Anwar Resala Suez Branch أنوار رسالة السويس

27/02/2021

كل ما بتذاكر حاجة تحس انك ناسيها ؟
تفتكر ده بسبب ايه !🤔

ودي حالة (النسيان الوهمي) بتيجي لمعظم الطلاب حتى لو كانوا متفوقين وتسمى ( فقد الذاكرة الوقتي).

- بس أطمن لأن الحالة دي بتخلص بعد ثواني من قراءة اسئلة الأمتحان، بس في نسيان غير طبيعي وهو يأتي للطالب اللي مذاكرش المادة من الأساس ...

📌فعلشان تقلل من توترك :
-جهز ملابسك في الليل، علشان تقدر تراجع الماده قبل الإمتحان.
-أتاكد ان كل ادواتك موجوده.

▪️دايما التوتر والقلق مش بس هيفقدك المواد اللي ذكرتها، ممكن يخليك تفقد حاجات تانيه كتير حاول دايما تكون هادي وتقلل من التوتر عندك😊
نجاحك مش محتاج معجزه
اجتهد وخليك واثق ان تعبك هيوصلك لهدفك


💡

22/02/2021

طريقةpomodoro technique
في طلاب تعرفها وفي طلاب لاء
تعالي نفتكرها مع بعض
هي أن تذاكر لمدة 25 دقيقة و ترتاح 5 دقائق تكرر ده ل اربع مرات بعد كده تأخذ راحه لمدة 30 دقيقة، بعدها كمل بنفس الطريقة

📌نصيحة / لازم تحدد ليك هدف تخلصه في 25 دقيقة ولو ملحقتش بعد الراحة كمل في نفس الهدف

📌إفادة / تحديد قدرتي، تنظيم الوقت، إنجاز قدر كبير من المذاكرة

لو جربتها قولنا النتيجة كانت أي
ولو لسه جربها 😃

❤️
💡

17/02/2021

حاسس ان الدنيا عايمة تايه وسط حاجات كتير و مش عارف تبدأ منين ؟
يمكن عشان مش مرتب مهامك 😐

- خد بالك الجدول هو في الأساس مفيش منه مقاس واحد، زي الهدوم كده بالظبط في منها L ,M ,XL، ف عادي جدا جدولك يختلف عن غيرك.

📌تعالى نشوف الخطوات الأساسية اللي لازم تخدها علشان تعمل جدول مذاكرة مظبوط👌

1-اعرف إن عمل الجدول هياخد وقت ،مش بيتعمل في 10 دقائق، ممكن ياخد مثلا منك ساعة أو اكتر.
2- وبعد كده اكتب اللي المفروض تعمله سواء ليه علاقة بالدراسة أو ملوش.
3-وإنك تسطر الجدول مهم، ممكن تستخدم ال Excel sheets ,أو Google spread sheets, أو ممكن تستخدم لوحة وتخططها.
4-ابدأ اعمل مربعات لو انت استعملت لوحة، أو لو حتى اكسل، وبعد كده املي المربعات دي باللي انت المفروض تعمله 😇
5-كده بقى أبدأ حط المواعيد المفروضة عليك مثل معاد درس أو المدرسة مثلا.
6 وبعديها حط مواعيد المواد اللي هتتذاكر.
7- مهم جدا التعديلات مش معنى إنك عملت جدول مش هيتعدل تاني لأ طبعا ممكن يتعدل كل يوم 🤝
▪️وجود جدول أفضل كتير من عدمه .
ودايما حاول إنك تلتزم بيه ولو فشلت حاول ومتستسلمش💪


💡

14/02/2021

لا مجال للإستسلام… ✋

فوق وصحصح عشان هنا مفيش حاجة اسمها يأس مفيش حاجة اسمها فشل وعلي فكرة بقا أنت اللي اخترعت الإسم ده من دماغك عشان مفيش حاجة اسمها فشلللللل يا فاشل

طبعا كلنا عارفين آينشتاين، والصراحة انا بحب الشخصية دي لانه لقب لصديق لي 😍 المهم زي ما احنا عارفين أن آينشتاين مكنش بيعرف ينطق من صغره، وده سبب إن مدرسينه وزملاؤه لقبوه بلقب "عائق ذهنيا" و "بطيء" وبيعاني من التوحد وغيره كتير لحد ما وصلوه إنه يكره نفسه..

لكن هو مستسلمش وكان واثق بنفسه، مهتمش بكلامهم لفشله ورسوبه في الامتحانات علي مدار السنين..
آينشتاين كان عنده مفهوم خاص وتفكير مختلف عن الحياة.. وده اللي خلاه بالفعل يثبت للجميع أنه فائق الذكاء ووصل إن لا يضاهيه أحد من العلماء في ذكاءه وسعة علمه، وأصبح أشهر عالم فيزياء في العالم في تأليفه لنظرية النسبيه وغيرها كتير…

طبعاً احنا مش بنطلب منك تبقى عالم بكرا الصبح وتحط نظرية، بس طالبين منك متقفش مكانك ومتهتمش لكلام الناس واهتم لحياتك وطموحاتك
متستسلمش..
اتحرك متخليش كلمة توقفك 💪

💡

13/02/2021

أنت وعالمك الداخلي 🤍
كل واحد فينا عايش في عالمين متوازيين عالم داخلي وعالم خارجي
العالم الخارجي اللي أنت واعي بيه.. بتحس وبتشوف وبتسمع ناس واحداث وأزمنة وأماكن
👈تصور انك جواك نسخة من كل حد أنت على علاقة بيه في حياتك.. نسخة لها صوت وصورة وبينك وبينها مشاعر كره او حب
نسخة بتتكلم معاها وبترد عليك وتتخانق وتتصالح وتتفاعل تفاعلات إنسانية كاملة.. سواء في وعيك الظاهر او مستوى الوعي الباطن اللي انت مش حاسس بيه ولا تعرف عنه حاجة
🔹النسخ دي بقي المفروض انك تعمل ليها اب ديت كل شوية
يعني الشخص اللي قدامك يتغير للأحسن او للأسوأ تضاهي ده بالنسخة القديمة وتحدثها
علشان متظلمش حد وكمان علشان تجدد دماء عالمك الداخلي كل فترة 😌
محدش فينا عالمه الداخلي سليم مية في المية
👈طب نحل ازاي؟ نصلح الأجزاء المعطوبة ازاي؟
هو مش اللي عمل ده كله علاقة مع ناس وصلنا منهم رسائل سلبية
اذن مش هيصلح ده غير علاقات أخرى يوصلنا منها رسائل طيبة من قبول وحب واحترام
علاقة حقيقة واحدة بس غير مشروطة من صاحبك.. استاذك.. مع حبيب أو حبيبة.. تكون مليانة صدق وإخلاص ومودة
ممكن تروح تدور على العلاقة دي دلوقتي؟ ممكن تكتشفها او تعيد اكتشافها في حياتك؟
"والقيت عليك محبة مني.. ولتصنع على عيني" سورة طه
من كتاب الخروج عن النص لدكتور محمد طه


♥️

13/02/2021

"الكسل خميرة الكسل "
وقت المذاكرة بيضيع وكمان عندك إدمان للموبيل والفيس بوك وغيرها من وسائل السوشال ميديا 🙄

تعالى الحل سهل وبسيط 💫
- المخ البشري دايما بيحاول يريح الإنسان ويخليه يدمن حاجة عبيطة، ميكونش فيها أي مجهود

📌تعالى مع بعض نشوف الحل:
1- لازم تعترف بالحاجة الخطأ اللي انت عايز تبطلها.
2- حدد وقت معين تستخدم فيها الموبيل مثلا قول لنفسك همسك الموبيل من ٧: ٨ .
3- الحل الأخير لو رجعت تاني اعمل إيه:
بص انت لو عملت مواعيد محددة للحاجة اللي عايز تبطلها، اكيد مخك مش هيسيبك هيخليك تهرب من الحاجة.
📌خد بالك كل ما ترجع تعمل حاجه غلط إدي نفسك حقنة تركيز💉

◼️ومن حقن التركيز اللي ممكن تساعدك:
-لو عملت حاجة غلط اعمل بعدها حاجة صح .
-قول مثلا كل ما هتفرج على فيديوهات يوتيوب هطلع جنيه صدقة.
-أو كل ما تاكل اكل مش صحي هتنزل السلم ١١ دور .
◼️الفكرة حقنة التركيز مش عقاب، لأ دي بتخلي عندك وعي وانت بتاخد القرار، غير أنها لازم تكون حاجة قابلة للعمل بسهولة

▪️حاول دايما تستثمر وقتك ومضيعهوش🤝🤍


💡

12/02/2021

10/02/2021

وهو الإنسان مننا أي غير شوية مشاعر فوق بعض
طب هو الشعور بالفشل ده طبيعي ولا إحنا غير البشر 🙂

كتاب (فن اللامبالاة) بيرد علينا 👀
بوكوفسكي ده بطل القصة فهو شخص صاحب أفعال سيئة من خمور وقمار وبخل..... وغيرها من الصفات لكنه كان يحب كتابة الشعر وعندما كان يعرض شعره على إحدي دور النشر أو كاتب يرفضون مع قول أنك فاشل، تكرر هذا الأمر لمدة ثلاثون عام، حتى عرض احد دور النشر الصغيرة فرصة النشر لديها فوافق ( ملخص)

قصة نجاح بوكوفسكي : كانت في احساسه بالراحة تجاه نفسه واتجاه فشله، فهو لم يكن مباليا بالنجاح.

يعني كل واحد فينا مميز و ناجح في حاجه حتى لو فاشل في حاجات كتير حتى لو الناس شايفة أنك فاشل

حب نفسك... حب فشلك... حول منه لنجاح باهر ❤💪🏻

❤️
💡

09/02/2021

لا تيأس من روح الله…
عبارة تريح القلب ومابه من أشياء كثيرة… و يقشعر البدن عند ذكرها 😢 ولما يجيلنا لحظة ضعف بنلجا لله
تعالو بينا نتعرف علي ستيف جوبز صاحب شركة أبل..
ستيف منذ طفولته وهو بيعاني من كبت ومآسي منهم تخلي أبويه عنه وعاش مع عائلة بالتبني واجتهدكثيرا حتى أسس شركة "أبل" وعندما نجحت الشركة واصبحت أكبر الشركات في العالم تم طرده
بالرغم من أنه كان صاحب الفضل في تأسيسها ونجاحها..
بعد مرور السنين… عاد مرة أخرى وأنقذها وأصبحت رقم واحد في العالم فى مجال التكنولوجيا والمعلومات 🤠.
استبشر بعطاء الله 🌸

💡

09/02/2021

شغف.....شغف
معظمنا بيفقد الشغف بأي حاجه مش عايزين نعمل حاجه
وممكن توصل لدرجة الأكتئاب لأنك مش عارف أي السبب 💔

تعالي نعرف شوية من الاسباب دي
1/ عدم التواصل مع أحلامك، أو عدم تحديد الخطوات
2/ فقدان الأستقلال في الأختيار ( مجبر)
3/ عدم الألتزام أو التحرك
4/ عدم مكافأة النفس على الأنجازات
5/ عدم القدرة على الاختيار و التحديد (عشوائي)
6/ عدم التنافس
7/التأثر بالظروف الخارجية

طب اتغلب على معظم كل ده إزاي؟!!
ببساطه لازم نثق في نفسنا وف انجازاتنا أكتر

❤️
💡

08/02/2021

دلوقتي الأمتحانات متلغتش فلازم تعرف ازاي تراجع المواد وامتى🤔

1- متحاولش تراجع كل الدروس مرة واحدة، لأ قسمها.
2-خد بالك الأول من العناوين الكبيرة( الرئيسية)، وبعد كده الفرعية، وحاول تفتكر النقط المهمة .
3- عارف الأمتحانات اللي فاتت حاول تجاوب عليها.
4- حاليا في أسئلة الMCQ ف أقرأ الكتاب بشكل عام ع الأقل علشان تكون ملم بكل جزء في المادة بتاعتك .
5- ممكن كمان المراجعة تكون في صورة جماعية من خلال إنك تسأل زملائك بعض الأسئلة، فده هيزود حماسك🤩
📌 المراجعة قبل الأمتحانات مهمة جدا وضرورية لأنها مفتاح التفوق🗝️
كن مطمأن وواثق من النجاح بعون الله🤍

💡