20/07/2025
خاص بالمدارس الرسمي لغات
ردا على استفسارات اولياء الامور بشأن نتيجة تنسيق المدارس الرسمية للغات
ان شاءالله نتابع نهاية الشهر على صفحتنا توجيه رياض اطفال السويس ( زاد الحياة )وعلى نفس رابط التقديم بالرقم القومى للطفل
https://kg.edusuez.com/platformlogin.aspx
ومش هايفتح غير لما نقول النتيجة ظهرت
سؤال التجريبى هايقبل من سن كام ؟؟؟؟؟
قولنا من عمر ٤سنوات إلى٦ إلا يوم نزولا من السن الاكبر للاصغر وحسب الكثافات المتاحة بكل روضة
يعنى السن هايقف على كام ؟؟؟؟؟
طبعا غير معلوم حاليا نتابع جميع المراحل حتى نهاية التنسيق
فى ناس قدمت عربى وتجريبى وازهر فى نفس الوقت واللى ظهر الاول نتيجة العربى
عايز تسدد المصروفات للعربى سدد لحين ظهور نتيجة اللغات ايصال البريد سارى سواء عربى او لغات
المشكلة فى استرداد جزء المصروفات الخاص بالمدرسة ٢٧٠ جنيه لانه يتم توريدها ممكن تاخد وقت فى الاسترداد وتسحب الملف نهائ عشان تعرف تقدم تجريبى ويسجل على الموقع وهى دى تعقيدات انك تقدم فى نوعين مدارس
اما الازهر فلازم تمضى إقرار ان الطفل غير مقيد على اى نوعية اخرى من التعليم يعنى لازم تسحب الملف قبل ما تقدم ازهر
وفى النهاية ياريت تقرر حضرتك عايز تقدم فى اى نوعية من التعليم بدل اللف
اخر حاجة التحويلات
التقديم للتحويلات مستمر حتى ٨/١٥ وبعدها تدخل تستعلم تم قبول التحويل او لأ وتطبع استمارة التحويل وتكمل الإجراءات بين المدارس
والتوجيه غير مسؤل عن التحويلات ولكن اختصاص إدارة التجريبيات مع الادارة التعليمية عشان كده مش برد على اسئلة التحويلات
دمتم سالمين وصبحكم الله بكل خير
03/07/2025
25/06/2025
27/05/2025