18/06/2026
لما يجيلي طفل زيرو من أي مكان
مش متقن حتى حروف اللغة العربية!؟
في حين أنا كمعلمة مخرجة من عندي kg2بمستوى متميز
والمفروض إن المنهج قراءة وكتابة وإملاء وقواعد !!!
…………………………………………….
هعمل أي #كمعلمة عاوزة انقذ الطفل 🥇
المطلوب منى فقط 🤐🤐🤐في الوقت دا هو 🤷
أشتغل على مهارات الطفل ومهارات اللغة 📣
أسسس الطفل بإتقان 🎓
أنمي مهارات اللغة في وقت واحد استماع📚 تحدث 📚قراءة 📚كتابة 🫡
كمان في اللغة العربية
عندي مهام مهمة جدًا
لازم الطفل يتعلم ينقل من السبورة
لازم أنمي مهارة الإملاء
أعلمه الفرق بين الحركات
يكتب على السطر
أعلمه أزاي يقعد في فصل ووقت الحصة بيتم تنظيمه إزاي
وبكده خلال فترة الصيف هكون تميزت بالطفل
والطفل يدخل المدرسة متأسس ومبسوط
وكسبت دعوة حلوة من الأم
اللي وقتها هتكون عارفة كم المجهود اللي اتبذل مع طفلها في وقت قصير جدًا
#ملحوظة
مقدرش أمشي بالخطة دي مع طفل ٤و٥سنوات غير نادرًا
ليه
لأن الخطة دي تتطلب طفل مهاراته العقلية اللي بتخليه يفكر ويحل المشاكل ويقدر ينفذ شغالة كويس
الانتباه والتركيز والذاكرة
كل دا بيشتغل بنسب معقولة ومفيش فيها مشاكل
يكون في مهارات ماقبل القراءة والكتابة
يكون مؤهل لمهارات التعلم كلها
#ملحوظة
في فروق فردية بين الطلاب بتخلي إستيعابهم لكل اللي فات مختلف ومش زي بعض
لكن لو طريقة التعلم صحيحة والمعلمة متقنة لشغلها
يبقى الطفل مش هيقع والغالب يبقى مستواه جيد
ومع الوقت وتداول الأفكار والمناهج والأستراتيحيات بيكون الطفل متميز
