31/03/2020
اهلا بيكم مرة رابعة فى 👀
هنستكمل الى بداناه بنعتذر عن توقفنا لفترة😅
اخر مرة كنا طبقنا قاعدة ازاى نعرف طبيعة اى بند محاسبى اذا كان مدين Dr او دائن Cr
النهاردة هنتكلم عن الدورة المحاسبية😎 accounting :
cycle:
1_اول حاجة بحدد العمليات المالية transaction القابلة للقياس والتسجيل واستبعد العمليات الخاصة بالمالك
بعدين ببدأ اشوف المستندات
بمعنى مينفعش محاسب يسجل قيد من غير مستند طبقا لمبدا الموضوعية principal of objectivity
الى بيقول ان اى رقم عندى فى الدفاتر لازم يكون موثق بمستند
2_القيد المحاسبى أو عملية التسجيل recording or journal entries
وهى تسجيل العمليات الخاصة بالمستند فى الدفاتر بنظرية القيد المزدوج والى بيكون فيها المدين بيساوى الدائن دائما
(هنتعرف عليها المرة الجاية🙋)
3_الترحيل الى دفتر الاستاذposting to general ledger
فكرة دفتر الاستاذ أنه بيجمع كل العمليات الخاصة بحساب واحد على شكل مدين Dr ودائن Cr
4_ميزان المراجعة trial balance
عبارة عن ملخص الحسابات وشغل المنشأة الموجود فى دفتر الاستاذ ، ودا بيتم اعداده بعد الانتهاء من الفترة المحاسبية ودى بتبقى على حسب كل منشأة فقد تكون شهرية او ربع سنوية او سنوية
5_تسجيل قيود التسوية worksheet
بعد ما بنعمل ميزان المراجعة وارد نكتشف أخطاء نتيجة المراجعة😱 ، ممكن نلاقى حسابات محتاجة تتعدل ارصدتها ، او حسابات مترحلتش او حسابات متسجلتش اساسا وكتير من انواع الاخطاء😰
6_ميزان المراجعة المعدل adjusting trial balance
بعد تصحيح الأخطاء فى التسويات الجردية هيظهر ميزان مراجعة معدل بيحتوى على كافة الارصدة
7_اعداد القوائم المالية financial statement
قائمة المركز المالى، وقائمة الدخل يتم اعدادهم بعد ميزان المراجعة المعدل الذى يحتوى على الحسابات الختامية😇
8_اقفال الحسابات closing😯
يتم اقفال حسابات الايرادات والمصروفات فى حساب الارباح والخسائر
وبكدا نكون خلصنا، مطلوب سيرش بسيط عن انواع الاصول والخصوم وحقوق الملكية لان دا هيفيدنا فى تسجيل القيود🚶
متنساش الشير و see first عشان تتابع البوستز اول ما بتنزل 🔜
العنوان: حوض عشرة امام قاعة ريفان_ اعلى محل الجمال للزجاج
