أبشر

قناعة شخصية على اساس دينى و علمى
فيما يخص الموضوع المثار هذه الفتره نظام الطيبات اللى اثاره د. ضياء ومن قبله اتكلم عليه د. مصطفى محمود وغيرهم من العلماء الأفاضل.
انا ليه سياسه تعامل ورأى يخصني لا افرضه على احد ولا اتعامل معه كأمر منزل يعنى قد أحسنه او اعدله بما يناسبنى.
اولا خلق الله الإنسان فى احسن تقويم وجعله فى جسمه خاصيه الاستشفاء الذاتي ده شىء اكيد ولا جدال فيه.
فسيولوجى الجسم يختلف من شخص لآخر باختلاف بيئته والمؤثرات اللى حواليه لا خلاف فى ذلك.
هل الإنسان يمكن أن يستغنى كليا ً عن الادويه
قولاً واحدا لا (دى تهلكه)
نخش فى رأى الشخصى او روجتتى اللى تناسبنى ودى تخضع بشكل تدريجي لبعض السياسات اذكر منها
اولا. سياسه المنع.
ودى المقصود منها منع تام وكامل لكل ماحرمه الله فى كتابه او حرمه نبينا فى سنته . ولا استثناء فى هذا المنع الا ما اضطررتم.

ثانياً. سياسه الاعتدال.
ودى تخضع لقول سيدنا ما ملأ بن ادم وعاء شر من بطنه وسيدنا وصف كيفيه التعامل ثلث للطعام وثلث للشراب وثلث للنفس والبند ده لكل الاطعمه الغير محرمه بجميع أشكالها يعنى متبقاش طفس فى اكلك.

ثالثاً. سياسه التقليل
ودى تشمل ما يضرنى من طعام او ما وصف فى القرأن والسنه بأنه الادنى
بمعنى اكل بيسبب لى حساسيه او اى عرض بس مش قادر استغنى
قلل كميته وتناول على فترات متباعده
البقوليات أدنى الطعام بس بحبه
قلل وتناول على فترات متباعده

رابعاً سياسية الاستغناء
ودى تخص الأكلات المهرمنه والمسرطنه والمنفوخه بالمبيدات واللى ماحدش يقدر ينكرها زى الفراخ البيضاء فى حالتنا
دى بقى تخضع للايه الكريمه
ان الإنسان على نفسه بصيرا ولو القى معاذيره
يعنى استغنى عنها بمزاجك واشتغل على البديل
ولو شهوتك رغبت مفيش مشكله تناولها مره او اتنين فى السنه اذا عامل الاراده غلبك

اخيرا حابب اركز على كام نقطه.
اختار لنفسك طريقه تقدر عليها وعلى استمرارها بلاش الأفكار العنتريه اللى مش هتقدر تكملها وهاترجع اسوء.
حد كان مريض ومشى على نظام معين وجايه معاه نتيجه إيجابية استمر طبعاً متخليش حاجه توقفك.
سيدنا النبى ماكنش بياكل بصل وثوم لطبيعه حياته ومهامه لان سيدنا علمه شديد القوى وبعلمه ده قدر يفهم ان مش بيتعامل بس مع بشر دا كمان بيتعامل مع ملائكه ودول مخلوقين من نور مش زينا خالص مالص.
وكان سيدنا يناجى ربه بدون حجاب
فليس كل ما لسيدنا يبقى يطبق علينا احنا بنتعامل مع بشر ومعذره يعنى فى ناس بتنفخ السجاير فى وشنا فأنا عن نفسى ايه يمنعنى من أكل بصل من حين لاخر فى غير اوقات الصلاه واستخدم الفرشاه والمعجون ولبانه كلورتس ونهتم بنظافتنا الشخصيه.
ولازم عموما نراعي عدم إيذاء غيرنا برائحه او معامله دى تعاليم دين اساساً .
نقطه ثانيه
ربنا سبحانه خلق فى جسمك جيش دفاع قوى جدا بيدافع عنك ويحميك من الاطعمه اللى فيها نسبه ضرر فليه احرم نفسى احنا بنعيش مره واحده
كلوا واشربوا ولا تسرفوا
مين طلب منك تمنع كل ما احل الله علشان تريح معدتك المحاطه بجيوش حمايه ربانيه
لو أعظم جيوش العالم ارتاحت وماعملتش مناورات ومجهود وتعرضت لصدمات من حين لآخر ستنهار فجأه مع اول مواجهه.
الامتناع عن العلاج مش حكمه
الحكمه هى الامتناع على المؤذيات
وتقليل ما هو أدنى فى النفع.

ديننا قرأن وسنه واتباع ما اومرنا به والانتهاء عما نهينا عنه هو راس الحكمه فى كل الأمور.
وما بين الممنوع والمباح اعتدال
ا.د. سعد زغلول

أبشر
انت مميز

أبشر انت من الأوائل
نشط الذاكره
الصف الاول الاعدادي

إن شاء الله
ًقريبا جدا
صفحتى ستكون منصة تعليمية
ما قل ودل فى مجال العلوم والكيمياء
ابشر
انت من الأوائل دائما بفضل الله