14/07/2024
📌نصائح مهمة ل ٣ث دفعة 2025
خلاص يا صديقي الأجازة بتخلص وهنبدأ مع بعض سنة جديدة من أهم سنوات حياتك، يلا بقي نستعدلها كويس💙
1️⃣ في الأول حط نية انك بتذاكر لأنه ده عمل والعمل عبادة وذاكر بنية رفع الجهل عن الأمة.
2️⃣ خلي هدفك واضح قدام عينك من بداية السنة وكل ما تحس بإحباط افتكر هدفك.
3️⃣ جهز مكان مناسب هتذاكر فيه (مكتب حلو كده ومنظم وقدامة استيك نوت فيها جمل تحفيزية وهدفك الجميل زيك)
4️⃣ قلل سوشيال ميديا على قد ما تقدر (مش بقولك امنعها لكن نظم وقتك وخلى وقت محدد السوشيال ميديا أكتر حاجة ساعة ونص في اليوم)
5️⃣ نظم وقتك حسب راحتك انت متمشيش ورا حد بمعني لو انت بتحب تذاكر الصبح بدري مستمعش كلام اللى يقولك لازم تسهر وتذاكر بالليل او العكس.
6️⃣ ابعد كل البعد عن الناس اللى بتشتكي كتير وبتصيح طول السنة هيهلكوا طاقتك علي الفاضي.
7️⃣ خدها سنة عادية زي أي سنه بلاش ترهق نفسك في التفكير وتهلك صحتك.
8️⃣ اسعي دايما وأعمل اللى عليك وافتكر اننا علينا السعى والنتيجة على ربنا.
دي كانت بعض النصائح المهمة اللى مينفعش تدخل ٣ث من غيرها، وهنزلكم ان شاء الله أكتر من طريقة تساعدكم على المذاكرة ولو حد محتاج يسأل عن أي حاجة يسأل في الكومنتات وهرد عليه💙
13/07/2024