان مصلحتك ، وتكون أناني ومستغّل للى قدامك.
على عكس ال Good one فأنت بتتعرف على ناس وتشوف تقدر تتعاون معاهم إزاى ، وأكيد كل الناس عاوزة تفيد وتستفيد فزىّ ما بتطلب خدمات المفروض تقدّم خدمات فى المقابل.
الـ Networking مهارة مش هتتعلمها ألا بالممارسة.
Network everywhere سواء فى أى ايفينت تحضره أو عمل طلابي أو مؤتمر أو على النت أو فى أى عمل تطوّعي.
مهم تعمل Personal Branding أو تسويق لنفسك ويبقى فيه ناس كتيرة خاصة اللي في مجالك عارفين إنك شاطر ومن أفضل الناس في المجال ده.
Always ask for information and never ask for a position or a job لأنه لو شايفك أصلًا تستحق الوظيفة هيرشحك ليها من غير ما تطلب
متبقاش زنّان فى طلبك.
خليك واثق فى نفسك إنت مش بتشحت.
لو مساعدته وصلتك للي أنت عاوزه: لازم تحط فى اعتبارك إنهم مش مجرد مرحلة عابرة فى حياتك وطالما خلّصت مصلحتك منهم تختفى وخلاص ، دى عملية مستمرة طول الـ career بتاعتك ، ويا عالم هتحتاجهم إمتى تانى ، مينفعش تختفى مرة واحدة ، وفجأة تظهر لما تكون محتاج حاجة (متبقاش شبح) .

ها عرفت هتعمل إيه ولا لسه؟ 🥰
مستنيين ردودكم ، دى مجرد وجه نظر.

15/02/2023

🟢 سألوني عن كلية العلوم فأجبت .. 👇
📌 اولا
العلميين قوة كبيرة جدا 500 الف عالم مصري بدرجات علمية و تخصصية عالية الدقة الدولة مرتكزة عليهم بشكل اساسي بس ما حدش حاسس بيهم او مشاكلهم نقدر نقول ان مفاتيح البلد و كل الخدمات في ايدينا بس احنا زي الترس ما بنقفش و بنقدم مصالح الناس و البلد على مصالحنا و ما بنعيطش من سوء الاحوال ... الدولة صهينت على تكليفنا وشغالين ما بتديناش حققنا في اجور محترمة وشغالين بتقدم عليك مهني اقل منك علميا وشغالين وشايلين كمان المهنيين ومن كثر تواضعنا بقا المهني يظن انه اقوى منك بلد جاهلة بعيد عنك.

📌 ثانيا
تربيتنا في كلية العلوم بتقوم بتهذيبنا وتكوين شخصيية مسؤولة نتفوق في دا بمراحل على خريجي الكليات العسكرية. 500 الف علمي والاف التخصصات و في كل المجالات و الدولة مش مقدرانا ليه؟؟ المهنيين بيسرقوا شغلنا و يقدموا نفسهم بلطجة زي ما الصيادلة و الاطباء حاليا بيطردونا في القوانين جهارا نهارا من شغلنا الاساسي واللي هو مش شغلهم اصلا.

📌 ثالثا
طبيعة العمل: احنا الوحيدين اصحاب الحق و الاختصاص في ابداء الراي العلمي في تخصصاتنا و بالرغم من دا الا انه للاسف المهنيين بيفتوا في شغلنا و بيعتبرونا بنساعدهم و دا اسباب المستوى التعليمي المتخلف اللي بيظن فيه نصف المتعلم انه تفوق عليك في تخصصك لانه من صغره اتربى على مفهوم منافسة ثانوية عامة وكلية القمة (هو مش مقدر انه دخل كلية مهنية) يعني هو بيفهم في شغلته بس ولكن احنا بنفهم في العلم اللي يخليه يشتغل شغلته صح ونتفوق عليه فيه.

📌رابعا
التخصصية الدقيقة: طبعا الجهل المهني في الوقت الحالي بدا يبان جدا لضعف المستوى المهني ولان العلم كبر جدا وتطور تطور كبير جدا احنا كعلميين مثال حي على دا تلاقي الكيمياء العضوية لوحدها فيها يجي 100 تخصص فهتلاقي بعض التخصصات الدقيقة فيها تخصصات معقدة وادق فمبقاش المهني قادر ينافسنا فيها. للاهمية ما فيش حاجة احنا ما بندرسش فيها كل شيء واي شيء بندرسه من البنية تحت الذرية وحتى حدود الكون ... في مجموعة مهنية في مصر بيقولوا على نفسهم اطباء باين و بيقولك هما الوحيدين اللي بيدرسوا البني ادم؟؟ لا دي كذبة لان احنا و هما بنشترك في دراسة الانسان ... وكذلك في الصيادلة اللى بيقولوا احنا بتوع الدواء وبس لا احنا اهم واقوى منهم في تصميم و صناعة الدواء ودا في العالم كله صناعة وابحاث الدواء قائمة على التخصصية العالية لكليات العلوم ومهنتهم في صرف الدواء للمريض فقط ودا اللى اخدة منهم بتوع طب لما بقوا يكتبوا الدواء فى روشيتات دة طبعا بعد ما يتدربوا فى الصيدليات ... وكذلك البيطرين يقولك احنا بندرس الحيوان اركن جنب اخوك فوق في الصف انا لي الحق في دراسة الحيوان مش بس كدا الفلسسفة و الموسيقى و الادب و التاريخ لما يتعلق دا بذوق الانسان او تاثيره على سلوك الحيوان يبقا بتاعنا.

📌 خامسا
التميز: احنا الكلية الوحيدة اللي بتتفوق على اي كلية بمراحل في محتوى الدراسة العلمية وصعوبتها وتخصصها لذلك الخريج بتاعنا يتفوق عن خريج اي كلية مهنية حاصل على دكتوراة في تخصص مشابه من علوم ما بالك بقا لما طالب علوم بيعمل دراسات عليا.
كليات العلوم المصرية من اعظم مميزاتها انها اتبنت على استراتيجية تعليم قديمة و مش مصرية قائمة على تعليم جزء كبير من العلوم و تدريس تخصص واحد او اثنين فيتخرج خريج عارف جزء من العلوم في الكل ودا يديله قدرة على العمل في بيئات عمل مختلفة وقدرة على فهمها والابداع فيه وكمان تخصص دقيق هو قوي جدا فيه الوضع دا يناسب جدا جدا مصر والنظام دا ينجح في مصر علشان ما عندكش تواصل علمي ومنهجية عمل علمية تساعدك تقسم التخصصات دي مثال زي دراسة تكنولوجيا النانو منفردة دا يفشل في مصر وزي النظام الحديث في كلية زويل قائم شوية على المهنية انت بتدرس تكنولوجيا وتهتم جدا بيها على حساب المنهج العلمي فدا ما ينجحش غير في بيئة بحثية وبيقودها باحث من النظام اللي فوق فعندك امريكا فيها معهد ماساتشوتس لو دورت ففيه هتلاقية شغال كدة.
في نظم زي اللي موجودة في الدول العربية خلطة بين العلوم والتكنولوجيا ودا بيخرج خريج زي كليات العلوم التمهيدية بالخارج قبل ما تاخد بكالوريوس طب لازم تاخد بكالوريوس علوم ممهد لدراسة الطب دا مالوش قيمة علمية والخريج ضعيف علميا و لو حب يكمل في المسار العلمي بيدرس بعدها تخصص علمي من سنة لـ 3 سنوات أو يكمل طب 3 سنوات وفي في الدول العربية التخصصات العلمية المنفردة فقط و برده خريج متوحد النظرة ما يقدرش ينافس كويس .. فكلية العلوم في مصر من اقوى الكليات العلمية باستراتيجية قوية جدا ومنفردة.
📌 سادسا
الاعتراف الدولي: طبعا كلية العلوم تاخد شهادتها وتطلع تعادلها في اي مكان بالخارج بدون اي مجهود والمعادلات المهنية للعمل بمؤهل العلوم بالنسبة للخرج بتكون ببسيطة بخلاف مثلا لو حبيت تمارس الطب يرجعك في امريكا تدرس بكالوريوس علوم وتكمل انا اقرب اني اكون طبيب معترف بيه من الولايات المتحدة الامريكية من الطبيب المصري تخيل وكذلك الصيادلة بس ما بيرجعوش يدرسوا علوم بيدرسوا صيدلة.

📌 سابعا
التاريخ: مش هتكلم عن دكتور مشرفة و لا اي حد من العلماء المصريين انا هتكلم اننا كعلميين اسسنا الاقسام العلمية في كل الكليات المهنية دون استثناء و علشان كدة بقا لهم قيمة في وقتهم وكان دائما وابدا بيشار للمهني المصري في كل العالم ولكن لما المهني سرق مهنة العالم وافتكر ان بقا عنده علم وطرد العلميين فانحطت المهن للمستوى اللي احنا عايشينه.

14/02/2023

فرصة عمل لي خريجين علوم قسم الكيمياء و ميكرو ⬇️

13/02/2023

هو التقدير بيفرق في فرص العمل ؟
هقولك الإجابة ب أيوة و لا ..
طب لا امتي ؟!
لو انت لقيت شغل في مجالك و بدأت بدري في الكورسات و تطور من نفسك فخلاص اقدر اقولك الف مبروك انت بقا عندك خبرة لانك اشتغلت اصلا و ساعتها مش هيبقي للتقدير اهتمام كبير .
بس لو مشتغلتش و طورت من نفسك بس و اخدت كورسات ف ساعتها اقولك أيوة التقدير مهم جدا
و دا مش معنى تذاكر أو متذاكرش المذاكرة مهمه جدا طبعا.
متنساش كورساتنا قريب

11/02/2023

ازاي تستفيد من السفارة الأمريكية ف مصر؟ 🤔
انا اقولك بس انت عد معايا
👈 لو بتتعلم انجليزي وحابب تطبق عملي :
كل يوم أربعاء السفارة بتعمل محادثات مع ناس أمريكيين عن مواضيع مختلفة وأي حد يقدر يحضرها ببلاش بس بشرطين هنقولهم ف الآخر.
👈 فى الأيام العادية تقدر تروح وتعمل محادثة برضو مع ناس مصريين بس هتلاقي فيهم ناس جامدين جدا.
👈 زهقت من الكنبة والبلكونة والسرير ولعب البلايستيشن وحابب تتفرج ع افلام اجنبي بترجمة انجليزي وسماعات عالية آخر حاجة ، هتروح تلاقي الناس هناك عندها افلام اجنبي طازة وشاشات عالية تنين وسماعات وكدزة، وللأسف كمان ببلاش .
👈 عمرك ما لعبت ع الاكس بوكس وطول عمرك تسمع عنه بس زي حالاتي، هتلاقيه هناك وببلاش برضو.
👈 عندك بحث وعايز نت سريع ما يفقعكش، الناس هناك جايبين وصلة نت سريعة ( تقريباً شادين سلك من أمريكا) وشوية أجهزة apple على قدهم كدة، وعلى فكرة... ببلاش برضو .
👈 بما أن الناس هنا في تعداد المثقفين وممكن كتير يكون بيدور على كتب أدب انجليزي أو تاريخ أو اجتماع أو تنمية أو أي بتنجان، الليلة دي كلها هناك ببلاش، لا وايه كل الكتب اصلية.
👈 فاضي ومش وراك أي حاجة وعايز تلعب شوية انت واخوك أو انتي واختك ومش حابين الاكس بوكس، هتلاقي هناك طن العاب ذكاء وحروف متقاطعة وشوية العاب معرفتش حتى اسمها، وكله بالانجليزي.
👈 عايز تسمع محادثات انجليزي بهاند فري وجهاز audiobook مليان محادثات مختلفة، هتلاقيه هناك.
👈 طيب ليك ف جو الايفينتس والمحاضرات والاجتماعات ، هتلاقيه هناك محاضرات عن مختلف المواضيع من تعليم ف الخارج ومنح
خد التقيلة :
تقدر تستعير كتاب التحضير للتوفل TOEFL اللي هو مش عارف بكام ميت جنيه ومعاه الاسطوانة بتاعته كمان

10/02/2023

♥️

👈 عن فرص الشغل لخريجي كلية العلوم في مجال التغذية 🍱📝

بالنسبة للتغذية في جانبين أساسيين :
🟢 الجانب الأول :
هو أنه تكون مسئول عن فحص صحة وسلامة الأغذية الموجودة سواء في مصانع أو في منافذ البيع أو في الجمارك
ودا بيكون اسمه فحص جودة وسلامة الغذاء
والدبلومة بتتقدم هنا في طنطا لكل أقسام بيولوجي وتحديدا كيميا حيوي وكمان لقسم كيميا
هنا أنت بيكون كل دورك التأكيد أنه الأغذية اللي قي المكان دا صالحة للاستهلاك أو لا

ودا لينك فيه كل التفاصيل عند الدبلومة المقدمة في علوم طنطا 👇
https://sci.tanta.edu.eg/News_Details.aspx?new_id=5f01a70d-57bd-406f-9184-9cae5fe8c64a

🟢 الجانب التاني :
في التغذية العلاجية ودي موجودة لأقسام كيميا حيوي وبتتقدم في جامعة عين شمس بنات (وفي أكتر من مكان تانيين بيقدمهم كنا اتكلمنا عنهم في البوست المثبت في تعليق بيسأل عن التغذية)
هنا بيكون دورك تحدد نظام تغذية مناسب للمرضى أو للأشخاص الأصحاء اللي حابين يحافظوا على وزنهم أو يتبعوا نمط غذائي سليم

فتح باب التقديم في برنامج " دبلوم كيمياء الغذاء والتغذية "بنظام الساعات المعتمدة لطلاب الدراسات العليا بعلوم طنطا

تعلن إدارة الدراسات العليا والبحوث بكلية العلوم جامعة طنطا عن فتح باب التقديم في برنامج " دبلوم كيمياء الغذاء والتغذية "بنظام الساعات المعتمدة لطلاب الدراسات العليا وذلك لمدة شهر من الآن .......

لمزيد من التفاصيل اضغط على الرابط التالي:
👇👇👇
https://sci.tanta.edu.eg/News_Details.aspx?new_id=5f01a70d-57bd-406f-9184-9cae5fe8c64a

08/02/2023

🔴 ايه اللى يخليك تحب علوم وتكمل فيها ؟؟ 🤔🌚
هنوضح اجابة السؤال لكل طالب سواء جديد (سنه اولى) او طالب قديم فى الكليه ، وهنناقش السؤال ببساطة باسلوب علمى عملى وهنوضحلكوا اهميه كليه العلوم وانها مش زى ما المجتمع مصورها ليه .

طاب هنبدأ كلامنا بطريقه شغل البياعيين ولو مش عاجبك يبقى ال Sales وهو كالآتى :
ال needs وال Benefits

👈س / يا عم الطالب أنت محتاج كليه عامله إزاى ؟
👈ج / والله عايز حاجه بدخلى فلوس كتيييييير وأجيب عربيه واعدى بقى 🌜
👈الحل / بس كدا طلبك عندى
1) هو فيه خريج بدايه مرتبه من 3500 جنيه وطالع دا ان مكنش فى بعض الشركات 4000 جنيه وعربيه وبدل وأخر شياكه ومعاك وقت كتير تتعلم فيه حاجات تانيه بتحبها وده بيسمى (ميدكال ريب) "وشغله على قفا مين يشيل زى ما بيقولوا".

👈ج / طالب تانى محتاج مكانه علميه محترمه 💚
👈الحل / بس كدا طلبك عندى
1) تشتغل فى البحث العلمى فى مستشفى 57357 والمصل واللقاح والمركز القومى للبحوث ، ومركز بحوث البترول ، هيئه الرقابه الدوائيه....الخ بس خليك برنس فى نفسك وقوى نفسك كمعلومات فى تخصصك مش التقدير بس !
2) الناس الدحيحه اللى بتتعين فى الكليه ، طاب اللى محلفهوش الحظ ومافيش تعين أنت متعرفش إن سيادتك مطلوب فى جامعات خاصه ، اه والله ، بس ليهم شروط معينه أعرفها من دلوقتى (هنتكلم عنها فى موضوع قادم).
3) ركز فى دى أبوس إيدك ، أنت متعرفش إن كل الوزارات بتطلب خريج علوم ! وده اتكلمنا عنه في اول فيديو من سلسلة فيديوهاتنا عن الوظائف المتاحة لخريجي كلية علوم ، بس طبعا اﻻلتحاق بيها له شروط معينه ونتفق إن فيه نوع من الكوسه بس اتحرك أنت بس.
4) التمهيدى والماستر والدكتوراه والسفر بره يا دكتور يا عالم !

👈ج / طالب تالت نفسى أبقى دكتور وأفيد المرضى 🧑‍🔬🔬
👈الحل / بس كدا طلبك عندى
1) هو فيه حد وهو لسه طالب فى كليه ممكن يشتغل فى معمل وياخدله 1000 جنيه بجانب دراسته ولو شد حيله شويه وبدأ بدرى ممكن يفتح معمل وهو لسه طالب!
طاب إزاى ى عم ؟!
أقولك .. أبدأ من سنه اولى او تانيه ركز جدا فى التحاليل لمده سنه ل سنتين الخبره عندك هتزيد جدا لو وصلة للمرحله دى قدامك طريقتين اﻻولى هتأجر تصريح من 400 ل 500 جنيه أو تدخل شريك فى معمل (هو أنت مش خبره سنه او سنتين ومعاك رأس مال !) التانيه تدخل قسم من أقسام الكيمياء واول ما تتخرج تاخد دبلومة لمدة سنة وتفتح معمل بأسمك ...مستنى إى ؟!! وممكن تفتح سلسله معامل وتطورها وتبقى براند محترم وبتدخل فلوس كتيييير جدااا.

👈ج / طالب رابع محتاج ابقى رائد أعمال 💣💼
👈الحل / بس كدا طلبك عندى
1) شغل البيوتكنولوجى بقى والمشاريع الخاصه Composting , Biogas , Recycling ... الخ
2) هو فيه خريج أول ما بيتخرج بيشتغل بتخصصه على طول ك كميائى أو بيولوجيست فى شركات اﻻدويه ومصانع اﻻغذيه ومرتبها من 3000 جنيه وطالع.
3) ودى بعض من مسميات الوظايف اللى بتشغلها ال QC وال RO وال QA وال Production Specialist و ك Chemist .
4) أنت متعرفش إن مافيش شركه فى مصر اللى وﻻزم تلاقى فيها خريجى علوم (عشان نظام الجوده) واتكلمت فى النقطه دى مره فى موضوع إزاي ادخل مجال السلامة والصحة المھنیة؟ وكمان موضوع ادارة الجوده الشامله فى المعامل الطبيه وكمان موضوع سلسله حلقات مصنع مصر.
5) هو أنت متعرفش أنك لو حابب شغل المصانع ممكن تأسس مصنع ﻻنتاج منتج معين (خبره + رأس مال) ، انا عارف إن الكلام سهل بس والله ممكن تعمل كدا فعلا.

ج / طالب خامس محتاج ابقى مدرس وأدى كورسات

#ختاما
حابب أختم بالجمله اللى كلنا بنرددها دايما وهيا يا عم بتاع طب بيتقله يا دكتور وبتاع هندسه بيتقله يا باشمهندس وبتاع علوم بيتقله إيه ايه ؟!
سيبك من المسميات أبوس إيدك ، المهم أنت بتعمل إى ؟ وهتعمل إى ؟
نصيحه و هنقولها علنا ، أفضل أقسام علوم فى السوق هيا :
1) أى دبل كورس ودا بتدخله من بيولوجى
2) بيوكميسترى وكيمياء (دبل كورس)
3) ميكروبيولوجى سبيشيال
4) ميكروبيولوجى كيمياء (دبل كورس)
5) بيوكميسترى اسبشيل

والله العظيم شغل علوم كتير جدا ومجالها فظيع بس احتكوا بالناس النضيفه اللى فاهمه الكليه.

06/02/2023

ازاي تذاكر في علوم ؟
طالب كان بيسألني ازاى اقدر اذاكر في علوم و اجيب امتياز ؟!
في الحقيقة هو أن مش كل الناس هينفع معاهم الطريقة دي لأن مش كلنا درجة تفكيرنا واحده او استيعبنا واحد
لكن دي طريقتي في المذاكرة :
- عشان تقول انك ذاكرت لازم تطبق على الي ذاكرته عشان المعلومات تثبت و عشان تشوف هل فعلا ذاكرت ولا لا
- ابعد الموبايل عنك ، دا من أهم أسباب ضياع التركيز
- الاكل ، متكلش في نص المذاكرة استني لما تخلص و بعدين كل لأن الجسم بعد الاكل بيكسل يكمل حاجة بدأها
- حفظ على نوم عميق , عشان تعمل دا لازم تبعد الموبايل عنك قبل النوم بعشر دقائق كا حد ادني.
سهل انك تذاكر بس صعب تبقي محافظ على تركيزك لفترة اكبر ،