29/08/2024
الفيلم الهندي Dear Zindagi
بيدور حول موضوع بقيف لكتير مننا ف حياتنا اليوميه ..
البطله بتزور طبيب نفسي (شاروخان) عشان محتاره تتخذ قرار صعب بخصوص شغل يعتبر فرصة العمر معروض عليها مع ناس اذوها نفسيا كتييير و هي خايفه من الضغط الحتكون فيه معاهم ..
الناس الحولها قالوا ليها طبعا توافقي دي فرصه ما بتتعوض و خليك عمليه و و و
الطبيب حكي ليها قصة رحاله هندي كان نفسه يطلع قمة ايفرست و سافر مع مجموعه صينيين و هو ما بيعرف صيني .. كان متحمس و سبقهم و هم بينادوا و يصرخوا فيه بالصيني و هو افتكر انهم بيشجعوه لما واجه نمر جبلي استغاث بيهم افتكروهو بيحييهم لكن النمر اكله😥
احيانا نحن بنختار الحاجه الصعبه من بين الخيارات المتاحه عشان نثبت اننا اقوياء رغم اننا م بنكون مستعدين و لا عندنا الادوات اللازمه ليه .. الحل اننا دائما نختار اليسُر قياساً بالادوات و الامكانيات العندنا مع مراعاة تطوير مهاراتنا دائما ..
البطله ف النهايه رفضت فرصة الشغل و فضلت راحتها النفسيه و ما اهتمت للقالوا عنها جبانه و ما بتقدر تواجه .. 🥰
