26/08/2026
أكتر حاجة بتأكدلي إني اخترت شغلي الصح… هي المواقف دي ❤️
الحضانة بالنسبالي عمرها ما كانت مجرد مكان الطفل بييجي يتعلم ويلعب فيه…
الحضانة بالنسبة لي علاقة، أمان، وثقة ❤️
الحمد لله إني بحب شغلي، والحمد لله إني وصلت لمرحلة إن الطفل يقدر ييجي يحكيلي كل اللي جواه…
يحكيلي إيه اللي زعله، مين ضايقه، إيه اللي حصل في البيت، وإيه اللي مخوفه أو مضايقه.
في أطفال لما أغيب يوم عن الحضانة يسألوا عليا، وبعضهم يعيط لحد ما يشوفني وييجي يحكيلي:
"إنتِ ما جيتيش ليه؟ أنا قعدت أعيط عشانك." 🥹❤️
وأمهات كتير بتحكيلي إن الطفل في البيت بيسأل عليا وبيفتكرني ويتكلم عني…
وساعتها بحس إن كل التعب، وكل المجهود، وكل لحظة ضغط كانت تستاهل.
يمكن أنا عملت الحضانة دي عشان كان نفسي أعمل مكان مختلف للأطفال…
لكن الحقيقة إن الأطفال هما اللي عملوا جوايا حاجة أكبر بكتير. ❤️
ارتباطي بيهم بقى زي ارتباطهم بيا…
وعشان كده ساعات بزعل لما طفل يكبر، أو ينتقل، أو يبعد، أو حتى يعدي يوم ومشوفوش فيه.
لأن كل طفل بيدخل إديوكاسا بيسيب جواه حكاية وحتة من قلبه. 🥹❤️
وأنا عارفة إن في نقطة مهمة نفسي أصلحها…
إني أفضل قريبة منهم أكتر، حتى مع انتقالهم للفصول والمراحل المختلفة، لأن ارتباط الطفل بيا مش مجرد فترة وبتنتهي.
مبسوطة أوي إني عملت الحضانة اللي كنت بحلم بيها…
ومبسوطة أكتر إن ربنا رزقني بأطفال يحبوني بالحب ده. ❤️
ربنا يحفظ كل أطفال إديوكاسا، ويحميهم من كل سوء، وما يشوفوا في حياتهم غير الفرح والأمان والحب. 🤲🏻❤️
إديوكاسا مش بس حضانة… إديوكاسا حكايات وقلوب وذكريات بتعيش معانا. 🥹❤️
